شينحۋا اگەنتتىگىنىڭ 3 - ايدىڭ 19 - كۇنى بەيجيڭنەن بەرگەن حابارى. 3 - ايدىڭ 19 - كۇنى مەملەكەت ءتوراعاسى شي جينپيڭ پۋتيننىڭ رەسەيدىڭ زۇڭتۇڭى بولىپ سايلانعاندىعىن قۇتتىقتاپ تەلەگرامما جولدادى.
شي جينپيڭ قۇتتىقتاۋ تەلەگرامماسىندا مىنالاردى اتاپ كورسەتتى: تاياۋ جىلداردان بەرى، رەسەي حالقى ءبىر نيەتتە ىنتىماقتاسىپ، مەملەكەتتى قۇدىرەتتەندىرۋ، كوركەيتۋ، دامىتۋ جولىندا تاباندىلىقپەن العا باسىپ، ەكونوميكالىق، قوعامدىق دامۋدا كورنەكتى تابىسقا قول جەتكىزدى، حالىقارالىق ىستەردە ماڭىزدى، ورەلى رول اتقارىپ كەلەدى. رەسەيدىڭ، ءسوز جوق، مەملەكەتتى دامىتۋدىڭ شۇعىلالى تابىستارىن ۇزدىكسىز جاراتاتىنىنا سەنەمىن. قازىر جۇڭگو مەن رەسەيدىڭ جان - جاقتى ستراتەگيالىق ىنتىماقتاستىق سەرىكتەستىك قارىم - قاتىناسى تاريحتاعى ەڭ جاقسى دەڭگەيدە تۇر، ەكى ەل ءبىرىن - ءبىرى قۇرمەتتەيتىن، ءادىل، تۋراشىل، سەلبەسىپ، تەڭ ۇتاتىن جاڭاشا حالىقارالىق قارىم - قاتىناس ورناتۋدا جانە ادامزاتتىڭ تاعدىرلاس ورتاق تۇلعاسىن قۇرۋدا ۇلگى كورسەتتى. جۇڭگو رەسەيمەن بىرگە قۇلشىنىپ، جۇڭگو - رەسەي قارىم - قاتىناسىنىڭ جوعارى دەڭگەيدە تىڭ بەلەسكە كوتەرىلۋىن ىلگەرىلەتۋدى، ەكى ەلدىڭ ءوز دامۋىنا دەم بەرۋدى، ءوڭىردىڭ جانە دۇنيە ءجۇزىنىڭ بەيبىتشىلىگى مەن تىنىشتىعىن جەبەۋدى قالايدى.