− رايونىمىزداعى ءار ۇلت كادرلارى مەن بۇقاراسى باس شۋجي شي جينپيڭنىڭ ەكى ءماجىلىس كەزىندەگى ماڭىزدى سوزدەرىنىڭ رۋحىن مۇقيات ۇيرەندى، دايەكتىلەندىردى
3 - ايدىڭ 7 - كۇنى باس شۋجي شي جينپيڭ گۋاڭدۇڭ ۋاكىلدەر ۇيىرمەسىنىڭ تالقىسىنا قاتىناسقاندا مىنانى باسا دارىپتەدى: دامۋ − ماڭداي الدى ماڭىزدى مىندەت، دارىندى − ءبىرىنشى بايلىق، جاڭالىق اشۋ − ءبىرىنشى قوزعاۋشى كۇش. جۇڭگو جاڭالىق اشۋ ارقىلى دامۋعا دەم بەرۋ جولىمەن جۇرمەسە، جاڭا، كونە قوزعاۋشى قۋاتتاردىڭ ءساتتى اۋىسۋى جۇزەگە اسپايدى، شىن مانىندە قۇدىرەتتەنە المايدى. قۇدىرەتتەنۋ ءۇشىن جاڭالىق اشۋعا سۇيەنۋ، جاڭالىق اشۋ ءۇشىن دارىندىلارعا سۇيەنۋ كەرەك.
باس شۋجي شي جينپيڭنىڭ جاڭالىق اشۋعا قاتىستى بايىمداۋى بەينە كوكتەم سامالىنداي تيانشاننىڭ تۇستىگى مەن تەرىستىگىن جەلپىپ، شينجياڭنىڭ جەر - جەرىندە كۇشتى اڭىس قوزعادى. جوعارى دەڭگەيلى جوبانى ويداعىداي جاساۋ، ءتۇزىلىس پەن مەحانيزمدى كەمەلدەندىرۋ، جاسامپاز دارىندىلاردى ەنگىزۋ، جەتىستىكتەردى كادەگە جاراتۋدى تەزدەتۋ... شينجياڭنىڭ جەر - جەرى، تاراۋلارى باس شۋجيدىڭ ماڭىزدى ءسوزىن جەتەكشى ەتىپ، جاڭالىق اشۋ − ءبىرىنشى قوزعاۋشى كۇش ۇستانىمىنان جازباي، جاڭالىق اشۋدى دامۋدى جەبەۋدىڭ قاينار كوزىنە اينالدىرىپ، جالپى حالىقتىڭ جاڭالىق اشۋىن ىلگەرىلەتىپ، ونى الاۋلاعان جالىنعا اينالدىراتىندىقتارىن ءبىلدىردى.
جوعارى دەڭگەيلى جوبانى ويداعىداي جاساپ، جاڭالىق اشۋدىڭ ومىرشەڭدىك كۇشىن تاسقىنداتامىز
جوعارى دەڭگەيلى جوبانى ويداعىداي جاساپ، ءتۇزىلىس پەن مەحانيزمدى كەمەلدەندىرگەندە عانا، تۇتاس قوعامنىڭ جاڭالىق اشۋ ومىرشەڭدىك كۇشىن تاسىقىنداتۋعا بولادى.
اۆتونوميالى رايوندىق عىلىم - تەحنيكا مەڭگەرمەسىنىڭ باستىعى جاڭ شياۋلەي بىلاي دەدى: باس شۋجي عىلىم - تەحنيكادا جاڭالىق اشۋدى ەكونوميكانىڭ، قوعامنىڭ دامۋىن دەمەيتىن ماڭىزدى ورىنعا قويدى، بۇل ءبىز سياقتى عىلىم - تەحنيكا قىزمەتكەرلەرىن قاباعات اسەرلەندىردى. ءبىز دامۋدى جاڭالىق اشۋ ارقىلى دەمەۋ ستراتەگياسىن ىشكەرىلەي اتقارىپ، عىلىم - تەحنيكادا جاڭالىق اشۋدى جانە ءتۇزىلىس پەن مەحانيزمدە جاڭالىق اشۋدى جەدەل ىلگەرىلەتىپ، شينجياڭدى جىبەك جولى ەكونوميكالىق بەلدەۋىندەگى عىلىم - تەحنيكالىق ەرەكشەلىگى باسىم قۋاتتى رايونعا اينالدىرۋىمىز كەرەك.
