شي جينپيڭ ماڭىزدى ءسوز سويلەدى
مەملەكەتتىك 13 - كەزەكتى حالىق قۇرىلتايىنىڭ 1 - ءماجىلىسى 3 - ايدىڭ 20 - كۇنى بەيجيڭدەگى حالىق سارايىندا جابىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماڭىزدى ءسوز سويلەدى.
سۋرەتتى شينحۋا اگەنتتىگىنىڭ ءتىلشىسى ياۋ دا - ۋي تۇسىرگەن
جيىن ۇكىمەت قىزمەتىنەن بايانداما جونىندەگى قاۋلى سياقتىلاردى داۋىسقا سالىپ ماقۇلدادى
باقىلاۋ - تەكسەرۋ زاڭىن ماقۇلدادى، شي جينپيڭ ءتوراعا بۇيرىعىنا قول قويىپ جاريالادى
لي جانشۋ جيىندى باسقاردى ءارى ءسوز سويلەدى، لي كىچياڭ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتارلىلار جيىنعا قاتىناستى، جاڭ دىجياڭ، يۇي جىڭشىڭ، جاڭ گاۋلي قاتارلىلار ءتوراعالار مىنبەسىنەن ورىن الدى
شينحۋا اگەنتتىگىنىڭ 3 - ايدىڭ 20 - كۇنى بەيجيڭنەن بەرگەن حابارى. جۇڭحۋا حالىق رەسپۋبليكاسىنىڭ مەملەكەتتىك 13 - كەزەكتى حالىق قۇرىلتايىنىڭ 1 - ءماجىلىسى ءتۇرلى كەڭەستىك تارتىپتەرىن تابىسپەن ورىنداپ، جاڭا كەزەكتى مەملەكەت قۇرىلىمدارىنىڭ قۇرامىنداعىلاردى سايلاعاننان كەيىن 3 - ايدىڭ 20 - كۇنى تۇستەن بۇرىن حالىق سارايىندا جابىلدى.
ءماجىلىس شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز توپتاسىپ، جۇڭگوشا سوتسياليزم ۇلى تۋىن بيىك ۇستاپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرىپ، پارتيا 19 - قۇرىلتايىنىڭ جانە پارتيا 19 - كەزەكتى ورتالىق كوميتەتىنىڭ ءبىرىنشى، ەكىنشى، ءۇشىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، تياناقتاندىرىپ، كۇش توپتاپ، ءبىر نيەتكە كەلىپ، قايراتتانا العا ۇمتىلىپ، وسى جولعى ماجىلىستە بەلگىلەنگەن مىندەتتەردى ورىنداۋ، جاپپاي دوڭگەلەك داۋلەتتى قوعام قۇرۋدىڭ شەشۋشى جەڭىسىنە جەتۋ، جاڭا داۋىردەگى جۇڭگوشا سوتسياليزمنىڭ ۇلى جەڭىسىنە قول جەتكىزۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا قۇلشىنا كۇرەس جۇرگىزۋگە ۇندەدى.
ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جيىندا ماڭىزدى ءسوز سويلەدى. ول بىلاي دەدى: وسى جولعى ءماجىلىس مەنى جۇڭحۋا حالىق رەسپۋبليكاسىنىڭ ءتوراعالىعىنا تاعى دا سايلادى، مەن ۋاكىلدەر مەن بۇكىل ەلدەگى ءار ۇلت حالقىنىڭ ماعان سەنىم ارتقاندىعىنا شىن جۇرەكتەن العىس ايتامىن! جۇڭحۋا حالىق رەسپۋبليكاسىنىڭ ءتوراعاسى سىندى وسى ارداقتى مىندەتتى ارقالاۋ داڭقتى بورىش، كەلەلى جاۋاپكەرلىك. مەن نەگىزگى زاڭدا جۇكتەلگەن بورىشىمدى اۋەلگىدەي ادالدىقپەن اتقارىپ، وتانعا، حالىققا ادال بولىپ، ءوز مىندەتىمدى ويداعىداي وتەپ، بار قايراتىمدى سارقا جۇمساپ، قىزمەتتى شوگەلدىكپەن ىستەپ، شىن پەيىلمەن ەسە قوسىپ، حالىقتىڭ قىزمەتكەرى بولامىن، حالىقتىڭ باقىلاۋىن قابىلدايمىن، ۋاكىلدەر مەن بۇكىل ەلىمىزدەگى ءار ۇلت حالقىنىڭ سەنىمى مەن ءۇمىتىن استە جەردە قالدىرمايمىن!
