تيانشان تورى   ›   ۇيرەنۋ   ›   شولۋ

جاڭا بورىشتى ارقالاپ، جاڭا ساپارعا اتتانايىق

− مەملەكەتتىك 13 - كەزەكتى حالىق قۇرىلتايى 1 - ءماجىلىسىنىڭ جەڭىسپەن جابىلعاندىعىن قىزۋ قۇتتىقتايمىز

  بورىشتى ارقالاپ، ماڭىزدى تاپسىرمانى ورىندادى، مەملەكەتتىك 13 - كەزەكتى حالىق قۇرىلتايىنىڭ 1 - ءماجىلىسى ءتۇرلى كەڭەستىك تارتىپتەرىن تابىسپەن تامامداپ، 3 - ايدىڭ 20 - كۇنى بەيجيڭدە جەڭىسپەن جابىلدى. مەملەكەتتىك حالىق قۇرىلتايىنىڭ 3000عا تارتا ۋاكىلى وسكەلەڭ ساياسي جاۋاپكەرلىك جانە تاريحي بورىشتىلىق سەزىممەن بەلسەنە، سىندارلى اقىل - كەڭەس بەرىپ، قىزمەت جاۋاپكەرلىگىن زاڭ بويىنشا اتقاردى، ءماجىلىس ماقۇلداعان قاۋلىلار، قارارلار پارتيانىڭ دارىپتەمەسى مەن حالىق ەركىنىڭ بىرلىگىن تولىق ايگىلەدى. ءبىز ماجىلىسكە قاتىناسقان ۋاكىلدەرگە وسكەلەك قۇرمەت بىلدىرەمىز، ءماجىلىستىڭ تابىستى بولعاندىعىن قىزۋ قۇتتىقتايمىز!

  بۇل دەموكراتيالى، ىنتىماقتى، شىنشىل، ەرلىكپەن العا ۇمتىلعان ءماجىلىس، حالىقتىڭ تىلەگىن ايگىلەگەن، جاڭا ءداۋىردىڭ ورتاق تانىمىن ۇيىستىرعان، ميلليارد حالىقتى جاڭا نىسانانى بەتكە الىپ جاڭا ساپاردى باستاۋعا ىنتالاندىرعان ءماجىلىس بولدى. ءماجىلىس ۇكىمەت قىزمەتىنەن باياندامانى جانە باسقا دا ماڭىزدى باياندامالاردى قاراپ، بەكىتىپ، پارتيا 19 - قۇرىلتايىنىڭ رۋحىن ايگىلەپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن دايەكتىلەندىرىپ، ەلىمىزدىڭ وتكەن 5 جىلدا قول جەتكىزگەن تاريحي ناتيجەلەرىن جانە ىلگەرىلەۋشىلىكتەرىن قورىتىندىلادى، بيىلعى ۇكىمەت قىزمەتىنىڭ نەگىزگى وي جەلىسىن جانە باستى مىندەتتەرىن ايقىن تۇراقتاندىردى. ءماجىلىس نەگىزگى زاڭعا وزگەرىس ەنگىزۋ جوباسىن قاراپ ماقۇلداپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن مەملەكەتتىڭ ءتۇبىرلى زاڭىنا ەنگىزىپ، پارتيا مەن مەملەكەت ىستەرىنىڭ دامۋداعى جاڭا ناتيجەلەرىن، جاڭا تاجىريبەلەرىن، جاڭا تالاپتارىن ايگىلەدى. ول، ءسوز جوق، «قوس 100 جىلدىق» كۇرەس نىساناسى مەن جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋدى نەگىزگى زاڭمەن پارمەندى قامتاماسىز ەتەدى. ءماجىلىس قاراپ بەكىتكەن مەملەكەتتىك كەڭەس قۇرىلىمدارىنا رەفورما جاساۋ جوباسى ءتۇيىندى سالالارداعى جانە شەشۋشى بۋىندارداعى قۇرىلىم فۋنكتسياسىن جاقسارتۋدى جانە رەتتەۋدى كۇش سالا ىلگەرىلەتىپ، مەملەكەتتىك كەڭەس قۇرىلىمىنىڭ ءىس جۇزىندىككە اناعۇرلىم ۇيلەسۋىنە، عىلمي، ۇيلەسىمدى بولۋىنا، اناعۇرلىم ءونىمدى بولۋىنا مۇمكىندىك جاسادى. ول، ءسوز جوق، پارتيا 19 - قۇرىلتايى ورنالاستىرعان ءتۇرلى مىندەتتەردىڭ جاپپاي دايەكتىلەنۋىن، تياناقتانۋىن ۇيىمدىق جاقتان پارمەندى قامتاماسىزداندىرادى. ءماجىلىس سايلاعان جانە ۇيعارعان جاڭا كەزەكتى مەملەكەت قۇرىلىمى باسشىلارىنىڭ قۇرىلىمى اناعۇرلىم ساپالى بولىپ، ومىرشەڭدىك كۇشى اناعۇرلىم كۇشەيىپ، جاڭا داۋىردە جۇڭگوشا سوتسياليزمگە تاباندى بولۋدى جانە ونى دامىتۋدى ۇيىمدىق جاقتان ماڭىزدى قامتاماسىز ەتتى. ءماجىلىس قاراپ ماقۇلداعان باقىلاۋ - تەكسەرۋ زاڭى ورتالىقتانعان ءبىر تۇتاس، بەدەلدى، جوعارى ءونىمدى جۇڭگوشا مەملەكەتتىك باقىلاۋ - تەكسەرۋ ءتۇزىلىسىن ورناتۋدى زاڭمەن جونگە سالۋ جاعىنان پارمەندى قامتاماسىزداندىردى.

