تيانشان تورابى   ›   جاڭالىقتار   ›   شينجياڭ حابارلارى

قاشقار ايماعى ءبىر ادامدى جۇمىسقا ورنالاستىرىپ، تۇتاس وتباسىن كەدەيلىكتەن قۇتىلدىردى التاي ايماعى مالشىلاردى وتىرىقتاندىرىپ، دوڭگەلەك داۋلەتتىلىككە ارشىندى قادام تاستادى

  شينحۋا اگەنتتىگىنىڭ حابارى (گۋ ۋي، جاڭ يانجۇن). تاياۋدا قاشقار ايماعىنىڭ ماكىت اۋدانىنان شىعىپ، ءبىر كۇن جول جۇرگەن يىلقام تۇرسىن شىعىسقا تارتقان پويەزگە شىقتى. 2 كۇننەن كەيىن ول ىشىندە ورىمدەي 10000 جاس جىگىت گۋاڭشي، فۋجيان، انحۇي سياقتى جەرلەرگە بارىپ جۇمىسقا ورنالاستى.

  «جۋىق جىلداردان بەرى اينالامدا تالاي ادام ىشكى ولكەلەرگە بارىپ جۇمىس ىستەپ مول اقشا تاۋىپ، تۇرمىستارىن جاقسارتتى. ءبىزدىڭ ماقساتىمىز دا اقشا تابۋ، جاڭا تەحنيكا، جاڭا يدەيا ۇيرەنۋ»، - دەدى يىلقام تۇرسىن تىلشىگە، - «بيىل قۇلشىنا جۇمىس ىستەپ، وتباسىمىزدى كەدەيلىكتەن قۇتىلدىرامىن».

  وسى جولى ماكىت اۋدانى كەدەي وتباسىلارى ءوز ەرىكتەرىمەن تىزىمدىلگەن سوڭ، ارحيۆكە الىپ، كارتچكا بەرىلگەن 1000 جاس جىگىتتى تاڭداپ گۋاڭشي سانچۋاڭ عىلىم - تەحنيكا شەكتى سەرىكتەستىگىنە، شيامىن حۇڭحانگۋاڭديان عىلىم - تەحنيكا شەكتى سەرىكتەستىگىنە، انحۇي شيۋانچىڭ قالاسى شينفالاي عىلىم - تەحنيكا شەكتى سەرىكتەستىگىنە جۇمىسقا جىبەرىپ، ولاردىڭ جۇمىسقا ورنالاسىپ شارۋاشىلىق قۇرۋىنا، كەدەيلىكتەن قۇتىلىپ بايۋىنا جانە جوعارى ساپالى تەحنيك دارىندىلار بولىپ جەتىلۋىنە تىڭ جول اشىپ، وراي جاراتىپ، جاڭادان تۇعىر ازىرلەدى.

  «باسقا سالاعا ويىستىرىپ جۇمىسقا ورنالاستىرۋ كەدەيلەردى كەدەيلىكتەن قۇتىلدىرۋدىڭ ەڭ ءونىمدى، ەڭ تىكە، ەڭ ىڭعايلى شارالارىنىڭ ءبىرى، ءبىر ۇيدەن ءبىر ادام باسقا سالاعا جۇمىسقا ورنالاسسا تۇتاس وتباسى كەدەيلىكتەن قۇتىلادى»، - دەدى ماكىت اۋداندىق پارتكومىنىڭ شۋجيى ۋىن فۋلاي. 2017 - جىلى اۋدان 2273 ادامدى ىشكى ولكەلەرگە جۇمىسقا ورنالاستىرعان، ولاردىڭ وسىدان تاپقان كىرىسى 81 ميلليون 830 مىڭ يۋانعا جەتىپ، كىرىستى ارتتىرۋ ونىمدىلىگى توتەنشە جوعارى بولعان. «2018 - جىلى ءبىز ءتۇرلى جولدارمەن قالا، اۋىل تۇرعىندارىنىڭ ءتىپتى ساپالى، ءتىپتى، تولىق جۇمىسقا ورنالاسۋىن ىلگەرىلەتەمىز، شينجياڭنىڭ ءىشى - سىرتىندا 6000 ادامدى باسقا سالاعا ويىستىرىپ جۇمىسقا ورنالاستىرۋعا كۇش سالىپ، كىرىستەرىن 216 ميلليون يۋانعا جەتكىزىپ، <ءبىر ادامدى جۇمىسقا ورنالاستىرىپ، تۇتاس وتباسىن كەدەيلىكتەن قۇتىلدىرۋداي> كەدەيلىكتەن قۇتىلدىرۋدان قامال الۋ نىساناسىن جۇزەگە اسىرۋدى ويلاپ وتىرمىز»، - دەدى ول.

  وڭتۇستىڭ شينجياڭداعى 3 ايماق، ءبىر وبلىس − شينجياڭنىڭ كەدەيلىكتەن قۇتىلدىرۋدان قامال الۋداعى نەگىزگى شايقاس مايدانى. قاشقار ايماعى بيىل 228 كەدەي قىستاقتى كەدەيلەر تىزىمدىگىنەن شىعارۋدى، 187 مىڭ كەدەيدى كەدەيلىكتەن قۇتىلدىرۋدى، پوسكام اۋدانىنىڭ كەدەيلىك قالپاعىن الىپ تاستاۋدى جوسپارلاپ وتىر. بۇدان سىرت، باسقا سالاعا ويىستىرىپ جۇمىسقا ورنالاستىرىپ، كىرىستى ارتتىرۋ جاعىندا، قاشقار ايماعى ەڭبەك شوعىرلى كاسىپتەردى دامىتۋ ارقىلى كەدەيلەردى جۇمىسقا ورنالاستىرۋدىڭ 3 جىلدىق جوسپارىن جاسادى، مۇندا ۇكىمەت جەتەكشىلىك ەتۋ، قوعامدىق قامسىزداندىرۋ، كاسىپتىك تاربيەلەۋ، تەحنيكالىق قابىلەتىن ساراپتاۋ، قارجى جاقتان شابىتتاندىرۋ، شارۋاشىلىق قۇرۋ نەسيەسىنە كەپىل بولۋ، سونداي - اق ءوسىمىن كوتەرۋ سياقتىلار بويىنشا ساياساتتىق قولداۋ كورسەتىپ، شينجياڭنىڭ ءىشى - سىرتىندا باسقا سالاعا ويىستىرىپ جۇمىسقا ورنالاستىرۋ ارقىلى 2020 - جىلعا بارعاندا ەڭبەك قابىلەتى بار 113 مىڭ كەدەي وتباسىنىڭ اربىرىنەن ءبىر ادامدى جۇمىسقا ورنالاستىرۋ نىساناسىن جۇزەگە اسىرىپ، كەدەي وتباسىلاردىڭ كەدەيلىكتەن ورنىقتى تۇردە قۇتىلۋىن جەبەيدى.

  ەرىكتى ءتىلشى حۋ جۇنشيۋ التايدان حابارلايدى. 3 - ايدىڭ 8 - كۇنى تۇستەن كەيىن ساعات 44 مولشەرىندە، كوكتوعاي اۋدانى دۇرە قالاشىعى ۇزاقتى قىستاعىنىڭ مالشىسى امەن بيداش ۇلى جاڭا تولدەگەن ساۋلىقتارعا ءشوپ سالىپ جاتتى. «وتىرىقتانىپ، مالدى قورادا باعاتىن بولدىق، وتە قولايلى، كۇن قانشا سۋىتسا دا مالدارىمىزدىڭ كۇيى جاقسى، پارتيانىڭ حالىققا تيىمدىلىك جەتكىزۋ ساياساتى مالشىلارعا جاڭا تۇرمىس سيلادى»، - دەدى ول.

