تارباعاتاي ايماقتىق پارتكومنىڭ ورىنباسار شۋجيى، اكىمشىلىك مەكەمەسىنىڭ ءۋاليى
مۇقيات جارمۇقامبەت ۇلى
جاڭا داۋىرگە ءوتىپ، تابىلا بەرمەيتىن ماڭىزدى تاريحي دامۋ ورايىنا ءدوپ كەلىپ وتىرمىز، شينجياڭ قوعامىنىڭ ورنىقتىلىعى مەن باياندى تىنىشتىق باس نىساناسىن جۇزەگە اسىرۋ ءۇشىن، ءبىز، ءسوز جوق، لاڭكەستىككە قارسى تۇرىپ، ورنىقتىلىقتى قورعاۋ كۇرەسىن ۇزدىكسىز ىشكەرىلەي ىلگەرىلەتىپ، «ءۇش ءتۇرلى كۇشكە»، «ەكىبەتكەيلەرگە» جانە بارلىق دۇشپاندىق ءبۇلدىرۋ ارەكەتتەرىنە تاباندىلىقپەن باتىل سوققى بەرىپ، ءوزىمىزدىڭ باقىتتى تۇرمىسىمىز بەن مەكەنىمىزدى ويداعىداي قورعاۋىمىز كەرەك.
جاڭا ساپار بىزدەن، ءسوز جوق، مۇرات - سەنىمدى بەكەمدەۋدى تالاپ ەتىپ وتىر. شينجياڭدا تۋىپ وسكەن پارتيالى كادر رەتىندە، مەن باستان - اياق مۇرات - سەنىمدى بەكەمدەپ، پارتياعا ابسوليۋتتى ادال بولۋدى پارتيالى كادرلاردىڭ ماڭداي الدى ولشەمى جانە باستى قاسيەتى سانايمىن. كەزەكتەگى بولشەكتەۋشىلىككە قارسى كۇرەستىڭ قيىن دا كۇردەلى جاعدايىندا، شينجياڭداعى ءار ۇلت حالقىنىڭ ءتۇبىرلى مۇددەسىن قورعاۋدا، شينجياڭنىڭ كوپ جىلدان بەرى قول جەتكىزگەن كەسەك تابىستارىن قورعاۋدا، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، ۇعىنىپ، پارتيا 19 - قۇرىلتايىنىڭ جانە ج ك پ 19 - كەزەكتى ورتالىق كوميتەتىنىڭ ەكىنشى، ءۇشىنشى جالپى ءماجىلىسىنىڭ رۋحىن مۇقيات ۇيرەنىپ، دايەكتىلەندىرىپ، باس شۋجي شي جينپيڭنىڭ پارتيا ورتالىق كوميتەتىندەگى ۇيتقىلىق ورنىن، بۇكىل پارتياداعى ۇيتقىلىق ورنىن باتىل قورعاپ، يدەيادا، ساياسيدا، ارەكەتتە باستان - اياق شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن باتىل دايەكتىلەندىرىپ، تياناقتاندىرىپ، «4 تانىمدى» بەرىك ورناتىپ، «4 سەنىمدى» بەكەمدەپ، «4 كە بۇيسۇنىپ»، ۇلتتىق بولشەكتەۋشىلىككە قارسى تۇرىپ، وتان تۇتاستىعىن قورعاۋ سياقتى ۇلكەن دۇرىس - ۇلكەن بۇرىس ماسەلەسىندە، ءارقانداي كەزدە، ءارقانداي جاعدايدا، تۋىم توتەنشە ايقىن، پوزيتسيام توتەنشە باتىل، تۇرعىم توتەنشە بەرىك تۇردە «ءۇش ءتۇرلى كۇشكە»، «ەكىبەتكەيلەرگە» قارسى تاباندىلىقپەن باتىل كۇرەس جۇرگىزەمىن.
