ورتالىق تەلەۆيزيا سايتىنىڭ حابارى (مەملەكەتتىك جانە حالىقارالىق حابارلار). تاياۋدا ج ك پ ورتالىق كوميتەتى «پارتيا مەن مەملەكەت قۇرىلىمدارى رەفورماسىن تەرەڭدەتۋ جوباسىن» باسىپ تاراتتى، سونداي - اق ۇقتىرۋ شىعارىپ، جەر - جەردەن، تاراۋلاردان ءىس جۇزىندىك جاعدايمەن ۇشتاستىرا وتىرىپ، مۇقيات دايەكتىلەندىرۋدى، اتقارۋدى تالاپ ەتتى.
«پارتيا مەن مەملەكەت قۇرىلىمدارى رەفورماسىن تەرەڭدەتۋ جوباسى» تومەندەگى 8 ءتۇرلى مازمۇندى قامتيدى: ءبىرىنشى، پارتيا ورتالىق كوميتەتىنىڭ قۇرىلىم رەفورماسىن تەرەڭدەتۋ؛ ەكىنشى، مەملەكەتتىك حالىق قۇرىلتايىنىڭ قۇرىلىم رەفورماسىن تەرەڭدەتۋ؛ ءۇشىنشى، مەملەكەتتىك كەڭەستىڭ قۇرىلىم رەفورماسىن تەرەڭدەتۋ؛ ءتورتىنشى، مەملەكەتتىك ساياسي كەڭەستىڭ قۇرىلىم رەفورماسىن تەرەڭدەتۋ؛ بەسىنشى، اكىمشىلىك زاڭ اتقارۋ ءتۇزىلىسى رەفورماسىن تەرەڭدەتۋ؛ التىنشى، ارميا مەن جەرگىلىكتى ورىندى قامتىعان رەفورمانى تەرەڭدەتۋ؛ جەتىنشى، بۇقارالىق ۇيىمدار رەفورماسىن تەرەڭدەتۋ؛ سەگىزىنشى، جەرگىلىكتى قۇرىلىمدار رەفورماسىن تەرەڭدەتۋ.
پارتيا ورتالىق كوميتەتىنىڭ قۇرىلىم رەفورماسىن تەرەڭدەتۋ، باستىسى، مىنالاردى قامتيدى: مەملەكەتتىك باقىلاۋ - تەكسەرۋ كوميتەتى قۇرىلىپ، ورتالىق ءتارتىپ تەكسەرۋ كوميتەتىمەن بىرگە جۇمىس جۇرگىزىپ، ءتارتىپ تەكسەرۋ، باقىلاۋ - تەكسەرۋ سىندى 2 ءتۇرلى قىزمەت جاۋاپكەرلىگىن وتەپ، ءبىر قىزمەت قۇرىلىمى بولىپ، 2 ورگان اتىن قولدانادى؛ ورتالىقتىڭ مەملەكەتتى جاپپاي زاڭ بويىنشا جونگە سالۋ كوميتەتى قۇرىلادى؛ ورتالىق قازىنالىق باقىلاۋ كوميتەتى قۇرىلادى؛ ورتالىق كوميتەتتىڭ رەفورمانى جاپپاي تەرەڭدەتۋگە باسشىلىق ەتۋ گرۋپپاسى، ورتالىق كوميتەتتىڭ ينتەرنەت حاۋىپسىزدىگىنە جانە ينفورماتسيالاندىرۋعا باسشىلىق ەتۋ گرۋپپاسى، ورتالىق كوميتەتتىڭ قازىنا - ەكونوميكاعا باسشىلىق ەتۋ گرۋپپاسى، ورتالىق كوميتەتتىڭ سىرتقى ىستەر قىزمەتىنە باسشىلىق ەتۋ گرۋپپاسى كوميتەتكە وزگەرتىلەدى؛ ورتالىق كوميتەتتىڭ وقۋ - اعارتۋ قىزمەتىنە باسشىلىق ەتۋ گرۋپپاسى قۇرىلادى؛ ورتالىق پەن مەملەكەت ورگاندارىنىڭ قىزمەت كوميتەتى قۇرىلادى؛ ورتالىق كوميتەت پارتيا مەكتەبى قايتا