تيانشان تورى   ›   جاڭالىقتار   ›   ەل ءىشى حابارى

شەتەل باسشىلارى شي جينپيڭنىڭ مەملەكەت ءتوراعاسى بولىپ سايلانعاندىعىن قۇتتىقتادى

  شينحۋا اگەنتتىگىنىڭ 3 - ايدىڭ 18 - كۇنى بەيجيڭنەن بەرگەن حابارى. ءىشىنارا مەملەكەتتەردىڭ باسشىلارى مەن حالىقارالىق ۇيىمداردىڭ جاۋاپتىلارى شي جينپيڭگە ىركەس - تىركەس تەلەگرامما جولداپ، شي جينپيڭنىڭ جۇڭحۋا حالىق رەسپۋبليكاسىنىڭ ءتوراعاسى بولىپ سايلانعاندىعىن قىزۋ قۇتتىقتادى.

  كامبودجانىڭ پاتشاسى سيحاموني بىلاي دەدى: مەن كامبودجانىڭ بۇكىل حالقى جانە كەڭەس پالاتاسى، پارلامەنت، ۇكىمەت اتىنان ءارى جەكە اتىمنان ءسىزدى قىزۋ قۇتتىقتايمىن. مەن ءسىزدىڭ كەمەڭگەر باسشىلىعىڭىزدا جۇڭگونىڭ اناعۇرلىم زور تابىستارعا قول جەتكىزىپ، بارعان سايىن گۇلدەنىپ، باي - قۇدىرەتتەنە تۇسەتىنىنە ءارى حالىقارالىق جانە وڭىرلىك ىستەردە جالعاستى ماڭىزدى رولدار اتقاراتىنىنا كامىل سەنەمىن.

  كامبودجانىڭ باس ءۋازىرى حۇڭسىن بىلاي دەدى: ءسىزدىڭ وشپەس ەڭبەك، ۇلاعاتتى ءىسىڭىز بۇكىل جۇڭگو حالقىنىڭ تولىق سەنىمىنە يە بولدى. مەن ءسىزدىڭ كورەگەندىگىڭىز بەن تىنباي قۇلشىنۋىڭىزدا جۇڭگو ۇكىمەتى مەن حالقىنىڭ «قوس 100 جىلدىق» كۇرەس نىساناسىن جۇزەگە اسىرۋدا ۇزدىكسىز العا ىلگەرىلەپ، جۇڭگونى باي، قۇدىرەتتى، دەموكراتيالى، وركەنيەتتى، جاراسىمدى، كورىكتى سوتسياليستىك وسىزاماندانعان قۇدىرەتتى ەل ەتىپ قۇرىپ شىعاتىنىنا كامىل سەنەمىن.

  برۋنەيدىڭ سۇلتانى حاسسانال بىلاي دەدى: ءسىزدىڭ ەرەن باسشىلىعىڭىزدا، جۇڭگونىڭ سوتسياليستىك وسىزاماندانعان قۇدىرەتتى ەل قۇرىلىسى ۇزدىكسىز زور جەتىستىكتەرگە قول جەتكىزىپ، دۇنيە ءجۇزىنىڭ بەيبىتشىلىگىنە، دامۋىنا جانە گۇلدەنۋىنە ماڭىزدى ۇلەستەر قوستى. جۇڭگونىڭ ستراتەگيالىق جەتەكشىلىك رولعا يە جاۋاپكەرلىكتى ءىرى ەل رەتىندە، ۇزدىكسىز تىڭ تابىستارعا قول جەتكىزۋىن ءۇمىت ەتەمىن.

  سينگاپۋردىڭ زۇڭليى لي شيانلۇڭ بىلاي دەدى: وتكەن 5 جىلدا، اۋمالى - توكپەلى دە سىن - سايىستارعا تولى حالىقارالىق ورتادا، ءسىزدىڭ باسشىلىعىڭىزداعى جۇڭگو تىڭ جەتىستىكتەرگە قول جەتكىزدى، جۇڭگو ۇكىمەتى حالىق تۇرمىسىن جاقسارتۋ جاعىندا زور بەكىم ايگىلەدى. ءسىزدىڭ پارمەندى باسشىلىعىڭىزدا جۇڭگونىڭ جاڭا داۋىردەگى نىسانانى جۇزەگە اسىرۋدى بەتكە الىپ ۇزدىكسىز العا ىلگەرىلەيتىندىگىنە سەنەمىن.