  جابىلۋ جيىنىندا ءتوراعا شي جينپيڭ ماڭىزدى ءسوز سويلەپ، ۇلى حالقىمىزدى، ۇلى ۇلتىمىزدى، ۇلى ۇلتتىق رۋحىمىزدى تەرەڭ سۇيىسپەنشىلىكپەن جىرلاپ، مەملەكەت ورگانى قىزمەتكەرلەرىن، حالىقتى باستان - اياق كوڭىلىنىڭ تورىنە قويۋعا، بۇكىل ىنتا - پەيىلىمەن باستان - اياق حالىق ءۇشىن قىزمەت كورسەتۋگە، حالىق مۇددەسى مەن باقىتى ءۇشىن باستان - اياق قۇلشىنا قىزمەت ىستەۋگە ىنتالاندىرىپ، جالپى جۇڭگو حالقى مەن جۇڭحۋا پەرزەنتتەرىنىڭ جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ سىندى تاريحي بارىستا باقىت پەن داڭقتان بىرگە يگىلىكتەنۋىنە مۇمكىندىك جاسادى. ايقىن بيلىك جۇرگىزۋ ۇستانىمى، حالىققا دەگەن تەرەڭ سۇيىسپەنشىلىك ميلليارد حالىقتىڭ جۇڭگوشا سوتسياليزم جولىمەن ءجۇرۋ، جۇڭحۋا ۇلتىنىڭ ۇلى گۇلدەنۋىن قۇلشىنا جۇزەگە اسىرۋ بەرىك سەنىمىنە بارىنشا دەم بەردى.

  سوتسياليستىك دەموكراتيالى ساياسيدى دامىتۋدىڭ تەتىگى − حالىقتىڭ ەركىن ايگىلەپ، حالىقتىڭ ۇقىق - مۇددەسىن قامتاماسىز ەتىپ، حالىقتىڭ جاسامپازدىق ومىرشەڭدىك كۇشىن قوزعاپ، حالىقتىڭ قوجا بولۋىن ءتۇزىم جۇيەسىمەن قامتاماسىز ەتۋ بولىپ تابىلادى. تاريح جانە اماليات مىنانى تولىق دالەلدەدى: حالىق قۇرىلتايى ءتۇزىمى جۇڭگو حالقىنىڭ وزىنە - ءوزى قوجايىن بولۋىنىڭ ماڭىزدى جولى جانە ەڭ جوعارى جۇزەگە اسىرۋ ءتاسىلى، پارتيا باسشىلىعىنىڭ، حالىقتىڭ وزىنە - ءوزى قوجايىن بولۋىنىڭ، مەملەكەتتى زاڭمەن جونگە سالۋدىڭ ورگانيكالى بىرلىگىنە تاباندى بولۋداعى ءتۇبىرلى ساياسي تۇزىمدىك ورنالاستىرۋ. جاڭا داۋىرگە وتكەندە، جاڭا ساپارعا اياق باسقاندا، ءسوز جوق، حالىق قۇرىلتايى تۇزىمىنە بۇلجىماي تاباندى بولىپ، ونى داۋىرمەن بىرگە كەمەلدەندىرىپ، حالىق قۇرىلتايى ءتۇزىمى ارقىلى مەملەكەت پەن ۇلتتىڭ بولاشاعىن، تاعدىرىن حالىقتىڭ وزىنە مىقتاپ مەڭگەرتۋ كەرەك.

