− شي جينپيڭنىڭ مەملەكەتتىك 13 - كەزەكتى حالىق قۇرىلتايى تۇراقتى كوميتەتىنىڭ 1 - ماجىلىسىندە سويلەگەن ماڭىزدى ءسوزى تۋرالى
«حالىق − ناعىز قاھارمان»، «حالىقتىڭ نەگىزگى تۇلعالىق ورنىنا تاباندى بولۋ»، «مەملەكەتتىڭ بارلىق بيلىگى حالىققا ءتان»... 4000 نەشە ارىپتىك مازمۇندا «حالىق» دەگەن ءسوز 84 رەت اۋىزعا الىندى. باس شۋجي شي جينپيڭنىڭ مەملەكەتتىك 13 - كەزەكتى حالىق قۇرىلتايىنىڭ 1 - ماجىلىسىندە سويلەگەن سوزىنە شاتىرلاعان شاپالاق سوعىلىپ، كۇشتى ۇندەستىك تۋدىرىپ، ميلليارد حالىقتىڭ بەرىك سەنىمى مەن كۇرەسكەرلىك ىنتاسىن تاسقىنداتتى.
«حالىققا قاشاندا جۇرەگىنىڭ تورىنەن ورىن بەرۋ، قاي - قاشان دا بۇكىل ىنتا - پەيىلمەن حالىق ءۇشىن قىزمەت ىستەۋ، قاشاندا حالىقتىڭ مۇددەسى مەن باقىتى جولىندا قۇلشىنا قىزمەت ىستەۋ». باس شۋجي ۇلى حالقىمىزدى، ۇلى ۇلتىمىزدى، ۇلى ۇلتتىق رۋحىمىزدى تەرەڭ سۇيىسپەنشىلىكپەن جىرلاپ، حالىق كوسەمىنىڭ حالىققا دەگەن تەرەڭ سۇيىسپەنشىلىگىن جەتكىزدى. داڭق − حالىققا ءتان، سۇيىسپەنشىلىك حالىققا ارنالادى، كۇش حالىقتان كەلەدى، كۇرەسكەرلىك حالىقتان كەلەدى، باس شۋجي شي جينپيڭنىڭ حالىققا دەگەن قۇرمەتى مەن سۇيىسپەنشىلىگى حالىقتىق ساياسي پارتيانىڭ ءتۇبىرلى ساياسي تۇرعىسىن شىنايى بەينەلەپ، جۇڭگو كوممۋنيستىك پارتياسىنىڭ بيىلىك جۇرگىزۋدەگى ەڭ ۇلكەن ساياسي باسىمدىعىن، «حالىقتىڭ نەگىزگى تۇلعالىق ورنىنا تاباندى بولۋداي» ماركسيزمدىك ساياسي پارتيانىڭ ەڭ جوعارى پرينسيبىن ايگىلەدى.
«جۇڭحۋا ۇلتىنىڭ ايبىندى دامۋ تاريحىن جۇڭگو حالقى جازعان!»، حالىق − تاريحتى جاراتۋشى؛ «حالىقتىڭ قولداۋ - قولداماۋىن، جاقتاۋ - جاقتاماۋىن، قۋانۋ - قۋانباۋىن، قوسىلۋ - قوسىلماۋىن بارلىق قىزمەتتەردىڭ تابىستارى مەن ساتسىزدىكتەرىن ولشەۋدىڭ ءتۇبىرلى ولشەمى ەتۋ»، حالىق − قىزمەت ناتيجەسى ەمتيحانىن كورۋشى؛ «جالپى حالىقتىڭ بىرگە بايۋىن جۇزەگە اسىرۋدى قالىڭ حالىقتىڭ رەال تۇرمىسىندا اناعۇرلىم تولىق ايگىلەۋ»، حالىق − كۇرەسكەرلىكتىڭ شىعار ءتۇيىنى؛ «ءاربىر ادام جاڭا ءداۋىردىڭ كۋاشىسى، جاراتۋشىسى، قۇرىلىسشىسى»، حالىق − ءداۋىردىڭ قوزعاۋشى كۇش قاينارى. باس شۋجي شي جينپيڭ سوزىندە دۇنيە كوزقاراسى، قۇن كوزقاراسى، مەتەدولوگيا دەڭگەيىنەن «كىم ءۇشىن، كىمگە سۇيەنۋ، مەن كىممىن» سىندى حالىق ءۇشىن بيلىك جۇرگىزۋدىڭ كەلەلى نازاريالىق جانە رەالدىق تاقىرىبىن ىشكەرىلەي اشتى، نە ءۇشىن قاشاندا حالىق تۇرعىسىندا تاباندى بولۋدىڭ، حالىقتىڭ نەگىزگى تۇلعالىق ورنىنا قالاي تاباندى بولۋدىڭ ىشكى لوگيكاسىن جاپپاي ءتۇسىندىردى.
