− باس شۋجي شي جينپيڭنىڭ مەملەكەتتىك 13 - كەزەكتى حالىق قۇرىلتايىنىڭ 1 - ماجىلىسىندە سويلەگەن ءسوزى رايونىمىزدىڭ ءار سالاسىندا كۇشتى اڭىس قوزعادى
3 - ايدىڭ 20 - كۇنى مەملەكەتتىك 13 - كەزەكتى حالىق قۇرىلتايىنىڭ 1 - ءماجىلىسى بەيجيڭدەگى حالىق سارايىندا جابىلدى، ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماڭىزدى ءسوز سويلەپ، بۇكىل پارتياعا، بۇكىل ارمياعا، بۇكىل ەلدەگى ءار ۇلت حالقىنا جاڭا ءداۋىردىڭ جورىعىن باستاۋدىڭ بۇيرىعىن جاريالاپ، ىنتىماقتاسا كۇرەس جاساۋدىڭ ايبىندى كۇشىن ۇيىستىردى. رايونىمىزداعى ءار ۇلت كادرلارى مەن جۇرتشىلىعى بۇدان ەرەكشە شابىت الىپ، جاڭا داۋىردە ەرلىكپەن العا ۇمتىلۋ سەنىمى مەن بەكىمىن ونان ارى نىعايتتى. كوپشىلىك شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، قىزمەت ورنىن تياناق ەتىپ، قايراتتانا ىسكە كىرىسىپ، قىزمەتتەردى تىڭعىلىقتى تىندىرىپ، «كوركەم شينجياڭ قۇرىپ، وتان ارمانىن بىرگە جۇزەگە اسىرۋ» ءۇشىن تىڭ ۇلەس قوساتىندىقتارىن ءبىلدىردى.
− وتانىمىزدىڭ ەڭ باتىسىنداعى پامير ۇستىرتىنەن بەيجيڭگە كەلىپ، حالىق سارايىنا كىرىپ، باس شۋجي شي جينپيڭدى كورگەندىگىمە، حالىق ۋاكىلى رەتىندە سالتاناتتى ءبىر بەلەت تاستاعاندىعىما، باس شۋجي شي جينپيڭنىڭ ماڭىزدى ءسوزىن ەت قۇلاعىممەن ەستىگەنىمە ءوزىمدى توتەنشە باقىتتى سەزىندىم، توتەنشە اسەرلەندىم، - دەدى مەملەكەتتىك حالىق قۇرىلتايىنىڭ ۋاكىلى لاشىن بايكا، - شي جينپيڭنىڭ تولىق داۋىسپەن جۇڭحۋا حالىق رەسپۋبليكاسىنىڭ ءتوراعالىعىنا، جۇڭحۋا حالىق رەسپۋبليكاسى ورتالىق اسكەري ىستەر كوميتەتىنىڭ ءتوراعالىعىنا سايلانۋى − پارتيا ەركىنىڭ، حالىق ەركىنىڭ، مەملەكەت ەركىنىڭ وسكەلەڭ بىرلىگى. 5 جىلدان بەرى پارتيا مەن مەملەكەت ىستەرىندە قول جەتكەن تاريحي جەتىستىكتەر جارىققا شىققان، تاريحي وزگەرىستەر تەك جۇڭگو كوممۋنيستىك پارتياسىنىڭ باسشىلىعىندا عانا، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ ىسكە اساتىندىعىن تولىق دالەلدەدى.
«حالىقتىڭ قىزمەتكەرى بولىپ، حالىقتىڭ باقىلاۋىن قابىلدايمىن». باس شۋجي شي جينپيڭنىڭ وسى سوزىنەن مەملەكەتتىك حالىق قۇرىلتايىنىڭ ۋاكىلى لياۋ چاۋياڭ توتەنشە اسەرلەنىپ، كوسەمنىڭ عالامات باۋراۋ قۋاتى مەن حالىققا دەگەن دارقان پەيىلىن تەرەڭدەي سەزىنىپتى. ول بىلاي دەدى: نەگىزگى ساتىداعى پارتيالى كادىر رەتىندە، مەن ءوز رولىمدى ويداعىداي ساۋلەلەندىرىپ، «بۇقارانىڭ مۇددەسى كىشى - گىرىم ءىس ەمەس» دەيتىن قىزمەت ۇستانىمىن ەستە بەرىك ساقتاپ، بۇقارانىڭ شىنايى تيىمدىلىككە كەنەلۋىنە مۇمكىندىك تۋدىرامىن.
