(2018 - جىلى 3 - ايدىڭ 20 - كۇنى)
لي جانشۋ
ۋاكىلدەر:
مەن ءتوراعا شي جينپيڭنىڭ ماڭىزدى ءسوزىن بۇكىلدەي قۇپتايمىن جانە باتىل قولدايمىن. ءتوراعا شي جينپيڭنىڭ ماڭىزدى ءسوزى بۇكىل ەلدەگى ءار ۇلت حالقىنىڭ كۇرەس جىگەرىنە، بارشا حالىقتىڭ جۇدىرىقتاي جۇمىلىپ، ۇمىتكە تولى بولاشاققا جەڭىسپەن بەت الۋىنا ەرەكشە دەم بەرەدى!
ۋاكىلدەر!
بۇل رەتكى ماجىلىستە شي جينپيڭ جولداس تولىق داۋىسپەن جۇڭحۋا حالىق رەسپۋبليكاسىنىڭ ءتوراعالىعىنا، جۇڭحۋا حالىق رەسپۋبليكاسى ورتالىق اسكەري ىستەر كوميتەتىنىڭ ءتوراعالىعىنا سايلاندى، بۇل مەملەكەتتىك حالىق قۇرىلتايىنىڭ 3000عا تارتا ۋاكىلىنىڭ كوللەكتيۆتىك ەركى، بۇكىل ەلدەگى ءبىر ميلليارد 300 ميلليوننان استام ءار ۇلت حالقىنىڭ ورتاق تىلەگى. شي جينپيڭ جولداستى بۇكىل پارتيا قولدايدى، حالىق سۇيەدى، ول اتى - زاتىنا ساي پارتيانىڭ ۇيتقىسى، ارميانىڭ قولباسشىسى، حالىقتىڭ كوسەمى، جاڭا داۋىردەگى جۇڭگوشا سوتسياليستىك مەملەكەتتىڭ رولشىسى، حالىقتىڭ جول باستاۋشىسى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ جەتەكشىلىگىندە، جۇڭگو حالقى جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا سەنىمى كامىل، قابىلەت - قۋاتى دا جەتەدى.
ۋاكىلدەر!
مەملەكەتتىك 13 - كەزەكتى حالىق قۇرىلتايىنىڭ 1 - ءماجىلىسى كەڭەستىك تارتىپتەرىن ءساتتى ورىنداپ بولدى. ءماجىلىس نەگىزگى زاڭعا وزگەرىس ەنگىزۋ سىندى وسكەلەڭ مىندەتتى ورىندادى، باقىلاۋ - تەكسەرۋ زاڭىن، مەملەكەتتىك كەڭەس قۇرىلىمدارىنا رەفورما جاساۋ جوباسىن قاراپ ماقۇلدادى، ۇكىمەت قىزمەتىنەن باياندامانى جانە باسقا باياندامالاردى قاراپ بەكىتتى، جاڭا كەزەكتى مەملەكەت قۇرىلىمىنىڭ باسشىلارىن سايلادى جانە مىندەتكە تاعايىنداۋدى ۇيعاردى. بۇل جۇڭگوشا سوتسياليزم ۇلى تۋىن بيىك ۇستاپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسى مەن پارتيا 19 - قۇرىلتايىنىڭ رۋحىن جاپپاي دايەكتىلەندىرگەن، دەموكراتيالى، ىنتىماقتى، شىنشىل، ەرلىكپەن العا ۇمتىلعان ءماجىلىس بولدى.
وتكەن 5 جىلدا شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، جاڭ دىجياڭ جولداستىڭ باسقارۋىندا مەملەكەتتىك 12 - كەزەكتى حالىق قۇرىلتايى جانە ونىڭ تۇراقتى كوميتەتى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاپ، پارتيا مەن حالىق ىستەرىنىڭ قاجەتى توڭىرەگىندە مىندەت - بورىشتارىن تولىق وتەپ، جاۋاپكەرشىلىك ارقالاۋعا باتىل بولىپ، حالىق قۇرىلتايى قىزمەتىندە تاريحي جەتىستىكتەرگە قول جەتكىزدى، سوتسياليستىك دەموكراتيالى زاڭمەن باسقارۋ قۇرىلىسى ماڭىزدى قادام تاستاپ، پارتيا مەن حالىق ىستەرىنىڭ دامۋىن جەبەۋ جونىنەن ەلەۋلى ۇلەس قوستى. وسى ارادا مەن مەملەكەتتىك 13 - كەزەكتى حالىق قۇرىلتايى جانە ونىڭ تۇراقتى كوميتەتى اتىنان جاڭ دىجياڭ جولداسقا، مەملەكەتتىك 12 - كەزەكتى حالىق قۇرىلتايىنىڭ جالپى قۇرامىنداعىلارعا، مەملەكەتتىك 12 - كەزەكتى حالىق قۇرىلتايىنىڭ ۋاكىلدەرىنە وسكەلەڭ قۇرمەت بىلدىرەمىن!