قۇرىلىپ (مەملەكەتتىك اكىمشىلىك ينستيتۋتى)، ءبىر قۇرىلىم، 2 ماڭدايشالىق اسىپ، پارتيا ورتالىق كوميتەتىنە توتە قاراستى ءىسورىن بولادى؛ ورتالىق كوميتەتتىڭ پارتيا تاريحىن جانە جازبا ماتەريالدار زەرتتەۋ ينستيتۋتى قۇرىلىپ، ورتالىق پارتيا تاريحىن زەرتتەۋ كەڭسەسى، ورتالىق كوميتەتتىڭ جازبا ماتەريالدار زەرتتەۋ كەڭسەسى، ورتالىق قۇراستىرۋ - اۋدارۋ مەكەمەسى ساقتاپ قالىنبايدى؛ ورتالىق كوميتەتتىڭ ۇيىمداستىرۋ ءبولىمى ورتالىقتىڭ قۇرىلىم - شتات كوميتەتى كەڭسەسىنە ءبىر تۇتاس باسشىلىق ەتەدى، مەملەكەت قىزمەتكەرى قىزمەتىن ءبىر تۇتاس باسقارادى؛ ورتالىق كوميتەتتىڭ ۇگىت ءبولىمى اقپارات، باسپا - ءسوز قىزمەتىن، كينو قىزمەتىن ءبىر تۇتاس باسقارادى؛ ورتالىق كوميتەتتىڭ بىرلىكساپ ءبولىمى مەملەكەتتىك ۇلت ىستەرى كوميتەتىنە ءبىر تۇتاس باسشىلىق ەتەدى، ءدىن قىزمەتىن، جۇڭگولىق مۇھاجىرلار قىزمەتىن ءبىر تۇتاس باسقارادى؛ ورتالىقتىڭ ينتەرنەت حاۋىپسىزدىگى جانە ينفورماتسيالاندىرۋ كوميتەتى كەڭسەسىنىڭ مىندەتى ساپالىلاندىرىلادى؛ ورتالىقتىڭ تەڭىز - مۇحيت ۇقىق - مۇددەسىن قورعاۋ قىزمەتىنە باسشىلىق ەتۋ گرۋپپاسى ەندى قۇرىلمايدى؛ ورتالىقتىڭ قوعام اماندىعىن جاپپاي وڭاۋ كوميتەتى جانە ونىڭ كەڭسەسى ەندى قۇرىلمايدى؛ ورتالىق كوميتەتتىڭ ورنىقتىلىقتى قورعاۋ قىزمەتىنە باسشىلىق ەتۋ گرۋپپاسى جانە ونىڭ كەڭسەسى ەندى قۇرىلمايدى؛ ورتالىق كوميتەتتىڭ تەرىس ۋاعىز ماسەلەسىنەن ساقتانۋ مەن ونى ءبىر جايلى ەتۋگە باسشىلىق ەتۋ گرۋپپاسى جانە ونىڭ كەڭسەسىنىڭ مىندەتى ءبىر تۇتاس ورتالىق كوميتەتتىڭ ساياسي - زاڭ كوميتەتى مەن قوعام حاۋىپسىزدىگى مينيسترلىگىنە تاۋەلدى بولادى.
مەملەكەتتىك حالىق قۇرىلتايىنىڭ قۇرىلىم رەفورماسىن تەرەڭدەتۋ مىنالاردى قامتيدى: مەملەكەتتىك حالىق قۇرىلتايىنىڭ قوعامدىق قۇرىلىس كوميتەتى قۇرىلادى؛ مەملەكەتتىك حالىق قۇرىلتايى ىشكى ىستەر ءادىليا كوميتەتىنىڭ اتى مەملەكەتتىك حالىق قۇرىلتايى باقىلاۋ - تەكسەرۋ جانە ءادىليا كوميتەتى بولىپ وزگەرتىلەدى؛ مەملەكەتتىك حالىق قۇرىلتايى زاڭ كوميتەتىنىڭ اتى مەملەكەتتىك حالىق قۇرىلتايى نەگىزگى زاڭ جانە زاڭدار كوميتەتى بولىپ وزگەرتىلەدى.
