ءتاڭىرتاۋ تورابى   ›   جاڭالىقتار   ›   شۋجي ەستەلىگى

اۆتونوميالى رايون 2017 - جىلعى «ۇعىسۋ، تيىمدىلىك جاساۋ، توعىستىرۋ» قيمىلى بويىنشا قىستاقتا تۇرۋ قىزمەتىن قورىتىندىلاۋ، ماداقتاۋ - سيلاۋ ءماجىلىسىن وتكىزدى

  چىن چۋانگو ءسوز سويلەدى، شوكىرات زاكىر ءماجىلىستى باسقاردى، شاۋكەت يمىن، نۇرلان ءابىلماجىن ۇلى، سۇن جينلۇڭ، جۋ حايلۇن ماجىلىسكە قاتىناستى، لي پىڭشين ماداقتاۋ - سيلاۋ قارارىن وقىدى

  اۆتونوميالى رايوننىڭ 2017 - جىلعى «ۇعىسۋ، تيىمدىلىك جاساۋ، توعىستىرۋ» قيمىلى بويىنشا قىستاقتا تۇرۋ قىزمەتىن قورىتىندىلاۋ، ماداقتاۋ - سيلاۋ ءماجىلىسى 3 - ايدىڭ 28 - كۇنى شينجياڭ حالىق سارايىندا وتكىزىلدى. اۆتونوميالى رايوندىق پارتكومنىڭ شۋجيى، اۆتونوميالى رايوننىڭ «ۇعىسۋ، تيىمدىلىك جاساۋ، توعىستىرۋ» قيمىلى بويىنشا قىستاقتا تۇرۋ قىزمەتىنە باسشىلىق ەتۋ گرۋپپاسىنىڭ باستىعى چىن چۋانگو، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر قاتارلى باسشىلار اۆتونوميالى رايوننىڭ 2017 - جىلعى «ۇعىسۋ، تيىمدىلىك جاساۋ، توعىستىرۋ» قيمىلى بويىنشا قىستاقتا تۇرۋ قىزمەتىندەگى وزات قىزمەت اترەتتەرىنە، وزات قىزمەتكەرلەرگە جانە تاڭداۋلى ۇيىمداستىرۋشى ورىنداردىڭ ۋاكىلدەرىنە داڭق كۋالىگى مەن سيلىق تاقتاسىن تاراتتى. سۋرەتتى ءتىلشىمىز سۇي جىجيان تۇسىرگەن

  تىلشىلەرىمىز ياۋ تۇڭ، دۇڭ شاۋحۋا 3 - ايدىڭ 28 - كۇنى ۇرىمجىدەن حابارلايدى. اۆتونوميالى رايوننىڭ 2017 - جىلعى «ۇعىسۋ، تيىمدىلىك جاساۋ، توعىستىرۋ» قيمىلى بويىنشا قىستاقتا تۇرۋ قىزمەتىن قورىتىندىلاۋ، ماداقتاۋ - سيلاۋ ءماجىلىسى 3 - ايدىڭ 28 - كۇنى تۇستەن بۇرىن شينجياڭ حالىق سارايىندا وتكىزىلدى.

  اۆتونوميالى رايوندىق پارتكومنىڭ شۋجيى، اۆتونوميالى رايوننىڭ «ۇعىسۋ، تيىمدىلىك جاساۋ، توعىستىرۋ» قيمىلى بويىنشا قىستاقتا تۇرۋ قىزمەتىنە باسشىلىق ەتۋ گرۋپپاسىنىڭ باستىعى چىن چۋانگو ماجىلىسكە قاتىناستى ءارى ءسوز سويلەدى. چىن چۋانگو بىلاي دەپ باسا دارىپتەدى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 19 - قۇرىلتايىنىڭ جانە پارتيا 19 - كەزەكتى ورتالىق كوميتەتىنىڭ ءبىرىنشى، ەكىنشى، ءۇشىنشى جالپى ماجىلىستەرىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى سوزدەرى مەن ماڭىزدى نۇسقاۋلارىنىڭ رۋحىن دايەكتىلەندىرىپ، تياناقتاندىرىپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن دايەكتىلەندىرىپ، تياناقتاندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ ارقاۋ ەتىپ، «ۇعىسۋ، تيىمدىلىك جاساۋ، توعىستىرۋ» قيمىلى بويىنشا قىستاقتا تۇرۋ قىزمەتىن ۇزبەي ىلگەرىلەتىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ تاراۋىن جازۋعا جاڭا ءارى ءتىپتى زور ۇلەس قوسۋ كەرەك.

  اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر ءماجىلىستى باسقاردى. اۆتونوميالى رايوننىڭ پارتيا، ۇكىمەت، ارميا ورىندارىنىڭ، سونداي - اق بيڭتۋاننىڭ باسشىلارىنان شاۋكەت يمىن، نۇرلان ءابىلماجىن ۇلى، سۇن جينلۇڭ، جۋ حايلۇن، لي پىڭشين، ليۋ ۋانلۇڭ، لي ۋي، شۇي حايرۇڭ، ما شۋەجۇن، تيان ۋىن، لو دۇڭچۋان، جاڭ چۇنلين، ت.ب ماجىلىسكە قاتىناستى. اۆتونوميالى رايوندىق پارتكومنىڭ ورىنباسار شۋجيى لي پىڭشين اۆتونوميالى رايوننىڭ «ۇعىسۋ، تيىمدىلىك جاساۋ، توعىستىرۋ» قيمىلى بويىنشا قىستاقتا تۇرۋ قىزمەتىنە باسشىلىق ەتۋ گرۋپپاسىنىڭ «حالىقتىڭ جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىقتىڭ تىلەگىن توعىستىرۋ» قيمىلى بويىنشا قىستاقتا تۇرۋ قىزمەتىندەگى 2017 - جىلعى وزات قىزمەت اترەتتەرىن، وزات قىزمەتكەرلەردى جانە تاڭداۋلى ۇيىمداستىرۋشى ورىنداردى ماداقتاۋ - سيلاۋ جونىندەگى قارارىن وقىدى.

  چىن چۋانگو، شوكىرات زاكىر قاتارلى باسشىلار ماداقتالىپ - سيلانعان وزات قىزمەت اترەتتەرىنە، وزات قىزمەتكەرلەرگە جانە تاڭداۋلى ۇيىمداستىرۋشى ورىنداردىڭ ۋاكىلدەرىنە سيلىق تاراتتى.

  چىن چۋانگو سوزىندە اۆتونوميالى رايوندىق پارتكوم مەن ۇكىمەت اتىنان ماداقتالىپ - سيلانعان وزات كوللەكتيۆتەر مەن وزاتتاردى قىزۋ قۇتتىقتاپ، نەگىزگى ساتى ءبىرىنشى شەبىندە كۇرەس جاساپ جاتقان قىستاقتا تۇراتىن قىزمەت اترەتتەرىنىڭ مۇشەلەرىنە شىنايى قۇرمەت ءبىلدىردى، قىزمەت اترەتتەرىن جىبەرگەن ورىندارعا جانە قىستاقتا تۇراتىن اترەت مۇشەلەرىنىڭ تۋىس - تۋعاندارىنا، سونداي - اق «ۇعىسۋ، تيىمدىلىك جاساۋ، توعىستىرۋ» قيمىلى بويىنشا قىستاقتا تۇرۋ قىزمەتىنە كوڭىل بولگەن جانە ونى قولداعان قوعامنىڭ ءار سالاسىنا شىن جۇرەكتەن العىس ايتتى.

