تيانشان تورى
تيانشان تورى   ›   جاڭالىقتار   ›   شينجياڭ حابارلارى

لي پىڭشين شينجياڭ مەديتسينا ۋنيۆەرسيتەتىندە قىزمەت تەكسەرگەندە نازاردى باس نىساناعا شوعىرلاندىرىپ، تياناقتاندىرۋدى مىقتى ۇستاپ، مەكتەپ اۋلاسىندا جاراسىمدىلىقتىڭ، ورنىقتىلىقتىڭ جاڭا جاعدايىن قالىپتاستىرۋدى باسا دارىپتەدى

  ءتىلشىمىز ۋاڭ يۇڭفي 3 - ايدىڭ 20 - كۇنى ۇرىمجىدەن حابارلايدى. 3 - ايدىڭ 19 - كۇنى اۆتونوميالى رايوندىق پارتكومنىڭ ورىنباسار شۋجيى، وقۋ - اعارتۋ قىزمەت كوميتەتىنىڭ شۋجيى لي پىڭشين شينجياڭ مەديتسينا ۋنيۆەرسيتەتىندە قىزمەت تەكسەرگەندە بىلاي دەپ باسا دارىپتەدى: جوعارى مەكتەپتەردىڭ پارتكومى «4 تانىمدى» شىنايى كۇشەيتىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرىپ، پارتيا 19 - قۇرىلتايىنىڭ جانە پارتيا 19 - كەزەكتى ورتالىق كوميتەتىنىڭ ەكىنشى، ءۇشىنشى جالپى ماجىلىستەرىنىڭ رۋحىن ىشكەرىلەي ۇيرەنىپ، دايەكتىلەندىرىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، نازاردى باس نىساناعا شوعىرلاندىرىپ، تياناقتاندىرۋدى مىقتى ۇستاپ، مەكتەپ اۋلاسىندا جاراسىمدىلىقتىڭ، ورنىقتىلىقتىڭ جاڭا جاعدايىن قالىپتاستىرۋ كەرەك.

  لي پىڭشين شينجياڭ مەديتسينا ۋنيۆەرسيتەتى پارتكومىنىڭ مەكتەپتىڭ ينفورماتسيالاندىرۋ تۇعىرى قۇرىلىسىنىڭ جاعدايى جونىندەگى مالىمەتىن تىڭدادى، وقۋشىلار ۋاكىلدەرىمەن كەزدەسىپ، شينجياڭ مەديتسينا ۋنيۆەرسيتەتىنىڭ «ۇشكە بارۋ، ەكىمەن بايلانىس ورناتۋ، بىرمەن دوستاسۋ» قيمىلىن ورىستەتۋ جاعدايىن ۇعىستى، سونداي - اق وقۋشىلارعا «شي جينپيڭ ەل باسقارۋ جونىندە (2 - توم)» جانە پارتيا 19 - قۇرىلتايىنىڭ رۋحىن ۇيرەنۋدى تەرەڭدەتۋگە قاتىستى ماڭىزدى وقۋلىق «جاڭا داۋىرگە نازار» اتتى كىتاپتى ۇسىندى.