عىلىم - تەحنيكا قىزمەتىن باسقاراتىن فۋنكتسيالىق تاراۋ رەتىندە، اۆتونوميالى رايوندىق عىلىم - تەحنيكا مەڭگەرمەسى 2018 - جىلى دامۋدى جاڭالىق اشۋ ارقىلى دەمەۋ ستراتەگياسىن اتقارۋ تۋرالى ورنالاستىرۋلار جاسادى:
− عىلىم - تەحنيكا ءتۇزىلىسىن جاڭالاۋ. جىبەك جولى ەكونوميكالىق بەلدەۋىنىڭ دامۋدى جاڭالىق اشۋ ارقىلى دەمەۋ سىناق رايونى قۇرىلىسىن ىلگەرىلەتۋدى تۇتقا ەتىپ، شينجياڭ مەملەكەتتىك دەربەس جاڭالىق اشۋ سىناق رايونى قۇرىلىسىن ىلگەرىلەتىپ، الدىمەن اتقارىپ، الدىمەن سىناۋدىڭ پارىقتى ساياسات جۇيەسىن قۇرۋ، دارىندىلار ەرەكشە رايونىن قالىپتاستىرۋ سياقتى جاقتاردا تەزىرەك ناقتى ناتيجەگە قول جەتكىزىپ، جاڭالىق اشۋدىڭ تۇلعالىق دەڭگەيىن بۇكىل ەلىمىزدىڭ جاڭالىق اشۋداعى وزىق ولكە، رايوندارىنىڭ قاتارىنا جەتكىزۋ.
− عىلىم - تەحنيكانى زەرتتەۋ - اشۋ جاعىندا جاڭالىق جاساۋ. ءتۇيىندى نىسانداردىڭ اتقارىلۋىن تۇتقا ەتىپ، نازاردى ءداستۇرلى كاسىپ سالاسىنا بۇرىلىس جاساپ، دەڭگەيىن وسىرۋگە جانە جاڭادان گۇلدەنگەن ستراتەگيالىق كاسىپ سالاسىن دامىتۋعا اۋدارىپ، وسى زامانعى اۋىل شارۋاشىلىعى، جاڭادان گۇلدەنگەن ستراتەگيالىق كاسىپ سالاسى، ەمدەۋ - دەنساۋلىق ساقتاۋ، ەكولوگيالىق قۇرىلىس سياقتى سالالاردا جەتەكتەۋ قۋاتى كۇشتى ماڭىزدى عىلىم - تەحنيكالىق ارناۋلى جانە ءتۇيىندى زەرتتەۋ مىندەتتەرىنەن ءبىر توبىن تاعى ورنالاستىرىپ، ءتۇيىندى تەحنيكالىق قيىن وتكەلدەردى كۇش سالا باعىندىرىپ، ۇلگى كورسەتۋ، جەتەكتەۋ رولىنا يە ءبىر توپ ماڭىزدى عىلىم - تەحنيكا جەتىستىكتەرىن كادەگە جاراتىپ، ەكونوميكالىق دامۋدىڭ جاڭا قوزعاۋشى قۋاتىن، جاڭا ارتۋ ءتۇيىنىن جەتىلدىرۋ.