شي جينپيڭ بىلاي دەپ باسا دارىپتەدى: مەملەكەت ورگاندارىنداعى قىزمەتكەرلەر مەيلى قىزمەت ورنى قانشالىق جوعارى بولسىن، تۇگەلدەي رەسپۋبليكامىزدىڭ جۇڭحۋا حالىق رەسپۋبليكاسى ەكەندىگىن ەستەرىنەن شىعارماي، قاشاندا حالىققا كوڭىلىنىڭ تورىنەن ورىن بەرىپ، قاشاندا بۇكىل ىنتا - پەيىلدەرىمەن حالىق ءۇشىن قىزمەت ەتىپ، قاشاندا حالىقتىڭ مۇددەسى مەن باقىتى جولىندا قۇلشىنا قىزمەت ىستەۋلەرى كەرەك (ءسوزدىڭ تولىعى ايىرىم بەرىلدى).
مەملەكەتتىك 13 - كەزەكتى حالىق قۇرىلتايى تۇراقتى كوميتەتىنىڭ باستىعى، ورىنباسار باستىقتارى، باس حاتشىسى ءماجىلىستىڭ اتقارۋشى ءتوراعاسى مىندەتىن وتەدى ءارى ءتوراعالار مىنبەسىنىڭ الدىڭعى قاتارىنان ورىن الدى. ولار: لي جانشۋ، ۋاڭ چىن، ساۋ جيانميڭ، جاڭ چۇنشيان، شىن يۋەيۋە، جي بيڭشۋان، ەركىن يمىرباقى، ۋان ىشياڭ، چىن جۋ، ۋاڭ دۇڭميڭ، بايما چىلين، ديڭ جۇڭلي، حاۋ ميڭجين، ساي دافىڭ، ۋ ۋيحۋا، ياڭ جىن - ۋ.
لي كىچياڭ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتارلى پارتيا مەن مەملەكەت باسشىلارى جيىنعا قاتىناستى.
جاڭ دىجياڭ، يۇي جىڭشىڭ، جاڭ گاۋلي قاتارلىلار ءتوراعالار مىنبەسىنەن ورىن الدى.
جيىنعا قاتىناسۋعا ءتيىستى ۋاكىل 2980، قاتىناسقان ۋاكىل 2962، 18 ۋاكىل قاتىناسا المادى، قاتىناسقان ادام سانى زاڭدا بەلگىلەنگەن ادام سانىنا ۇيلەسەدى.
جابىلۋ جيىنىن ءماجىلىستىڭ اتقارۋشى ءتوراعاسى، مەملەكەتتىك 13 - كەزەكتى حالىق قۇرىلتايى تۇراقتى كوميتەتىنىڭ باستىعى لي جانشۋ باسقاردى.
تۇستەن بۇرىن ساعات 9دا لي جانشۋ جيىننىڭ باستالعانىن جاريالادى.
جيىن داۋىسقا سالۋ ارقىلى ۇكىمەت قىزمەتىنەن بايانداما جونىندەگى قاۋلىنى ماقۇلدادى. قاۋلىدا بىلاي دەپ اتاپ كورسەتىلدى: ءماجىلىس وتكەن 5 جىلدا ەلىمىزدىڭ ەكونوميكالىق، قوعامدىق دامۋدا قول جەتكىزگەن تاريحي جەتىستىكتەردى، جارىققا شىققان تاريحي وزگەرىستەردى جوعارى باعالاپ، مەملەكەتتىك كەڭەستىڭ وتكەن 5 جىلداعى قىزمەتتەرىن تولىق تۇراقتاندىرىپ، باياندامادا العا قويىلعان 2018 - جىلعى ەكونوميكالىق، قوعامدىق دامۋدىڭ جالپى تالابىنا، ساياسات بەتالىسىنا جانە ۇكىمەت قىزمەتى جونىندەگى ۇسىنىسقا قوسىلىپ، وسى باياندامانى بەكىتۋدى ۇيعاردى.
جيىن داۋىسقا سالۋ ارقىلى باقىلاۋ - تەكسەرۋ زاڭىن ماقۇلدادى، مەملەكەت ءتوراعاسى شي جينپيڭ 3 - ءنومىرلى ءتوراعا بۇيرىعىنا قول قويىپ، جاريالادى.