مەملەكەتتىك كەڭەستىڭ قۇرىلىم رەفورماسىن تەرەڭدەتۋ مىنالاردى قامتيدى: تابيعي بايلىق مينيسترلىگى قۇرىلىپ، مەملەكەتتىك جەر بايلىعى مينيسترلىگى، مەملەكەتتىك تەڭىز - مۇحيت مەكەمەسى، مەملەكەتتىك ولشەۋ - سىزۋ - جاعراپيالىق ينفورماتسيا مەكەمەسى ساقتاپ قالىنبايدى؛ ەكولوگيالىق ورتا مينيسترلىگى قۇرىلىپ، ورتانى قورعاۋ مينيسترلىگى ساقتاپ قالىنبايدى؛ اۋىل شارۋاشىلىعى، اۋىل - قىستاق مينيسترلىگى قۇرىلىپ، اۋىل شارۋاشىلىق مينيسترلىگى ساقتاپ قالىنبايدى؛ مادەنيەت جانە ساياحات مينيسترلىگى قۇرىلىپ، مادەنيەت مينيسترلىگى مەن مەملەكەتتىك ساياحات مەكەمەسى ساقتاپ قالىنبايدى؛ مەملەكەتتىك دەنساۋلىق - سالاماتتىق كوميتەتى قۇرىلادى؛ ارميادان قايتقان اسكەريلەر ءىسى مينيسترلىگى قۇرىلادى؛ شۇعىل جاعدايعا توتەپ بەرۋدى باسقارۋ مينيسترلىگى قۇرىلىپ، مەملەكەتتىك ءوندىرىس حاۋىپسىزدىگىن باقىلاۋ - باسقارۋ باس مەكەمەسى ساقتاپ قالىنبايدى؛ عىلىم - تەحنيكا مينيسترلىگى قايتادان قۇرىلادى؛ ءادىليا مينيسترلىگى قايتادان قۇرىلىپ، مەملەكەتتىك كەڭەستىڭ زاڭ - ءتۇزىم كەڭسەسى ساقتاپ قالىنبايدى؛ قازىنالىق باقىلاۋ مەكەمەسىنىڭ مىندەتى ساپالىلاندىرىلادى؛ مەملەكەتتىك بازار باقىلاۋ - باسقارۋ باس مەكەمەسى قۇرىلادى، مەملەكەتتىك ونەركاسىپ - ساۋدا اكىمشىلىك باسقارۋ باس مەكەمەسى، مەملەكەتتىك ساپا باقىلاۋ - باسقارۋ - كارانتيندەۋ باس مەكەمەسى، مەملەكەتتىك ازىق - تۇلىك، ءدارى - دارمەك باقىلاۋ - باسقارۋ باس مەكەمەسى ساقتاپ قالىنبايدى؛ مەملەكەتتىك راديو - تەلەۆيزيا باس مەكەمەسى قۇرىلادى، مەملەكەتتىك اقپارات - باسپا ءسوز - راديو - تەلەۆيزيا باس مەكەمەسى ساقتاپ قالىنبايدى؛ ورتالىق راديو - تەلەۆيزيا باس ستانسياسى قۇرىلىپ، ورتالىق تەلەۆيزياسى (جۇڭگو حالىقارالىق تەلەۆيزياسى)، ورتالىق حالىق راديو ستانسياسى، جۇڭگو حالىقارالىق راديو ستانسياسى قۇرىلىمى كۇشىنەن قالدىرىلادى؛ جۇڭگو بانكە - قامسىزداندىرۋ ىستەرىن باقىلاۋ - باسقارۋ كوميتەتى قۇرىلادى؛ مەملەكەتتىك حالىقارالىق دامۋ - ىنتىماقتاستىق مەكەمەسى قۇرىلىپ، مەملەكەتتىك كەڭەسكە توتە قاراستى قۇرىلىم بولادى؛ مەملەكەتتىك ەمدەلۋدى قامتاماسىزداندىرۋ مەكەمەسى قۇرىلادى؛ مەملەكەتتىك استىق جانە زاتتىق ماتەريال زاپاس قورى مەكەمەسى قۇرىلادى؛ مەملەكەتتىك كوشى - قون ىستەرىن باسقارۋ مەكەمەسى قۇرىلادى؛ مەملەكەتتىك ورمان شارۋاشىلىعى جانە جايلىم مەكەمەسى قۇرىلادى؛ مەملەكەتتىك ءبىلىم مەنشىك ۇقىعى مەكەمەسى قايتادان قۇرىلادى؛ مەملەكەتتىك كەڭەستىڭ ءۇش قىساڭ ينجەنەريا قۇرىلىسى كوميتەتى جانە ونىڭ كەڭسەسى، مەملەكەتتىك كەڭەستىڭ سۋدى وڭتۇستىكتەن سولتۇستىككە جەتكىزۋ ينجەنەريا قۇرىلىسى كوميتەتى جانە ونىڭ كەڭسەسى سۋ يگىلىگى مينيسترلىگىنە بىرىكتىرىلەدى؛ مەملەكەتتىك قوعامدىق قامتاماسىزداندىرۋ قورى القالار كەڭەسىنىڭ قاراستىلىق قاتىناسى رەتتەلەدى؛ مەملەكەت باجىسىن جانە جەرلىك باجىنى الۋ - باسقارۋ تۇزىلىسىنە رەفورما جاسالادى.
