تيانشان تورى
تيانشان تورى   ›   جاڭالىقتار   ›   شينجياڭ حابارلارى

لي پىڭشين جۇڭگو عىلىم اكادەمياسىنىڭ شينجياڭ بولىمشەسىندە تەكسەرۋ - زەرتتەۋ جۇرگىزگەندە دامۋعا جاڭالىق اشۋ ارقىلى دەم بەرۋ ستراتەگياسىن اتقارىپ، ناتيجەنى كادەگە جاراتۋدى جەدەلدەتىپ، قوعام ورنىقتىلىعى مەن باياندى تىنىشتىقتى عىلىم - تەحنيكامەن پارمەندى دەمەۋدى باسا دارىپتەدى

  ءتىلشىمىز يۋان لەي 3 - ايدىڭ 21 - كۇنى ۇرىمجىدەن حابارلايدى. اۆتونوميالى رايوندىق پارتكومنىڭ ورىنباسار شۋجيى، وقۋ - اعارتۋ قىزمەت كوميتەتىنىڭ شۋجيى لي پىڭشين 3 - ايدىڭ 21 - كۇنى جۇڭگو عىلىم اكادەمياسىنىڭ شينجياڭ بولىمشەسىندە تەكسەرۋ - زەرتتەۋ جۇرگىزگەندە مىنالاردى باسا دارىپتەدى: «4 تانىمدى» بەرىك ورناتىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرىپ، پارتيانىڭ 19 - قۇرىلتايى مەن ج ك پ 19 - كەزەكتى ورتالىق كوميتەتىنىڭ ەكىنشى، ءۇشىنشى جالپى ماجىلىستەرىنىڭ رۋحىن ىشكەرىلەي ۇيرەنىپ، دايەكتىلەندىرىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا عىلمي زەرتتەۋ، كاسىپتىك تەحنيكا، دارىندى قوسىنى باسىمدىعىن تولىق ساۋلەلەندىرىپ، قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋدى عىلىم - تەحنيكامەن پارمەندى دەمەۋ كەرەك.

  تەكسەرۋ - زەرتتەۋ بارىسىندا، لي پىڭشين ىلگەرىندى - كەيىندى جۇڭگو عىلىم اكادەمياسىنىڭ شينجياڭ ەكولوگيا جانە جاعراپيا زەرتتەۋ ورنىنىڭ كەن بايلىعى ورتالىعىنا، ساياحات زەرتتەۋ ينستيتۋتىنا، ءشول جازيرا جانە جاسىل القاپ مەملەكەتتىك ءتۇيىندى تاجىريبەحاناسىنا، قۋاڭ ءوڭىر بيولوگيا - جاعراپيا جانە بيولوگيا بايلىعى ءتۇيىندى تاجىريبەحاناسىنا، مەملەكەتتىك ءشول جازيرا - جاسىل القاپ ەكولوگيالىق قۇرىلىس ينجەنەرياسى تەحنيكاسىن زەرتتەۋ ورتالىعىنا، سونداي - اق جۇڭگو عىلىم اكادەمياسىنىڭ شينجياڭ فيزيكا - حيميا تەحنيكالىق زەرتتەۋ ورنىنىڭ وسىمدىك حيمياسىن جانە وسىمدىك بايلىعىن زەرتتەۋ كەڭسەسىنە، كوپ ءتىلدى ينفورماتسيا تەحنيكاسىن زەرتتەۋ كەڭسەسىنە، قورشاعان ورتا عىلىمىن جانە تەحنيكاسىن زەرتتەۋ كەڭسەسىنە بارىپ، جۇڭگو عىلىم اكادەمياسىنىڭ شينجياڭ بولىمشەسىنىڭ شينجياڭداعى دامۋ تاريحىن، نەگىزگى زەرتتەۋ سالاسىن، ءتۇيىندى عىلمي زەرتتەۋ تابىسىن، سونداي - اق كەزەكتەگى عىلمي زەرتتەۋ جاڭالىعىنىڭ ىلگەرىلەۋ جاعدايىن تاپتەشتەي ۇعىسىپ، قاتىستى جاۋاپتىلاردىڭ عىلىم - تەحنيكادا جاڭالىق اشۋ جانە عىلىم - تەحنيكا جەتىستىگىن كادەگە جاراتۋدى تەزدەتۋ جونىندەگى پىكىرىن، ۇسىنىسىن مۇقيات تىڭدادى.

  لي پىڭشين بىلاي دەدى: ۇزاق ۋاقىتتان بەرى، جۇڭگو عىلىم اكادەمياسىنىڭ شينجياڭ بولىمشەسى دۇنيە ءجۇزى عىلىم - تەحنيكاسىنىڭ الدىڭعى لەگىنە ۇمتىلۋعا، مەملەكەتتىڭ كەلەلى قاجەتىن كوزدەۋگە تاباندى بولىپ، شينجياڭنىڭ ءىس جۇزىندىگىمەن ۇشتاستىرىپ، عىلىم - تەحنيكادا جاڭالىق اشۋ نىساناسىن ۇزدىكسىز سۇرىپتاپ جانە جوعارىلاتىپ، جاسىل القاپ ەكولوگياسى مەن جاسىل القاپ اۋىل شارۋاشىلىعى، شولەيت ءوڭىر ورتاسى مەن ەكولوگياسىن قالپىنا كەلتىرۋ، كەن ءوڭىرى مەن گەولوگيالىق كەن بارلاۋ، بايلىق حيمياسى، ماتەريالدىق فيزيكا مەن حيميا، كوپ ءتىلدى ينفورماتسيا تەحنيكاسى سياقتى سالالاردا دەن قويا ىزدەنىپ، قوماقتى تابىسقا، كورنەكتى ناتيجەگە قول جەتكىزدى، بۇل شينجياڭنىڭ دامۋ كەزەڭىندەگى ەرەكشەلىگىنە جانە بولاشاق قاجەتىنە ۇيلەسىپ، شينجياڭنىڭ ەكونوميكاسىنىڭ دامۋى مەن قوعامىنىڭ ورنىقتىلىعىن عىلىم - تەحنيكامەن پارمەندى دەمەدى.

  لي پىڭشين مىنالاردى اتاپ كورسەتتى: جۇڭگوشا سوتسياليزم جاڭا داۋىرگە ءوتتى، اۆتونوميالى رايوندىق پارتكوم دامۋعا جاڭالىق اشۋ ارقىلى دەم بەرۋ ستراتەگياسىن ىشكەرىلەي اتقارىپ، عىلىم - تەحنيكالىق جاسامپازدىق ارقىلى جاپپاي جاڭالىق اشۋعا دەم بەردى. جاڭا دامۋ ۇستانىمىنان جازباي، ساپالى دامۋ تالابى بويىنشا، قامداۋ جاعىنداعى قۇرىلىمدىق رەفورمانى ارقاۋ ەتىپ، 1 - كاسىپتىڭ دەڭگەيىن كوتەرۋگە، 2 - كاسىپتى ءتۇيىندى يگەرۋگە، 3 - كاسىپتى بارىنشا دامىتۋعا تاباندى بولىپ، ورنىقتى ارتتىرۋ، رەفورمانى جەبەۋ، قۇرىلىمدى رەتتەۋ، حالىق تۇرمىسىنا تيىمدىلىك جەتكىزۋ، حاۋىپ - قاتەردەن ساقتانۋ قىزمەتتەرىن ءبىر تۇتاس جوسپارلاپ، ىلگەرىلەتىپ، «3 ۇلكەن قامال الۋ شايقاسىن» ويداعىداي جۇرگىزۋدى كورنەكتىلەندىرۋ كەرەك، بۇل عىلىم - تەحنيكادا جاڭالىق اشۋداي قۇدىرەتتى تىرەككە ءارقانداي كەزدەگىدەن دە مۇقتاج.

    لي پىڭشين مىنالاردى تالاپ ەتتى: جۇڭگو عىلىم اكادەمياسىنىڭ شينجياڭ بولىمشەسى باس شۋجي شي جينپيڭنىڭ عىلىم - تەحنيكادا جاڭالىق اشۋ يدەياسىن ىشكەرىلەي ۇيرەنىپ، ءتۇسىنىپ، يگەرىپ، عىلىم - تەحنيكانىڭ ۇستەم ورىندا تۇراتىن باسىمدىعىن ساۋلەلەندىرىپ، ەكولوگيا، قورشاعان ورتا، بايلىق سالاسىندا عىلىم - تەحنيكانىڭ الدىڭعى لەگىنە ۇمتىلۋ، جىبەك جولى ەكونوميكالىق بەلدەۋى وزەكتى رايونى قۇرىلىسىن بەتكە الىپ، شينجياڭنىڭ اۋىل شارۋاشىلىعى، ساياحات، كەن اشۋ، ەكولوگيانى قورعاۋ سياقتى ءتۇيىندى سالالارىمەن بەلسەنە توعىسىپ، عىلمي زەرتتەۋدەن قامال الۋ تەبىنىن ارتتىرىپ، جەرگىلىكتى ورىندارمەن جانە باستاماشى كاسىپورىندارمەن سەلبەستىكتى كۇشەيتىپ، جاڭا سورتتى، جاڭا تەحنيكانى، جاڭا ونىمدەردى زەرتتەۋ - اشۋدى، جالپىلاستىرۋدى تەزدەتىپ، شينجياڭنىڭ ەكونوميكالىق، قوعامدىق دامۋىنا قۋاتتى قوزعاۋشى كۇش بەرۋ كەرەك.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.