باس شۋجي شي جينپيڭنىڭ ماڭىزدى ءسوزى مەملەكەتتىك حالىق قۇرىلتايىنىڭ ۋاكىلى قۇربان نيازدى توتەنشە اسەرلەندىرىپتى. ول بىلاي دەدى: باس شۋجي حالىقتى وزەك ەتۋ سىندى دامۋ كوزقاراسىنا قاشاندا تاباندى بولىپ، حالىقتى ەڭ ماڭىزدى ورىنعا قويدى، ءبىزدىڭ وسىنداي بار ىنتا - پەيىلىمەن حالىق ءۇشىن قىزمەت ىستەيتىن كوسەمىمىز بولعاندىقتان دا پارتيا مەن مەملەكەتتىڭ بولاشاعى ۇمىتكە تولى. مەن مەكتەپكە قايتىپ بارعاننان كەيىن، جۇڭحۋانىڭ تاڭداۋلى ءداستۇرلى مادەنيەتىن كۇش سالا اسقاقتاتىپ، اناعۇرلىم كوپ بالانىڭ ءادىل دە ساپالى وقۋ - اعارتۋدان يگىلىكتەنۋىنە مۇمكىندىك جاساپ، جۇڭحۋا ۇلتى ورتاق تۇلعا تانىمىن مىقتاپ ورناتىپ، جۇڭحۋا ۇلتىنىڭ ۇلى گۇلدەنۋىن ىسكە اسىرۋ ءۇشىن قۇلشىنامىن.
− باس شۋجي شي جينپيڭ حالىقتىڭ قولداعان - قولداماعانىن، قۇپتاعان - قۇپتاماعانىن، قۋانعان - قۋانباعانىن، قوسىلعان - قوسىلماعانىن بارلىق قىزمەتتىڭ جاقسى - جاماندىعىن ولشەيتىن ءتۇبىرلى ولشەم ەتۋدى باسا دارىپتەدى، - دەدى مەملەكەتتىك حالىق قۇرىلتايىنىڭ ۋاكىلى قايسار ابدىكەرىم، - مەملەكەتتىڭ رولشىسى بولعان باس شۋجي شي جينپيڭ بۇقارانىڭ «ۋايىمىن، قامىن، ءۇمىتىن» كوكەيىندە ساقتاپ، ونى بورىشىم دەپ سانادى. ءبىز شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدەن جازباي، شىنايى يگەرىپ، ناقتى ىستەپ، بەلسەنە ىسكە كىرىسىپ، حالىقتىڭ كۇن سايىن ارتىپ وتىرعان تاماشا تۇرمىسقا قاجەتىن اناعۇرلىم ويداعىداي قاناعاتتاندىرىپ، جاڭا داۋىردە جۇڭگوشا سوتسياليزمگە تاباندى بولۋدىڭ جانە ونى دامىتۋدىڭ تىڭ پاراعىن قۇلشىنا جازۋىمىز كەرەك.
جيىن زالىندا ءسوزدى دەن قويا تىڭداعان مەملەكەتتىك حالىق قۇرىلتايىنىڭ ۋاكىلى گو شياۋحۇڭنىڭ العان اسەرى توتەنشە تەرەڭ ەكەن. ول بىلاي دەدى: باس شۋجي شي جينپيڭ بەرەكە - بىرلىكتىڭ كۇش - قۋات ەكەنىن، بەرەكە - بىرلىك بولعاندا عانا، العا باسۋعا بولاتىندىعىن، بەرەكەسى قاشقان ەلدىڭ دامۋىنىڭ، العا باسۋىنىڭ مۇمكىن ەمەس ەكەندىگىن باسا دارىپتەدى. جۇڭگو تاريحىنا كوز سالار بولساق، بارلىق تاريحي شىندىقتار وسى ءتۇيىندى دالەلدەدى. بۇل كۇندەرى ءبىز وقۋ جاسىنا دەيىنگى تاربيە، ءبىلىم الۋ، ەڭبەكاقى، ەمدەلۋ، قارتتاردى كۇتىمدەۋ، تۇرعىن ءۇي، كومەككە ءزارۋ ادامدارعا قول ۇشىن بەرۋ جاقتارىندا تىڭ جەتىستىكتەرگە تىنباي قول جەتكىزدىك، بۇل بۇكىل ەلدەگى ءار ۇلت حالقىنىڭ ءبىر نيەت، ءبىر تىلەكپەن ءبىر بەتالىستا قۇلشىنۋىنىڭ جەمىسى. ءبىز تەك شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە تىعىز توپتاسىپ، وسى ۇلى ىنتىماق رۋحىن باستان - اياق ساۋلەلەندىرسەك بولعانى، ەرلىكپەن العا ۇمتىلاتىن، المايتىن قامالى بولمايتىن قۇدىرەتتى كۇشتى، ءسوز جوق، قالىپتاستىرا الامىز.
