ءتىلشىمىز ۋاڭ يۇڭفي 3 - ايدىڭ 18 - كۇنى سانجىدان حابارلايدى. اۆتونوميالى رايوندىق پارتكومنىڭ ورىنباسار شۋجيى، وقۋ - اعارتۋ قىزمەت كوميتەتىنىڭ شۋجيى لي پىڭشين 3 - ايدىڭ 17 - كۇنى سانجىدا تەكسەرۋ - زەرتتەۋ جۇرگىزگەندە مىنالاردى باسا دارىپتەدى: «4 تانىمدى» بەرىك ورناتىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن، پارتيا 19 - قۇرىلتايىنىڭ جانە پارتيا 19 - كەزەكتى ورتالىق كوميتەتىنىڭ ەكىنشى، ءۇشىنشى جالپى ماجىلىستەرىنىڭ رۋحىن، سونداي - اق ورتالىقتىڭ اۋىل - قىستاق قىزمەتى ءماجىلىسىنىڭ رۋحىن ىشكەرىلەي ۇيرەنىپ، دايەكتىلەندىرىپ، جاڭا دامۋ ۇستانىمىن جەتەكشى ەتىپ، باس نىسانانى تىعىز ارقاۋ ەتىپ، 1 - كاسىپتىڭ دەڭگەيىن ءوسىرىپ، اۋىل شارۋاشىلىعىنا، اۋىل - قىستاققا، شارۋالارعا قىزمەت ەتىپ، عىلىم - تەحنيكالىق قولداۋدى كۇشەيتىپ، اۋىل - قىستاقتى كوركەيتۋ ستراتەگياسىن كۇش سالا اتقارىپ، اۋىل شارۋاشىلىعىنىڭ، اۋىل - قىستاقتىڭ ساپالى دامۋىن ىلگەرىلەتىپ، سولتۇستىك شينجياڭنىڭ اۋىل شارۋاشىلىعىن، اۋىل - قىستاعىن وسىزامانداندىرۋدا، دامىتۋدا ۇلگىلىك، جەتەكشىلىك رولىن ويداعىداي ساۋلەلەندىرۋ كەرەك.
لي پىڭشين ىلگەرىندى - كەيىندى سانجى قالاسى ديانبا قالاشىعىنىڭ جىلىجايدا مايسا ءوسىرۋ بازاسىنا، ىرليۋگۇڭ قالاشىعىنىڭ اۋىل شارۋاشىلىق ماشينالارى سەلبەستىك كووپەراتيۆىنە، شينجياڭ چۋانيوۋ اۋىل شارۋاشىلىق ماتەريالدارى بازارىنا، سانجى قالاسىنىڭ سانگۇڭ قالاشىعىنا كەلىپ، اتىز باستارىن، قىستاقتاردى، كاسىپورىنداردى، بازارلاردى ارالاپ، نەگىزگى ساتى كادرلارىمەن، كاسىپورىن جۇمىسشى - قىزمەتشىلەرىمەن جانە شارۋا قاۋىمىمەن ىشكەرىلەي اڭگىمەلەسىپ، قۇرىلعىلى اۋىل شارۋاشىلىعى، اۋىل شارۋاشىلىعى ماتەريالدارى بازارىن باقىلاۋ - باسقارۋ، اۋىل شارۋاشىلىعىن تەحنيكالىق قولداۋ جۇيەسى قۇرىلىسى، دۇمبە ءبيدايدىڭ كوكتەۋى سياقتى كوكتەمگى ەگىس جۇمىسىنا قاتىستى جاعدايلاردى تاپتەشتەي ۇعىستى.
