تيانشان تورى
تيانشان تورى   ›   جاڭالىقتار   ›   كورىكتى مەكەنىمىزدى ويداعىداي قۇرايىق

زەيىن - كۇشىمدى شوعىرلاندىرىپ، پارتياعا ىلەسەمىن

ماناس اۋداندىق ساياسي كەڭەس پارتيا باسشىلىق گرۋپپاسىنىڭ شۋجيى، ورىنباسار ءتوراعا

مادەت توقتاربەك ۇلى

  مەن جۇڭحۋا حالىق رەسپۋبليكاسىنىڭ ازاماتىمىن، جۇڭگو كوممۋنيستىك پارتياسىنىڭ مۇشەسىمىن. مەن وسى ارادا ايبىندى تۇردە پارتياعا «كوممۋنيزم − مەنىڭ بىردەن - ءبىر مۇرات - سەنىمىم» دەگەن پوزيتسيامدى بىلدىرەمىن. شينجياڭ − جۇڭگو تەرريتورياسىنىڭ ايرىلماس ءبىر بولىگى، شينجياڭداعى ۇلتتاردىڭ بارلىعى جۇڭحۋا ۇلتى ۇلى شاڭىراعىنىڭ ەتەنە مۇشەلەرى. مەن: پارتياعا ماڭگى ىلەسەمىن، پارتيانىڭ سوزىنە ماڭگى قۇلاق اسامىن، پارتياعا ماڭگى ادال بولامىن، - دەپ ايبىندى سەرت بەرەمىن.

  پارتيا تالاي جىل تاربيەلەپ باۋلىعان پارتيالى كادر رەتىندە، مەن پارتيانىڭ شىنايى قامقورلىعى، ۇيىمنىڭ ماپەلەپ تاربيەلەۋى بولماسا، قازىرگى كۇنىمنىڭ بولمايتىنىن ابدەن بىلەمىن، مەن پارتيانىڭ شاپاعاتىنا ماڭگى العىس ايتامىن، پارتيانىڭ سوزىنە ماڭگى قۇلاق اسامىن، پارتياعا ماڭگى ىلەسەمىن، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاپ، شينجياڭ قىزمەتىنىڭ باس نىساناسىن مىقتاپ ارقاۋ ەتىپ، اۆتونوميالى رايوندىق پارتكومنىڭ شەشىمدەرى مەن ورنالاستىرۋلارىن قاز - قالپىندا تياناقتاندىرامىن؛ حالىق ساياسي كەڭەسىنىڭ ۇلى ىنتىماق، ۇلى بىرلىك سىندى باسىمدىعى مەن رولىن جاقسى ساۋلەلەندىرەمىن، ءار ۇلت، ءار سالا ساياسي كەڭەس مۇشەلەرىنىڭ ىقپالى مەن بەدەلىن تولىق ساۋلەلەندىرىپ، ءىس جۇزىندىك ارەكەتىم ارقىلى بۇقارانى تاربيەلەپ جانە ولارعا ىقپال كورسەتىپ، وتاننىڭ تۇتاستىعىن قورعاۋ، ۇلتتىق بولشەكتەۋشىلىككە قارسى تۇرۋ، قوعام ورنىقتىلىعىن قورعاۋ، ۇلتتار ىنتىماعىن جەبەۋ سىندى ماڭىزدى پرينسيپتىك ماسەلەلەردە باستاماشىلىقپەن ساياسي تۇرعىمدى بەكەمدەپ، پوزيتسيامدى باتىل ايقىنداپ، ءسوز - ارەكەتتە بىردەي بولامىن، تانىمدا ءدۇدامال بولمايمىن، پوزيتسيادا كۇڭگىرتتىككە سالىنبايمىن، ارەكەتتە اۋىتقىمايمىن، «ءۇش ءتۇرلى كۇشپەن»، «ەكىبەتكەيلەرمەن» كۇرەستە الدا ءجۇرىپ، اتويشى بولىپ، قوعامنىڭ جاراسىمدىلىعىن، ورنىقتىلىعىن باتىل قورعايمىن.

  مەن شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، وتە - موتە، قوعام ورنىقتىلىعى مەن باياندى تىنىشتىق باس نىساناسىن ىشكەرىلەي دايەكتىلەندىرەمىن. قازىرگى كۇندە شينجياڭنىڭ ەكونوميكاسى قارىشتاپ دامىدى، قوعام كوركەيىپ - گۇلدەندى، ورنىقتى بولدى، حالىق الاڭسىز تىرشىلىك ەتۋدە، مىنە بۇلاردىڭ بارلىعى پارتيانىڭ كەمەڭگەر باسشىلىعىنىڭ ارقاسى. پارتيالى كادر رەتىندە، مەن «سەركە» بولىپ، ۇلتتار ىنتىماعىن قورعاۋدىڭ ونەگەسى بولامىن، «ۇلتتاردىڭ بەرەكەلى شاڭىراعى»، ۇلتتار ىنتىماعى بىرلەسكەن دوستىق قيمىلى جانە ۇلتتار ىنتىماعى «تۋىستاسۋ اپتالىعى» قيمىلىنا سانالى تۇردە باستاماشىلىقپەن قاتىناسىپ، تۋىس بولىپ، بايلانىس جاساعان ۇيلەردى كوپتەپ ارالاپ، ولارمەن كوپتەپ پىكىر اۋىستىرىپ، كوپتەپ بايلانىس جاساپ، ۇلتتار ىنتىماعىنىڭ گۇل - بايشەشەگىن جايقالتامىن.

  ءبىز جۇڭحۋا ۇلتىنىڭ ءبىر مۇشەسىمىز، وتانىمىزداعى ۇلتتاردىڭ ۇلى ىنتىماعىنىڭ يگىلىگىنە كەنەلۋشىمىز. ءبىز قازىرگى باقىتتى تۇرمىستى قادىرلەپ، جۇڭحۋا ۇلتى ورتاق تۇلعا تانىمىن بەرىك ورناتىپ، ۇلتتار ىنتىماعى مەن قوعام ورنىقتىلىعىن قورعاۋعا ۇلەس قوسۋىمىز كەرەك. قىراعىلىقتى ارتتىرىپ، ۇلتتىق بولشەكتەۋشىلىككە تابجىلماستان باتىل قارسى تۇرىمىز قاجەت. «ءۇش ءتۇرلى كۇشتى» ىرقىنا جىبەرۋ حالىق الدىندا قىلمىس وتكىزگەندىك، وتانعا وپاسىزدىق جاساعاندىق بولادى. بولشەكتەۋشىلىككە قارسى تۇرۋ كۇرەسىندە، مەن ادىلەت جولىندا ەشتەڭەدەن تايىنباي، تۋدى بيىك ۇستاپ العا شىعامىن، اتويلاپ الدا جۇرەمىن، سەمسەردى سەرت ۇستاپ الدا جۇرەمىن، ءوز ءۇنىمدى باستاماشىلىقپەن جەتكىزىپ، «ءۇش ءتۇرلى كۇشپەن»، «ەكىبەتكەيلەرمەن» سوڭىنا دەيىن باتىل كۇرەسەمىن.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.