− رايونىمىزداعى ءار ۇلت كادرلارى مەن بۇقاراسى ءتوراعا شي جينپيڭنىڭ مەملەكەتتىك 13 - كەزەكتى حالىق قۇرىلتايىنىڭ 1 - ماجىلىسىندە سويلەگەن ماڭىزدى ءسوزىن قىزۋ تالقىلادى
3- ايدىڭ 21 - كۇنى كورلا قالاسى قۇرىلىس كوشەسى چيانچىڭ الەۋمەتتىك اۋماعىنىڭ كادرلارى مەن الەۋمەتتىك اۋماققا تۇسكەن «ۇعىسۋ، تيىمدىلىك جاساۋ، توعىستىرۋ» قىزمەت اترەتىنىڭ مۇشەلەرى ەكى ءماجىلىس كەزىندەگى باس شۋجي شي جينپيڭنىڭ جەلىلەس ماڭىزدى سوزدەرىنىڭ رۋحىن بىرگە ۇيرەندى. سۋرەتتى ۋي يىنحى تۇسىرگەن
«جاڭا ءداۋىر ءاربىر ادامعا ءتان، ءاربىر ادام جاڭا ءداۋىردىڭ كۋاگەرى، ات سالىسۋشىسى، قۇرىلىسشىسى. ءبىز ادال نيەتپەن ىنتىماقتاسىپ، بىرگە كۇرەس جۇرگىزەتىن بولساق، جۇڭگو حالقىنىڭ ارماندى جۇزەگە اسىرۋ اياق الىسىنا بوگەت بولاتىن كۇش بولماق ەمەس!»
ءتوراعا شي جينپيڭنىڭ 3 - ايدىڭ 20 - كۇنى مەملەكەتتىك 13 - كەزەكتى حالىق قۇرىلتايىنىڭ 1 - ماجىلىسىندە سويلەگەن ماڭىزدى ءسوزى رايونىمىزداعى ءار ۇلت كادرلارى مەن بۇقاراسى اراسىندا كۇشتى اڭىس قوزعادى. قالىڭ كادرلار مەن بۇقارا ءبىر اۋىزدان بىلاي دەپ قارادى: ءتوراعا شي جينپيڭنىڭ ماڭىزدى ءسوزى حالىقتى وزەك ەتۋ ايقىن تۇرعىسىمەن ساباقتاسىپ، بۇكىل پارتياعا، بۇكىل ارمياعا، بۇكىل ەلدەگى ءار ۇلت حالقىنا جاڭا داۋىردە ەكپىندەي ىلگەرىلەۋدىڭ جورىق بۇيرىعىن تاراتتى. بۇل بارىمىزگە زور شابىت بەردى.
مەملەكەتتىك حالىق قۇرىلتايىنىڭ ۋاكىلى سۇي جيۋشيۋ بىلاي دەدى: ءتوراعا شي جينپيڭنىڭ 3 - ايدىڭ 20 - كۇنى سويلەگەن ماڭىزدى ءسوزى كوڭىلىمدى تەربەتىپ، قايراتىمدى تاسقىنداتتى. جاستاردىڭ ەرەكشەلىگىن ساۋلەلەندىرىپ، ءتوراعا شي جينپيڭنىڭ ءسوزىنىڭ رۋحىن ۇيرەنۋ بارىسىندا، قىزمەت بارىسىندا قۇلشىنا دايەكتىلەندىرىپ، تياناقتاندىرىپ، جاڭا ءداۋىردىڭ ات سالىسۋشىسى، قۇرىلىسشىسى بولىپ، شينجياڭنىڭ قوعام ورنىقتىلىعى مەن باياندى تىنىشتىعىنا اقىل - پاراساتىمىز بەن كۇش - قۋاتىمىزدى ارنايمىز.
− شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، بۇكىل ەلدەگى ءار ۇلت حالقى ءبىر نيەتپەن ىنتىماقتاسىپ، قۇلشىنا كۇرەس جۇرگىزگەندە وتانىمىزدىڭ ەرتەڭىنىڭ اناعۇرلىم جارقىن بولاتىنىنا كامىل سەنەمىن. قايراتتانا ىستەپ، كۇرەس بارىسىندا ءوز قۇنىمىزدى جۇزەگە اسىرامىز، - دەدى مەملەكەتتىك حالىق قۇرىلتايىنىڭ ۋاكىلى جاڭ يان.
ءۇرىمجى قالالىق ءتارتىپ تەكسەرۋ كوميتەتىنىڭ تۇراقتى مۇشەسى، باقىلاۋ - تەكسەرۋ كوميتەتىنىڭ مۇشەسى مەي بيڭ بىلاي دەدى: ءتوراعا شي جينپيڭ سوزىندە «مەملەكەت ورگاندارىنداعى قىزمەتكەرلەر مەيلى قىزمەت ورنى قانشالىق جوعارى بولسىن، تۇگەلدەي رەسپۋبليكامىزدىڭ جۇڭحۋا حالىق رەسپۋبليكاسى ەكەندىگىن ەستەرىنەن شىعارماي، قاشاندا حالىققا كوڭىلىنىڭ تورىنەن ورىن بەرىپ، قاشاندا بۇكىل ىنتا - پەيىلدەرىمەن حالىق ءۇشىن قىزمەت ەتىپ، قاشاندا حالىقتىڭ مۇددەسى مەن باقىتى جولىندا قۇلشىنا قىزمەت ىستەۋلەرى كەرەك» دەپ باسا دارىپتەدى. «حالىق» دەگەن ءسوز كوزگە وتتاي باسىلادى، وتە سالماقتى ورىندا تۇردى، بۇدان بۇلجىماس بيىلىك جۇرگىزۋ ۇستانىمىن، حالىققا دەگەن بۇلجىماس سۇيىسپەنشىلىكتى اڭعارۋعا بولادى.
ءتوراعا شي جينپيڭ سوزىندە «جۇڭگو حالقى ۇلى ىنتىماق رۋحىنا يە حالىق. نەشە مىڭ جىلدىق تاريح كەرۋەنىندە جۇڭگو حالقى باستان - اياق ءبىر نيەتتە ىنتىماقتاسىپ، جاپادا، راقاتتا بىرگە بولىپ، ءبىر تۇتاس كوپ ۇلتتى مەملەكەت قۇرىپ، 56 ۇلتتىڭ كوپ نەگىزدى ءبىر تۇلعالانعان، ءوزارا توعىسقان جاراسىمدى ۇلتتىق قاتىناسىن دامىتىپ، جۇڭحۋا ۇلتىنىڭ بەرەكەلى دە قارايلاسىمدى ۇلى شاڭىراعىن قالىپتاستىردى» دەپ اتاپ كورسەتتى. جەمسارى اۋدانى جەمسارى قالاشىعى بەيتيڭ جولى الەۋمەتتىك اۋماعى پارتيا ياچەيكاسىنىڭ شۋجيى باۋ حايگاڭنىڭ بۇل جونىنەن اسەرى تەرەڭ ەكەن. ول بىلاي دەدى: نەگىزگى ساتى كادرى رەتىندە ىنتىماق − كۇش، ۇلتتار ىنتىماعى − ءار ۇلت حالقىنىڭ جان تامىرى ەكەنىن تەرەڭ سەزىندىم. ۇلتتار ىنتىماعى قىزمەتىن، ءسوز جوق، تىڭعىلىقتى ىستەپ، ءار ۇلت بۇقاراسىن اناردىڭ دانىندەي تىعىز ۇيىستىرامىن.
بيڭتۋان 10 - شىسى بەيتۇن كاسىپتىك تەحنيكا مەكتەبىنىڭ وقىتۋشىسى جاڭ يۇيچىن بىلاي دەدى: ءتوراعا شي جينپيڭ سوزىندە «جۇڭحۋا ۇلتى ۇلى جاسامپازدىق رۋحقا، ۇلى كۇرەسكەرلىك رۋحقا، ۇلى ىنتىماق رۋحىنا جانە ۇلى ارمان رۋحىنا يە حالىق» دەپ اتاپ كورسەتتى. بۇل ماعان زور شابىت بەرىپ، مەنى ەرەكشە جەلپىنتتى. وقىتۋشى رەتىندە، وقۋشىلاردىڭ جاسامپازدىق رۋحىن، كۇرەسكەرلىك رۋحىن، ىنتىماق رۋحىن جانە ارمان رۋحىن قۇلشىنا جەتىلدىرىپ جانە ساۋلەلەندىرىپ، جۇڭحۋا ۇلتىنىڭ رۋحىن ۇرپاقتار بويى ماڭگى جالعاستىرىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا تاڭداۋلى ءىزباسارلار، قۇرىلىسشىلار تاربيەلەيمىن.
− ورتالىق قالاداعى كىتاپحانا رەتىندە، ءتوراعا شي جينپيڭنىڭ ماڭىزدى ءسوزىنىڭ رۋحىن جاپپاي ويداعىداي دايەكتىلەندىرىپ، تياناقتاندىرىپ، كىتاپحانانىڭ «13 - بەسجىلدىق» دامۋ جوباسىن دەن قويا تياناقتاندىرىپ، جالپى حالىقتىڭ كىتاپ وقۋىن ونان ارى ىلگەرىلەتىپ، ءار ۇلت قالا تۇرعىندارىنىڭ عىلىم، مادەنيەت ساپاسىن ءوسىرىپ، حالىق بۇقاراسىنىڭ الەۋمەتتىك مادەنيەتتەن قىزمەت كورسەتۋ جاعىنداعى تابىس سەزىمى مەن باقىت سەزىمىن كۇشەيتەمىز، - دەيدى ءۇرىمجى قالالىق كىتاپحانانىڭ باستىعى جين يشيڭ.
«تاۋ قانشا بيىك بولعانىمەن، تىنباي ورمەلەي بەرسەڭ، اقىرى باسىنا شىعۋعا بولادى؛ جول قانشا ۇزاق بولعانىمەن، تىنباي جۇرە بەرسەڭ، اقىرى جەتۋگە بولادى». اۆتونوميالى رايوندىق دەنە تاربيە مەكەمەسى جارىستىق دەنە تاربيە باسقارماسىنىڭ ورىنباسار باستىعى ۋاڭ جيە: ءتوراعا شي جينپيڭنىڭ ءسوزىنىڭ ويى تەرەڭ، ادامدى العا باسۋعا جەبەيدى. تياناقتاندىرۋدى دەن قويا يگەرىپ، ەكپىندەي ىلگەرىلەپ، جاڭا داۋىردە جاڭا ناتيجەلەرگە قول جەتكىزىپ، تىڭ ۇلەس قوسامىز، - دەدى.
(تىلشىلەرىمىز ياۋ تۇڭ، دۇڭ شاۋحۋا، جاۋ چۇنحۋا، جاڭ تيڭ، دۇڭ لياڭ، لي لي)
