اۆتونوميالى رايوندىق پارتكوم تۇراقتى كوميتەتتىڭ (كەڭەيتىلگەن) ءماجىلىسىن اشىپ، باس شۋجي شي جينپيڭنىڭ ماڭىزدى ءسوزىنىڭ رۋحىن جانە مەملەكەتتىك ەكى ءماجىلىستىڭ رۋحىن جەتكىزدى، ۇيرەندى

باس شۋجي شي جينپيڭنىڭ ماڭىزدى ءسوزىنىڭ رۋحىن مۇقيات ۇيرەنىپ جانە دايەكتىلەندىرىپ، ۇلى ۇلت رۋحىن ساۋلەلەندىرىپ، قوعام ورنىقتىلىعى مەن باياندى تىنىشتىقتى قۇلشىنا ىلگەرىلەتەيىك

چىن چۋانگو ءماجىلىستى باسقاردى

　　ءتىلشىمىز ياۋ تۇڭ 3 - ايدىڭ 22 - كۇنى ۇرىمجىدەن حابارلايدى. 3 - ايدىڭ 22 - كۇنى اۆتونوميالى رايوندىق پارتكوم تۇراقتى كوميتەتتىڭ (كەڭەيتىلگەن) ءماجىلىسىن اشىپ، باس شۋجي شي جينپيڭنىڭ ماڭىزدى ءسوزىنىڭ رۋحىن جانە مەملەكەتتىك ەكى ءماجىلىستىڭ رۋحىن مۇقيات جەتكىزىپ جانە ۇيرەنىپ، دايەكتىلەندىرۋ، تياناقتاندىرۋ پىكىرىن اقىلداستى. ءماجىلىستى اۆتونوميالى رايوندىق پارتكومنىڭ شۋجيى چىن چۋانگو باسقاردى.

　　ءماجىلىس مىنالاردى اتاپ كورسەتتى: مەملەكەتتىك 13 - كەزەكتى حالىق قۇرىلتايىنىڭ 1 - ءماجىلىسى، ساياسي كەڭەس مەملەكەتتىك 13 - كەزەكتى كوميتەتىنىڭ 1 - ءماجىلىسى − جۇڭگوشا سوتسياليزم ۇلى تۋىن بيىك ۇستاپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جانە پارتيا 19 - قۇرىلتايىنىڭ رۋحىن جاپپاي دايەكتىلەندىرگەن سالتاناتتى ءماجىلىس، حالىقتىڭ ەركىن بەينەلەپ، جاڭا ءداۋىردىڭ ورتاق تانىمىن ۇيىستىرىپ، ميلليارد حالىقتى جاڭا نىسانالارعا قاراي جاڭا ساپار شەگۋگە ىنتالاندىرعان سالتاناتتى ءماجىلىس. باس شۋجي شي جينپيڭنىڭ جۇڭحۋا حالىق رەسپۋبليكاسىنىڭ ءتوراعاسى، جۇڭحۋا حالىق رەسپۋبليكاسى ورتالىق اسكەري ىستەر كوميتەتىنىڭ ءتوراعاسى بولىپ تولىق داۋىسپەن سايلانۋى پارتيا ەركىنىڭ، حالىق ەركىنىڭ، مەملەكەت ەركىنىڭ وسكەلەڭ بىرلىگىن تولىق ايگىلەپ، بۇكىل پارتيانىڭ، بۇكىل ارميانىڭ، بۇكىل ەلدەگى ءار ۇلت حالقىنىڭ ورتاق تىلەگى مەن جۇرەك ءۇنىن تولىق بەينەلەدى، مۇنىڭ ميلليارد حالىقتى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز توپتاسىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتىپ، جاڭا داۋىردەگى جۇڭگوشا سوتسياليزمنىڭ ۇلى جەڭىسىنە قول جەتكىزىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن ىسكە اسىرۋ جولىندا قاجىماي - تالماي كۇرەس جۇرگىزۋگە ىنتالاندىراتىندىعى جانە جۇمىلدىراتىندىعى ءسوزسىز.

