تيانشان تورابى   ›   ۇيرەنۋ   ›   شولۋ

جۇڭحۋا پەرزەنتتەرىن باقىت پەن داڭقتان تەڭ يگىلىكتەندىرەيىك

  ۇلى تاريحتى حالىق بىرگە جازعان؛ ۇلى ءداۋىردى حالىق بىرگە جاراتقان؛ ۇلى ارمان حالىقتىڭ بىرگە ورىنداۋىنا سۇيەنەدى.

  مەملەكەتتىك 13 - كەزەكتى حالىق قۇرىلتايى 1 - ءماجىلىسىنىڭ جابىلۋ جيىنىندا، ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جۇڭحۋا ۇلتىنىڭ ۇلى ۇلت رۋحىن تەرەڭ باياندادى، جاڭا ءداۋىردىڭ تىڭ ساپارىنداعى ءىرى باعىت - ساياساتتاردى جاپپاي ورنالاستىردى، حالىققا دەگەن تەرەڭ سۇيىسپەنشىلىك، مەملەكەتكە دەگەن بەرىك سەنىم، بولاشاققا دەگەن اسقاق جوبا ارقىلى سان مىڭداعان حالىقتىڭ ورتاق كۇرەس جاساپ، ارمانعا بىرگە قانات قاعۋداي ۇلى ىنتاسىن وياتىپ، حالىقتىق ساياسي پارتيانىڭ، حالىق كوسەمىنىڭ ماڭگى وزگەرمەيتىن ادال جۇرەگىن ايگىلەدى. حالىق سارايىندا تولاسسىز كوتەرىلگەن شاپالاق ءۇنى 9 ميلليون 600 مىڭ شارشى كيلومەتردەن استام بايتاق دالادا ىنتىماقتاسا كۇرەس جاساۋدىڭ جويقىن كۇشىن تاعى دا ۇيىستىردى.

  5000 نەشە جىلدىق شۇعىلالى وركەنيەت، 170 نەشە جىلدىق قاجىماس كۇرەس، 70 جىلعا تاياۋ اسقاق اۋەنمەن ىلگەرىلەۋ، ءبىر ۇلتقا سارقىلماس قوزعاۋشى كۇشتى كىم بەردى، ءبىر ەلگە اجال اۋزىندا تۇرعاندا تىرشىلىك جولىن اشۋ تىرەگىن كىم بەردى دەگەن سۇراۋ تاستادى، ونى ۇلى حالىق، ۇلى ۇلت بەرگەن، ول جۇڭگو حالقى ۇزاق ۋاقىت كۇرەس جۇرگىزۋ بارىسىندا قالىپتاستىرعان، جالعاستىرعان، دامىتقان ۇلى ۇلت رۋحى. باس شۋجي شي جينپيڭ ماڭىزدى سوزىندە ۇلى ۇلت رۋحىنىڭ باي مازمۇنىن ەگجەي - تەگجەيلى بايانداپ، مىنالاردى تەرەڭ اتاپ كورسەتتى: حالىقتىڭ قاجىرلىلىقپەن ەڭبەك ەتىپ، تاپقىرلىق جاراتىپ، جاڭالىق اشۋى بۇگىنگى تاڭدا ەلىمىزدىڭ الىپ قاداممەن دۇنيەنىڭ الدىڭعى لەگىندە ءجۇرۋىن ىلگەرىلەتتى؛ حالىقتىڭ جاڭالىققا ۇمتىلىپ، تالىقپاي تالپىنۋى بۇگىنگى تاڭدا قولعا كەلتىرگەن بارلىق نارسەنى جاراتتى؛ حالىقتىڭ ءبىر نيەتتە ىنتىماقتاسىپ، جاپا مەن راقاتتا بىرگە بولۋى بۇگىنگى تاڭدا كۇللى دۇنيەنى جالت قاراتقان دامۋ جەتىستىكتەرىن جاراتتى؛ حالىقتىڭ كوكەيگە ارمان بۇگىپ، تالىقپاي تالپىنۋى بۇگىنگى تاڭدا ءبىزدى جۇڭحۋا ۇلتىنىڭ ۇلى گۇلدەنۋىن جۇزەگە اسىرۋعا تاريحتاعى ءارقانداي كەزدەگىدەن دە جاقىنداتتى، ونى جۇزەگە اسىرۋعا سەنىمىمىز كامىل جانە قۋاتىمىز دا قاپتال جەتەدى. جۇڭحۋا ۇلتىنىڭ ۇلى جاسامپازدىق رۋحىن، ۇلى كۇرەسكەرلىك رۋحىن، ۇلى ىنتىماق رۋحىن، ۇلى ارمان رۋحىن ساۋلەلەندىرگەندىكتەن، بىزدە دامۋدىڭ، العا باسۋدىڭ قۇدىرەتتى رۋحاني كۇشى بولدى، ءبىز اناعۇرلىم اسقاق بەت - بەينەمەن دۇنيە ۇلتتارىنىڭ اراسىندا قاسقايىپ تۇرا الدىق.