  2018 - جىل − مەملەكەتتىك 13 - كەزەكتى حالىق قۇرىلتايىنىڭ جانە ونىڭ تۇراقتى كوميتەتى مىندەتىن زاڭ بويىنشا اتقاراتىن العاشقى جىل. ۋاكىلدەردىڭ بورىشى داڭقتى، جاۋاپكەرلىگى اۋىر. شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدەن جازباي، نەگىزگى زاڭدا، زاڭداردا جۇكتەلگەن ءتۇرلى قىزمەت جاۋاپكەرلىكتەرىن جاپپاي ارقالاۋ؛ بارلىق قىزمەتكە پارتيا باسشىلىق ەتۋگە تاباندى بولىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاۋ؛ مەملەكەتتىڭ بارلىق ۇقىعى حالىققا ءتان دەگەننەن جازباي، حالىقتىڭ حالىق قۇرىلتايى ارقىلى مەملەكەت بيلىگىن جۇرگىزۋىن قولداۋ جانە قامتاماسىز ەتۋ؛ نەگىزگى زاڭدى اتقارۋدى مەملەكەتتى جاپپاي زاڭمەن جونگە سالۋدا كورنەكتى ورىنعا قويۋعا تاباندى بولىپ، مەملەكەتتى زاڭمەن جونگە سالۋ، مەملەكەتتى نەگىزگى زاڭمەن جونگە سالۋ قىزمەتىن تىڭ دەڭگەيگە كوتەرۋ؛ پارتيا مەن مەملەكەت قىزمەتىنىڭ جالپى جاعدايىن تىعىز ارقاۋ ەتۋگە تاباندى بولىپ، زاڭ شىعارۋ ۇقىعىن، باقىلاۋ ۇقىعىن، ۇيعارۋ ۇقىعىن، مىندەتكە تاعايىنداۋ، مىندەتىنەن قالدىرۋ ۇقىعىن زاڭ بويىنشا اتقارىپ، حالىقتىڭ كۇن سايىن ارتىپ وتىرعان تاماشا تۇرمىس قاجەتىن ونان ارمان قاناعاتتاندىرۋ كەرەك. ءبىز جاڭا كەزەكتى مەملەكەتتىك حالىق قۇرىلتايىنىڭ جانە ونىڭ تۇراقتى كوميتەتىنىڭ، ءسوز جوق، ءورىس اشا ىلگەرىلەپ، قايراتتانا ۇمتىلىپ، مەملەكەتتىڭ ءتۇبىرلى ساياسي ءتۇزىمى باسىمدىعىن تولىق ساۋلەلەندىرىپ، مەملەكەتتىڭ ءتۇرلى ىستەردى ءبىر تۇتاس، ۇتىمدى ۇيىمداستىرۋىنا، ىلگەرىلەتۋىنە كەپىلدىك ەتىپ، جاڭا داۋىردەگى حالىق قۇرىلتايى قىزمەتىنىڭ تىڭ تاراۋىن جازاتىندىعىنا سەنەمىز.

  «كۇن مەن اي تەڭىزدەن شىققانداي، قۇس جولى شۇعىلاسى دا تەڭىزدەن شىققانداي». جاڭا ءداۋىردىڭ لەبى اناعۇرلىم ەسە ءتۇستى، جاڭا ءداۋىردىڭ ساپارى اناعۇرلىم داڭعىلدانا ءتۇستى. ءبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە تىعىز توپتاسىپ، جۇڭحۋا ۇلتىنىڭ ۇلى جاسامپازدىق رۋحىن، ۇلى كۇرەسكەرلىك رۋحىن، ۇلى ىنتىماق رۋحىن، ۇلى ارمان رۋحىن ساۋلەلەندىرىپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، قىزمەتتى تىڭعىلىقتى ىستەپ، قايسارلىقپەن ىلگەرىلەپ، حالىقتىڭ تاماشا تۇرمىسقا تالپىنىسىن ۇزدىكسىز رەالدىققا اينالدىرىپ، جۇڭحۋا ۇلتى بولاشاعىنىڭ اناعۇرلىم شۇعىلا شاشۋىنا مۇمكىندىك جاسايمىز.

(شينحۋا اگەنتتىگىنىڭ 3 - ايدىڭ 20 - كۇنى بەيجيڭنەن بەرگەن حابارى)

جاۋاپتى رەداكتور : 阿肯

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.