− اشىق ۇستاۋ قابىلەتىندە جاڭالىق اشۋ. «جۇڭگو - ورتا ازيا عىلىم - تەحنيكا ىنتىماقتاستىق ورتالىعى» قۇرىلىسىن تەزدەتىپ، جىبەك جولى ەكونوميكالىق بەلدەۋى وزەكتى رايونىنىڭ مادەنيەت، عىلىم، وقۋ - اعارتۋ ورتالىعى (عىلىم - تەحنيكا ورتالىعى) قۇرىلىسىن ىلگەرىلەتىپ، جىبەك جولى ەكونوميكالىق بەلدەۋىنىڭ بويىنداعى ەلدەرمەن ساياساتتى، جوبانى سايكەستىرۋ، عىلىم - تەحنيكالىق، گۋمانيتارلىق اۋىس - كۇيىس، عىلىم - تەحنيكا باقشاسى سەلبەستىگى سياقتىلاردى كۇشەيتۋ. شينجياڭعا باعىتتامالى كومەكتەسەتىن ولكەلەرمەن، قالالارمەن عىلىم - تەحنيكالىق سەلبەستىكتى ونان ارى كۇشەيتىپ، ءوندىرىس، جوعارى وقۋ ورىندارى، زەرتتەۋ ورىندارى سەلبەستىك بازاسىن جانە زەرتتەۋ جەتىستىكتەرىن كادەگە جاراتۋ بازاسىن قۇرىپ، شىعىس تەڭىز جاعالاۋىنداعى رايونداردىڭ وزىق تەحنيكالى شارۋاشىلىقتارىنىڭ ىرگە تەبۋىن ۇيلەسىمدى قابىلداۋ.
قوعامدىق قىزمەت كورسەتۋ جاعىندا جاڭالىق اشۋ. عىلىم - تەحنيكا ارقىلى حالىققا تيىمدىلىك جەتكىزۋ، عىلىم - تەحنيكا ارقىلى كەدەيلىكتەن دالمە - ءدال قۇتىلدىرۋدان قامال الۋ سياقتىلاردى تۇتقا ەتىپ، عىلىم - تەحنيكانىڭ شارۋاشىلىق قۇرۋ، جۇمىستاندىرۋ، كەدەيلەردى سۇيەمەلدەۋ جاقتارىنداعى تىرەكتىك رولىن ونان ارى كۇشەيتىپ، دارىندىلاردى، عىلىم - تەحنيكانى، قارجىنى نەگىزگى ساتىعا بەيىمدەۋگە جەتەكشىلىك ەتىپ، عىلىم - تەحنيكانىڭ قوعامنىڭ جاراسىمدى دامۋىن قورعاۋ قۋاتىن ۇزدىكسىز كۇشەيتۋ.
جاسامپاز دارىندىلاردى ەنگىزىپ، دامۋعا سەرپىن بەرەمىز
دارىندى − ءبىرىنشى بايلىق. تەك دەڭگەيى جوعارى جاسامپاز دارىندىلاردى ەنگىزگەندە جانە جەتىلدىرگەندە عانا جاڭالىق اشۋدى دامۋدى جەبەۋدىڭ قاينار كوزىنە اينالدىرۋعا بولادى.