جاڭا باستاما بىزدەن قاتاڭ سوققى بەرۋ كۇرەسىن، ءسوز جوق، مىقتى يگەرۋدى تالاپ ەتىپ وتىر. پارتيانىڭ ساياساتىنىڭ نۇر - شۇعىلاسىندا، قازىر شينجياڭنىڭ ەكونوميكاسى مەن قوعامى قارقىندى دامىپ، قوعامدىق ىستەرى جاپپاي العا باسۋدا، ءار ۇلت حالقى الاڭسىز تۇرمىس كەشىرۋدە، بارلىق جەردەن گۇلدەنىپ - كوركەيگەن دۋماندى تىرشىلىك لەبى ەسەدى. ايتسەدە، «ءۇش ءتۇرلى كۇش» شينجياڭنىڭ كەزەكتەگى تىنىش تا جاراسىمدى دامىعان جاعدايىن، بالىق پەن سۋداي ەتەنە ۇلتتار دوستىعىن كورۋدى قالامايدى، ولار ۇلت، ءدىن تونىن جامىلىپ، ۇلتتاردىڭ تۋعان اعا - ىنىلەردەي بولىپ كەتكەن جاراسىمدى قاتىناسىنا پاسىق تاسىلدەرمەن ىرتكى سالدى. «ءۇش ءتۇرلى كۇشتىڭ» الىنەن اسۋىن تويتارمايىنشا، ولاردىڭ ءونىپ - وسەتىن توپىراعىن قۇرتپايىنشا، ولاردىڭ سارقىنىن تازارتپايىىنشا، شينجياڭدا تىنىشتىق بولمايدى، ءار ۇلت حالقى تىنىش تۇرمىس كەشىرە المايدى. ءبىز ساقتىق دابىلىن قاعىپ، قاي - قاشان دا قىراعىلىقتان جازباي، قاتاڭ سوققى بەرۋدە استە جۇمساق قولدىلىق ىستەمەۋىمىز، قاتاڭ ساقتانىپ، استە بويكۇيەزدىككە سالىنباۋىمىز كەرەك. باستان - اياق وكشەلەي قىسپاققا الىپ، قازبالاي سوققى بەرىپ، ءۇزىلدى - كەسىلدى شايقاس جاساپ، تۇيىندەر بويىنشا مىقتى يگەرىپ، «ءۇش ءتۇرلى كۇشكە» استە ەشقانداي ساڭلاۋ قالدىرماۋىمىز، ولاردى حالىقتىق شايقاستىڭ تەلەگەي تەڭىزىندە جويۋىمىز كەرەك.
جاڭا مىندەت بىزدەن ۇلتتار ىنتىماعىن، ءسوز جوق، قورعاۋدى تالاپ ەتىپ وتىر. ءار ۇلتتىڭ بارىنشا ىنتىماقتاسقان، سەتىنەمەس سۇيىسپەنشىلىك ورناتقان ورتاسىندا ەسەيگەن پارتيالى كادر رەتىندە، پارتياعا، وتانعا، حالىققا دەگەن العىستى سەزىم كوكەيىمدە مىقتاپ ورىن الىپ، جۇرەك تۇكپىرىمە وشپەستەي ۇيالادى، جۇڭحۋا ۇلتىنىڭ ۇلى شاڭىراعىنىڭ ءاربىر مۇشەسىنىڭ بارلىعى ءبىر نەگىزگى پرينسيپ پەن تالاپقا، ءسوز جوق، تاباندى بولۋى كەرەكتىگىن، ياعني پارتيانىڭ باسشىلىعىنا تاباندى بولۋى، ۇلى وتانعا العىس ايتۋى، ۇلتتار ىنتىماعىن قورعاۋى كەرەكتىگىن دە تەرەڭ تانىپ جەتتىم. بولشەكتەۋشىلىككە قارسى تۇرىپ، ورنىقتىلىقتى قورعاۋدىڭ كەزەكتەگى قاتاڭ دا كۇردەلى جاعدايىنا قاراتا، جۇڭحۋا ۇلتىنىڭ ۇلى شاڭىراعىنىڭ ءبىر مۇشەسى رەتىندە، مەن ارتىقشىلىعىمدى ساۋلەلەندىرىپ، پارتيانىڭ ۇلت ساياساتىن جاپپاي دايەكتىلەندىرىپ، ءار ۇلت كادرلارى مەن بۇقاراسىن جۇڭحۋا ۇلتى ورتاق تۇلعا تانىمىن بەرىك ورناتۋعا، «5 تى شىنايى مويىنداۋدى» ۇزدىكسىز كۇشەيتۋگە بەلسەنە باستاپ، ۇلتتار ىنتىماعىن كوز قاراشىعىمداي قورعاپ، ومىرىمدەي قاستەرلەپ، ءار ۇلت بۇقاراسىن باستان - اياق تىنىستاس، تاعدىرلاس، جۇرەكتەس بولىپ، اناردىڭ دانىندەي تىعىز ۇيىسۋعا جەبەپ، ءار ۇلت بۇقاراسىنىڭ وتاننىڭ تۇتاستىعىن، ۇلتتار ىنتىماعىن، قوعام ورنىقتىلىعىن بىرگە قورعاۋىنداعى قۇرىش قورعانىن بەكەمدەيمىن.
