تيانشان تورى
تيانشان تورى   ›   ۇيرەنۋ   ›   نازاريا

پارتيا مەن مەملەكەتتىڭ باقىلاۋ جۇيەسىن كەمەلدەندىرۋدەگى تىڭ جاسامپازدىق

− مەملەكەتتىك باقىلاۋ - تەكسەرۋ كوميتەتىنىڭ قۇرىلۋى جونىندە

حالىق گازەتىنىڭ ءتىلشىسى جياڭ جيە شينحۋا اگەنتتىگىنىڭ ءتىلشىسى جۋ جيچاي

  جۇڭحۋا حالىق رەسپۋبليكاسى مەملەكەتتىك باقىلاۋ - تەكسەرۋ كوميتەتى 3 - ايدىڭ 23 - كۇنى بەيجيڭدە ۆيۋەسكا اسىپ، مەملەكەتتىك باقىلاۋ - تەكسەرۋ كوميتەتىنىڭ جاڭادان تاعايىندالعان ورىنباسار مەڭگەرۋشىلەرىنىڭ، مۇشەلەرىنىڭ نەگىزگى زاڭ الدىندا سەرت بەرۋ مۇراسىمىن وتكىزدى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، پارتيا 19 - قۇرىلتايىنىڭ جەتەكشىلىگىندە مەملەكەتتىڭ باقىلاۋ - تەكسەرۋ ءتۇزىلىسى رەفورماسىن تەرەڭدەتۋ كەلەلى ناتيجەگە قول جەتكىزدى. مەملەكەتتىك 13 - كەزەكتى حالىق قۇرىلتايىنىڭ 1 - ءماجىلىسى نەگىزگى زاڭعا وزگەرىس ەنگىزۋ جوباسىن جانە باقىلاۋ - تەكسەرۋ زاڭىن ماقۇلداپ، مەملەكەتتىك باقىلاۋ - تەكسەرۋ كوميتەتىن قۇرىپ، باسشىلارىن سايلادى. بۇل جۇڭگوشا مەملەكەتتىك باقىلاۋ - تەكسەرۋ جۇيەسىنىڭ قالىپتاسقانىن كورسەتەدى.

  جۋىقتا، ياعني 3 - ايدىڭ 11 - كۇنى مەملەكەتتىك 13 - كەزەكتى حالىق قۇرىلتايى 1 - ءماجىلىسىنىڭ ءۇشىنشى جالپى جيىنى «جۇڭحۋا حالىق رەسپۋبليكاسىنىڭ نەگىزگى زاڭىنا وزگەرىس ەنگىزۋ جوباسىن» داۋىسقا سالىپ ماقۇلداپ، باقىلاۋ - تەكسەرۋ كوميتەتىن ارناۋلى ءبىر تارماق ەتىپ قوسىپ، باقىلاۋ - تەكسەرۋ كوميتەتىنىڭ مەملەكەت قۇرىلىمى رەتىندەگى نەگىزگى زاڭدىق ورنىن تۇراقتاندىردى؛

  3 - ايدىڭ 18 - كۇنى مەملەكەتتىك 13 - كەزەكتى حالىق قۇرىلتايى 1 - ءماجىلىسىنىڭ التىنشى جالپى جيىنى مەملەكەتتىك باقىلاۋ - تەكسەرۋ كوميتەتىنىڭ مەڭگەرۋشىسىن سايلادى.

  3 - ايدىڭ 20 - كۇنى مەملەكەتتىك 13 - كەزەكتى حالىق قۇرىلتايىنىڭ 1 - ءماجىلىسى جابىلدى. ءماجىلىس «جۇڭحۋا حالىق رەسپۋبليكاسىنىڭ باقىلاۋ - تەكسەرۋ زاڭىن» داۋىسقا سالىپ ماقۇلدادى؛

  3 - ايدىڭ 21 - كۇنى وتكىزىلگەن مەملەكەتتىك 13 - كەزەكتى حالىق قۇرىلتايى تۇراقتى كوميتەتىنىڭ 1 - ءماجىلىسى جەكە - جەكە داۋىسقا سالۋ ارقىلى مەملەكەتتىك باقىلاۋ - تەكسەرۋ كوميتەتىنىڭ ورىنباسار مەڭگەرۋشىلەرىن جانە مۇشەلەرىن مىندەتكە تاعايىندادى.

  وسىعان دەيىن مەملەكەت، ولكە، قالا، اۋدان دارەجەلى باقىلاۋ - تەكسەرۋ كوميتەتتەرى تۇگەلدەي قۇرىلدى. بۇل پارتيا مەن مەملەكەت قۇرىلىمدارى قۇرىلىسى تاريحى مەن ءتارتىپ - تەكسەرۋ، باقىلاۋ - تەكسەرۋ تاريحىندا بەلەستىك ءمان الدى. وسىلايشا باقىلاۋ - تەكسەرۋ ءتۇزىلىسى رەفورماسى تۇيىندەردە سىناق ەتۋدەن جاپپاي تەرەڭدەتۋ ساتىسىنا ءوتتى.

