ەرىكتى ءتىلشى ياڭ گۇيجۇن
3 - ايدىڭ 5 - كۇنى اۋات اۋدانى عورۇچول قالاشىعى كەلپىن قىستاعىنىڭ تۇرعىنى ءيمىر ناسىر قاريانىڭ وتباسىنا ءبىرقانشا تۋىسى كەلدى، ولار اۆتونوميالى رايوندىق حالىق ىستەرى مەڭگەرمەسىنەن كەلگەن تۋىس كادرلارى جاڭ يان، باھرنيسا احىمەت، ساي رۇڭ قاتارلىلار ەدى. قاريانىڭ وتباسى تۋىستارىن قىزۋ مەرەيمەن قارسى الدى، قوناقتار امان - سالەمنەن سوڭ سۇپى ۇستىندەگى داستارقان باسىنا جايعاسىپ وتىرعاننان كەيىن، شاي ءىشىپ، كەپتىرىلگەن جەمىس - جيدەكتەن اۋىز تيە وتىرىپ، ءبىر - ءبىرىنىڭ اماندىعىن سۇراسىپ، كوڭىل كۇيلەرىن اقتارىسىپ، اڭگىمە دۇكەنىن قۇردى.
اڭگىمە بارىسىندا، ءيمىر قاريا تۋىستارىنا ءوزىنىڭ باستان كەشكەن ءبىر ەستەن كەتپەس كەشىرمەسىن اڭگىمەلەي جونەلدى.
− 1969 - جىلى مەن كەلپىن قىستاعى 3 - گرۋپپاسىنىڭ باستىعى ەدىم. سول جىلى 3 - ايدا ءبىزدىڭ قىستاق گرۋپپامىزعا اۋىلعا قايتالاي تاربيە الۋعا تۇسكەن 12 زيالى جاستى ءبولدى، سولاردىڭ اراسىنداعى سۇي حۋاجۇڭ ەسىمدى جىگىتتى مەنىڭ ۇيىمدە تۇرۋعا ءبولدى. ول ەڭبەكشىل، جاپاعا ءتوزىمدى، ۇيرەنۋگە قۇشتار ەدى دە، كوپ ۇزاماي ۇيعۇر ءتىلىن تەز ۇيرەنىپ الىپ، وتباسىمىزدىڭ ءبىر مۇشەسى بولىپ شىعا كەلدى. ول ىرىقتىلىقپەن قىستاق تۇرعىندارىنىڭ وتىن - سۋىن اكەلىسىپ بەرەتىن، ءوزىنىڭ كيىمدەرىن كەدەي وتباسىلارىنىڭ بالاسىنا كيۋگە بەرەتىن. 1971 - جىلى 5 - ايدا، ول اقسۋ ايماقتىق حالىق شيپاحاناسىنا قىزمەتكە ءبولىندى. ول كەتەتىن كەزدە، ەگىس جۇمىسى قاربالاس كەز ەدى، سوندا دا قىستاقتان نەشە ءجۇز ادام كەلىپ ونى اتتاندىرىپ سالدى. مەن سۇي حۋاجۇڭدى مىقتاپ قۇشاقتاپ تۇرىپ: باۋىرىم، مەن سەنى قيماي تۇرمىن! - دەدىم.
سۇي حۋاجۇڭ كەتىپ كوپ ۇزاماي، ءيمىردىڭ ايەلىنىڭ ناۋقاسى تۇيىقسىز قوزعالىپ، دەرەۋ اقسۋ ايماقتىق حالىق شيپاحاناسىنا اپارادى. سۇي حۋاجۇڭ مۇنى ەستي سالا، دەرەۋ شيپاحانادان توسەك - ورىن قاراستىرىپ، شيپاگەرمەن بايلانىس جاساپ كومەك كورسەتىپ، ءيمىردىڭ ايەلىن دەر كەزىندە ەمدەتەدى جانە دەن قويا قارايلاسادى. ءيمىردىڭ ايەلىن ەمدەتۋگە الىپ كەلگەن اقشاسىنىڭ جەتپەي قالعانىن بىلگەن سۇي حۋاجۇڭ ىرىقتىلىقپەن ەمدەلۋ قاراجاتىن تولەيدى.