− باس شۋجيدىڭ ءسوزى ءبىزدى توتەنشە تەبىرەنتتى. نەگىزگى ساتىداعى ادەبيەت - كوركەمونەر قىزمەتكەرى رەتىندە، ءبىز الۋان فورماداعى ادەبيەت - كوركەمونەر قيمىلدارىن ۇيىمداستىرىپ، اۋىلداردى ارالاپ، مال فەرمالارىنا بارىپ، باس شۋجي شي جينپيڭنىڭ ماڭىزدى ءسوزىنىڭ رۋحىن جانە مەملەكەتتىك ەكى ءماجىلىستىڭ رۋحىن قالىڭ مالشى قاۋىمىنا ۇگىتتەپ، قوعام ورنىقتىلىعى مەن باياندى تىنىشتىق باس نىساناسى ءۇشىن ۇلەس قوسامىز، - دەدى سانجى قالاسى اشىلى قازاق ۇلتتىق اۋىلى مادەنيەت پۋنكتىنىڭ باستىعى، «دارقان» كاسىپتەن سىرتقى ادەبيەت - كوركەمونەر اترەتىنىڭ باستىعى جارقىنبەك ءناسيوللا ۇلى.
بايىنعولين موڭعۇل اۆتونوميالى وبلىستىق كوممۋنيستىك جاستار وداعى كوميتەتىنىڭ شۋجيى شى حىڭ بىلاي دەدى: بۇدان كەيىنگى قىزمەت بارىسىندا شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە ونان ارى تىعىز توپتاسىپ، جۇڭگوشا سوتسياليزم ۇلى تۋىن بيىك ۇستاپ، پارتيا 19 - قۇرىلتاينىڭ رۋحى مەن مەملەكەتتىك ەكى ءماجىلىستىڭ رۋحىن ۇيرەنۋدى، ۇگىتتەۋدى، دايەكتىلەندىرۋدى قىزمەت بارىسىندا تياناقتاندىرىپ، بۇكىل وبلىستاعى ءار ۇلت جاستارىن جاستىق ورالدارىن جۇڭگوشا سوتسياليزم ۇلى ىستەرىن دامىتۋعا جانە جۇڭگو ارمانىن ىسكە اسىرۋعا ارناۋعا جەتەكتەيمىز.
− جاڭا داۋىرگە اياق باسىسىمەن جۇڭحۋانىڭ بايتاق دالاسى نۇرعا شومىپ، الۋان تۇسكە بولەندى، جۇڭگوشا سوتسياليزم قۋاتتى ومىرشەڭدىك كۇشىن ايگىلەدى، ەڭبەكشىل دە ەر جۇرەك جۇڭگو حالقىنىڭ وزىندىك سەنىمى، وزىندىك ار - نامىسى، وزىندىك قۇدىرەتى ءتىپتى دە ارتا ءتۇستى، - دەدى قاشقار جاڭاءشار اۋدانى جاڭاءشار قالاشىعى پارتكومىنىڭ شۋجيى شۇي يوۋشۋە، - جاڭا ءداۋىر ءاربىر ادامعا ءتان، جاڭا ساپار جاڭا ىسكەرلىككە شاقىرادى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ادالدىقپەن ىنتىماقتاسىپ، بىرگە كۇرەس جاساساق، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانى، ءسوز جوق، ىسكە اسادى.
(تىلشىلەرىمىز دۇڭ شاۋحۋا، ياۋ تۇڭ، ميھىرگۇل ناسىر، لي ياڭ، ميھىرگۇل عوپۇر، شى شين، جاۋ جىيۇن، چىن چياڭۋي، حان چينيان، شيا چيڭ، لي لي)