جيىن 2017 - جىلعى حالىق شارۋاشىلىعى مەن قوعامدىق دامۋ جوسپارىنىڭ اتقارىلۋ احۋالى جانە 2018 - جىلعى حالىق شارۋاشىلىعى مەن قوعامدىق دامۋ جوسپارى جونىندەگى قاۋلىنى داۋىسقا سالىپ ماقۇلداپ، 2017 - جىلعى حالىق شارۋاشىلىعى مەن قوعامدىق دامۋ جوسپارىنىڭ اتقارىلۋ احۋالى جانە 2018 - جىلعى حالىق شارۋاشىلىعى مەن قوعامدىق دامۋ جوسپارى جوباسى جونىندەگى باياندامانى بەكىتۋدى ۇيعاردى، 2018 - جىلعى حالىق شارۋاشىلىعى مەن قوعامدىق دامۋ جوسپارىن بەكىتتى؛ 2017 - جىلعى ورتالىق پەن جەرگىلىكتى ورىننىڭ مەجە ەسەبىنىڭ اتقارىلۋ احۋالى جانە 2018 - جىلعى ورتالىق پەن جەرگىلىكتى ورىننىڭ مەجە ەسەبى جونىندەگى قاۋلىنى داۋىسقا سالىپ ماقۇلداپ، 2017 - جىلعى ورتالىق پەن جەرگىلىكتى ورىننىڭ مەجە ەسەبىنىڭ اتقارىلۋ احۋالى جانە 2018 - جىلعى ورتالىق پەن جەرگىلىكتى ورىننىڭ مەجە ەسەپ جوباسى جونىندەگى باياندامانى بەكىتۋدى ۇيعاردى، 2018 - جىلعى ورتالىقتىڭ مەجە ەسەبىن بەكىتتى.
جيىن مەملەكەتتىك حالىق قۇرىلتايى تۇراقتى كوميتەتىنىڭ قىزمەتىنەن بايانداما تۋرالى قاۋلىنى، ەڭ جوعارى حالىق سوتى مەكەمەسىنىڭ قىزمەتىنەن بايانداما تۋرالى قاۋلىنى، ەڭ جوعارى حالىق پروكۋراتۋراسىنىڭ قىزمەتىنەن بايانداما تۋرالى قاۋلىنى داۋىسقا سالىپ ماقۇلداپ، وسى 3 باياندامانى بەكىتۋدى ۇيعاردى.
وسى كەڭەستىك تارتىپتەر ورىندالعان سوڭ، شي جينپيڭ ماڭىزدى ءسوز سويلەدى.
شي جينپيڭ مىنالاردى باسا دارىپتەدى: جۇڭگو حالقى ۇزاق ۋاقىت كۇرەس جۇرگىزۋ بارىسىندا قالىپتاستىرعان، جالعاستىرعان، دامىتقان ۇلى ۇلت رۋحى جۇڭگونىڭ وركەندەۋى مەن ادامزات وركەنيەتىنىڭ العا باسۋى جونىنەن قۇدىرەتتى رۋحاني قوزعاۋشى كۇش ازىرلەدى. جۇڭگو حالقى ۇلى جاسامپازدىق رۋحقا يە حالىق، ءبىر ميلليارد 300 ميلليوننان استام جۇڭگو حالقى مۇنداي جاسامپازدىق رۋحتى باستان - اياق ساۋلەلەندىرسە بولعانى، ءبىز ارت - ارتىنان، ءسوز جوق، كەرەمەتتەر جاراتا الامىز. جۇڭگو حالقى ۇلى كۇرەسكەرلىك رۋحقا يە حالىق، ءبىر ميلليارد 300 ميلليوننان استام جۇڭگو حالقى مۇنداي ۇلى كۇرەسكەرلىك رۋحتى باستان - اياق ساۋلەلەندىرسە بولعانى، ءبىز ءتىپتى دە باقىتتى تۇرمىس جاراتۋ ۇلى نىساناسىن، ءسوز جوق، جۇزەگە اسىرا الامىز. جۇڭگو حالقى ۇلى ىنتىماق رۋحىنا يە حالىق، ءبىر ميلليارد 300 ميلليوننان استام جۇڭگو حالقى مۇنداي ۇلى ىنتىماق رۋحىن باستان - اياق ساۋلەلەندىرسە بولعانى، ءبىز ەرلىكپەن العا ۇمتىلاتىن، المايتىن قامالى بولمايتىن قۇدىرەتتى كۇشتى، ءسوز جوق، قالىپتاستىرا الامىز. جۇڭگو حالقى ۇلى ارمان رۋحىنا يە حالىق، ءبىر ميلليارد 300 ميلليوننان استام جۇڭگو حالقى وسىنداي ۇلى ارمان رۋحىن باستان - اياق ساۋلەلەندىرسە بولعانى، ءبىز جۇڭحۋا ۇلتىنىڭ ۇلى گۇلدەنۋىن، ءسوز جوق، جۇزەگە اسىرا الامىز. وسىنداي ۇلى حالىقتىڭ، وسىنداي ۇلى ۇلتتىڭ، وسىنداي ۇلى ۇلتتىق رۋحتىڭ بولۋى ءبىزدىڭ ماقتانىشىمىز، ءبىزدىڭ جۇڭگوشا سوتسياليزم جولىنا سەنىمدى، نازارياسىنا سەنىمدى، تۇزىمىنە سەنىمدى، مادەنيەتىنە سەنىمدى بەكەمدەۋىمىزدىڭ ءتۇپ نەگىزى، سونداي - اق ءارقانداي كەدەرگىنى بۇزىپ ءوتىپ، اسقاق اۋەنمەن العا باسۋىمىزدىڭ ءتۇبىرلى كۇشى.
شي جينپيڭ مىنالاردى اتاپ كورسەتتى: ەلىمىز جۇمىسشى تابى باسشىلىعىنداعى، جۇمسشى - ديقان وداعىن نەگىز ەتكەن حالىق دەموكراتياسى ديكتاتۋراسىندىق سوتسياليستىك مەملەكەت، مەملەكەتتىڭ بارلىق بيلىگى حالىققا ءتان. ءبىز حالىقتىق تۇرعىدا، حالىقتىڭ نەگىزگى تۇلعالىق ورنىنا، ءسوزسىز، باستان - اياق تاباندى بولىپ، حالىقتان كىشى پەيىلدىلىكپەن ۇيرەنىپ، حالىقتىڭ ۇنىنە قۇلاق اسىپ، حالىقتىڭ اقىل - پاراساتىن قابىلداپ، حالىقتىڭ قولداۋ - قولداماۋىن، جاقتاۋ - جاقتاماۋىن، قۋانۋ - قۋانباۋىن، قوسىلۋ - قوسىلماۋىن بارلىق قىزمەتتەردىڭ تابىستارى مەن ساتسىزدىكتەرىن ولشەۋدىڭ ءتۇبىرلى ولشەمى ەتىپ، حالىقتىڭ ەڭ كوكەي تەستى، ەڭ تىكە، ەڭ رەال مۇددە ماسەلەلەرىن كۇش سالا شەشىپ، جالپى جۇڭگو حالقى مەن جۇڭحۋا پەرزەنتتەرىن جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ تاريحي ءۇردىسى بارىسىندا باقىت پەن داڭقتان تەڭ يگىلىكتەندىرۋىمىز كەرەك.
مەملەكەتتىك 13 - كەزەكتى حالىق قۇرىلتايىنىڭ 1 - ءماجىلىسى 3 - ايدىڭ 20 - كۇنى بەيجيڭدەگى حالىق سارايىندا جابىلدى. شي جينپيڭ قاتارلى پارتيا مەن مەملەكەت باسشىلارى ءتوراعالار مىنبەسىنەن ورىن الدى. شي جينپيڭ مىنالاردى باسا دارىپتەدى: حالىقتا سەنىم بولعاندا عانا، مەملەكەتتە بولاشاق بولادى، مەملەكەتتە كۇش - قۋات بولادى. جۇڭگوشا سوتسياليزم جاڭا داۋىرگە قادام تاستادى، ەڭبەكشىل، ەرجۇرەك جۇڭگو حالقىنىڭ وزىندىك سەنىمى، وزىندىك ار - نامىسى، وزىندىك قۇدىرەتى ءتىپتى دە ارتا ءتۇستى. شىعىستاعى بايىرعى دا وسى زامانعى ءىرى ەل بولعان جۇڭگو جالىندى جىگەرىن، جالىن اتقان تىنىسىن ايگىلەۋدە، جۇڭگوشا سوتسياليزم جولى، نازارياسى، ءتۇزىمى، مادەنيەتى قۇدىرەتتى دە ومىرشەڭدىك قۋاتقا يە جالىندى كۇشىن كورسەتىپ، جۇڭحۋانىڭ ۇلان - بايتاق جەرىندە سانسىزداعان حيكىمەتتەر جارىققا شىعۋدا. ءبىز بولاشاققا تولىق سەنىمدەمىز. ءبىز ەلىمىز دامۋىنىڭ جاڭا تاريحي ورنىنا ۇيلەسىپ، ەلىمىز قوعامىنداعى باستى قايشىلىقتىڭ وزگەرىسىن مىقتى مەڭگەرىپ، جۇڭگوشا سوتسياليزم ۇلى تۋىن بيىك ۇستاپ، ماركسيزم - لەنينيزمدى، ماۋ زىدۇڭ يدەياسىن، دىڭ شياۋپيڭ نازارياسىن، «ۇشكە ۋاكىلدىك ەتۋ» ماڭىزدى يدەياسىن، عىلمي دامۋ كوزقاراسىن، جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، قىزمەتتى ورنىقتىلىق بارىسىندا ىلگەرىلەتۋ سىندى نەگىزگى اۋەننەن، حالىقتى وزەك ەتۋ سىندى دامۋ يدەياسىنان جازباي، ۇلى كۇرەستى، ۇلى ينجەنەريانى، ۇلى ءىستى، ۇلى ارماندى ءبىر تۇتاس مەڭگەرىپ، «بەستى ءبىر تۇلعالاندىرۋ» جالپى تۇلعالىق ورنالاستىرۋىن ءبىر تۇتاس ىلگەرىلەتىپ، «ءتورتتى جاپپاي ورىنداۋ» ستراتەگيالىق ورنالاستىرۋىن سايكەستى ىلگەرىلەتىپ، جاڭا ءداۋىر جۇڭگوشا سوتسياليزم ىستەرىنىڭ جاڭا جاعدايىن جاراتۋ جولىندا بارىنشا قۇلشىنۋىمىز كەرەك.
شي جينپيڭ مىنالاردى باسا دارىپتەدى: ءبىز ءومىر ءسۇرىپ وتىرعان دۇنيە ۇمىتكە تولى، سىن - سايىستارعا دا تولى. جۇڭگو حالقى ەجەلدەن ادىلەتتىلىك سەزىمگە جانە تىلەۋلەستىك كوڭىلگە باي، ەجەلدەن ءوزىنىڭ بولاشاعى مەن تاعدىرىن ءار ەل حالقىنىڭ بولاشاعىمەن، تاعدىرىمەن تىعىز بايلانىستىرىپ، قاي - قاشان دا ەڭ زور قۇلشىنىس جاساپ، ادامزاتتىڭ بەيبىتشىلىگى مەن دامۋى جولىندا ۇلەس قوسۋعا پەيىل بولىپ كەلەدى. جۇڭگو بەيبىتشىلىك، دامۋ، سەلبەستىك، تەڭ يگىلىكتەنۋ تۋىن ۇزدىكسىز بيىك ۇستاپ، بەيبىت دامۋ جولىمەن جۇرۋگە، ءوزارا تيىمدىلىك جەتكىزىپ، تەڭ يگىلىككە كەنەلۋدەي اشىق ستراتەگيانى اتقارۋعا باستان - اياق تاباندى بولىپ، دۇنيە جۇزىنە اناعۇرلىم مول جۇڭگو اقىل - پاراساتىن، جۇڭگو جوباسىن، جۇڭگو كۇش - قۋاتىن تارتۋ ەتىپ، باياندى بەيبىت، جاپپاي حاۋىپسىز، ورتاق گۇلدەنىپ - كوركەيگەن، اشىق تا قامتىمدى، تازا دا كورىكتى دۇنيە قۇرۋدى ىلگەرىلەتىپ، ادامزاتتىڭ تاعدىرلاس ورتاق تۇلعاسى قۇرىلىسىنىڭ شۇعىلاسىمەن دۇنيە ءجۇزىن نۇرلاندىرادى.