　　ءماجىلىس مىنالاردى باسا دارىپتەدى: باس شۋجي شي جينپيڭنىڭ ماڭىزدى سوزدەرىندە پارتيا مەن مەملەكەت ىستەرىنىڭ ستراتەگيالىق جالپى جاعدايى تياناق ەتىلىپ، جاڭا داۋىردەگى جاڭا ساپاردىڭ كەلەلى باعىت - ساياساتتارى جاپپاي ورنالاستىرىلدى، وسى ماڭىزدى سوزدەر − شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ ەڭ جاڭا جەتىستىگى، جاڭا داۋىردەگى ءتۇرلى قىزمەتتى جاقسى ىستەۋدىڭ ءتۇبىرلى دايەگى. باس شۋجي شي جينپيڭنىڭ ماڭىزدى سوزدەرىنىڭ رۋحىن ۇيرەنۋدى، ۇگىتتەۋدى، دايەكتىلەندىرۋدى قازىرگى ماڭداي الدى ساياسي مىندەت ساناپ، ونى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ۇيرەنۋمەن، دايەكتىلەندىرۋمەن، پارتيا 19 - قۇرىلتايىنىڭ جانە ج ك پ 19 - كەزەكتى ورتالىق كوميتەتى ەكىنشى، ءۇشىنشى جالپى ماجىلىستەرىنىڭ رۋحىن ۇيرەنۋمەن، دايەكتىلەندىرۋمەن، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى نۇسقاۋلارى مەن ماڭىزدى سوزدەرىنىڭ رۋحىن ۇيرەنۋمەن، دايەكتىلەندىرۋمەن ۇشتاستىرىپ، قايراتتى تاسقىنداتىپ، باعداردى يگەرىپ، جىگەردى جانىپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىنىڭ، اسىرەسە، قوعام ورنىقتىلىعى مەن باياندى تىنىشتىق باس نىساناسىنىڭ تياناق تاۋىپ، تامىر تارتۋىن ىلگەرىلەتۋ كەرەك.

　　ءبىرىنشى، ساياسي تۇرعىنى بەكەمدەۋ قاجەت. باس شۋجي شي جينپيڭ − بۇكىل پارتيانىڭ قولداۋىنا، حالىقتىڭ قۇرمەتىنە بولەنگەن، اتى زاتىنا ساي پارتيانىڭ ۇيتقىسى، ارميانىڭ قولباسشىسى، حالىقتىڭ كوسەمى، جاڭا داۋىردەگى جۇڭگوشا سوتسياليستىك مەملەكەتتىڭ رولشىسى، حالىقتىڭ جول باستاۋشىسى. «4 تانىمدى» ونان ارى نىعايتىپ، «4 سەنىمدى» بەكەمدەپ، ۇلى ۇلتتىق رۋحتى بار كۇشپەن ساۋلەلەندىرىپ، باس شۋجي شي جينپيڭنىڭ پارتيا ورتالىق كوميتەتىنىڭ ۇيتقىسى، بۇكىل پارتيانىڭ ۇيتقىسى ورنىن اناعۇرلىم باتىل، سانالى تۇردە قورعاپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن اناعۇرلىم باتىل، سانالى تۇردە قورعاپ، يدەيادا، ساياسيدا، ارەكەتتە قاشاندا شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاۋ كەرەك.

　　ەكىنشى، حالىقتىڭ تۇلعالىق ورنىنا تاباندى بولۋ قاجەت. حالىق تۇرعىسىندا تاباندى بولىپ، حالىققا كوڭىل تورىنەن قاشاندا ەڭ جوعارى ورىن بەرىپ، حالىقتان كىشى پەيىلدىكپەن ۇيرەنىپ، حالىقتىڭ ۇنىنە قۇلاق اسىپ، حالىقتان اقىل - پاراسات الىپ، قاشاندا بۇكىل ىنتا - پەيىلمەن حالىق ءۇشىن قىزمەت ەتىپ، قاشاندا حالىق جۇرتشىلىعىمەن ەتەنە قارىم - قاتىناستى ساقتاپ، قاشاندا حالىقتىڭ مۇددەسى مەن باقىتى جولىندا قۇلشىنا قىزمەت ىستەۋ كەرەك.