وسى رەتكى ءماجىلىس مەملەكەتتىك 13 - كەزەكتى حالىق قۇرىلتايىنىڭ تۇراقتى كوميتەتىن سايلاپ شىقتى ءارى مەنى كوميتەت باستىقتىعىنا سايلادى. بۇل ۋاكىلدەردىڭ ماعان سەنىم ارتقاندىعى. ءبىز بورىشىمىزدىڭ داڭقتى، جاۋاپكەرشىلىگىمىزدىڭ كەلەلى ەكەندىگىن تەرەڭ سەزىنىپ وتىرمىز. ءبىز جالپى ۋاكىلدەرمەن بىرگە پارتيا ورتالىق كوميتەتىنىڭ شەشىمدەرى مەن ورنالاستىرۋلارىن ادالدىقپەن دايەكتىلەندىرىپ، حالىقتىڭ مۇددەسىن ادالدىقپەن قورعاپ، نەگىزگى زاڭدا جۇكتەلگەن بورىشتارىمىزدى ادالدىقپەن اتقارىپ، مىندەتتەرىمىزدى ويداعىداي وتەپ، قۇلشىنا قىزمەت ىستەپ، ۋاكىلدەردىڭ ماڭىزدى تاپسىرماسىن ورىندايمىز!
ۋاكىلدەر!
نەگىزگى زاڭ − مەملەكەتتىڭ ءتۇبىرلى زاڭى، ونىڭ ەڭ جوعارى زاڭدىق ورنى، زاڭدىق ابىرويى، زاڭدىق قۋاتى بولادى. نەگىزگى زاڭ پارتيا مەن مەملەكەتتىڭ بولاشاعىمەن، تاعدىرىمەن تىعىز قاتىستى. مەملەكەتتىك حالىق قۇرىلتايى، سونداي - اق ونىڭ تۇراقتى كوميتەتى نەگىزگى زاڭعا ادال بولىپ، نەگىزگى زاڭعا بويسۇنىپ، نەگىزگى زاڭدى قورعاپ، نەگىزگى زاڭ جۇكتەگەن بورىشىن ورىنداپ، نەگىزگى زاڭنىڭ اتقارىلۋىنا كەپىلدىك ەتىپ، جاڭا داۋىردە پارتيا مەن مەملەكەت ىستەرىنىڭ دامۋىن نەگىزگى زاڭمەن پارمەندى قامتاماسىز ەتۋ كەرەك.
نەگىزگى زاڭدا تۇراقتاندىرىلعان مەملەكەتتىڭ جەتەكشى يدەياسىنان اۋىتقىماۋعا، ءسوز جوق، تاباندى بولۋ كەرەك. جەتەكشى يدەيا ءبىر ساياسي پارتيانىڭ، ءبىر مەملەكەتتىڭ رۋحاني تۋى. شي جينپيڭنىڭ جاڭا ءداۋىر جۇڭگوشا سوتسياليزم يدەياسى پارتيامىز ۇزاق ۋاقىت تاباندى بولاتىن جەتەكشى يدەيا ءارى نەگىزگى زاڭعا وزگەرىس ەنگىزۋ جوباسىندا تۇراقتاندىرىلعان مەملەكەتتىڭ جەتەكشى يدەياسى. ءبىز شي جينپيڭنىڭ جاڭا ءداۋىر جۇڭگوشا سوتسياليزم يدەياسىن مەملەكەتتىڭ ساياسي تۇرمىسى مەن قوعامدىق تۇرمىسىندا دايەكتى تياناقتاندىرۋدان اۋىتقىماي، بۇكىل پارتيا، بۇكىل ەل حالقىنىڭ ىنتىماقتاسا كۇرەس جاسايتىن ورتاق يدەيالىق نەگىزىن بەكەمدەپ، جاڭا داۋىردەگى جۇڭگوشا سوتسياليزمگە تاباندى بولۋدىڭ جانە ونى دامىتۋدىڭ ۇلى امالياتىنا جەتەكشىلىك ەتۋىمىز كەرەك.
نەگىزگى زاڭدا تۇراقتاندىرىلعان جۇڭگو كوممۋنيستىك پارتياسىنىڭ باسشىلىق ورنىنان اۋىتقىماۋعا، ءسوز جوق، تاباندى بولۋ كەرەك. تاريح پەن حالىق جۇڭگو كوممۋنيستىك پارتياسىن تاڭدادى، پارتيا حالىققا باسشىلىق ەتىپ، پارتيا مەن حالىقتىڭ بىرلىككە كەلگەن ەركىن بەينەلەيتىن نەگىزگى زاڭدى جاسادى، حالىق نەگىزگى زاڭدا تۇراقتاندىرىلعان پارتيانىڭ باسشىلىعىن سانالى قابىلدادى، پارتيانىڭ ءوزى دە نەگىزگى زاڭ كولەمىندە ارەكەت جاسايدى، مىنە بۇل پارتيا باسشىلىعىنا تاباندى بولۋدىڭ تاريحي لوگيكاسى، ساياسي لوگيكاسى جانە زاڭدىق لوگيكاسى. پارتيا باسشىلىعىنىڭ، حالىقتىڭ وزىنە - ءوزى قوجايىن بولۋىنىڭ، ەلدى زاڭمەن باسقارۋدىڭ ورگانيكالىق بىرلىگىنە تاباندى بولۋداعى ەڭ ءتۇبىرلىسى پارتيا باسشىلىعىنا تاباندى بولۋ. حالىقتىڭ مەملەكەت بيلىگىن جۇرگىزەتىن ورگانى بولعان مەملەكەتتىك حالىق قۇرىلتايى مەن ونىڭ تۇراقتى كوميتەتى سانالى تۇردە پارتيا ورتالىق كوميتەتىنىڭ باسشىلىعىندا قىزمەت ىستەپ، پارتيا ورتالىق كوميتەتىنىڭ شەشىمى مەن ورنالاستىرۋىن وزەك ەتە وتىرىپ زاڭ بويىنشا مىندەت اتقارىپ، باس شۋجي شي جينپيڭنىڭ بەدەلى مەن ۇيتقىلىق ورنىن، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاپ، پارتيانىڭ حالىقتى باستاپ مەملەكەتتى ءونىمدى باسقارۋىنا كەپىلدىك ەتۋ كەرەك.
نەگىزگى زاڭدا بەلگىلەنگەن مەملەكەتتىڭ ءتۇبىرلى مىندەتىنەن، دامۋ جولىنان، كۇرەس نىساناسىنان اۋىتقىماۋعا تاباندى بولۋ كەرەك. ەلىمىزدىڭ نەگىزگى زاڭىندا پارتيانىڭ حالىققا باسشىلىق ەتىپ توڭكەرىس، قۇرىلىس، رەفورما ىستەرىن جۇرگىزۋدەگى تابىسى مەملەكەت پەن حالىقتىڭ قاشاندا جۇڭگوشا سوتسياليزم جولىمەن العا باسۋىنىڭ ءتۇبىرلى زاڭدىق كەپىلى دەپ ايقىن تۇراقتاندىرىلدى. ءبىز جول سەنىمىمىزدى، نازاريا سەنىمىمىزدى، ءتۇزىم سەنىمىمىزدى، مادەنيەت سەنىمىمىزدى بەكەمدەپ، ەلىمىز قوعامىنداعى باستى قايشىلىقتىڭ وزگەرىسىنە سايكەسىپ، حالىقتىڭ كۇن سايىن ارتىپ وتىرعان تاماشا تۇرمىسقا قاجەتىن اناعۇرلىم ويداعىداي قاناعاتتاندىرىپ، ەلىمىزدى باي، دەموكراتيالى، وركەنيەتتى، جاراسىمدى، كوركەم سوتسياليستىك وسىزاماندانعان قۇدىرەتتى ەل ەتىپ قۇرىپ شىعۋ نىساناسىنا قاراي تىنباي ىلگەرىلەۋىمىز كەرەك.
نەگىزگى زاڭدا بەلگىلەنگەن حالىق دەموكراتياسى ديكتاتۋراسىندىق مەملەكەت قۇرىلىمى مەن حالىق قۇرىلتايى تۇزىمىندىك اكىمشىلىك قۇرىلىمىنان اۋىتقىماۋعا تاباندى بولۋ كەرەك. جاڭا جۇڭگو قۇرىلعاننان كەيىن، جۇڭگو حالقى مەملەكەتتىڭ تەز دامۋى مەن وزگەرىسى بارىسىندا حالىق قۇرىلتايى ءتۇزىمىنىڭ تەڭدەسسىز ارتىقشىلىق پەن قۇدىرەتتى ومىرشەڭدىككە يە ەكەندىگىن بارعان سايىن ايقىن تانىدى. ءبىز حالىق قۇرىلتايى تۇزىمىنە باتىل تاباندى بولىپ جانە ونى كەمەلدەندىرىپ، حالىق قۇرىلتايى ءتۇزىمىنىڭ ارتىقشىلىعى مەن ەرەكشەلىگىن ۇزدىكسىز ءتىپتى دە تولىق ساۋلەلەندىرۋىمىز كەرەك.
ۋاكىلدەر!