كەيىن سۇي حۋاجۇڭ شينجياڭنان گۋاڭدۇڭ ولكەسى شانتۋ قالاسىنا قىزمەت اۋىستىرادى. 2010 - جىلى سۇي حۋاجۇڭ دەمالىسقا شىققاننان كەيىن، قىستاققا ءيمىر قارياعا ارناۋلى امانداسا كەلەدى ءارى بايلانىس جاساپ تۇرۋعا تەلەفون ءنومىرىن قالدىرادى. ارادا 8 جىل ءوتىپ، سۇي حۋاجۇڭنىڭ تەلەفون ءنومىرى وزگەرىپ كەتكەندىكتەن، حابار - بايلانىس ۇزىلەدى.
ءيمىر قاريانىڭ قوس جانارى جاسقا تولىپ: بىزگە جاقسى تۋىس تاۋىپ بەرگەن پارتياعا راقىمەت. سەندەردى كورگەندە ويىما سۇي حۋاجۇڭ ورالىپ جاتىر، مەن ونى ەرەكشە ساعىنامىن، - دەدى. ءيمىر قاريا 80 جاسقا كەلىپتى، ونىڭ قازىرگى ەڭ ۇلكەن ارمانى سۇي حۋاجۇڭدى ءبىر كورۋ ەكەن.
قاريانىڭ اڭگىمەسىنەن جاڭ يان ەرەكشە تەبىرەندى. ول قىزمەتتەستەرىمەن اقىلداسا كەلە، ءسوز جوق، قاريانىڭ ارمان - تىلەگىن ورىنداپ، وسى ءبىر جارتى عاسىرعا جالعاسقان اعالى - ءىنىلى دوستىق سۇيىسپەنشىلىكتى جالعاستىرۋ بەكىمىنە كەلەدى.
ساي رۇڭ تىلشىگە: ءبىز اقسۋ ايماقتىق حالىق شيپاحاناسىنان دەرەك ىزدەدىك، - دەدى. ويلاماعان جەردەن ءىس وڭىنا باسىپ، ولار شيپاحانانىڭ قارت جۇمىسشى - قىزمەتشىلەر باسقارماسىنان سۇي حۋاجۇڭنىڭ قازىرگى تەلەفون ءنومىرىن تاۋىپ الادى.
3 - ايدىڭ 6 - كۇنى تاڭەرتەڭ، ءيمىر قاريا جانە جۇپ قۇراعان تۋىستارى قورالانا وتىرىپ، سۇي حۋاجۇڭعا تەلەفون بەردى.
«ۋاي! سالەمەتسىز بە!» تەلەفوننان سۇي حۋاجۇڭ قاريانىڭ تۇنىق داۋىسى انىق ەستىلىپ، تەلەفون جالعاندى!
باھرنيسا سۇي حۋاجۇڭعا ءوزىنىڭ ءيمىر قاريانىڭ تۋىسى ەكەنىن ايتتى. سۇي حۋاجۇڭ دەرەۋ تەلەفوندى ءيمىر باۋىرىنا بەرۋدى ايتتى. جاڭ يان تەلەفوندى دەرەۋ ەكراندا سويلەسۋگە وزگەرتتى، سۇي حۋاجۇڭ جاتتىق ۇيعۇر تىلىندە ءيمىر قاريامەن سويلەسە جونەلدى.
سۇي حۋاجۇڭ ءيمىر قاريانىڭ وتباسىنداعى ءاربىر ادامنىڭ اتى - ءجونىن ەسىندە ساقتاپتى، ەكى قاريا 40 جىلدىڭ الدىنداعى بىرگە تۇرمىس كەشىرگەن كۇندەرىن ەسكە الىپ، اعالى - ءىنىلى سۇيىسپەنشىلىكتەرىن ءبىلدىرىستى. تەلەفون ەكرانىنداعى ەكى قاريادا سويلەسىپ وتىرىپ كوزدەرىنە ىستىق جاس الدى.
جاڭ يان: ەكى قاريانىڭ جارتى عاسىرعا جۋىق جالعاسقان دوستىق سۇيىسپەنشىلىگى ءبىزدى تەرەڭ اسەرلەندىردى. ءبىز 3 - توپتا جۇپ قۇراپ، تۋىس بولۋعا 190 ادام كەلدىك، تۋىستارىمىزبەن، ءسوز جوق، «تورتتە بىرگە بولۋ» قىزمەتىن جاقسى ىستەپ، ۇلتتار ىنتىماعىن ونان ارى ىلگەرىلەتىپ، قويۋ دوستىق سۇيىسپەنشىلىكتى جالعاستىرا بەرەمىز، - دەدى.