　　ءۇشىنشى، جاراسىمدىلىق پەن ورنىقتىلىقتى باتىل قورعاۋ قاجەت. لاڭكەستىككە قارسى تۇرىپ، ورنىقتىلىقتى قورعاۋدىڭ ارقاۋىن ءار ۋاقىت شيراتىپ، ورنىقتىلىقتى قورعاۋدى بارلىعىن باسىپ تۇسەتىن ساياسي مىندەت، تايشان تاۋىنان دا سالماقتى ساياسي جاۋاپكەرشىلىك دەپ ءبىلىپ، «3 قيان - كەسكى شايقاس» پەن «ءبىر حالىقتىق سوعىستى» ءۇرتىس جاقسى جۇرگىزىپ، «3 بىرلەسىپ قيمىلداۋدى» ىسكە اسىرىپ، لاڭكەستىككە قارسى تۇرىپ، ورنىقتىلىقتى قورعاۋدىڭ ۇدايىلىعىن، باياندىلىعىن ىلگەرىلەتۋ كەرەك.

　　ءتورتىنشى، ەكونوميكانىڭ جوعارى ساپالى دامۋىن ىلگەرىلەتۋ قاجەت. قىزمەتتىڭ ورنىقتىلىق بارىسىندا ىلگەرىلەۋ نەگىزگى ارناسىنان جازباي، جاڭا دامۋ ۇستانىمىنا تاباندى بولىپ، «3 ۇلكەن قامال الۋ شايقاسىندا» باتىل جەڭىسكە جەتىپ، جوعارى ساپالى دامۋ تالابى بويىنشا، قامداۋ جاعىنداعى قۇرىلىمدىق رەفورمانى تىڭعىلىقتى ىلگەرىلەتىپ، رەفورمانى تەرەڭدەتىپ، ەسىك اشۋدى كەڭەيتىپ، جىبەك جولى ەكونوميكالىق بەلدەۋىنىڭ وزەكتى رايونى قۇرىلىسىن جەدەلدەتىپ، 1 - كاسىپتىڭ دەڭگەيىنىڭ كوتەرىلۋىن، 2 - كاسىپتە تۇيىندەردىڭ يگەرىلۋىن، 3 - كاسىپتىڭ قاۋىرت دامۋىن ىلگەرىلەتۋ كەرەك.

　　بەسىنشى، اۋىل - قىستاقتاردى كوركەيتۋ ستراتەگياسىن عىلمي ىلگەرىلەتۋ قاجەت. اۋىل - قىستاقتاردى كوركەيتۋدىڭ جۇڭگوشا سوتسياليزم جولىنان جازباي، اۋىل - قىستاقتاردىڭ شارۋاشىلىعىنىڭ كوركەيۋىن، دارىندىلار ءىسىنىڭ كوركەيۋىن، مادەنيەتىنىڭ كوركەيۋىن، ەكولوگياسىنىڭ كوركەيۋىن، ۇيىمدىق كوركەيۋىن ىلگەرىلەتىپ، اۋىل - قىستاقتاردى كوركەيتۋدىڭ اقاۋسىز، ءتارتىپتى جۇرگىزىلۋىن ىلگەرىلەتىپ، اۋىل شارۋاشىلىعىنىڭ، اۋىل - قىستاقتىڭ وسىزاماندانۋىن جەدەل ىلگەرىلەتۋ كەرەك.

　　التىنشى، حالىق تۇرمىسىن بار كۇشپەن قامتاماسىز ەتۋ جانە جاقسارتۋ كەرەك. حالىق تۇرمىسىنا ءتيىمدى 9 ينجەنەريانى ۇزدىكسىز ىلگەرىلەتىپ، كەدەيلىكتەن قۇتىلدىرۋدان قامال الۋدىڭ جەڭىسىنە باتىل قول جەتكىزۋ ءارى كۇشتى اياماي جۇمساپ، ءارى شاماعا قاراي شارىقتاپ، سابيگە بالاباقشا، وقۋشىعا مەكتەپ، اۋرۋعا ەم - دوم، قارتتارعا زەينەت، باسقا باسپانا، السىزگە سۇيەمەل بولۋ جاعىندا تىڭ ىلگەرىلەۋشىلىكتەرگە جەتىپ، ءار ۇلت بۇقاراسىنىڭ تابىس سەزىمىن، باقىت سەزىمىن جانە حاۋىپسىزدىك سەزىمىن ۇزبەي نىعايتۋ كەرەك.

