سەرىك يمانقان ۇلى حابارلايدى. «ۇعىسۋ، تيىمدىلىك جاساۋ، توعىستىرۋ» قيمىلى بويىنشا، بۋرىلتوعاي اۋدانى كوكاعاش اۋىلى شيلىقارىن قىستاعىنا قىزمەت اترەتى بولىپ تۇسكەن ايماقتىق شەجىرە كەڭسەسىنىڭ كادرلارى وتباسىن ارالاپ جاعداي ۇعىسىپ، قىستاقتىڭ جالپى بەتتىك جاعدايىن تولىق مەڭگەرۋمەن بىرگە، قىستاقتاعى جەلەكتىلەردىڭ مادەني تۇرمىسىنىڭ ءبىر سارىندى ەكەندىگىن بىلەدى. حالىق قاجەتىنەن شىعۋدى باستى ورىنعا قويعان قىزمەت اترەتى جاقىندا، اۋىل - قىستاق ايەلدەرىنىڭ زاڭ - ءتۇزىم ساناسىن وياتىپ، مادەني تۇرمىسىن بايىتۋ نەگىزىندە، شيلىقارىن قىستاق كوميتەتىنىڭ ايەلدەر بىرلەستىگى قىزمەت اترەتىنىڭ جەتەكشىلىك ەتۋىندە، قىستاق تۇرعىندارىن زاڭدىق بىلىمنەن كەڭەس الۋعا، ىنتالاندىرۋ كينو - فيلىم كورۋگە ءتورت مايدان ۇيىمداستىردى.
ءاربىر مايدان قيمىل باستالاردا قىزمەت اترەتى بارلىق قيمىلعا قاتىناسقان جەلەكتىلەردى «مەملەكەت ءانىن»، «كوممۋنيستىك پارتيا بولماسا جاڭا جۇڭگو بولماق ەمەس»، «وتاندى جىرعا قوسۋ» سىندى وتانشىلدىق تاقىرىپتاعى اندەردى اسقاقتاتىپ ايتۋعا جەتەكشىلىك ەتتى. سونىمەن بىرگە، اۆتونوميالى رايوندىق پارتيالى كادرلاردىڭ وسىزامانعى الىس ارالىقتى وقىتۋ تەكشەسىنەن پايدالانىپ، جەلەكتىلەرگە نەكە زاڭىن ەگجەي - تەگجەيلى ۇعىندىرۋمەن بىرگە شىنايى مەيىرىمدىلىك كينو - فيلىمى، ايەلدەردىڭ ۇقىق - مۇددەسىن قورعاۋ لەكسياسى، ازامات پەن زاڭنىڭ بايلانىسى سياقتى 6 بەينە كەسكىندى تىزبەكتى زاڭ لەكسياسى مەن ىنتالاندىرۋ كينو - فيلىمىن قويىپ كورسەتتى، جالپى ءتورت مايدان قيمىلعا شامامەن 233 ادام رەت قاتىناستى.
«بۇرىندارى قىسقى شارۋانىڭ سايابىر ۋاقىتتارىندا مۇنداي قيىملدار از بولاتىن، ءبىر ءبولىم جاس ايەلدەر اۋدان ورتالىعىنا بارىپ وزدەرى باس قوسىپ، سىرلاسىپ تۇراتىن، بۇل وڭاي ورنىقسىز فاكتورلاردى تۋدىراتىن ەدى، بيىل قىزمەت اترەتىنىڭ بەلسەنە سەلبەسۋىندە، جاڭا جىلدى قارسى الۋ دوستىق قيمىلىن، ورتانى قورعاۋ ناۋقانىن، بارلىق ايەل جولداستار ‹مەملەكەت ءانىن شىرقاۋ›، ‹مەيىربان انالاردىڭ قامقورلىعى› سىندى ءبىرقىدىرۋ قيمىلداردى ۇزبەي قانات جايدىرىپ، وتانشىلدىق سەزىمدى تەرەڭدەتىپ، وڭ ەنەرگيا تاراتىپ، جۇرت تىلەگىن ۇيىستىردى، زاڭ - ءتۇزىم تانىمىن كۇشەيتىپ، قىستاق ايەلدەرىنىڭ مادەني تۇرمىسىن جانداندىردى»،- دەدى قىستاق ايەلدەر بىرلەستىگىنىڭ جاۋاپتسى ايگۇل ۋايقان قىزى.
ءتىلشىنىڭ قىزمەت ورنى : بۋرىلتوعاي اۋداندىق ورگان ىستەرىن باسقارۋ مەكەمەسى