  وزبەكستاننىڭ زۇڭتۇڭى ميرزيويەۆ بىلاي دەدى: ءسىزدىڭ كورەگەن باسشىلىعىڭىزدا، جۇڭگو كەڭ تولعامدى رەفورما ستراتەگياسىن ۇزدىكسىز جۇرگىزىپ، مەملەكەتتىڭ ورنىقتى دامۋى مەن گۇلدەنۋىن جۇزەگە اسىرۋدا. ءسىزدىڭ سايلانۋىڭىز جۇڭگونىڭ دۇنيە جۇزىندەگى بەدەلدى ءىرى ەل رەتىندە حالىقارالىق ساياسي، ەكونوميكا ساحناسىنداعى رولى مەن ورنىن جوعارىلاتىپ، ءوز ءوڭىرىن قامتىعان دۇنيە ءجۇزىنىڭ ورنىقتىلىعى مەن حاۋىپسىزدىگىنە كەپىلدىك ەتەدى.

  تاجىكستاننىڭ زۇڭتۇڭى راحمون بىلاي دەدى: ءسىزدىڭ سايلانۋىڭىز جۇڭگو قوعامىنىڭ ءسىز تۇراقتاندىرعان ساياسي لۋشياندى باتىل قولدايتىندىعىن تولىق دالەلدەدى. ءسىزدىڭ كەمەڭگەر باسشىلىعىڭىزدا جۇڭگو ەكونوميكانى، قوعامدى دامىتۋ جانە حالىقارالىق بەدەلىن بەكەمدەۋ جولىندا بۇرىن بولىپ كورمەگەن ناتيجەلەرگە قول جەتكىزدى.

  قىرعىزستاننىڭ زۇڭتۇڭى جيەنبەكوۆ بىلاي دەدى: ءسىزدىڭ تولىق داۋىسپەن سايلانۋىڭىز ءسىز اتقارعان ىشكى ساياسات، سىرتقى ديپلوماتيا باعىت - ساياساتتاردىڭ جۇڭگو حالقىنىڭ وسكەلەڭ سەنىمىنە يە بولعانىن دالەلدەدى، ءسىزدىڭ مەملەكەتتى جونگە سالۋ تاجىريبەڭىز بەن كورەگەندىگىڭىز جۇڭگونىڭ تىڭ دامۋ جەتىستىكتەرگە قول جەتكىزۋىنە كەپىلدىك ەتەتىندىگىنە سەنەمىن.

  افريكا وداعىنىڭ كەزەكتى ءتوراعاسى، رۋاندانىڭ زۇڭتۇڭى كاگامە بىلاي دەدى: ءسىزدىڭ پارمەندى باسشىلىعىڭىزدا جۇڭگو دۇنيە ءجۇزى كوز تىككەن جەتىستىكتەرگە قول جەتكىزىپ، حالىقتىڭ تۇرمىس ورەسى كورنەكتى جوعارىلاپ، حالىقارالىق بەدەلى كۇن سايىن ارتتى.

  ۆەنەسۋەلانىڭ زۇڭتۇڭى مادۋرو بىلاي دەدى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ جەتەكشىلىگىندە جۇڭگو، ءسوزسىز، 21 - عاسىرداعى ۇلى سوتسياليستىك مەملەكەتكە اينالادى. مەن جۇڭگونىڭ بەيبىتشىلىككە كەپىلدىك ەتۋ، حالىقارالىق زاڭدى قورعاۋ، دۇنيە ءجۇزى كۇشتەرىنىڭ تەپە - تەڭدىگىن جەبەۋ رولدارىن جالعاستى ساۋلەلەندىرەتىنىنە كامىل سەنەمىن.