  پارتيا ورتالىق كوميتەتى مەملەكەتتىڭ باقىلاۋ - تەكسەرۋ ءتۇزىلىسى رەفورماسىن تەرەڭدەتۋگە باسا ءمان بەرىپ، باس شۋجي شي جينپيڭ ءوزى باس بولىپ رەفورمانى جوعارى دەڭگەيدە جوبالاپ، مەملەكەتتىك باقىلاۋ -تەكسەرۋ كوميتەتىنىڭ قۇرىلۋىنا باعىت كورسەتتى

  بيلىكتى باقىلاۋ پارتيامىزدىڭ جاپپاي باسشىلىق ەتىپ، ۇزاق ۋاقىت بيلىك جۇرگىزۋىندە ءدوپ كەلگەن ەڭ ۇلكەن سىن - سايىس بولدى. وسى قيىن ءتۇيىندى شەشۋدە، تاريحتىڭ پەريودتىق شاماسىنان ارىلۋدا، ءسوز جوق، ءوزىن كىرشىكسىزدەندىرۋدى جۇزەگە اسىرۋدىڭ ءونىمدى جولىن قاراستىرۋ كەرەك.

  پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى پارتيانى مىزعىماستان جاپپاي قاتاڭ جونگە سالىپ، ءوزىن كىرشىكسىزدەندىرۋ، كەمەلدەندىرۋ، جاڭالاۋ، جوعارىلاتۋ قابىلەتىن كۇشەيتىپ، جاعدايعا دۇرىس تالداۋ جاساپ، مەملەكەتتىڭ باقىلاۋ - تەكسەرۋ ءتۇزىلىسى رەفورماسىن تەرەڭدەتۋ جونىندە ماڭىزدى شەشىم، ورنالاستىرۋ جاسادى −

  2016 - جىلى 1 - ايدىڭ 12 - كۇنى باس شۋجي شي جينپيڭ ج ك پ 18 - كەزەكتى ورتالىق ءتارتىپ تەكسەرۋ كوميتەتىنىڭ التىنشى جالپى ماجىلىسىندە ماڭىزدى ءسوز سويلەپ، «پارتيانىڭ پارتيا ستيلى، پاكتىك قۇرىلىسىنا جانە ءىرىپ - شىرۋگە قارسى تۇرۋ قىزمەتىنە ءبىر تۇتاس باسشىلىعىن كۇشەيتىپ، باقىلاۋ - تەكسەرۋ كولەمىن كەڭەيتىپ، باقىلاۋ - تەكسەرۋ كۇشىن بىرىكتىرىپ، مەملەكەتتىڭ باقىلاۋ - تەكسەرۋ قۇرىلىمدارى جۇلگەسىن كەمەلدەندىرىپ، مەملەكەت ورگاندارى مەن ونداعى قىزمەتكەرلەردى جاپپاي شارپىعان مەملەكەتتىڭ باقىلاۋ - تەكسەرۋ جۇيەسىن ورناتۋ كەرەك» دەپ باسا دارىپتەدى.

  2016 - جىلى 6 - ايدان 10 - ايعا دەيىن باس شۋجي شي جينپيڭ ىلگەرىندى - كەيىندى 6 رەت ورتالىقتىڭ رەفورمانى جاپپاي تەرەڭدەتۋگە باسشىلىق ەتۋ گرۋپپاسىنىڭ ءماجىلىسىن، ورتالىق كوميتەت ساياسي بيۋروسى تۇراقتى كوميتەتىنىڭ ءماجىلىسىن جانە ورتالىق كوميتەت ساياسي بيۋروسىنىڭ ءماجىلىسىن باسقارىپ اشىپ، مەملەكەتتىڭ باقىلاۋ - تەكسەرۋ ءتۇزىلىسى رەفورماسىن ىلگەرىلەتۋ جونىندە ورنالاستىرۋ جاساپ، نۇسقاۋ بەردى. باس شۋجي شي جينپيڭنىڭ وسى ماڭىزدى نۇسقاۋلارى مەملەكەتتىڭ باقىلاۋ - تەكسەرۋ ءتۇزىلىسى رەفورماسىن تەرەڭدەتۋگە باعىت كورسەتتى.

  2017 - جىلى 10 - ايدا باس شۋجي شي جينپيڭ پارتيا 19 - قۇرىلتايىنىڭ بايانداماسىندا «مەملەكەتتىڭ باقىلاۋ - تەكسەرۋ رەفورماسىن تەرەڭدەتىپ، تۇيىندەردە سىناق ەتۋ قىزمەتىن بۇكىل ەل كولەمىندە ورىستەتىپ، مەملەكەتتىك، ولكەلىك، قالالىق، اۋداندىق باقىلاۋ - تەكسەرۋ كوميتەتتەرىن قۇرىپ، پارتيانىڭ ءتارتىپ تەكسەرۋ ورگاندارىمەن بىرگە جۇمىس جۇرگىزىپ، مەملەكەت ۇقىعىن جۇرگىزەتىن بارلىق ۇكىمەت قىزمەتكەرلەرىن باقىلاۋ - تەكسەرۋ كەرەك» دەپ اتاپ كورسەتتى.

  باس شۋجي شي جينپيڭ تاعى ىلگەرىندى - كەيىندى پارتيا 18 - كەزەكتى ورتالىق كوميتەتىنىڭ التىنشى، جەتىنشى جالپى ماجىلىستەرىندە، پارتيا 19 - كەزەكتى ورتالىق كوميتەتىنىڭ ءبىرىنشى، ەكىنشى، ءۇشىنشى جالپى ماجىلىستەرىندە، ج ك پ 18 - كەزەكتى ورتالىق ءتارتىپ تەكسەرۋ كوميتەتىنىڭ التىنشى، جەتىنشى جالپى ماجىلىستەرىندە، ج ك پ 19 - كەزەكتى ورتالىق ءتارتىپ تەكسەرۋ كوميتەتىنىڭ ەكىنشى جالپى ماجىلىسىندە، ت.ب جەلىلەس ماڭىزدى ءسوز سويلەپ، مەملەكەتتىڭ باقىلاۋ - تەكسەرۋ ءتۇزىلىسى رەفورماسىن تەرەڭدەتۋ جونىندە ماڭىزدى نۇسقاۋ بەرىپ، مەملەكەتتىك، ولكەلىك، قالالىق، اۋداندىق باقىلاۋ - تەكسەرۋ كوميتەتتەرىن قۇرۋدى ءتۇبىرلى ولشەممەن قامدادى.

  3 ولكە، قالادا الدىمەن اتقارىپ، الدىمەن سىناق ەتىپ، بۇكىل ەلدىڭ جەر - جەرىندە رەفورما سىناق ءتۇيىنى قىزمەتىن ورىستەتىپ، مەملەكەتتىك باقىلاۋ - تەكسەرۋ كوميتەتىنىڭ قۇرىلۋىنا مىعىم نەگىز قالادى

  «ماڭىزدى رەفورمالاردى تۇگەلدەي تۇيىندەردە سىناق ەتۋ كەرەك». 2016 - جىلى 10 - ايدا باس شۋجي شي جينپيڭ ايقىن تالاپ قويدى ءارى بەيجيڭ، سانشي، جىجياڭ سىندى 3 ولكە، قالانى سىناق ءتۇيىنى ەتۋدى تىكەلەي تۇراقتاندىرىپ، تۇيىندەردە سىناق ەتۋ ارقىلى ۇلگىلىك، باستاماشىلدىق رولدى ساۋلەلەندىرىپ، تاجىريبە توپتاۋدى باسا دارىپتەدى.

  باتىلدىقپەن ىزدەنىس جاساۋ، بەلسەنە جاڭالىق اشۋ ارقىلى سىناق ءتۇيىنى ەتىلگەن 3 ولكە، قالا كوشىرۋگە، جالپىلاستىرۋعا بولاتىن قىرۋار تاجىريبەلەردى قالىپتاستىردى. 2017 - جىلى 6 - ايدا باس شۋجي شي جينپيڭ سانشي ولكەسىندە قىزمەت تەكسەرگەندە «سىزدەر مەملەكەتتىڭ باقىلاۋ - تەكسەرۋ ءتۇزىلىسى رەفورماسىن تۇيىندەردە سىناق ەتۋ قىزمەتىندە كوپ كۇش سالدىڭىزدار. ءتۇزىم باسىمدىعى ارقىلى جونگە سالۋدىڭ ونىمدىلىگىن كورە باستاپسىزدار، وسى رەفورما جەتىستىگىنەن، ءسوزسىز، ويداعىداي پايدالانۋ كەرەك» دەپ اتاپ كورسەتتى.

  3 ولكە، قالادا رەفورما سىناق ءتۇيىنى قىزمەتىن الدىمەن اتقارۋ نەگىزىندە، 2017 - جىلى 10 - ايدىڭ 23 - كۇنى ج ك پ ورتالىق كوميتەتى كەڭسەسى «بۇكىل ەلدىڭ جەر - جەرىندە مەملەكەتتىڭ باقىلاۋ - تەكسەرۋ ءتۇزىلىسى رەفورماسى سىناق ءتۇيىنى قىزمەتىن ورىستەتۋ جونىندەگى جوبانى» باسىپ تاراتتى. وسىدان كەيىن مەملەكەتتىك 12 - كەزەكتى حالىق قۇرىلتايى تۇراقتى كوميتەتىنىڭ 30 - رەتكى ءماجىلىسى بۇكىل ەلدىڭ جەر - جەرىندە مەملەكەتتىڭ باقىلاۋ - تەكسەرۋ ءتۇزىلىسى رەفورماسى سىناق ءتۇيىنى قىزمەتىن ورىستەتۋ جونىندەگى قاراردى ماقۇلدادى.

  ورتالىق ءتارتىپ تەكسەرۋ كوميتەتى جانە جەر - جەر پارتيا ورتالىق كوميتەتىنىڭ تالابىن باتىل دايەكتىلەندىرىپ، ءار دارەجەلى باقىلاۋ - تەكسەرۋ كوميتەتتەرىن قۇرۋ قىزمەتىن ورنىقتى، تىڭعىلىقتى، تارتىپپەن ىلگەرىلەتتى.

  2017 - جىلى 11 - ايدىڭ 24 - كۇنى ىشكى موڭعۇل اۆتونوميالى رايونى باۋتوۋ قالاسى چيڭشان رايوندىق باقىلاۋ - تەكسەرۋ كوميتەتى قۇرىلىپ، ماڭدايشىلىعىن اسىپ، مەملەكەتتىڭ باقىلاۋ - تەكسەرۋ ءتۇزىلىسى رەفورماسى سىناق ءتۇيىنى قىزمەتى جاپپاي ورىستەتىلگەننەن كەيىن قۇرىلعان، ۆيۋەسكا اسقان تۇڭعىش حوشۇن (اۋدان، رايون) دارەجەلى باقىلاۋ - تەكسەرۋ كوميتەتى بولدى. وسىدان كەيىن جەر - جەردىڭ باقىلاۋ - تەكسەرۋ كوميتەتتەرىنىڭ قۇرىلۋ اياق الىسى ۇزبەي جەدەلدەدى. 2018 - جىلى 2 - ايدىڭ 25 - كۇنى گۋاڭشي جۋاڭزۋ اۆتونوميالى رايونى چۇڭزو قالاسى داشين اۋداندىق باقىلاۋ - تەكسەرۋ كوميتەتىنىڭ قۇرىلۋىنا ىلەسە 3 ايدان استام ۋاقىتتا بۇكىل ەلدىڭ ولكە، قالا، اۋدان دارەجەلى باقىلاۋ - تەكسەرۋ كوميتەتتەرى تۇگەلدەي قۇرىلىپ، مەملەكەتتىك باقىلاۋ - تەكسەرۋ كوميتەتىنىڭ قۇرىلۋىنا مىعىم نەگىز قالادى.

  ورتالىق ءتارتىپ تەكسەرۋ كوميتەتى ورتالىقتىڭ شەشىمدەرى مەن ورنالاستىرۋلارىن باتىل دايەكتىلەندىرىپ، ءبىر تۇتاس جوسپارلاپ، سايكەستىرۋدى كۇشەيتىپ، دەن قويا ۇيىمداستىرىپ، مەملەكەتتىك باقىلاۋ - تەكسەرۋ كوميتەتىن قۇرۋ قىزمەتىن بەلسەنە ورنىقتى ىلگەرىلەتتى

  2018 - جىلى 2 - ايدىڭ 25 - كۇنى تۇستەن بۇرىن ساعات 7دەن 10 مينۋت وتكەندە، ەڭ جوعارى حالىق پروكۋراتۋراسىنىڭ اۋلاسىنا 4 اۆتوكولىك كەلىپ توقتادى، مەملەكەتتىك ءىرىپ - ءشىرۋدىڭ الدىن الۋ باس مەكەمەسىنىڭ اۋىساتىن 102 قىزمەتكەرى بۇرىنعى قىزمەتتەستەرىمەن قوشتاسقاننان كەيىن ىركەس - تىركەس اۆتوكولىككە شىعىپ، جاڭا قىزمەت ورىندارىنا قاراي تارتتى. ولاردىڭ ىشىندە ەڭ ۇلكەنىنىڭ جاسى 59دا، ەڭ كىشكەنەسى 1991 - جىلى تۋىلعان 90 - جىلدىڭ تۇلەگى ەدى.

  ساعات 8دەن 30 مينۋت وتكەندە، 4 اۆتوكولىك ورتالىق ءتارتىپ تەكسەرۋ كوميتەتى ورگاننىڭ اۋلاسىنا كەلدى. ورگاننىڭ زالىندا اۋىسىپ كەلگەن كادرلارعا ارناپ قاراپايىم قارسى الۋ سالتى وتكىزىلدى.

