قوعام ورنىقتىلىعىن بار كۇشپەن قورعاپ، كەدەيلىكتەن قۇتىلدىرۋدان قامال الۋدى تىڭعىلىقتى ىلگەرىلەتەيىك
ەرىكتى ءتىلشى جاڭ يىڭچۇن 3 - ايدىڭ 21 - كۇنى قاشقاردان حابارلايدى. اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن ۇلى 3 - ايدىڭ 19 - كۇنىنەن 21 - كۇنىنە دەيىن قاشقاردا بۇقارامەن بىرگە تاماقتانۋ، بىرگە تۇرۋ، بىرگە ەڭبەك ەتۋ، بىرگە ۇيرەنۋ قيمىلىن ورىستەتىپ، ءار ۇلت كادر - جۇرتشىلىعىنا مەملەكەتتىك ەكى ءماجىلىستىڭ رۋحىن ۇگىتتەپ، ساقا پارتيا مۇشەلەرى مەن كومەككە مۇقتاج جاندارعا امانداسىپ جانە ولاردان حال سۇراپ، كەدەيلىكتەن قۇتىلدىرۋدان قامال الۋ جانە «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇرۋ قىزمەتىنىڭ جاعدايىن تەكسەرىپ - زەرتتەدى. ول مىنالاردى باسا دارىپتەدى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، مەملەكەتتىك ەكى ءماجىلىستىڭ رۋحىن، اسىرەسە، باس شۋجي شي جينپيڭنىڭ ماڭىزدى سوزدەرىنىڭ رۋحىن ىشكەرىلەي ۇيرەنىپ، دايەكتىلەندىرىپ، اۆتونوميالى رايوندىق پارتكومنىڭ شەشىم - ورنالاستىرۋىن بۇلجىتپاي تياناقتاندىرىپ، قوعام ورنىقتىلىعىن بار كۇشپەن قورعاپ، كەدەيلىكتەن قۇتىلدىرۋدان قامال الۋدى تىڭعىلىقتى ىلگەرىلەتۋ كەرەك.
مارالباسى اۋدانى ءدولاتباق اۋىلىنىڭ جيدەلىباق قىستاعىندا نۇرلان ءابىلماجىن ۇلى مەملەكەتتىك ەكى ماجىلىسكە قاتىناسقانداعى العان اسەرىمەن ۇشتاستىرا وتىرىپ، شارۋالارعا بەتپە - بەت ۇگىت جۇرگىزدى. ول بىلاي دەدى: باس شۋجي شي جينپيڭنىڭ مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى بولىپ تولىق داۋىسپەن سايلانۋى پارتيا ەركىنىڭ، حالىق ەركىنىڭ، مەملەكەت ەركىنىڭ وسكەلەڭ بىرلىگىن تولىق ايگىلەپ، بۇكىل پارتيانىڭ، بۇكىل ارميانىڭ، بۇكىل ەلدەگى ءار ۇلت حالقىنىڭ ورتاق تىلەگى مەن جۇرەك ءۇنىن تولىق بەينەلەدى، باس شۋجي شي جينپيڭ اتى - زاتىنا ساي مەملەكەتتىڭ رولشىسى، حالىقتىڭ جول باستاۋشىسى.
نۇرلان ءابىلماجىن ۇلى ءۇرتىس 2 ءتۇن شارۋا وتباسىندا تۇنەپ، حالىق جاعدايىن، حالىق تۇرمىسىن تەرەڭدەي ۇعىستى، شارۋالارمەن تىزە تۇيىستىرە وتىرىپ، ءبىر داستارقاننان ءدام تاتىپ، شۇيىركەلەسە اڭگىمەلەسىپ، ولاردىڭ تۇرمىس جاعدايى مەن وتباسى قيىنشىلىعىن تاپتىشتەي سۇرادى. 79 جاستاعى ايشام كەرىم 7 نەمەرەسىمەن بىرگە تۇرادى، قازىر 7 ادامنىڭ ەڭ تومەنگى تۇرمىس دەڭگەيى كەپىلدەندىرىلگەن. ول پارتيانىڭ جاقسى ساياساتىنا ءدان رازىلىق ءبىلدىرىپ، بالالاردىڭ وقۋىنا قاراجات تولەمەيتىنىن، تۇرمىستارىندا قيىنشىلىق جوق ەكەنىن ايتتى. نۇرلان ءابىلماجىن ۇلى بىلاي دەدى: بالالاردى جاقسى تاربيەلەپ، ولاردى زاڭ ۇيرەنەتىن، زاڭدى بىلەتىن، زاڭدى قولداناتىن، تارتىپكە، زاڭعا بويسۇناتىن ازامات بولۋعا تاربيەلەۋ كەرەك. بالالاردى مەملەكەتتە ءبىر تۇتاس قولدانىلاتىن ءتىل - جازۋدى ۇيرەنۋگە، پارتياعا العىس ايتىپ، پارتيانىڭ سوزىنە قۇلاق اسىپ، پارتياعا ىلەسىپ، جارامدى ادام بولۋعا تاربيەلەۋ كەرەك.