شي جينپيڭ مىنالاردى اتاپ كورسەتتى: جۇڭگو كوممۋنيستىك پارتياسىنىڭ باسشىلىعى جۇڭگوشا سوتسياليزمنىڭ ەڭ ماندىك ەرەكشەلىگى، جۇڭگو كوممۋنيستىك پارتياسى مەملەكەتتىڭ ەڭ جوعارى ساياسي باسشى كۇشى، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ ءتۇبىرلى كەپىلى. ەلىمىزدەگى پارتيا - توپتار، ۇيىمدار، ۇلتتار، جىكتەر، ءار سالا قايراتكەرلەر پارتيا ورتالىق كوميتەتىنىڭ توڭىرەگىنە تىعىز توپتاسىپ، «4 تانىمدى» نىعايتىپ، «4 سەنىمدى» بەكەمدەپ، بارشا حالىق جۇدىرىقتاي جۇمىلىپ، العا ىلگەرىلەۋ كەرەك. جۇڭگو كوممۋنيستىك پارتياسى حالىققا باستاماشى بولىپ، ۇلى قوعامدىق توڭكەرىستەر جۇرگىزۋ سىندى تاريحي بورىشتى ارقالاپ، وزىنە توڭكەرىس جاساۋعا، ءسوزسىز، باتىل بولىپ، پارتيانى جالپى ءۇشىن قۇرۋعا، بيلىكتى حالىق ءۇشىن جۇرگىزۋگە تاباندى بولىپ، پارتيانى جاپپاي قاتاڭ جونگە سالۋدى ىشكەرىلەي ىلگەرىلەتىپ، بارلىق كەرەناۋ، ءىرىپ - ءشىرۋ قۇبىلىستارىن باتىل جويىپ، حالىقپەن تىلەكتەس بولىپ، حالىقپەن بەينەتتە - زەينەتتە بىرگە بولىپ، ىنتىماقتاسا كۇرەس جاساپ، ماركسيزمدىك بيلىك پارتياسىنىڭ اسىل قاسيەتىن ماڭگى ساقتاپ، ماڭگى ءداۋىردىڭ الدىڭعى لەگىندە ءجۇرىپ، ماڭگى جۇڭگو حالقى مەن جۇڭحۋا ۇلتىنىڭ تىرەگى بولۋ كەرەك. ءبىز جاڭا ءداۋىردىڭ جۇيتكىگەن شىعىس جەلىمەن، قۇلشىنا ءتۇسىپ، رولدى مىقتى يگەرىپ، كۇش - قايرات جيىپ، ءبىر ميلليارد 300 ميلليوننان استام جۇڭگو حالقىنىڭ ۇلى ارمانىن تيەگەن جۇڭحۋانىڭ الىپ كەمەسىن جەلكەنىن كەڭ جايىپ، تولقىن جارا ۇمىتكە تولى بولاشاققا جەڭىسپەن جۇيتكىتەمىز.
شي جينپيڭنىڭ سوزىنە بۇكىل زالداعىلار كوپ مارتە قىزۋ شاپالاق سوقتى.
ونان سوڭ لي جانشۋ دا ءسوز سويلەدى. ول مىنالاردى ءبىلدىردى: مەن ءتوراعا شي جينپيڭنىڭ ماڭىزدى ءسوزىن بۇكىلدەي قۇپتايمىن جانە باتىل قولدايمىن. ءتوراعا شي جينپيڭنىڭ ماڭىزدى ءسوزى بۇكىل ەلدەگى ءار ۇلت حالقىنىڭ كۇرەس جىگەرىنە، بارشا حالىقتىڭ جۇدىرىقتاي جۇمىلىپ، ۇمىتكە تولى بولاشاققا جەڭىسپەن بەت الۋىنا ەرەكشە دەم بەرەدى. ول بىلاي دەدى: شي جينپيڭ جولداس تولىق داۋىسپەن جۇڭحۋا حالىق رەسپۋبليكاسىنىڭ ءتوراعالىعىنا، جۇڭحۋا حالىق رەسپۋبليكاسى ورتالىق اسكەري ىستەر كوميتەتىنىڭ ءتوراعالىعىنا سايلاندى، بۇل مەملەكەتتىك حالىق قۇرىلتايىنىڭ 3000عا تارتا ۋاكىلىنىڭ كوللەكتيۆتىك ەركى، بۇكىل ەلدەگى ءبىر ميلليارد 300 ميلليوننان استام ءار ۇلت حالقىنىڭ ورتاق تىلەگى. شي جينپيڭ جولداستى بۇكىل پارتيا قولدايدى، حالىق سۇيەدى، ول اتى - زاتىنا ساي پارتيانىڭ ۇيتقىسى، ارميانىڭ قولباسشىسى، حالىقتىڭ كوسەمى، جاڭا داۋىردەگى جۇڭگوشا سوتسياليستىك مەملەكەتتىڭ رولشىسى، حالىقتىڭ جول باستاۋشىسى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ جەتەكشىلىگىندە، جۇڭگو حالقى جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا سەنىمى كامىل، قابىلەت - قۋاتى دا جەتەدى.
لي جانشۋ بىلاي دەدى: بۇل جۇڭگوشا سوتسياليزم ۇلى تۋىن بيىك ۇستاپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسى مەن پارتيا 19 - قۇرىلتايىنىڭ رۋحىن جاپپاي دايەكتىلەندىرگەن، دەموكراتيالى، ىنتىماقتى، شىنشىل، ەرلىكپەن العا ۇمتىلعان ءماجىلىس بولدى. ول مەملەكەتتىك 13 - كەزەكتى حالىق قۇرىلتايى مەن ونىڭ تۇراقتى كوميتەتى اتىنان جاڭ دىجياڭ جولداسقا، مەملەكەتتىك 12 - كەزەكتى حالىق قۇرىلتايىنىڭ جالپى قۇرامىنداعىلارعا، مەملەكەتتىك 12 - كەزەكتى حالىق قۇرىلتايىنىڭ ۋاكىلدەرىنە وسكەلەڭ قۇرمەت ءبىلدىردى.