  يتاليانىڭ زۇڭتۇڭى ماتتارەللا بىلاي دەدى: ءسىزدىڭ وسى قاسيەتتى بورىشتى اتقارۋ بارىسىندا اناعۇرلىم زور جەتىستىكتەرگە قول جەتكىزۋىڭىزدى تىلەيمىن، سىزبەن بىرگە يتاليا - جۇڭگو قاتىناسىن تەرەڭدەتۋدى، سونداي - اق ەكى ەلدىڭ كوپ جاقتى جانە ەۆروپا - جۇڭگو ىنتىماقتاستىعى اياسىنداعى ءارقايسى سالالارداعى ناقتى ىنتىماقتاستىقتارىن ىلگەرىلەتۋدى قالايمىن.

  پورتۋگاليانىڭ زۇڭتۇڭى دىسوسا بىلاي دەدى: مەن ءسىزدىڭ جاڭا كەزەك مىندەت مەرزىمىندە پورتۋگاليا مەن جۇڭگونىڭ بەكەم دوستىق قاتىناسى ونان ارى كۇشەيىپ، ءار سالاداعى ناقتى ىنتىماقتاستىقتاردىڭ اناعۇرلىم داميتىندىعىنا كامىل سەنەمىن.

  بىرلەسكەن مەملەكەتتەر ۇيىمىنىڭ باس حاتشىسى گۋتەرەس بىلاي دەدى: ءسىز جۇڭگو ۇكىمەتىنىڭ بىرلەسكەن مەملەكەتتەر ۇيىمىمەن سەرىكتەستىك قاتىناسىن كۇشەيتۋدە بەكەم ۋادەڭىز بەن باسشىلىق قابىلەتىڭىزدى ايگىلەدىڭىز. بىرلەسكەن مەملەكەتتەر ۇيىمى جۇڭگومەن ىنتىماقتاستىقتى ونان ارى كۇشەيتىپ، بەيبىتشىلىكتى قورعاپ، باياندى دامۋدى جۇزەگە اسىرىپ، دۇنيە ءجۇزى حالىقتارىنىڭ ىرىسىن مولايتۋدى قالايدى.

  ءتوراعا شي جينپيڭگە قۇتتىقتاۋ تەلەفونىن بەرگەن نەمەسە قۇتتىقتاۋ تەلەگرامماسىن جولداعانداردان تاعى مىنالار بار: نەپالدىڭ زۇڭتۇڭى بانداري، سينگاپۋردىڭ زۇڭتۇڭى حاليما، تانزانيانىڭ زۇڭتۇڭى ماگۋفۋلي، ازەربايجاننىڭ زۇڭتۇڭى اليەۆ، ارمەنيانىڭ زۇڭتۇڭى سارگسيان، مولدوۆانىڭ زۇڭتۇڭى دودون، كەنيانىڭ زۇڭتۇڭى كەنياتا، گونگونىڭ (برازاۆيل) زۇڭتۇڭى ساسۋ؛ برۋنەيدىڭ زۇڭتۇڭى نكرۋنزيزا، چادتىڭ زۇڭتۇڭى دەبي، موزامبيكتىڭ زۇڭتۇڭى نيۋسي، لەسوتونىڭ پاتشاسى لەتسي III، سەيشەلدىڭ زۇڭتۇڭى فور، نەپالدىڭ زۇڭليى ولي، سان - تومە جانە پرينسيپيدىڭ زۇڭليى تروۆادا، ساموانىڭ زۇڭليى تۋيلاەپا، يتاليانىڭ زۇڭليى جەنتيلوني.

     باسقادا فورمالارمەن ءتوراعا شي جينپيڭدى قۇتتىقتاعانداردان مىنالار بار: اۋعانستاننىڭ زۇڭتۇڭى عاني، بوليۆيانىڭ زۇڭتۇڭى مورالەس، پانامانىڭ زۇڭتۇڭى ۆارەلا، يراننىڭ زۇڭتۇڭى رۋحاني، مالايزيانىڭ زۇڭليى ناجيپ، اراب بىرىككەن امىرلىگى ابۇدابي امىرلىگىنىڭ حانزاداسى مۇحاممەد.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.