حالىققا جۇرەك تورىنەن ورىن بەرۋ − بۇلجىماس جارناما، ونان دا ماڭىزدىسى، باتىل ارەكەت. بيىلعى مەملەكەتتىك ەكى ماجىلىستە نەگىزگى زاڭعا وزگەرىس ەنگىزۋدىڭ ماقساتى: ەلىمىزدىڭ نەگىزگى زاڭىندا پارتيا مەن حالىقتىڭ ەركىن اناعۇرلىم ويداعىداي بەينەلەۋ؛ قۇرىلىم رەفورماسىنىڭ ماقساتى: بۇقاراعا اناعۇرلىم كوپ ناقتى تيىمدىلىك جەتكىزۋ؛ باقىلاۋ - تەكسەرۋ كوميتەتىن قۇرۋدىڭ ماقساتى: بيلىكتىڭ حالىقتىڭ ۇقىق - مۇددەسىن شىنايى كوزدەۋىنە كەپىلدىك ەتۋ. وسى كەلەلى ساياسي كەڭەستىك تاقىرىپتار، جوعارى دەڭگەيلى ءتۇزىم جوباسى تۇگەلدەي حالىق مۇددەسىن ەڭ سوڭعى قۇن بەتالىسى ەتتى. وسى نەگىزدە قايتا قايىرىلار بولساق، پارتيا 18 - قۇرىلتايىنان بەرى قاراپايىم حالىقتىڭ كۇن سايىن ارتىپ وتىرعان باقىت سەزىمى، تابىس سەزىمى، حاۋىپسىزدىك سەزىمى جاڭا داۋىرگە شۋاقتى تۇسىنىك بەرىپ، پارتيامىزدىڭ بۇكىل ەل حالقىنا بەرگەن سەرتىن ورىنداعاندىعىن اڭعارامىز. «حالىقتى وزەكتى ەتۋ» سىندى وسى ءتۇبىرلى يدەياعا، «حالىقتىڭ تاماشا تۇرمىسى» ءۇشىن تىنباي كۇرەسۋگە تاباندى بولساق عانا، ءبىز جالپى جۇڭگو حالقى مەن جۇڭحۋا پەرزەنتتەرىن جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ تاريحي ءۇردىسى بارىسىندا باقىت پەن داڭقتان يگىلىكتەندىرە الامىز.
حالىق − ناعىز قاھارمان، جۇڭگونىڭ الىپ كەمەسى تولقىن جارا العا ىلگەرىلەۋ ءۇشىن ميلليارد حالىقتىڭ كۇش - قۋاتىن جۇمىلدىرۋ كەرەك. ۇزاق جورىقتاعى قىزىل ارميانىڭ شاقايى جانە شياۋگاڭ قىستاعى تۇرعىندارىنىڭ قول تاڭباسى، حۋايحاي شايقاسىنداعى قول اربا جانە كەزەكتەگى شارۋاشىلىق قۇرۋ، جاڭالىق اشۋ ورلەۋى، دەمەك، ءداۋىر تىنىسى وزگەرگەنمەن، حالىقتىڭ كۇرەسى وزگەرگەن جوق، حالىقتىڭ رۋحى وزگەرگەن جوق، حالىقتىڭ كۇش - قۋاتى وزگەرگەن جوق. نىساناعا تاياعان سايىن اناعۇرلىم مۇقيات ىستەۋ كەرەك، كۇرەس جولى كىسىنى شەكسىز شاتتىققا بولەيدى، جوسپاردى رەالدىققا اينالدىرۋدا «لوۋشانگۋان»، «لازىكوۋ» قامالدارىن الىپ، جاڭا ۇزاق جورىقتىڭ جەڭىسىنە قول جەتكىزۋگە كۇش سالۋ كەرەك. نەعۇرلىم وسىنداي بولعان سايىن، سولعۇرلىم حالىقتان كىشى پەيىلدىكپەن ۇيرەنىپ، حالىقتىڭ ۇنىنە قۇلاق اسىپ، حالىقتىڭ اقىل - پاراساتىن قابىلداپ، جۇڭحۋا ۇلتىنىڭ ۇلى جاسامپازدىق رۋحىن، ۇلى كۇرەسكەرلىك رۋحىن، ۇلى ىنتىماق رۋحىن، ۇلى ارمان رۋحىن قاي - قاشان دا ساۋلەلەندىرىپ، جاڭا داۋىرگە ءتان شۇعىلالى ناتيجە جاراتۋ كەرەك.
جياشيڭنىڭ نانحۋ كولىندەگى قايىقتان ءبىر ميلليارد 300 ميلليوننان استام حالىقتىڭ تىلەگىن ارقالاعان الىپ كەمەگە دەيىن، ءبىزدىڭ نارت قىزىل پارتيا تۋىمىزعا «حالىق» دەگەن ءسوز باستان - اياق جازىلدى. ءبىز جاڭا ءداۋىردىڭ جۇيتكىگەن شىعىس جەلىمەن جەلكەن جايىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ باسشىلىعىندا، بۇكىل ەل حالقىمەن بىرگە بىلەك سىبانىپ، قايراتتانا ىستەيتىن بولساق، جاڭا داۋىردەگى جۇڭگوشا سوتسياليزم ىستەرىنىڭ شۇعىلالى تاراۋىن، ءسوز جوق، جازىپ شىعاتىن بولامىز.
(شينحۋا اگەنتتىگىنىڭ 3 - ايدىڭ 21 - كۇنى بەيجيڭنەن بەرگەن حابارى)