لي جانشۋ بىلاي دەدى: وسى رەتكى ءماجىلىس مەملەكەتتىك 13 - كەزەكتى حالىق قۇرىلتايىنىڭ تۇراقتى كوميتەتىن سايلاپ شىقتى ءارى مەنى كوميتەت باستىقتىعىنا سايلادى. بۇل ۋاكىلدەردىڭ ماعان سەنىم ارتقاندىعى. ءبىز بورىشىمىزدىڭ داڭقتى، جاۋاپكەرشىلىگىمىزدىڭ كەلەلى ەكەندىگىن تەرەڭ سەزىنىپ وتىرمىز. ءبىز جالپى ۋاكىلدەرمەن بىرگە پارتيا ورتالىق كوميتەتىنىڭ شەشىمدەرى مەن ورنالاستىرۋلارىن ادالدىقپەن دايەكتىلەندىرىپ، حالىقتىڭ مۇددەسىن ادالدىقپەن قورعاپ، نەگىزگى زاڭدا جۇكتەلگەن بورىشتارىمىزدى ادالدىقپەن اتقارىپ، مىندەتتەرىمىزدى ويداعىداي وتەپ، قۇلشىنا قىزمەت ىستەپ، ۋاكىلدەردىڭ ماڭىزدى تاپسىرماسىن ورىندايمىز.
لي جانشۋ بىلاي دەدى: نەگىزگى زاڭ − مەملەكەتتىڭ ءتۇبىرلى زاڭى. ونىڭ ەڭ جوعارى زاڭدىق ورنى، زاڭدىق ابىرويى، زاڭدىق قۋاتى بولادى. مەملەكەتتىك حالىق قۇرىلتايى، سونداي - اق ونىڭ تۇراقتى كوميتەتى نەگىزگى زاڭدا تۇراقتاندىرىلعان مەملەكەتتىڭ جەتەكشى يدەياسىنان اۋىتقىماۋعا، ءسوز جوق، تاباندى بولۋ، نەگىزگى زاڭدا تۇراقتاندىرىلعان جۇڭگو كوممۋنيستىك پارتياسىنىڭ باسشىلىق ورنىنان اۋىتقىماۋعا، ءسوز جوق، تاباندى بولۋ، نەگىزگى زاڭدا بەلگىلەنگەن مەملەكەتتىڭ ءتۇبىرلى مىندەتىنەن، دامۋ جولىنان، كۇرەس نىساناسىنان اۋىتقىماۋعا تاباندى بولۋ، نەگىزگى زاڭدا بەلگىلەنگەن حالىق دەموكراتياسى ديكتاتۋراسىندىق مەملەكەت قۇرىلىمى مەن حالىق قۇرىلتايى تۇزىمىندىك بيلىك قۇرىلىمىنان اۋىتقىماۋعا تاباندى بولۋ كەرەك.
لي جانشۋ بىلاي دەدى: پارتيا مەن مەملەكەت ىستەرىنىڭ قارىشتاپ دامۋى حالىق قۇرىلتايى قىزمەتىنە بۇرىنعىدان دا جوعارى تالاپ قويدى. بورىشتى جىعا تانىپ، قايراتتانا العا ۇمتىلىپ، جاڭا داۋىردە حالىق قۇرىلتايى تۇزىمىنە ۇزاق ۋاقىت تاباندى بولۋ جانە ونى ۇزدىكسىز كەمەلدەندىرۋ ارداقتى بورىشىن شىنايى ۇستىنە الۋ؛ «4 تانىمدى» شىنايى كۇشەيتىپ، پارتيانىڭ باسشىلىعىن حالىق قۇرىلتايى قىزمەتىنە باستان - اياق ءسىڭىرۋ؛ زاڭ شىعارۋ ۇقىعىن، باقىلاۋ ۇقىعىن، شەشىم جاساۋ ۇقىعىن، مىندەتكە تاعايىنداۋ جانە مىندەتىنەن قالدىرۋ ۇقىعىن زاڭ بويىنشا جۇرگىزىپ، پارتيا مەن حالىق جۇكتەگەن داڭقتى مىندەتىن شىنايى اتقارۋ؛ حالىق قۇرىلتايى ۋاكىلدەرىنىڭ رولىن ءتىپتى دە جاقسى ساۋلەلەندىرىپ، حالىق قۇرىلتايىن جانە ونىڭ تۇراقتى كوميتەتىن نەگىزگى زاڭ جانە زاڭدار جۇكتەگەن ءتۇرلى مىندەتتەرىن جاپپاي ۇستىنە الاتىن قىزمەت ورگانىنا، حالىق جۇرتشىلىعىمەن ەتەنە بايلانىس جاسايتىن ۋاكىلدىك ورگانعا اينالدىرۋ كەرەك.