مەملەكەتتىك حالىق قۇرىلتايىنىڭ ۋاكىلى، سانجى حۇيزۋ اۆتونوميالى وبلىستىق پارتكومنىڭ ورىنباسار شۋجيى، وبلىس باستىعى جاڭ چىڭي بۇل جونىندە تەرەڭ اسەرگە يە. «2018 - جىلى ءبىز عىلىم - تەحنيكادا جاڭالىق اشۋدى جانە دارىندىلارمەن قامتاماسىز ەتۋدى ۇزدىكسىز كۇشەيتىپ، دامۋعا جاڭالىق اشۋ ارقىلى دەم بەرۋگە كۇش ۇستەيمىز. سانجى جوعارى - جاڭا عىلىم - تەحنيكالىق رايونىنىڭ عىلىم - تەحنيكالىق جەتىلدىرۋ، تەكسەرۋ - ولشەۋ سياقتى 8 ءىرى تۇعىر قۇرىلىسىن جەدەلدەتىپ، سانجى اۋىل شارۋاشىلىعى باقشا رايونىنىڭ وسىزاماندانعان اۋىل شارۋاشىلىعى عىلىم - تەحنيكا ورتالىعى، باتىس بولەك اۋىل شارۋاشىلىعىن زەرتتەۋ ورتالىعى قۇرىلىستارىنا قولداۋ كورسەتىپ، 15 زەرتتەۋ ورنىن جانە 30 جاسامپازدىق ۇجىمىن ەنگىزىپ، عىلىم - تەحنيكادان ۇلگى كورسەتۋ، جالپىلاستىرۋ بازاسىنان 10نان استامىن جاڭادان قۇرامىز. دارىندى ارقىلى وبلىستى قۇدىرەتتەندىرۋ ستراتەگياسىن اتقارىپ، دارىندىلار ءتۇزىلىسى مەن مەحانيزمىندە جاڭالىق اشىپ، قارجى ۇسىنىلىمىن ۇزدىكسىز ارتتىرىپ، اناعۇرلىم مول دارىندىلاردى باۋرايمىز. جالپى حالىق شارۋاشىلىق قۇرۋدى، كوپ بولىپ جاڭالىق اشۋدى دامۋدى جەبەۋدىڭ قاينار كوزىنە اينالدىرامىز»، - دەدى ول.
قاشقار ەكونوميكالىق اشۋ رايونى جۇڭگونىڭ باتىسقا اشقان ماڭىزدى تەرەزەسى بولۋداي مىندەتتى ۇستىنە العان، ورتالىق قاشقارعا الدىمەن اتقارىپ، الدىمەن سىناق ەتۋ ۇقىعىن بەردى، مۇنىمەن قوسا مەملەكەتىمىز قاشقار ەكونوميكالىق اشۋ رايونىنىڭ شەكاراداعى ەسىك اشۋدىڭ جاسامپازدىق امالياتى رايونى بولۋداي ورنىن تۇراقتاندىردى، رەفورما جاساۋ، جاڭالىق اشۋ باستان - اياق قاشقار ەكونوميكالىق اشۋ رايونىنىڭ ماندىك قاسيەتى جانە نەگىزگى ريتىمى بولىپ كەلەدى. قاشقار ايماقتىق پارتكومنىڭ ورىنباسار شۋجيى، شىنجىن شينجياڭعا كومەكتەسۋ الدىڭعى شەپ قولباسشىلىق شتابىنىڭ باس قولباسشىسى، قاشقار ەكونوميكالىق اشۋ رايونى پارتيا قىزمەتى كوميتەتىنىڭ شۋجيى، باسقارۋ كوميتەتىنىڭ مەڭگەرۋشىسى ليۋ ۋيشياڭ بىلاي دەدى: قاشقار ەكونوميكالىق اشۋ رايونى جونىنەن، ءبىزدىڭ مىندەتىمىز رەفورما جاساۋ، جاڭالىق اشۋ، الدىمەن اتقارىپ، الدىمەن سىناق ەتۋ. جاڭالىق اشۋ ارقىلى دەم بەرۋ، ءىس جۇزىندە، دارىندى ارقىلى دەم بەرۋ، ءبىز دارىندى باسقارۋ رەفورماسىنىڭ سىناق رايونى قۇرىلىسىن جەدەلدەتىپ، دارىندى مەن كاسىپتىڭ ىشكەرىلەي توعىسۋىن جەبەپ، اشۋ رايونىن باسقاراتىن جوعارى دەڭگەيلى دارىندىلار مەن كاسىپتىك - تەحنيكالىق دارىندىلاردى ەنگىزىپ، دارىندى بازاسىن قۇرىپ، دامۋدىڭ وزەكتى باسەكەلىك قۋاتىن جوعارىلاتامىز. سونىمەن بىرگە، ءتۇرلى دارىندىلاردىڭ جاڭالىق اشۋ ومىرشەڭدىك كۇشى مەن كومەسكى كۇشىن ساۋلەلەندىرىپ، جاڭالىق اشۋدى جوسپارلاۋدى، جاڭالىق اشۋدى جەبەۋدى، جاڭالىق اشۋدى تياناقتاندىرۋدى سانالى ارەكەتكە اينالدىرامىز.