لي پىڭشين مىنالاردى باسا دارىپتەدى: اۋىل - قىستاقتى كوركەيتۋ ستراتەگياسىن اتقارىپ، اۋىل شارۋاشىلىعىنىڭ ساپالى دامۋىن ىلگەرىلەتۋدە عىلىم - تەحنيكالىق قولداۋدى، جەتەكشىلىك ەتۋدى، ءسوز جوق، كۇشەيتۋ كەرەك. اۋىل شارۋاشىلىعىنىڭ قامداۋ جاعىنداعى قۇرىلىمدىق رەفورماسىن ىلگەرىلەتىپ، ءونىم ساپاسىن ءوسىرۋ؛ بايلىق باسىمدىعىن ساۋلەلەندىرىپ، مەملەكەت دارەجەلى ساپالى تۇقىم جەتىلدىرۋ بازاسىن قۇلشىنا قۇرۋ كەرەك. ساياساتتىق سۇيەمەلدەۋ جۇيەسىن ورناتىپ، كەمەلدەندىرىپ، جوعارى عىلىم - تەحنيكالى تىرەكتى كاسىپورىنداردى كۇش سالا جەتىلدىرىپ، باستاماشىلدىق، ۇلگىلىك رولىن شىن مانىندە ساۋلەلەندىرۋ قاجەت. اۋىل شارۋاشىلىق ونىمدەرىنە تەحنيكالىق قىزمەت كورسەتۋ جۇيەسىن كەمەلدەندىرىپ، عىلمي زەرتتەۋ ورىندارى مەن سەلبەستىك ۇيىمدارىنىڭ تەحنيكالىق سەلبەستىك سەرپىنىن ارتتىرىپ، اۋىل شارۋاشىلىق ءوندىرىسىنىڭ ونىمدىلىگىن شىن مانىندە جوعارىلاتۋ ءتيىس. اۋىل شارۋاشىلىق تىڭايتقىشىن عىلمي زەرتتەۋدى قاۋىرت ورىستەتىپ، تىڭايتقىش كاسىبىنىڭ جاسىل دامۋدىڭ جاڭا جولىمەن ءجۇرۋىن، اۋىل شارۋاشىلىعىنىڭ باياندى دامۋىن ىلگەرىلەتۋ كەرەك.
لي پىڭشين مىنالاردى تالاپ ەتتى: شارۋالاردى كوزقاراسقا سانالى تۇردە بۇرىلىس جاساۋعا، عىلىم - تەحنيكا ۇيرەنەتىن، عىلىم - تەحنيكادان پايدالاناتىن تاماشا ادەت قالىپتاستىرۋعا، سەنىمدى شارۋاشىلىق ۇستانىمىن بەرىك ورناتۋعا، اۋىل شارۋاشىلىق ونىمدەرى ساپاسىن بەتالىس ەتۋگە تاباندى بولۋعا، «باسقادا جوق بولسا، مەندە بار، ەلدە بار بولسا، مەنىكى ەڭ ساپالى» بولۋعا جەتەلەپ جانە تاربيەلەپ، اۋىل شارۋاشىلىعى ونىمدەرى ساپاسىن تۋ باستان مىقتى يگەرۋ كەرەك. سولتۇستىك شينجياڭنىڭ وڭتۇستىك شينجياڭعا قۇرىلعىلى اۋىل شارۋاشىلىعى تەحنيكتەرىن جىبەرۋدىڭ جاڭا مەحانيزمىنە، جاڭا ادىسىنە بەلسەنە ىزدەنىس جاساپ، وڭتۇستىك شينجياڭدى قۇرىلعىلى اۋىل شارۋاشىلىعىن دامىتۋعا جەتەلەپ، ەگىس ارەدىگىن ەگىس قاربالاستىعىنا اينالدىرىپ، ناقتى كىرىس، تابىس ارقىلى وڭتۇستىك شينجياڭداعى شارۋالاردىڭ بەلسەندىلىگىن، ىرىقتىلىعىن جۇمىلدىرىپ، «مەنى دامىتۋدى» «مەن دامۋىم كەرەككە» وزگەرتىپ، ءار ۇلت بۇقاراسىن «پارتيانىڭ مەيىر - شاپاعاتىن سەزىنۋ» بارىسىندا ءوزىن الۋەتتەندىرۋگە، «پارتياعا العىس ايتۋ» بارىسىندا كەدەيلىكتەن قۇتىلۋعا جەتەلەۋ كەرەك.
لي پىڭشين مىنالاردى تالاپ ەتتى: كوكتەمگى ءبيداي اتىزىن باپتاۋدى، كوكتەمگى ەگىس جۇمىسىنا قاجەتتى اۋىل شارۋاشىلىق ماتەريالدارى زاپاس قورىن، اۋىل شارۋاشىلىق ماتەريالدارى بازارىن باقىلاۋ - باسقارۋدى، كوكتەمگى ءوندىرىس قارجىسىن قامتاماسىز ەتۋدى، ەگىس داقىلدارى دەرت - دەربەزدەرىنەن، زياندى جاندىكتىڭ زيانداۋىنان جانە حايۋاناتتار ىندەتىنەن ساقتانۋ - تىزگىندەۋدى، اپاتتان ساقتانۋ، اپات زيانىن ازايتۋ قىزمەتىن مىقتى يگەرىپ، كوكتەمگى اۋىل شارۋاشىلىق وندىرىسىنە ۇيىمدىق باسشىلىقتى كۇشەيتىپ، كوكتەمگى ەگىس جۇمىسىنىڭ ءساتتى ورىستەتىلۋىنە كەپىلدىك ەتۋ كەرەك.