  حالىق − تاريحتى جاراتۋشى، حالىق − ناعىز قاھارمان. ەلىمىزدىڭ بارلىق بيلىگى حالىققا ءتان. باس شۋجي شي جينپيڭنىڭ ماڭىزدى سوزىندە «حالىق» دەگەن ءسوز كوزگە وتتاي باسىلادى، وتە سالماقتى ورىندا تۇردى، ۋاقىت پەن كەڭىستىكتىڭ ءۇنىن جاڭعىرتىپ، وزگەرمەس بيلىك جۇرگىزۋ ۇستانىمىن ايگىلەدى، حالىققا دەگەن وزگەرمەس سۇيىسپەنشىلىكتى جەتكىزدى. حالىقتىق تۇرعىدا، حالىقتىڭ نەگىزگى تۇلعالىق ورنىنا تاباندى بولىپ، حالىقتى جۇرەگىمىزدىڭ تورىنە قويىپ، حالىقتىڭ تاماشا تۇرمىسقا تالپىنىسىن جۇزەگە اسىرۋ − جۇڭگو كوممۋنيستىك پارتياسىنىڭ اۋەلگى ماقساتىنىڭ تياناعى، سوتسياليستىك جۇڭگونىڭ سەنىمىنىڭ تياناعى، ءبىزدىڭ جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە قول جەتكىزۋ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ نىسانامىزدىڭ تياناعى. حالىقتان كىشى پەيىلدىلىكپەن ۇيرەنىپ، حالىقتىڭ ۇنىنە قۇلاق اسىپ، حالىقتىڭ اقىل - پاراساتىن قابىلداعاندا عانا، ءبىز ەرلىكپەن العا ۇمتىلاتىن، المايتىن قامالى بولمايتىن قۇدىرەتتى كۇشتى قالىپتاستىرا الامىز، ارت - ارتىنان حيكىمەتتەر جاراتا الامىز. حالىقپەن تىلەكتەس بولىپ، حالىقپەن بەينەتتە دە، زەينەتتە دە بىرگە بولىپ، حالىقپەن ىنتىماقتاسا كۇرەس جاساعاندا عانا، پارتيامىز ماڭگى ءداۋىردىڭ الدىڭعى لەگىندە ءجۇرىپ، جاڭا داۋىرگە ءتان شۇعىلالى ناتيجەلەردى جاراتىپ، جالپى جۇڭگو حالقى مەن جۇڭحۋا پەرزەنتتەرىن جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ تاريحي ءۇردىسى بارىسىندا باقىت پەن داڭقتان تەڭ يگىلىكتەندىرە الادى.