شينجياڭ فەييا بولات قۇرىلىمدار ينجەنەرياسى شەكتى سەرىكتەستىگىنىڭ باس ديرەكتورى جاڭ حۇڭچيڭ بىلاي دەدى: كاسىپورىننىڭ دامۋى جاڭالىق اشۋعا سۇيەنەدى، جاڭالىق اشۋ دارىندىعا سۇيەنەدى، دارىندى كاسىپورىن دامۋىنىڭ ءبىرىنشى بايلىعى. ءبىز كاسىپورىن تيجاراتىن باسقارۋشى دارىندىلار، كاسىپتىك - تەحنيكالىق دارىندىلار جانە جوعارى تەحنيكالى دارىندىلار سىندى 3 قوسىن قۇرىلىسىن ءبىر تۇتاس جوسپارلاپ يگەرىپ، دارىندىنى باۋراۋدى، جەتىلدىرۋدى، ىستەتۋدى بىرگە يگەرۋدى جۇزەگە اسىرامىز.
عىلىم - تەحنيكا جەتىستىكتەرىن قولدانۋدى جەبەپ، كاسىپورىننىڭ دامۋىن تەزدەتەمىز
نازاريا امالياتتان كەلەدى، ونان دا ماڭىزدىسى امالياتقا قىزمەت ەتۋى كەرەك. عىلىم - تەحنيكادا جاڭالىق اشۋ جەتىستىكتەرى تەك كاسىپورىن دامۋىنىڭ امالياتىندا قولدانىلعاندا عانا قۇدىرەتتى ومىرشەڭدىك كۇش تۋدىرادى.
2017 - جىلى سانجى وبلىسى جاڭالىق اشۋدان قوزعاۋشى كۇش تۋدىرىپ، جىبەك جولى ەكونوميكالىق بەلدەۋىندە دامۋعا جاڭالىق اشۋ ارقىلى دەم بەرۋ سىناق رايونى جانە ءۇرىمجى - سانجى - شىحىزى مەملەكەتتىك ءوز كۇشىنە سۇيەنىپ جاڭالىق اشۋدان ۇلگى كورسەتۋ رايونى قۇرىلىسىنا بەلسەنە ات سالىسىپ، جۇڭگو اۋىل شارۋاشىلىق عىلىم اكادەمياسى باتىس بولەك اۋىل شارۋاشىلىعىن زەرتتەۋ ورتالىعىنىڭ سانجىعا ىرگە تەبۋىن جەبەپ، 10 زەرتتەۋ ورنىن، 25 عىلمي زەرتتەۋ قوسىنىن جانە مەملەكەتتىك ماقتا كاسىبى بىرلەستىگىن سانجى مەملەكەتتىك اۋىل شارۋاشىلىق عىلىم - تەحنيكاسى باقشا رايونىنا ورنالاستىرىپ، جالپى حالىق جاڭالىق اشۋ كەڭىستىگى سياقتى ءتۇرلى جاڭالىق اشۋ دانەكەرلەرىنەن 30ىن جەتىلدىرىپ، اۆتونوميالى رايون دارەجەلى تەحنيكا زەرتتەۋ ورتالىعىنان تورتەۋىن جاڭادان قۇردى. عىلىم - تەحنيكادا جاڭالىق اشۋ مەن كاسىپورىنداردىڭ ءوندىرىس امالياتى ۇشتاسىپ، سانجى وبلىسى ەكونوميكاسىنىڭ تەز دامۋ ارناسىنا ءتۇسۋىن جەبەدى.