مەملەكەتتىك ساياسي كەڭەس قۇرىلىمدارى رەفورماسىن تەرەڭدەتۋ مىنالاردى قامتيدى: مەملەكەتتىك ساياسي كەڭەستىڭ اۋىل شارۋاشىلىعى جانە اۋىل - قىستاق كوميتەتى قۇرىلادى؛ مەملەكەتتىك ساياسي كەڭەستىڭ ادەبيەت، تاريح جانە ۇيرەنۋ كوميتەتىنىڭ اتى مەملەكەتتىك ساياسي كەڭەستىڭ مادەنيەت، تاريحي ماتەريالدار جانە ۇيرەنۋ كوميتەتىنە وزگەرتىلەدى؛ مەملەكەتتىك ساياسي كەڭەس وقۋ - اعارتۋ، عىلىم - تەحنيكا، مادەنيەت، دەنساۋلىق ساقتاۋ، دەنە تاربيە كوميتەتىنىڭ اتى مەملەكەتتىك ساياسي كەڭەس وقۋ - اعارتۋ، عىلىم - تەحنيكا، دەنساۋلىق ساقتاۋ، دەنە تاربيە كوميتەتىنە وزگەرتىلەدى.
اكىمشىلىك زاڭ اتقارۋ ءتۇزىلىسى رەفورماسىن تەرەڭدەتۋ مىنالاردى قامتيدى: بازار باقىلاۋ - باسقارۋ جالپىلىق زاڭ اتقارۋ قوسىنى بىرىكتىرىپ قۇرىلادى؛ ەكولوگيالىق ورتانى قورعاۋ جالپىلىق زاڭ اتقارۋ قوسىنى بىرىكتىرىپ قۇرىلادى؛ مادەنيەت بازارى جالپىلىق زاڭ اتقارۋ قوسىنى بىرىكتىرىپ قۇرىلادى؛ قاتىناس - تاسىمال جالپىلىق زاڭ اتقارۋ قوسىنى بىرىكتىرىپ قۇرىلادى؛ اۋىل شارۋاشىلىق جالپىلىق زاڭ اتقارۋ قوسىنى بىرىكتىرىپ قۇرىلادى .
ارميا مەن جەرگىلىكتى ورىندى قامتىعان رەفورمانى تەرەڭدەتۋ مىنالاردى قامتيدى: قوعام حاۋىپسىزدىگى شەكارا قورعانىس اسكەري بولىمدەرىنىڭ قۇرىلىمى وزگەرتىلەدى؛ قوعام حاۋىپسىزدىگى ءورت ءوشىرۋ اسكەري بولىمدەرى قۇرىلىمى وزگەرتىلەدى؛ قوعام حاۋىپسىزدىگى قورعاۋشى بولىمدەر قۇرىلىمى وزگەرتىلەدى؛ تەڭىز ساقشى قوسىنى قارۋلى ساقشى اسكەري ءبولىمىنىڭ قاراستىلىعىنا وتكىزىلەدى؛ قارۋلى ساقشى اسكەري بولىمدەرى قارۋلى ساقشى التىن، ورمان، سۋ، ەلەكتر اسكەري ءبولىمىن ەندىگارى باسقارمايدى، قارۋلى ساقشى اسكەري بولىمدەرى كەدەندە قىزمەت كورسەتۋ مىندەتىن ەندىگارى اتقارمايدى.
«جوبادا» تاعى دا بۇقارالىق ۇيىمدار رەفورماسىن تەرەڭدەتۋ، جەرگىلىكتى قۇرىلىمدار رەفورماسىن تەرەڭدەتۋ جونىندەگى تالاپتار ورتاعا قويىلدى.
«جوبادا» ورتالىق پەن مەملەكەتتىك ورگاندارىنىڭ قۇرىلىم رەفورماسىن 2018 - جىلدىڭ سوڭىنان بۇرىن تياناقتاندىرۋ، ولكە دارەجەلى پارتيا، ۇكىمەت قۇرىلىمدارىنىڭ رەفورما جوباسىن 2018 - جىلى 9 - ايدىڭ سوڭىنان بۇرىن پارتيا ورتالىق كوميتەتىنىڭ بەكىتۋىنە تاپسىرىپ، 2018 - جىلدىڭ سوڭىنان بۇرىن قۇرىلىمدى رەتكە سالۋدى نەگىزىنەن تياناقتاندىرۋ، ولكەدەن تومەن دارەجەلى پارتيا، ۇكىمەت قۇرىلىمدارى رەفورماسىنا ولكە دارەجەلى پارتكوم ءبىر تۇتاس باسشىلىق ەتىپ، 2018 - جىلدىڭ سوڭىنان بۇرىن پارتيا ورتالىق كوميتەتىنە ەستەلىككە الدىرۋ، بارلىق جەرگىلىكتى قۇرىلىمدار رەفورما مىندەتىن 2019 - جىلى 3 - ايدىڭ سوڭىنان بۇرىن نەگىزىنەن ورىنداۋ تالاپ ەتىلدى.