  ۇلى مۇرات جولىندا ماڭگى كۇرەس جاساۋ كەرەك. جۇڭگوشا سوتسياليزم جاڭا داۋىرگە قادام تاستادى، اناعۇرلىم ايبىندى جورىق الدىمىزعا تارتىلدى. جاڭا ءداۋىر ءاربىر ادامعا ءتان، ءاربىر ادام جاڭا ءداۋىردىڭ كۋاشىسى، جاراتۋشىسى، قۇرىلىسشىسى. ءبىز ەكونوميكا، ساياسي، مادەنيەت، قوعام جانە ەكولوگيالىق وركەنيەت قۇرىلىسىن اناعۇرلىم زور تەبىن، اناعۇرلىم تياناقتى شارالار ارقىلى ىلگەرىلەتىپ، سوتسياليستىك بازار ەكونوميكاسىنىڭ ومىرشەڭدىك كۇشىن اناعۇرلىم تولىق ايگىلەۋىمىز، سوتسياليستىك دەموكراتيانىڭ ارتىقشىلىعىن اناعۇرلىم تولىق ايگىلەۋىمىز، جۇڭحۋا وركەنيەتىنىڭ ىقپالىن، ۇيىستىرۋ كۇشىن، باۋراۋ كۇشىن اناعۇرلىم تولىق ايگىلەۋىمىز، جالپى حالىقتىڭ بىرگە بايۋىن جۇزەگە اسىرۋدى قالىڭ حالىقتىڭ رەال تۇرمىسىندا اناعۇرلىم تولىق ايگىلەۋىمىز، ءمولدىر وزەندەر مەن جاسىل تاۋلاردىڭ ءوزى قىمباتتى بايلىق دەيتىن ۇستانىمدى وتانىمىزدىڭ كەڭ - بايتاق جەرىندە اناعۇرلىم تولىق ايگىلەۋىمىز كەرەك. حالىق اراسىنا جاسىرىنعان ۇلى كۇشتى تاسقىنداتىپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، قايراتتانا العا ۇمتىلۋ كەرەك، جاڭا باستاما قوعامعا ۇلى توڭكەرىس جاساۋدان، كۇشتى تۇلعا وزىنە ۇلى توڭكەرىس جاساۋدان كەلەدى، جۇڭگو حالقىنىڭ ارماندى جۇزەگە اسىرۋ اياق الىسىنا بوگەت بولاتىن ەشقانداي كۇش جوق.

  «اسقار تاۋلاردىڭ ءوز شىڭى بولادى». جاڭا ۇلى كۇرەسكەرلىك امالياتىندا، باس شۋجي شي جينپيڭ پارتيا ورتالىق كوميتەتىنىڭ ۇيتقىسىنا، بۇكىل پارتيانىڭ ۇيتقىسىنا اينالدى. مەملەكەتتە وسىنداي رولشى، حالىقتا وسىنداي جول باستاۋشى بار، سوندىقتان دا جۇڭگو حالقىنىڭ ەرىك - جىگەرى تاسىپ، وتاننىڭ بايتاق دالاسىندا كوكتەم لەبى ەسىپ، جۇڭحۋا ۇلتىندا جاندى دا جالىندى كوركەيۋ بەينەسى جارىققا شىقتى. ءبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە تىعىز توپتاسىپ، «4 تانىمدى» كۇشەيتىپ، «4 سەنىمدى» بەكەمدەپ، قۇلشىنا ءتۇسىپ، رولدى مىقتى يگەرىپ، كۇش - قايرات جيىپ، ءبىر ميلليارد 300 ميلليوننان استام جۇڭگو حالقىنىڭ ۇلى ارمانىن تيەگەن جۇڭحۋانىڭ الىپ كەمەسىن جەلكەندى كەڭ جايىپ، تولقىن جارا ۇمىتكە تولى بولاشاققا جۇيتكىتەمىز.

(شينحۋا اگەنتتىگىنىڭ 3 - ايدىڭ 20 - كۇنى بەيجيڭنەن بەرگەن حابارى)

جاۋاپتى رەداكتور : 阿肯

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى