ءتىلشىمىز سۇي يۇنيان، پراكتيكانت چىن نان 3 - ايدىڭ 22 - كۇنى ۇرىمجىدەن حابارلايدى. 3 - ايدىڭ 22 - كۇنى تۇستەن كەيىن اۆتونوميالى رايوندىق ساياسي كەڭەس ورگان كادرلارى ءماجىلىسىن وتكىزىپ، باس شۋجي شي جينپيڭنىڭ ماڭىزدى ءسوزىنىڭ جانە مەملەكەتتىك ەكى ءماجىلىستىڭ رۋحىن مۇقيات جەتكىزدى جانە ۇيرەندى، سونىمەن بىرگە سول كۇنى تۇستەن بۇرىن اشىلعان اۆتونوميالى رايوندىق پارتكوم تۇراقتى كوميتەتىنىڭ (كەڭەيتىلگەن) ءماجىلىسىنىڭ رۋحىن جەتكىزدى. اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن ۇلى ماجىلىسكە قاتىناستى ءارى ءسوز سويلەدى.
ءماجىلىس بىلاي دەپ قارادى: بيىلعى مەملەكەتتىك ەكى ءماجىلىس بۇرىنعىعا مۇراگەر بولىپ، بولاشاققا جول اشاتىن، دەموكراتيالى، ىنتىماقتى، شىنشىل، ەرلىكپەن العا باسقان ءماجىلىس بولدى. باس شۋجي شي جينپيڭنىڭ جۇڭحۋا حالىق رەسپۋبليكاسىنىڭ ءتوراعالىعىنا، جۇڭحۋا حالىق رەسپۋبليكاسى ورتالىق اسكەري ىستەر كوميتەتىنىڭ ءتوراعالىعىنا تولىق داۋىسپەن سايلانۋى پارتيا ەركىنىڭ، حالىق ەركىنىڭ، مەملەكەت ەركىنىڭ وسكەلەڭ بىرلىگىن تولىق ايگىلەدى، بۇكىل پارتيانىڭ، بۇكىل ارميانىڭ، ەلىمىزدەگى ءار ۇلت حالقىنىڭ ورتاق تىلەگى مەن جۇرەك ءۇنىن تولىق بەينەلەدى، بۇل، ءسوز جوق، ميلليارد حالىقتى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە بارىنشا تىعىز توپتاسىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە، جاڭا داۋىردەگى جۇڭگوشا سوتسياليزمنىڭ ۇلى جەڭىسىنە قول جەتكىزۋگە جىگەرلەندىرەدى جانە جۇمىلدىرادى.
ءتوراعا شي جينپيڭ مەملەكەتتىك 13 - كەزەكتى حالىق قۇرىلتايىنىڭ 1 - ماجىلىسىندە سويلەگەن ماڭىزدى سوزىندە ءبىزدىڭ ۇلى حالقىمىزدى، ۇلى ۇلتىمىزدى، ۇلى ۇلتتىق رۋحىمىزدى تەرەڭ سۇيىسپەنشىلىكپەن جىرلادى.
ءماجىلىس مىنالاردى تالاپ ەتتى: ساياسي دەڭگەيدى شىنايى جوعارىلاتىپ، باس شۋجي شي جينپيڭنىڭ ماڭىزدى ءسوزىنىڭ رۋحىن ۇيرەنۋدى، ۇگىتتەۋدى، دايەكتىلەندىرۋدى قازىرگى كەزدەگى ماڭداي الدى ساياسي مىندەت ساناپ، ونى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ۇيرەنۋمەن، دايەكتىلەندىرۋمەن، پارتيا 19 - قۇرىلتايىنىڭ جانە پارتيا 19 - كەزەكتى ورتالىق كوميتەتىنىڭ ەكىنشى، ءۇشىنشى جالپى ماجىلىستەرىنىڭ رۋحىن ۇيرەنۋمەن، دايەكتىلەندىرۋمەن، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى نۇسقاۋلارى مەن ماڭىزدى سوزدەرىنىڭ رۋحىن ۇيرەنۋمەن، دايەكتىلەندىرۋمەن ۇشتاستىرىپ، يدەيا مەن ارەكەتتى باس شۋجي شي جينپيڭنىڭ ماڭىزدى ءسوزىنىڭ رۋحىمەن جانە مەملەكەتتىك ەكى ءماجىلىستىڭ رۋحىمەن شىن مانىندە بىرلىككە كەلتىرۋ كەرەك. «4 تانىمدى» بەرىك ورناتىپ، «4 سەنىمدى» اناعۇرلىم بەكەمدەپ، باس شۋجي شي جينپيڭنىڭ پارتيا ورتالىق كوميتەتىنىڭ ۇيتقىسى، بۇكىل پارتيانىڭ ۇيتقىسى ورنىن تاباندىلىقپەن باتىل قورعاپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن تاباندىلىقپەن باتىل قورعاپ، يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاۋ كەرەك.
ءماجىلىس مىنانى باسا دارىپتەدى: ساياسي كەڭەستىڭ جاڭادان وزگەرىس ەنگىزىلگەن ۋستاۆىن ىشكەرىلەي ۇيرەنىپ، ويداعىداي ۇگىتتەپ، دايەكتىلەندىرىپ، ساياسي كەڭەستىڭ ۋستاۆى بويىنشا مىندەت وتەۋ سانالىلىعىن، ىرىقتىلىعىن شىنايى كۇشەيتىپ، مىندەت وتەپ، جاۋاپكەرلىكتى ادا ەتۋدىڭ دۇرىس بەتالىسىن، كۇش سالۋ ءتۇيىنىن جانە نەگىزگى تالابىن مىقتاپ يگەرىپ، مىندەت اتقارۋ قيمىلدارى مەن قىزمەتتەرىن عىلمي ارناعا ءتۇسىرۋ كەرەك. اۆتونوميالى رايوندىق پارتكومنىڭ ورنالاستىرۋلارىن، تالاپتارىن تاباندىلىقپەن باتىل دايەكتىلەندىرۋ، تياناقتاندىرۋ بارىسىندا ساياسي كەڭەستىڭ ەرەكشەلىگى مەن رولىن ساۋلەلەندىرىپ، حالىقتى وزىنە باۋراۋدى، جۇرت تىلەگىن ۇيىستىرۋدى شىعار ءتۇيىن جانە تابان تىرەر تياناق ەتىپ، «ۇعىسۋ، تيىمدىلىك جاساۋ، توعىستىرۋ» بويىنشا قىستاقتاردا تۇرۋ قىزمەتىن ىشكەرىلەي تىڭعىلىقتى ورىستەتىپ، «ۇلتتار ىنتىماعىنىڭ بەرەكەلى شاڭىراعى» جانە ۇلتتار ىنتىماعى بىرلەسكەن دوستىق قيمىلىن ۇزدىكسىز ويداعىداي ورىستەتىپ، ۇلتتار ىنتىماعى تۋىستاسۋ اپتالىعى قيمىلىن ءۇرتىس ىشكەرىلەي ورىستەتىپ، باس نىسانانى مىقتاپ ارقاۋ ەتە وتىرىپ، پارتيانىڭ باسشىلىق گرۋپپاسىنىڭ قىزمەت ءتۇيىنى مەن كەڭەسۋ جوسپارىن ويداعىداي دايەكتىلەندىرىپ، تياناقتاندىرىپ، ورگاننىڭ ستيل قۇرىلىسىن شىنايى كۇشەيتىپ، يدەيالىق تانىم جاعىندا، قىزمەت ستيلى جاعىندا، قىزمەت قابىلەتى جاعىندا جاڭا ءداۋىردىڭ تالابىنا ۇيلەسىپ، بيىلعى قىزمەتتەردى ويداعىداي، ناتيجەلى، ايتارلىقتاي جاقسى ورىنداۋ ءۇشىن بىرگە قۇلشىنۋ كەرەك.
اۆتونوميالى رايوندىق ساياسي كەڭەستىڭ ورىنباسار ءتوراعالارى چىڭ جىنشان، ماعاۋ سەيتقامزا ۇلى، جاڭ بو، ءمۇتالىپ وبۇل، ءىلھام سابىر، ما شيۇڭچىڭ ماجىلىسكە قاتىناستى.