  امەن وتباسىندا 5 جان بار، مالعا سۇيەنىپ جان باعادى، 120عا تارتا قويى، 6 سيىرى، بىرنەشە جىلقىسى، تۇيەسى بار. وتىرىقتانعان كەيىن، قويلارىنىڭ تولدەۋ سالىستىرماسى بۇرىنعىدان %20 ارتقان، مالدارى تۇگەل كۇيلى ەكەن. امەننىڭ جۇبايى قۇتتىگۇل تىلشىگە: وتىرىقتانعان كەيىن، ءبىز شارۋالار كەشكى مەكتەبىنە بارىپ عىلمي جولمەن مال باعۋدى ۇيرەندىك، وسى ۇيرەنگەن بىلىمدەرىمىزدى مال باعۋ بارىسىندا كادەگە جاراتىپ، تەز بايۋعا قۇلشىنامىز، - دەدى.

  «وتىرىقتانۋ قولايلىلىق اكەلدى، باقىت سيلادى»، - دەدى قابا اۋدانى سارتام اۋىلى تايسويعان قىستاعىنىڭ مالشىسى ءماريا جۇمابەك قىزى. ءماريا بيىل 38 جاستا، كۇيەۋى ۇزاق جىلدان بەرى ناۋقاس، ولار بۇرىن كۇنەتوز تام ۇيدە وتىرىپ، ازعانتاي مالعا قاراپ كۇن كورەتىن. مالشىلاردى وتىرىقتاندىرۋ تۇيىنىنە كوشىپ كەلگەننەن كەيىن، ءۇيىنىڭ سۋ، توك، پار سياقتى قۇرىلعىلارىن كەمەلدەندىرىپ، مالدى قورادا باعاتىن بولدى. ءماريا كەستەلى بۇيىمدار تىگىپ كىرىسىن ارتتىردى. ول: وتباسىمىز شىن جۇرەكتەن پارتيانىڭ حالىققا تيىمدىلىك جاساۋ ساياساتىنا العىس ايتادى، ءبىزدى وسىنشاما باقىتتى تۇرمىسقا كەنەلتتى، - دەدى.

  امەن مەن ءماريانىڭ باقىتتى تۇرمىسى التاي ايماعىنىڭ مالشىلاردى وتىرىقتاندىرۋدا تۋىلعان وزگەرىستەردىڭ شاعىن كورىنىسى. 2017 - جىلى التاي ايماعى ءىس جۇزىندىك جاعدايعا قاراي، مالشىلاردى وتىرىقتاندىرىپ، مال شارۋاشىلىعىن وركەندەتۋ ينجەنەرياسىن مالشىلاردى جاپپاي دوڭگەلەك داۋلەتتى ورەگە جەتكىزۋدىڭ العاشقى قادامى رەتىندە قاراپ، حالىققا تيىمدىلىك جاساۋداعى 9 ءىرى ينجەنەريانى جەتەكشى ەتىپ، جاڭاشا اۋىل - قىستاق قۇرىلىسىمەن ۇشتاستىرىپ، الۋان ءتۇرلى جولدارمەن 185 ميلليون 830 مىڭ يۋان قارجى قوسىپ، 1435 مالشى وتباسىن وتىرىقتاندىردى، مۇنىڭ 674ى كەدەي وتباسى. 2017 - جىلى التاي ايماعى 150 ميلليون 160 مىڭ يۋان قارجى قوسىپ، 1503 وتباسىن وتىرىقتاندىرىپ اۋقاتتاندىرۋ ينجەنەرياسىن اتقاردى. بۇل ينجەنەريا ەمدەۋ - دەنساۋلىق ساقتاۋ، نەگىزگى قۇرىلعىلاردى سالۋ، اتىز - ارىق، سۋ يگىلىگى قۇرىلىستارىن وڭاۋ، مال باعىمشىلىعى سياقتى جاقتاردى قامتىعان، سونىمەن قاتار، شارت - جاعدايى كەلەتىن 305 قىستاقتا الەۋمەتتىك مونشاحانا، سۋ جۇرەتىن دارەتحانا سالدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ادام مەن تابيعاتتىڭ جاراسىمدى داستانىن جازدى
  • قالاسى كوركەم، حالقى باي جاڭا كارتينانى كەستەلەدى
  • ءشول دالادان «جاسىل قورعان» تۇرعىزدى
  • ءشول دالا جاسىل جەلەك جامىلدى
بىزبەن بايلانىس جارناما قىزمەتى لەبىز قالدىرۋ ءبىز تۋرالى