مولشەرمەن ساعات 10نان 20 مينۋت وتكەندە، لي جانشۋ جۇڭحۋا حالىق رەسپۋبليكاسى مەملەكەتتىك 13 - كەزەكتى حالىق قۇرىلتايى 1 - ءماجىلىسىنىڭ جابىلعاندىعىن جاريالادى. جيىن ايبىندى مەملەكەت گيمنىمەن اياقتادى.
ديڭ شۋەشياڭ، ليۋ حى، شۇي چيلياڭ، سۇن چۇنلان، لي شي، لي چياڭ، لي حۇڭجۇڭ، ياڭ جيەچى، ياڭ شياۋدۋ، جاڭ يوۋشيا، چىن شي، چىن چۋانگو، چىن مين - ىر، حۋ چۇنحۋا، گو شىڭكۇن، حۋاڭ كۇنميڭ، ساي چي، يوۋ چۋان، ۋي فىڭحى، ۋاڭ يۇڭ، ۋاڭ ي، شياۋ جيە، جاۋ كىجى، جوۋ چياڭ، جاڭ جۇن، جاڭ چيڭلي، ليۋ چيباۋ، پابالا گىلەلاڭجيە، دۇڭ جيانحۋا، ۋان گاڭ، حى حوۋحۋا، لۋ جانگۇڭ، ۋاڭ جىڭۋي، ما بياۋ، چىن شياۋگۋاڭ، لياڭ جىنيىڭ، شيا باۋلۇڭ، ياڭ چۋانتاڭ، لي بين، باتىر، ۋاڭ يۇڭچيڭ، حى ليفىڭ، سۋ حۇي، جىڭ جيانباڭ، گۋ شىڭزۋ، ليۋ شينچىڭ، حى ۋي، شاۋ حۇڭ، گاۋ يۇنلۇڭ جانە ليۋ ياندۇڭ، لي يۋانچاۋ، ما كاي، لي جيانگو، فان چاڭلۇڭ، دۋ چيڭلين، ۋاڭ شىڭجۇن، چىن چاڭجى، يان جۇنچي، جاڭ پيڭ، شياڭبا پيڭسو، جاڭ باۋۋىن، چاڭ ۋانچۋان، حان چيدى، لين ۋىن - ي، لو فۋحى، لي حايفىڭ، چىن يۋان، ۋاڭ جيارۇي، چي شۇيچۇن، ما پەيحۋا، ليۋ شياۋفىڭ، ۋاڭ چينمين، ورتالىق اسكەري ىستەر كوميتەتىنىڭ مۇشەلەرى لي زوچىڭ، مياۋ حۋا، جاڭ شىڭمين، سونداي - اق جاۋ كىشى، ۋ شىڭلي، ما شياۋتيان، ت.ب ءتوراعالار مىنبەسىنەن ورىن الدى.
شياڭگاڭ ەرەكشە اكىمشىلىك رايونىنىڭ اكىمى لينجىڭ يۋە - ى، اۋمىن ەرەكشە اكىمشىلىك رايونىنىڭ اكىمى سۇي شى - ان جيىنعا سىرتتاي قاتىناستى ءارى ءتوراعالار مىنبەسىنەن ورىن الدى.
ورتالىق پەن مەملەكەت ورگاندارىنىڭ قاتىستى تاراۋلارىنىڭ، ازاتتىق ارميانىڭ قاتىستى ورىندارىنىڭ، حالىقتىق ۇيىمداردىڭ قاتىستى جاۋاپتىلارى ماجىلىسكە سىرتتاي قاتىناستى نەمەسە ءماجىلىستى سىرتتاي تىڭدادى.
شەتەلدەردىڭ جۇڭگوداعى ەلشىلەرى ءماجىلىستى سىرتتاي تىڭدادى.
3 - ايدىڭ 20 - كۇنى تۇستەن كەيىن، شي جينپيڭ قاتارلى پارتيا مەن مەملەكەت باسشىلارى حالىق سارايىندا مەملەكەتتىك 13 - كەزەكتى حالىق قۇرىلتايىنىڭ 1 - ماجىلىسىنە قاتىناسقان بارلىق ۋاكىلمەن كەزدەسىپ، ولارمەن بىرگە ەستەلىك سۋرەتكە ءتۇستى.