پارتيا مەن مەملەكەت ىستەرىنىڭ قارىشتاپ دامۋى حالىق قۇرىلتايى قىزمەتىنە بۇرىنعىدان دا جوعارى تالاپ قويدى. مەملەكەتتىك 13 - كەزەكتى حالىق قۇرىلتايى جانە ونىڭ تۇراقتى كوميتەتى بورىشىن جىعا تانىپ، قايراتتانا العا ۇمتىلىپ، جاڭا داۋىردە حالىق قۇرىلتايى تۇزىمىنە ۇزاق ۋاقىت تاباندى بولۋ جانە ونى ۇزدىكسىز كەمەلدەندىرۋ ارداقتى بورىشىن شىنايى ۇستىنە الۋى كەرەك. ساياسي تانىمدى، جالپى جاعداي تانىمىن، ۇيتقى تانىمىن، ساپ تۇزەۋ تانىمىن شىنايى كۇشەيتىپ، پارتيانىڭ باسشىلىعىن حالىق قۇرىلتايى قىزمەتىنە باستان - اياق ءسىڭىرىپ، بارلىق ماڭىزدى قىزمەتتى، ماڭىزدى ىستەردى پارتيا مەن مەملەكەت قىزمەتىنىڭ جالپى جاعدايىن ارقاۋ ەتە وتىرىپ، پارتيانىڭ باسشىلىعىندا ورىستەتۋى كەرەك. زاڭ شىعارۋ ۇقىعىن، باقىلاۋ ۇقىعىن، شەشىم جاساۋ ۇقىعىن، مىندەتكە تاعايىنداۋ جانە مىندەتىنەن قالدىرۋ ۇقىعىن زاڭ بويىنشا جۇرگىزىپ، جاۋاپكەرلىگىن باتىلدىقپەن ۇستىنە الىپ، شەبەرلىكپەن ءىس تىندىرىپ، پارتيا مەن حالىق جۇكتەگەن داڭقتى مىندەتىن شىنايى اتقارۋى كەرەك. حالىقتى وزەك ەتۋگە تاباندى بولىپ، حالىق ءۇشىن بيلىك جۇرگىزىپ، حالىق ءۇشىن مىندەت وتەپ، حالىق ءۇشىن قىزمەت ىستەپ، حالىقتىڭ باقىلاۋىن سانالىلىقپەن قابىلداپ، حالىق قۇرىلتايى ۋاكىلدەرىنىڭ رولىن ءتىپتى دە جاقسى ساۋلەلەندىرىپ، حالىق قۇرىلتايىن جانە ونىڭ تۇراقتى كوميتەتىن نەگىزگى زاڭ جانە زاڭدار جۇكتەگەن ءتۇرلى مىندەتتەرىن جاپپاي ۇستىنە الاتىن قىزمەت ورگانىنا، حالىق جۇرتشىلىعىمەن ەتەنە بايلانىس جاسايتىن ۋاكىلدىك ورگانعا اينالدىرۋ كەرەك.
ۋاكىلدەر!
جۇڭگوشا سوتسياليزم جاڭا داۋىرگە ءوتتى. ءبىز جۇڭحۋا ۇلتىنىڭ ەڭسە كوتەرۋدەن، بايۋدان قۇدىرەتتەنۋگە دەيىنگى ۇلى سەكىرۋىن قارسى العانىمىز ءۇشىن ەرەكشە شاتتانامىز، ءبىز ۇلى وتانىمىزدىڭ «قوس 100 جىلدىق» كۇرەس نىساناسى جولىندا ارشىندى قاداممەن العا باسقاندىعى ءۇشىن ايرىقشا ماقتانامىز. ءبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز توپتاسىپ، جۇڭگوشا سوتسياليزم ۇلى تۋىن بيىك ۇستاپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ جانە دايەكتىلەندىرىپ، پارتيا 19 - قۇرىلتايىنىڭ جانە پارتيا 19 - كەزەكتى ورتالىق كوميتەتىنىڭ ءبىرىنشى، ەكىنشى، ءۇشىنشى جالپى ماجىلىستەرىنىڭ رۋحىن جان - جاقتىلى دايەكتى تياناقتاندىرىپ، بىرلىكتە كۇش شىعارىپ، ءبىر نيەتتە بولىپ، قايراتتانا العا ۇمتىلىپ، وسى جولعى ماجىلىستە بەلگىلەنگەن مىندەتتەردى ورىنداپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتىپ، جاڭا ءداۋىر جۇڭگوشا سوتسياليزمنىڭ ۇلى جەڭىسىنە قول جەتكىزىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا قۇلشىنا كۇرەسەيىك!
(شينحۋا اگەنتتىگىنىڭ 3 - ايدىڭ 20 - كۇنى بەيجيڭنەن بەرگەن حابارى)