  وسىدان بۇرىن، پارتيا 19 - قۇرىلتايى جابىلا سالىسىمەن ورتالىق ءتارتىپ تەكسەرۋ كوميتەتىنىڭ بولىمدەرى مەملەكەتتىك باقىلاۋ - تەكسەرۋ كوميتەتىن قۇرۋدىڭ، ادامداردى اۋىستىرۋ قىزمەتىن ويداعىداي ىستەۋدىڭ قىرۋار دايىندىق جۇمىستارىنا قاربالاس كىرىسكەن بولاتىن.

  ورتالىق ءتارتىپ تەكسەرۋ كوميتەتىنىڭ باسشى جولداسى باس شۋجي شي جينپيڭنىڭ مەملەكەتتىڭ باقىلاۋ - تەكسەرۋ ءتۇزىلىسى رەفورماسىن تەرەڭدەتۋ جونىندەگى ماڭىزدى بايىمداۋلارىنىڭ رۋحي ءمانىن ىشكەرىلەي ۇيرەنىپ، ءتۇسىنىپ، پارتيا ورتالىق كوميتەتىنىڭ شەشىمدەرى مەن ورنالاستىرۋلارىن بۇلجىتپاي تياناقتاندىرۋدى؛ اۋىستىرۋ سىندى وسى ءتۇيىندى مىقتاپ ۇستاپ، الدىمەن اۋىستىرىپ، سوڭىنان ماڭدايشالىق اسۋعا تاباندى بولىپ، قۇرىلىمداردى ورنالاستىرۋدى، ادامداردى اۋىستىرۋدى، قىزمەتتەردى ۇلاستىرۋدى تياناقتاندىرۋعا كەپىلدىك ەتۋدى؛ تاراۋلاردىڭ باسشىلىق القاسى جانە كادرلار قوسىنى قۇرىلىسىن ءبىر تۇتاس ويلاستىرىپ، اۋىسىپ كەلگەن قىزمەتكەرلەردى ماڭىزدى ورىندارعا قويىپ، تولىق سەنىممەن الاڭسىز ىستەتىپ، ولاردىڭ رولىن تولىق ساۋلەلەندىرۋدى باسا دارىپتەدى.

  ورتالىق ءتارتىپ تەكسەرۋ كوميتەتىنىڭ ۇيىمداستىرۋ ءبولىمى 1 - ايدىڭ 29 - كۇنىنەن 2 - ايدىڭ 1 - كۇنىنە دەيىن 3 گرۋپپا ۇيىمداستىرىپ، ءىرىپ - ءشىرۋدىڭ الدىن الۋ باس مەكەمەسىنە بارىپ، وسى مەكەمەدەگى كادرلارمەن ءبىر - بىرلەپ ىشكەرىلەي شىنايى سىرلاسىپ، كادرلاردىڭ يدەيالىق جاعدايى، قىزمەت تاجىريبەسى، كاسىپتىك ەرەكشەلىگى، جەكەلىك ويى سياقتى جاعدايلاردى تاپتەشتەي ۇعىسىپ، اۋىساتىن كادرلاردىڭ تىزىمدىگىن اقىلداستى، ورتالىق ءتارتىپ تەكسەرۋ كوميتەتىنىڭ باسشى جولداسىنىڭ بەكىتۋىمەن ادام مەن قىزمەت ورنىنىڭ سايكەس كەلۋ پرينسي−بىنە ساي، اۋىساتىن كادرلاردى 26 بولىمگە تاراتىپ، اۋەلگى كادرلارمەن بىرىكتىردى، مۇنىڭ ىشىندە %87 ادام كاسىپتىك قىزمەت بولىمدەرىنە ءبولىندى.

  ورتالىق ءتارتىپ تەكسەرۋ كوميتەتى كەڭسەسى ورگان تاراۋلارىنداعى ءبىر ءبولىم كادرلاردى اپتا سوڭىنداعى ۋاقىتتارىنان پايدالانىپ، 1 - ايدىڭ 20 - كۇنى سانشيعا، 1 - ايدىڭ 27 - كۇنى بەيجيڭگە بارىپ، باقىلاۋ - تەكسەرۋ ءتۇزىلىسى رەفورماسىنا تەكسەرۋ - زەرتتەۋ جۇرگىزۋگە ۇيىمداستىردى ءارى جىجياڭ ولكەلىك ءتارتىپ تەكسەرۋ كوميتەتىنىڭ، باقىلاۋ - تەكسەرۋ كوميتەتىنىڭ باسشى جولداستارىن ورگانعا كەلىپ، باقىلاۋ - تەكسەرۋ ءتۇزىلىسى رەفورماسى سىناق ءتۇيىنى قىزمەت تاجىريبەسىن تانىستىرۋعا ۇسىنىس ەتتى. تاراۋلار ماسەلەنى نىشان ەتۋدەن جازباي، قىزمەت جاۋاپكەرلىگىمەن جانە كاسىپتىك قىزمەتپەن تىعىز بىرلەستىرىپ، نازاردى باقىلاۋ - تەكسەرۋ كوميتەتىنىڭ فۋنكتسياسىنا، قىزمەت جاۋاپكەرلىگىنە، ۇقىق شەگى شارالارىنا، ەرەجە مەن زاڭنىڭ ۇلاسۋىنا، زاڭ مەن زاڭنىڭ جالعاسۋىنا اۋدارىپ، وزىندىك باقىلاۋ سياقتى ماڭىزدى ماسەلەلەردى بار كۇشپەن تەكسەرۋ - زەرتتەۋدى كۇشەيتتى. 2 - ايدىڭ 1 - كۇنىنەن 2 - كۇنىنەن دەيىن ورتالىق ءتارتىپ تەكسەرۋ كوميتەتى باقىلاۋ - تەكسەرۋ ورگاندارى باقىلاۋ - تەكسەرۋ ءتۇزىلىسى رەفورماسىن ۇيرەنۋ - زەرتتەۋ جونىندەگى قىزمەت جاعدايىنان مالىمەت بەرۋ جيىنىن ارنايى اشىپ، بولىمدەردىڭ تەكسەرۋ - زەرتتەۋ جاعدايى مالىمەتىن تىڭدادى.

  مۇنان تىس، ورتالىق ءتارتىپ تەكسەرۋ كوميتەتىنىڭ باقىلاۋ - تەكسەرۋ ءبولىمىنىڭ ورگانى مەملەكەتتىك باقىلاۋ - تەكسەرۋ كوميتەتىنىڭ قۇرىلۋىنىڭ الدى - ارتىنداعى، ءسوز جوق، ورىستەتۋگە ءتيىستى ءتۇيىندى قىزمەتتەردى سارالاپ زەرتتەدى، ادامداردى اۋىستىرۋ، قىزمەت مەحانيزمىن ورناتۋ، كاسىپتىك قىزمەت كۋرسىن ورىستەتۋ، قىزمەت وتەۋمەن قامتاماسىزداندىرۋدى مىقتى ۇستاۋ، ۇگىتتەۋدى، جەتەكشىلىك ەتۋدى كۇشەيتۋ سياقتى جاقتارداعى قىزمەتتەردى ويداعىداي ىستەپ، ويداعىداي ىستەۋگە ءتيىستى ءتۇيىندى قىزمەت مىندەتتەرىن جانە جاۋاپتى ورىنداردى اشالاپ، ءبىتىرۋ ۋاقىت شەگىن ايقىنداپ، ۇيىمداستىرۋ قىزمەتىنىڭ تىڭعىلىقتى ءتارتىپتى ىلگەرىلەۋىنە كەپىلدىك ەتتى.

  بارلىق قىزمەتكەرلەردى شوعىرلى تاربيەلەۋگە ۇيىمداستىرىپ، توعىسۋدى، ارالاسۋدى مىقتى ۇستاپ، مەملەكەتتىك باقىلاۋ - تەكسەرۋ كوميتەتى قۇرىلعاننان كەيىنگى قىزمەتتى تەزدەن قالىپتى، ءتارتىپتى، ارنالى ورىستەتۋگە كەپىلدىك ەتتى

  2 - ايدىڭ 25 - كۇنى تۇستەن بۇرىنعى ساعات 9عا قايتا ورالايىق، قاراپايىم دا قىسقا قارسى الۋ سالتىنان كەيىن، اۋىسىپ كەلگەن 102 كادر ورتالىق ءتارتىپ تەكسەرۋ كوميتەتىنىڭ شاعىن زالىنان جانىنداعى ۇلكەن زالىنا كەلىپ، سول ارادا كۇتىپ وتىرعان ورتالىق ءتارتىپ تەكسەرۋ كوميتەتىنىڭ 700دەن استام كادرىمەن بىرگە باس شۋجي شي جينپيڭنىڭ مەملەكەتتىڭ باقىلاۋ - تەكسەرۋ ءتۇزىلىسى رەفورماسىن تەرەڭدەتۋ جونىندەگى ماڭىزدى بايىمداۋلارىن ۇيرەنۋ، دايەكتىلەندىرۋ ارناۋلى تاقىرىبىنداعى كۋرستىڭ اشىلۋ سالتىنا قاتىناستى.

  ساعات 11دەن 45 مينۋت وتكەندە، كۋرستىڭ اشىلۋ سالتى اياقتاي سالىسىمەن ۇيىمداستىرۋ ءبولىمىنىڭ جاۋاپتى جولداسى زالدا اۋىسىپ كەلگەندەردىڭ ءبولىس جوباسىن جاريالادى، اۋىسىپ كەلگەن بارلىق جولداس بولىمدەردىڭ شىنايى قارسى الۋىنا بولەندى. تەكسەرۋ كەڭسەسىنە اۋىسىپ كەلگەن ءبىر كادر سول كۇنى جەكسەنبى بولسا دا بەيجيڭدەگى كەڭسەنىڭ بارلىق جولداستارى جيىن زالىنا ەرتە كەلىپ، جاڭادان اۋىسىپ كەلگەن جولداستاردى قىزۋ قارسى الاتىنىن ويلاپ تا كورمەگەنىن ايتتى. «كوپشىلىك ءبىر - بىردەن لەبىز ءبىلدىرىپ، ءوزارا تانىستى، تەكسەرۋ كەڭسەسىنىڭ قىزمەت جاعدايىن تانىستىردى، اۋىسىپ كەلگەن كادرلارعا <شي جينپيڭنىڭ پارتيا ستيلى، پاكتىك قۇرىلىسى جانە ءىرىپ - شىرۋگە قارسى كۇرەس جونىندەگى بايىمداۋلارىنان ۇزىندىلەر>، مەملەكەتتىڭ باقىلاۋ - تەكسەرۋ ءتۇزىلىسى رەفورماسىن تەرەڭدەتۋ سىناق ءتۇيىنى قىزمەتىنەن 100 سۇراق - جاۋاپ، ءتارتىپ باقىلاۋداعى كۇردەلى دەلو مىسالدارىنا تۇسىنىك سياقتى كاسىبي كىتاپتاردى دايىندادى». قارسى الۋ جيىنىنان كەيىن، باسقارمالاردىڭ باستىقتارى اۋىسىپ كەلگەن كادرلاردى الدەقاشان ورنالاستىرىپ قويعان كەڭسەلەرگە باستاپ كەلدى، كەڭسە مەڭگەرۋشىلەرى اۋىسىپ كەلگەن كادرلاردىڭ كەڭسەسىنە ءبىر - بىردەن بارىپ، تاعى قانداي قيىنشىلىقتارىنىڭ جانە تالاپتارىنىڭ بار ەكەنىن تاپتەشتەي سۇرادى.

  تۇستەن كەيىن ساعات 14تە، اۋىسىپ كەلگەن كادرلار وزدەرى تاڭەرتەڭ وتىرىپ كەلگەن اۆتوكولىككە تاعى وتىرىپ، توتە جۇڭگو ءتارتىپ تەكسەرۋ، باقىلاۋ - تەكسەرۋ ينستيتۋتىنا باردى، ولار سول جەردە ورتالىق ءتارتىپ تەكسەرۋ كوميتەتى ورگانىنىڭ كادرلارىمەن بىرگە 5 كۇندىك ارناۋلى تاقىرىپتىق تاربيەگە قاتىناستى. بۇل جولعى ارناۋلى تاقىرىپتىق تاربيەنىڭ مازمۇنى باي بولدى، پارتيا ورتالىق كوميتەتىنىڭ كەلەلى شەشىمدەرى مەن ورنالاستىرۋلارىنىڭ نازاريالىق بايىمداۋلارىنان تىس، ءتارتىپ تەكسەرۋ، باقىلاۋ - تەكسەرۋ قىزمەتىنىڭ امالياتى جونىندە ناقتى جەتەكشىلىك ساباق ءوتىلدى؛ پارتيا ۋستاۆى، پارتيا قاعيداسى، پارتيا ءتارتىبى جونىندەگى تەرەڭ تۇسىنىكتەن تىس، تاعى زاڭداردىڭ، زاڭ - ەرەجەلەردىڭ اتقارىمدىلىعى جونىندە پىسىقتاۋ جۇرگىزىلدى. تاربيە مەزگىلىندە جانە تاربيە اياقتاعاننان كەيىن، ورتالىق ءتارتىپ تەكسەرۋ كوميتەتىنىڭ ءارقايسى كەڭسەلەرىنىڭ مەڭگەرۋشىلەرى قاتارلىلار اۋىسىپ كەلگەن كادرلامەن ءبىر - بىرلەپ اڭگىمەلەستى، سونداي - اق ولاردان كەڭسەنىڭ قىزمەتى جونىندە ۇسىنىس - پىكىر الدى. اۋىسىپ كەلگەن كادرلار ءبىر اۋىزدان «ورگاننىڭ قاقپاسىنان كىرگەننەن باستاپ، قىزمەتتەستەر ءبىزدى ءوز قاتارىنا قوستى» دەستى.

  ۇيرەنۋ جانە تاربيەلەۋدەن كەيىن، ورتالىق ءتارتىپ تەكسەرۋ كوميتەتى ورگانىنداعى كادرلار باقىلاۋ - تەكسەرۋ ءتۇزىلىسى رەفورماسى جونىندە تەرەڭ تانىمعا يە بولدى. ءتارتىپ تەكسەرۋ، باقىلاۋ - تەكسەرۋ كەڭسەسىنىڭ ءبىر مەڭگەرۋشىسى بىلاي دەدى: باقىلاۋ - تەكسەرۋ كوميتەتىن قۇرۋ، ءتارتىپ تەكسەرۋ كوميتەتىمەن ءبىر ورىندا قىزمەت ىستەۋ سىندى جەمقورلىققا قارسى تۇرۋدىڭ جاڭا ءتۇزىلىسى − شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارتيامىزدىڭ جاپپاي باسشىلىق ەتۋىن، ۇزاق ۋاقىت بيلىك جۇرگىزۋىن كوزدەي وتىرىپ، حالىقارا جاعدايىن، مەملەكەت جاعدايىن، پارتيا جاعدايىن شىعار ءتۇيىن ەتىپ، جەمقورلىقتى جونگە سالۋ ءۇشىن سالعان ءوزىن باقىلاۋدى كۇشەيتەتىن، ءوزىن تازارتۋدى ىسكە اسىراتىن جاڭا جولى، ءبىز، ءسوز جوق، ساياسي دەڭگەيدى جوعارىلاتىپ، رەفورمانىڭ كەلەلى ءمانىن تەرەڭ تانىپ، رەفورما تولقىنىن جالداي ءتۇسۋىمىز كەرەك. مەيلى جاڭا اۋىسقان جولداستار بولسىن، الدە اۋەلگى ءتارتىپ تەكسەرۋ كوميتەتىندەگى جولداستار بولسىن، ءبارى دە ۇيرەنۋدى جالعاستىرۋى كەرەك، قىزمەت بارىسىندا ۇيرەنۋى، ۇيرەنە ءجۇرىپ قىزمەت ىستەۋى، ولقىلىقتاردى تولىقتاپ، جاڭا جاعدايعا ۇيلەسۋى كەرەك.

  كادرلاردىڭ قىزمەتىن اۋىستىرۋ، قۇرۋ، ماڭدايشالىق اسۋ، بۇل تەك مەملەكەتتىك باقىلاۋ - تەكسەرۋ كوميتەتىنىڭ باستاماسى عانا، ول باقىلاۋ - تەكسەرۋ ءتۇزىلىسى رەفورماسىنىڭ ەندى عانا تەرەڭ بويلاعاندىعىن كورسەتەدى. اماليات بارىسىندا، ءالى دا ءبىر تالاي تەرەڭ ىزدەنىس جاساۋعا ءتيىستى ناقتى ماسەلەلەر ورىن تەۋىپ وتىر، مىسالى، قىزمەت ۇقىعىن زاڭ - ەرەجەگە ساي جۇرگىزۋ، باقىلاۋ - تەكسەرۋ فۋنكتسياسىن نەگىزگى ساتىعا دەيىن ۇلاستىرۋ، جىبەرىلەتىن قۇرىلىمدارعا ءبىر ءبولىم باقىلاۋ - تەكسەرۋ فۋنكتسياسىن بەرۋ، ۇقىقتىڭ ءونىمدى ءتۇزىلىس مەحانيزمىن قۇرۋ، مەملەكەتتىڭ باقىلاۋ - تەكسەرۋ ءتۇزىلىسى رەفورماسى مەن ءادىليا ءتۇزىلىسى رەفورماسىن يكەمدى ۇشتاستىرۋ، ءتارتىپ تەكسەرۋ، باقىلاۋ - تەكسەرۋ كادرلارىنىڭ ساياسي دەڭگەيى مەن كاسىپتىك قابىلەتىن جوعارىلاتۋ، ت . ب.

  ورتالىق ءتارتىپ تەكسەرۋ كوميتەتىنىڭ، مەملەكەتتىك باقىلاۋ - تەكسەرۋ كوميتەتىنىڭ قاتىستى جاۋاپتىسى بىلاي دەدى: ءبىز پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىندا، ءونىمدى جۇمىس جۇرگىزۋگە، ماندىك دامۋعا تاباندى بولىپ، «ۇشتە بۇرىلىس جاساۋدى» ونان ارى تەرەڭدەتىپ، قۇرىلىمدى، فۋنكتسيانى، ادامدى جاپپاي توعىستىرىپ، ۇقىقتىڭ ءوز ارناسىندا، ءتارتىپتى، ىركىلىسسىز، ءونىمدى جۇرگىزىلۋىنە كەپىلدىك ەتىپ، ورتالىقتانعان، ءبىر تۇتاس، بەدەلدى جۇڭگوشا باقىلاۋ - تەكسەرۋ ءتۇزىلىسىن ورناتۋعا ايتارلىقتاي جاۋاپ قايتارۋىمىز كەرەك.

(شينحۋا اگەنتتىگىنىڭ 3 - ايدىڭ 24 - كۇنى بەيجيڭنەن بەرگەن حابارى)

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.