  لي پىڭشين مىنالاردى تالاپ ەتتى: جوعارى مەكتەپتىڭ پارتكومى ورنىقتىلىقتى قورعاۋ تانىمىن شىنايى كۇشەيتىپ، يدەيالىق تانىم، قىزمەت سەرپىنى جانە مەحانيزم قۇرىلىسى جاعىنا كوبىرەك كۇش جۇمساپ، ورنىقتىلىقتى قورعاۋدىڭ كەشەندى شارالارىنىڭ ناقتاپ تياناقتانۋىنا كەپىلدىك ەتۋى كەرەك؛ شي جينپيڭنىڭ جاڭا ءداۋىر جۇڭگوشا سوتسياليزم يدەياسىن وقۋلىققا، ساباقحاناعا ەنگىزۋ، وقىتۋشى - وقۋشىلاردىڭ ساناسىنا ۇيالاتۋ قىزمەتىن تىڭعىلىقتى ىلگەرىلەتىپ، پارتيا يدەولوگيا قىزمەتىن باسقارۋعا تاباندى بولۋ كەرەك؛ «ۇشكە بارۋ، ەكىمەن بايلانىس ورناتۋ، بىرمەن دوستاسۋ» قيمىلىنا ايرىقشا ءمان بەرىپ، تۋىسىمەن ەتەنە بولىپ، ۇگىت جۇرگىزۋگە باسا ءمان بەرىپ، اقتارىلا اڭگىمەلەسىپ، وقۋشىلاردىڭ ۇيىنە بارىپ جاعداي يەلەۋدى ويداعىداي ىستەپ، كوپتەپ قيمىل وتكىزىپ، كومەكتەسىپ، ناقتى ىستەر تىندىرىپ، قيمىلدى ناقتى، ويداعىداي ورىستەتۋگە كۇش سالۋ كەرەك؛ پارتيا قۇرىلىسىن كۇشەيتىپ، پارتيا ۇيىمىنىڭ باسشىلىق ۇيتقى، ساياسي ۇيتقى رولىن ساۋلەلەندىرىپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىنىڭ ەگجەي - تەگجەيلى، ناقتى تياناقتانۋىنا كەپىلدىك ەتىپ، قوعام ورنىقتىلىعى مەن باياندى تىنىشتىق باس نىساناسىن ىسكە اسىرۋ ءۇشىن تىڭ ۇلەس قوسۋى كەرەك.

  لي پىڭشين مىنالاردى باسا دارىپتەدى: جوعارى مەكتەپتەر وقۋ - وقىتۋدىڭ سوتسياليستىك بەتالىسىندا تاباندى بولىپ، جوعارى دارەجەلى وقۋ - اعارتۋدىڭ «حالىققا قىزمەت ەتۋ، جۇڭگو كوممۋنيستىك پارتياسىنىڭ ەل باسقارۋىنا قىزمەت ەتۋ، جۇڭگوشا سوتسياليزمدى بەكەمدەۋ مەن دامىتۋعا قىزمەت ەتۋ، رەفورما جاساۋ، ەسىك اشۋ ىستەرى مەن سوتسياليستىك وسىزامانداندىرۋ قۇرىلىسىنا قىزمەت ەتۋ» سىندى نەگىزگى باعدارناماعا تاباندى بولىپ، وقىتۋشىلار قوسىنى قۇرىلىسىن كۇشەيتىپ، وقىتۋشىلاردىڭ پارتيانىڭ وقۋ - اعارتۋ ىسىنە ءارقاشان ادال بولىپ، ونەگەلى ادام تاربيەلەۋ، ءبىلىمدى ادام تاربيەلەۋ سىندى نەگىزگى مىندەتىنەن جازباي، سوتسياليستىك قۇرىلىس ىستەرىنىڭ تولىمدى قۇرىلىسشىلارى مەن سەنىمدى ءىزباسارلارىن باۋلىپ، پارتيا تۋىن جوعارى مەكتەپ شەبىندە ماڭگى جەلبىرەتۋ كەرەك.

    لي پىڭشين مىنالاردى تالاپ ەتتى: جوعارى مەكتەپتەر ستيل قۇرىلىسىن ونان ارى كۇشەيتىپ، ۇزاق ۋاقىت قۇلشىنىپ، ۇيىمدىق باسقارۋدى، شۇعىل جاعدايعا توتەپ بەرۋدى، باسقارۋدى، قوسىن قۇرىلىسىن، ستيل قۇرىلىسىن كۇشەيتىپ، بوساڭسىماي، سالعىرتتانباي، بويكۇيەزدىككە سالىنباي، ءارقانداي كەزدە اسقاق رۋحتى ساقتاپ، بورىشىن تىڭعىلىقتى وتەپ، جاراسىمدى، ورنىقتى وقىتۋ ورتاسىن جاراتۋى كەرەك.

جاۋاپتى رەداكتور : 阿肯

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.