شينحۋا اگەنتتىگىنىڭ 3 - ايدىڭ 19 - كۇنى بەيجيڭنەن بەرگەن حابارى. مەملەكەتتىك 133 - كەزەكتى حالىق قۇرىلتايى 1 - ءماجىلىسىنىڭ ءتوراعالار القاسى 3 - ايدىڭ 19 - كۇنى تۇستەن كەيىن حالىق سارايىندا 11 - جيىنىن وتكىزدى.
ءتوراعالار القاسىنىڭ تۇراقتى ءتوراعاسى لي جانشۋ جيىندى باسقاردى. جيىنعا قاتىناسۋعا ءتيىستى 190 ادام، قاتىناسقانى 190 ادام، قاتىناسقان ادام سانى زاڭدا بەلگىلەنگەن ادام سانىنا ۇيلەسەدى.
3 - ايدىڭ 19 - كۇنى تۇستەن كەيىن ءارقايسى ۋاكىلدەر ۇيىرمەسى ءماجىلىستىڭ ۇكىمەت قىزمەتىنەن بايانداما، حالىق شارۋاشىلىعى مەن قوعامدىق دامۋدىڭ 2017 - جىلعى جوسپارىنىڭ اتقارىلۋ احۋالى جانە حالىق شارۋاشىلىعى مەن قوعامدىق دامۋدىڭ 2018 - جىلعى جوسپارى، ورتالىق پەن جەرگىلىكتى ورىنداردىڭ 2017 - جىلعى مەجە ەسەبىنىڭ اتقارىلۋ احۋالى جانە ورتالىق پەن جەرگىلىكتى ورىنداردىڭ 2018 - جىلعى مەجە ەسەبى، مەملەكەتتىك حالىق قۇرىلتايى تۇراقتى كوميتەتىنىڭ قىزمەت بايانداماسى، ەڭ جوعارى حالىق سوتى مەكەمەسىنىڭ قىزمەت بايانداماسى، ەڭ جوعارى حالىق پروكۋراتۋراسىنىڭ قىزمەت بايانداماسى جونىندەگى 6 قاۋلى جوبانى مۇقيات قاراپ، باقىلاۋ - تەكسەرۋ زاڭى جوباسىن داۋىسقا سالۋعا ۇسىنۋ نۇسقاسىن قاراپ، ونى ءماجىلىستىڭ جالپى جيىنىندا داۋىسقا سالۋعا ءبىر اۋىزدان قوسىلدى. ءتوراعالار القاسىنىڭ تۇراقتى ءتوراعالارى ءارقايسى ۋاكىلدەر ۇيىرمەسىنىڭ قاراۋ پىكىرىنە ساي، قاۋلى جوبالارىن جانە باقىلاۋ - تەكسەرۋ زاڭى جوباسىن ءماجىلىستىڭ جالپى جيىنىندا داۋىسقا سالۋعا ۇسىنۋ جونىندە ۇسىنىس بەردى.
ءتوراعالار القاسىنىڭ جيىنى جەكە - جەكە داۋىسقا سالۋ ارقىلى جوعارىداعى جوبالاردى ءماجىلىستىڭ جالپى جيىنىندا داۋىسقا سالۋعا ۇسىنۋدى ۇيعاردى.
ءتوراعالار القاسىنىڭ تۇراقتى ءتوراعالارى چىن شي، ۋاڭ چىن، ساۋ جيانميڭ، جاڭ چۇنشيان، شىن يۋەيۋە، جي بيڭشۋان، ەركىن يمىرباقى، ۋان ىشياڭ، چىن جۋ جيىنعا قاتىناستى.