　　جەتىنشى، ەكولوگيالىق ورتانى قورعاۋدى شىنايى كۇشەيتۋ قاجەت. جاسىل تاۋ، ءمولدىر وزەن − باعا جەتپەس بايلىق دەگەن ۇستانىمدى بەرىك ۇستانىپ، «3 جوعارى» نىسانداردىڭ شينجياڭعا كىرۋىنە قاتاڭ تيىم سالىپ، ەنەرگيا، كەن بايلىقتارىن اشۋدى اۆتونوميالى رايوندىق ۇكىمەت «ءبىر قالاممەن» قاراۋ - بەكىتۋ تۇزىمىنە جانە قورشاعان ورتانى قورعاۋ جونىندەگى «ءبىر داۋىسپەن تەرىسكە شىعارۋ» تۇزىمىنە تاباندى بولىپ، تاۋى مانات، سۋى تۇنىق، اسپانى كوگىلدىر، جەرى جاسىل كورىكتى شينجياڭ قۇرۋعا قۇلشىنۋ كەرەك.

　　سەگىزىنشى، ۇلت، ءدىن قىزمەتتەرىن ۇقىپتىلىقپەن جاقسى ىستەۋ قاجەت. «ۇلتتار ىنتىماعىنىڭ بەرەكەلى شاڭىراعى»، ۇلتتار ىنتىماعى بىرلەسكەن دوستىق قيمىلىن ىشكەرىلەي قانات جايدىرىپ، ۇلتتار ىنتىماعى «تۋىستاسۋ اپتالىعىن» ۇدايىلاندىرا ىلگەرىلەتىپ، ۇلتتاردىڭ ارالاسۋىن، ىشتەسۋىن، توعىسۋىن، اناردىڭ دانىندەي تىعىز ۇيىسۋىن جەبەۋ كەرەك. پارتيانىڭ ءدىن ساياساتىن جاپپاي دايەكتىلەندىرىپ، تياناقتاندىرىپ، «ۇشقارىلىقتى الاستاۋدى» ۇزدىكسىز ىلگەرىلەتىپ، دىنگە سەنەتىن بۇقارانىڭ قالىپتى ءدىني قاجەتىنە كەپىلدىك ەتىپ، ءدىندى سوتسياليستىك قوعامعا سايكەسۋگە بەلسەنە جەتەكتەۋ كەرەك.

　　توعىزىنشى، شينجياڭدى زاڭمەن جونگە سالۋدى جاپپاي ىلگەرىلەتۋ قاجەت. پارتيا باسشىلىعىنىڭ، حالىقتىڭ قوجايىن بولۋىنىڭ جانە مەملەكەتتى زاڭمەن جونگە سالۋدىڭ جاندى بىرلىگىنە تاباندى بولىپ، نەگىزگى زاڭ تانىمىن بەرىك ورناتىپ، مەملەكەتتىڭ جونگە سالۋ جۇيەسىنىڭ جانە جونگە سالۋ قابىلەتىنىڭ وسىزاماندانۋىن ىلگەرىلەتىپ، ەڭ كەڭ وتانشىلدىق بىرلىكساپتى بەكەمدەۋ جانە دامىتۋ كەرەك.

　　ونىنشى، بيڭتۋاننىڭ رەفورما، دامۋ، ورنىقتىلىق ىستەرىنە قولداۋ كورسەتۋ قاجەت. «بيڭتۋان مەن جەرگىلىكتى ورىن ءبىر تۇتاس جۇيە» دەگەن يدەيانى بەكەمدەپ، بيڭتۋاننىڭ دامۋى مەن زورايۋىنا، ورنىقتىلىقتى قورعاپ، شەكارانى ساقتاۋ قابىلەتىنىڭ كوتەرىلۋىنە، رەفورمانى تەرەڭدەتۋىنە، وڭتۇستىككە قاراي دامۋىنا بار كۇشپەن قولداۋ كورسەتىپ، ونىڭ ورنىقتىرعىش، دومنا پەش جانە ۇلگى كورسەتۋشى رايون رولدارىن شىن مانىندە ساۋلەلەندىرۋ كەرەك.

　　ون ءبىرىنشى، ارميا مەن حالىقتىڭ تەرەڭدەي توعىسا دامۋىن ىلگەرىلەتۋ قاجەت. بورىش پەن مىندەتكەرلىكتى كۇشەيتىپ، بايلىقتى ءبىر تۇتاس جوسپارلاپ جانە جيناقتاپ، عىلىم - تەحنيكادا جاڭالىق اشۋدى كۇشەيتىپ، ءتۇيىندى سالالاردا قامال الىپ، ارميا مەن حالىقتىڭ تولىق فاكتورلى، كوپ سالالى، جوعارى تيىمدىلىكتى تەرەڭدەي توعىسا دامۋ جاعدايىن جەدەل قالىپتاستىرۋ كەرەك. مەملەكەت قورعانىسى مەن ارميا قۇرىلىسىنا بار كۇشپەن قولداۋ كورسەتىپ، ارميا مەن حالىق ءبىر ءۇيدىڭ ادامىنداي ىنتىماقتاسقان، ءبىر - بىرىنە بالداي باتىپ، سۋداي سىڭگەن، قۇرىشتاي بەرىك ارميا مەن ۇكىمەت، ارميا مەن حالىق قاتىناسىن بەكەمدەۋ، دامىتۋ كەرەك.

　　ون ەكىنشى، پارتيانى جاپپاي قاتاڭ جونگە سالۋدى ىلگەرىلەتۋ قاجەت. ەرەكشەلەنۋگە جول بەرمەۋ يدەياسىن بەرىك ورناتىپ، بولشەكتەۋشىلىككە قارسى تۇرۋ كۇرەسىن جانە پارتيا ستيلى، پاكتىك قۇرىلىسىن، ءىرىپ - شىرۋگە قارسى تۇرۋ كۇرەسىن تەڭ يگەرۋگە تاباندى بولىپ، تاباندى تۇردە ستيلدى دۇرىستاپ جانە ءتارتىپتى قاتايتىپ، «شەشۋشى ازشىلىقتى» يگەرىپ، زاڭمەن جونگە سالۋ مەن مورالمەن جونگە سالۋدى بىردەي دارىپتەۋگە تاباندى بولىپ، ءار دارەجەلى باسشى كادرلار اسقاق ءمورالدى ايقىنداپ، الەۋمەتتىك ءمورالعا بويسۇنىپ، جەكە ءمورالدى قاتايتىپ، حالىق قىزمەتكەرىنىڭ قاسيەتىن ءارقاشان ساقتاپ، ماڭگى جالعاستىراتىن قاجىر - قايراتپەن پارتيانى جاپپاي قاتاڭ جونگە سالۋدىڭ تەرەڭدەي دامۋىن ىلگەرىلەتىپ، پاك، تۋراشىل ساياسي ەكولوگيا قالىپتاستىرىپ، قوعام ورنىقتىلىعى مەن باياندى تىنىشتىق باس نىساناسىنىڭ ىسكە اسۋىنا پارمەندى كەپىلدىك ەتۋ كەرەك.

    اۆتونوميالى رايوننىڭ باسشىلارىنان شوكىرات زاكىر، شاۋكەت يمىن، نۇرلان ءابىلماجىن ۇلى، سۇن جينلۇڭ، لي پىڭشين، شۇي حايرۇڭ، ەركىن تۇنياز، ما شۋەجۇن، تيان ۋىن، سارقىت اقان ۇلى، جاڭ چۇنلين، پىڭ جيارۇي، ت.ب ماجىلىسكە قاتىناستى.