سىمايىل ۇسەيىننىڭ جوعارى مەكتەپتەن وقۋ تاۋىسقان ۇلىنىڭ اۋىلدىق ەمحانادا شيپاگەرلىك قىزمەت اتقارىپ، ەكىنشى ۇلىنىڭ ۋنيۆەرسيتەتتە وقىپ جاتقانىن، ەگىن ەگۋدەن سىرت، مال باعىپ، ورتاشا كىرىستەرىن 10 مىڭ يۋاننان اسىرعانىن ەستىگىندە نۇرلان ءابىلماجىن ۇلى بىلاي دەدى: وتە كەرەمەت ەكەنسىز، ەكى بىردەي ستۋدەنت تاربيەلەپسىز، سىزدەر ونەگە كورسەتۋ، جەتەكتەۋ رولىن ساۋلەلەندىرىپ، اۋىلداستاردى بالا تاربيەسىنە ءمان بەرىپ، ادال ەڭبەكپەن اۋقاتتانىپ، تاماشا تۇرمىسقا جەتۋگە باستاۋلارىڭىز قاجەت. سىمايىل بىلاي دەدى: بالاعا جاقسى تاربيە بەرۋ − اتا - انانىڭ بورىشى، پارتيانىڭ جاقسى ساياساتىنىڭ ارقاسىندا، وسى جىلدارى قىستاعىمىزدا زور وزگەرىس بولدى، اسفالت جول شار تاراپقا تۇتاسىپ، بارلىق وتباسى بەيقۇت ۇيگە كوشىپ كىردى... ايتىپ تاۋىسقىسىز وزگەرىس، سارقىلماس جۇرەك ءسوز تىلگە تيەك بولىپ، انە - مىنە دەگەنشە ءتۇن ورتاسى بولدى.
نۇرلان ءابىلماجىن ۇلى اۆتونوميالى رايوندىق ساياسي كەڭەس ورگانىنان ءپايزاۋات اۋدانى مەن مارالباسى اۋدانىنداعى 10 اۋىر كەدەي قىستاققا تۇسكەن ءبىرىنشى شۋجيلەرمەن كەزدەسىپ، ولاردىڭ جۇمىس جانە تۇرمىس ورتاسىن مۇقيات تەكسەرىپ، قىستاقتا تۇرعاننان بەرى جۇرگىزىلگەن قىزمەتتەردىڭ جاعدايىن تاپتىشتەپ سۇرادى ءارى اۆتونوميالى رايوندىق ساياسي كەڭەس ورگانىنىڭ قىستاقتاردا تۇراتىن «ۇعىسۋ، تيىمدىلىك جاساۋ، توعىستىرۋ» كادرلارىمەن، اۋىر كەدەي قىستاقتاردىڭ ءبىرىنشى شۋجيلەرىمەن جانە وقۋ - اعارتۋعا كومەككە بارعان كادرلارمەن اڭگىمە وتكىزدى. ول مىنالاردى باسا دارىپتەدى: مەملەكەتتىك ەكى ءماجىلىستىڭ رۋحىن ويداعىداي ۇيرەنۋ، ۇگىتتەۋ، دايەكتىلەندىرۋ قازىرگى جانە الداعى ءبىر مەزگىلدەگى ماڭىزدى ساياسي مىندەت، مەملەكەتتىك ەكى ءماجىلىستىڭ رۋحىن ۇيرەنۋدى باس شۋجي شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جانە پارتيا 19 - قۇرىلتايىنىڭ رۋحىن ۇيرەنۋمەن ۇشتاستىرىپ، شىن مانىندە تەرەڭدەي، تياناقتى ۇيرەنىپ، ساناعا ءسىڭىرىپ جانە ساباقتاستىرىپ، ۇعىمعا جەڭىل سوزدەرمەن بۇقاراعا ۇگىتتەۋ، ءتۇسىندىرۋ جۇمىسىن جاقسى ىستەپ، بارلىق وتباسىنا جەتكىزۋ، بار ادامعا يگەرتۋ كەرەك.
نۇرلان ءابىلماجىن ۇلى بىلاي دەدى: ورنىقتىلىقتى قورعاۋدى قاشاندا بارلىعىن باسىپ تۇسەتىن ساياسي مىندەت ەتىپ، ورنىقتىلىقتى يگەرۋدى ءبىر ءسات تە بوساڭسىتپاۋ، ودان ەشقاشان بۇلجىماۋ كەرەك. «ەكىدەن تارىقتىرماۋ، ۇشكە قامتاماسىز ەتۋدى» ارقاۋ ەتىپ، اۋىر كەدەيلىكتى نازارعا الىپ، كەدەيلىكتەن قۇتىلدىرۋ ولشەمىن قاتايتىپ، الۋان ءتۇرلى دالمە - ءدال سۇيەمەلدەۋ شارالارىن قولدانۋ، قىزمەتتە ىرىقتى دا بەلسەندى بولۋ، ءبىراق امالياتتان الشاقتاماۋ، كەدەيلەردى شىن سۇيەمەلدەۋ، شىن كەدەيلەردى سۇيەمەلدەۋ كەرەك. «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇراتىن كادرلار مەن اۋىر كەدەي قىستاقتاردىڭ ءبىرىنشى شۋجيلەرى ساياسي دەڭگەيدى جوعارىلاتىپ، وتباسىلارىن ارالاۋ قىزمەتىن ۇزدىكسىز جاقسى ىستەپ، جۇرت قالاۋىن تابۋدى، جۇرت تىلەگىن جۇمىلدىرۋدى بۇقارالىق قىزمەتتىڭ تياناعى جانە كوزدەۋ ءتۇيىنى ەتىپ، ىشكەرىلەي، جان - جاقتى، بەتپە - بەت تاربيەلەۋ، جەتەكتەۋ ارقىلى ورنىقتىلىقتى قورعاۋ جانە كەدەيلىكتەن قۇتىلدىرۋدان قامال الۋ قىزمەتتەرىن بار كۇشپەن ويداعىداي ىستەۋ كەرەك.