  چىن چۋانگو مىنالاردى اتاپ كورسەتتى: «ۇعىسۋ، تيىمدىلىك جاساۋ، توعىستىرۋ» قيمىلى بويىنشا قىستاقتا تۇرۋ قىزمەتىن ورىستەتۋ جالپى جاعدايعا، ۇزاق بولاشاققا سايادى، قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋعا سايادى، ول − اۆتونوميالى رايوننىڭ شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن دايەكتىلەندىرۋدەگى، تياناقتاندىرۋداعى ماڭىزدى شاراسى. بۇكىل رايونىمىزداعى ءار دارەجەلى تاراۋلار، ورىندار باس شۋجي شي جينپيڭنىڭ «<حالىقتىڭ جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىقتىڭ تىلەگىن توعىستىرۋ> قيمىلى بويىنشا قىستاقتا تۇرۋ قىزمەتىن ىشكەرىلەي ورىستەتۋ» جونىندەگى ماڭىزدى نۇسقاۋىن مۇقيات دايەكتىلەندىرىپ، تياناقتاندىرىپ، اۆتونوميالى رايوندىق پارتكوم مەن ۇكىمەتتىڭ ورنالاستىرۋ تالابىنا ساي، ۇيىمدىق باسشىلىقتى كۇشەيتىپ، جاۋاپكەرلىكتى قاتايتىپ، دەن قويا ۇيىمداستىرىپ اتقارىپ، قىزمەتتىڭ تياناقتاندىرىلۋىن مىقتى يگەردى، قىستاقتا تۇراتىن قالىڭ كادرلار نەگىزگى ساتىعا تەرەڭ تامىر تارتىپ، بۇقارا اراسىنا بارىپ قىزمەت بورىشتارىن وتەپ، ماڭىزدى تاپسىرمانى ۇستىنە الىپ، «ۇعىسۋ، تيىمدىلىك جاساۋ، توعىستىرۋ» قيمىلى بويىنشا قىستاقتا تۇرۋ قىزمەتىنىڭ دەڭگەيىن جاپپاي ءوسىرىپ جانە كەڭەيتىپ، قوعام ورنىقتىلىعىن جۇزەگە اسىرۋعا نەگىز قالادى، ۇلتتار ىنتىماعىن كۇشەيتۋگە ۇلەس قوستى، كەدەيلىكتەن قۇتىلدىرۋدان قامال الۋدى ىلگەرىلەتۋگە كۇش ۇستەدى، كادرلار مەن بۇقارانىڭ قاتىناسىن نىعايتۋعا دانەكەر بولدى، نەگىزگى ساتىنىڭ نەگىزىن بەكەمدەۋدە رولدارىن ساۋلەلەندىردى، كادرلاردىڭ تاربيەلەنىپ، شىنىعۋىنا تۇعىر ازىرلەدى، شينجياڭنىڭ قوعام ورنىقتىلىعى مەن باياندى تىنىشتىعىن جەبەۋگە ماڭىزدى ۇلەس قوستى.

  چىن چۋانگو بىلاي دەپ باسا دارىپتەدى: بۇكىل رايونىمىزدىڭ جەر - جەرى، تاراۋلار، ورىندار، قىستاقتا تۇراتىن قىزمەت اترەتتەرى جاڭا ءداۋىردى تياناق ەتىپ، جاڭا ىسكەرلىكتى ايگىلەپ، جاڭا جورىقتى باستاپ، قىستاقتا تۇرۋ قىزمەتىندە ۇزدىكسىز تىڭ جەتىستىكتەرگە قول جەتكىزۋ كەرەك.

  ءبىرىنشى، «ءبىر ارقاۋدى» دايەكتىلەندىرۋ كەرەك. شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جانە پارتيا 19 - قۇرىلتايىنىڭ رۋحىن ۇيرەنۋدى، دايەكتىلەندىرۋدى قىستاقتا تۇرۋ قىزمەتىنىڭ ارقاۋى ەتىپ، «4 تانىمدى» كۇشەيتىپ، «4 سەنىمدى» بەكەمدەپ، باس شۋجي شي جينپيڭنىڭ پارتيا ورتالىق كوميتەتىنىڭ ۇيتقىسى، بۇكىل پارتيانىڭ ۇيتقىسى ورنىن باتىل قورعاپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاپ، يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى باتىل ساقتاپ، «شي جينپيڭنىڭ جاڭا ءداۋىر جۇڭگوشا سوتسياليزم يدەياسى مەن پارتيا 19 - قۇرىلتايىنىڭ رۋحىن سان مىڭداعان وتباسىنا جەتكىزۋ» قيمىلىن كەڭ كولەمدە ورىستەتىپ، باس شۋجيدىڭ شۇعىلالى يدەياسىن، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن بارلىق وتباسىنا جەتكىزىپ، جۇرت جۇرەگىنە ۇيالاتىپ، قوعام ورنىقتىلىعى مەن باياندى تىنىشتىقتى جۇزەگە اسىرۋعا قۇدىرەتتى كۇش توپتاۋ كەرەك.

  ەكىنشى، نازاردى «باس نىساناعا» شوعىرلاندىرۋ كەرەك. قوعام ورنىقتىلىعى مەن باياندى تىنىشتىق باس نىساناسىن قىستاقتا تۇرۋ قىزمەتىنىڭ كوزدەۋ ءتۇيىنى مەن كۇش سالۋ ءتۇيىنى ەتۋدەن جازباي، باس نىسانانى مىقتاپ ارقاۋ ەتە وتىرىپ قىستاقتا تۇرۋ قىزمەتىن ورىستەتىپ، قىستاقتا تۇرۋ قىزمەتىن باس نىسانانى ىلگەرىلەتۋدىڭ ناقتى جەتىستىكتەرى ارقىلى تەكسەرۋ كەرەك.