«2018 - جىلى ءبىز اۋدان، قالا، باقشا رايوندارىنىڭ ەل ىشىندەگى جوعارى مەكتەپتەرمەن، ورتا تەحنيكۋمدارمەن، عىلمي زەرتتەۋ ورىندارىمەن تەحنيكالىق سەلبەستىك ورىستەتۋىن زور كۇشپەن قولداپ، وزىق جابدىق جاساۋ، ەنەرگيا ۇنەمدەپ قورشاعان ورتانى قورعاۋ، جاڭا ماتەريال سياقتى جاڭادان گۇلدەنگەن كاسىپتەردى جەتىلدىرىپ، ءتۇستى مەتال، حيميا ونەركاسىبى سياقتى ءداستۇرلى كاسىپتەردىڭ دەڭگەيىن جوعارىلاتىپ، زەردەلى جاساۋ كاسىبىن جەدەل دامىتامىز»، - دەدى جاڭ چىڭي.
ەرەكشە ترانسفورماتور ونەركاسىبى جارنالىق سەرىكتەستىگى عىلىم - تەحنيكا ءبولىمى عىلىم - تەحنيكالىق باسقارۋ باسقارماسىنىڭ ورىنباسار ديرەكتورى ياڭ ۋي بىلاي دەدى: مەن ەرەكشە ترانسفورماتور ونەركاسىبىنىڭ ءونىم جاعىندا عىلىم - تەحنيكادا جاڭالىق اشۋداعى، كاسىپتىڭ تيپىن وزگەرتىپ دەڭگەيىن جوعارىلاتۋداعى جۋىرداعى جىلداردان بەرگى زور ىلگەرىلەۋشىلىكتەرىنىڭ كاسىپورىننىڭ باسەكەلىك قۋاتىن كۇشەيتكەنىن شىنايى سەزىندىم. سەرىكتەستىك زەرتتەپ اشۋعا باعىتتالعان ۇسىنىلىمدى ۇزدىكسىز ارتتىرىپ، ءوز كۇشىنە سۇيەنىپ ىلگەرىندى - كەيىندى 330 كيلوۆاتتىق شيىرشىق تەمىر وزەكتى جەتەك ترانسفورماتور سياقتى ەنەرگيا ۇنەمدەپ، قورشاعان ورتانى قورعايتىن جەلىلەس ونىمدەردى زەرتتەپ جاسادى. كەلەسىدە، ءبىز دامۋعا جاڭالىق اشۋ ارقىلى دەم بەرۋدى جالعاستى قوزعاۋشى كۇش ەتىپ، جوعارى ساپالى ونىمدەرمەن جانە ساپالى قىزمەت كورسەتۋمەن ۇزدىكسىز قامتاماسىز ەتىپ، تۇتاس كاسىپتىڭ ساپاسىن جوعارىلاتىپ، ونىمدىلىگىن ارتتىرامىز».
− كاسىپورىندى دامىتۋدا شىنايى يگەرىپ، ناقتى ىستەۋدەن سىرت، وتە - موتە، جاڭا باسقارۋ ۇلگىسى، جاڭا وي جانە جاڭا تەحنيكا ارقىلى كاسىپورىن دامۋىنىڭ ساپاسى مەن ونىمدىلىگىن جەتەكتەۋگە ءمان بەرۋ كەرەك. شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ جەتەكشىلىگىندە كاسىپورىن تەك جاڭالىق اشىپ دامىعاندا عانا الىستارعا قانات قاعا الادى، - دەدى الاتاۋ حۋاماۋ توقىماشىلىق شەكتى سەرىكتەستىگىنىڭ باس ديرەكتورى تان ليياڭ.
(تىلشىلەرىمىز ۋاڭ يۇڭفەي، لي ياڭ، ما ي - نيڭ، ياڭ شۋحان، شيە حۇيبيان، حى حۇڭۋەي)