  ءۇشىنشى، «8 مىندەتتى» ناقتى يگەرۋ كەرەك. ءبىرىنشى، نازاردى قوعام ورنىقتىلىعىنا شوعىرلاندىرا وتىرىپ ۇزدىكسىز كۇش سالۋ كەرەك. ورنىقتىلىقتى قورعاۋدى «ۇعىسۋ، تيىمدىلىك جاساۋ، توعىستىرۋ» قيمىلى بويىنشا قىستاقتا تۇرۋ قىزمەتىنىڭ وزەكتى مىندەتى ەتىپ، شينجياڭنىڭ باياندى ورنىقتىلىعىن، ۇزاق ۋاقىتتىق ورنىقتىلىعىن، جالپى بەتتىك ورنىقتىلىعىن جۇزەگە اسىرۋدا نەگىزگى ساتىنىڭ نەگىزىن نىعايتۋ كەرەك. ەكىنشى، نازاردى كەدەيلىكتەن قۇتىلدىرۋدان قامال الۋعا شوعىرلاندىرا وتىرىپ ۇزدىكسىز كۇش سالۋ كەرەك. كەدەيلىكتەن قۇتىلدىرۋدىڭ ساپاسىن جوعارىلاتۋدى باستى ورىنعا قويۋعا تاباندى بولىپ، «ەكىدەن تارىقتىرماۋدى، ۇشتە قامتاماسىز ەتۋدى، بىرگە جاقىنداتۋدى» مىقتاپ ارقاۋ ەتىپ، ولشەمدى تومەندەتپەۋمەن، ساپاعا ىقپال جاساماۋمەن بىرگە، ولشەمدى جوعارىلاتپاۋ، قۇر دامەلەندىرمەۋ، كەدەيلىكتەن قۇتىلدىرۋ جەلەۋىمەن ەرەجەنى بۇزىپ قارىز الۋعا استە جول بەرمەۋ كەرەك. كومەكتەسۋ، سۇيەمەلدەۋ جاۋاپكەرلىگىن تياناقتاندىرىپ، كەدەيلىكتەن قۇتىلدىرمايىنشا قول ۇزبەۋگە، دالمە - ءدال شارا اتقارۋعا تاباندى بولىپ، كەدەيلىكتەن قۇتىلدىرۋ شارالارىن ويداعىداي تياناقتاندىرىپ، كەدەيلەردى سۇيەمەلدەۋ سالاسىنداعى ءىرىپ - ءشىرۋ جانە ستيل ماسەلەلەرىن ارنايى وڭاۋدى كۇشەيتۋ كەرەك. ءۇشىنشى، نازاردى بۇقارالىق قىزمەتكە شوعىرلاندىرا وتىرىپ ۇزدىكسىز كۇش سالۋ كەرەك. بۇقارانىڭ مۇددەسىن قاشاندا كوڭىل تورىنە قويىپ، پارتيانىڭ حالىق بۇقاراسىمەن ەتەنە بايلانىسىن ساقتاۋدى مىقتاپ ارقاۋ ەتىپ، پارتيانىڭ بۇقارالىق لۋشيانىن امالياتتا ايگىلەپ، بۇقارالىق كوزقاراس پەن بۇقاراعا سۇيىسپەنشىلىكتى كۇشەيتىپ، بۇقاراعا ۇگىت جۇرگىزىپ، تاربيەلەپ، ۇلتتار ىنتىماعىن نىعايتىپ، ءدىن جاراسىمدىلىعىن جەبەپ، پارتيانىڭ شينجياڭدا بيلىك جۇرگىزۋىنىڭ بۇقارالىق نەگىزىن ۇزدىكسىز نىعايتۋ كەرەك. ءتورتىنشى، نازاردى نەگىزگى ساتى ۇيىمدارىن بەكەمدەۋگە شوعىرلاندىرا وتىرىپ، ۇزدىكسىز كۇش سالۋ كەرەك. قىزمەت اترەتتەرىنىڭ جەتكىزۋ، كومەكتەسۋ، جەتەكتەۋ رولىن تولىق ساۋلەلەندىرىپ، ءالسىز، بىتىراڭقى نەگىزگى ساتى پارتيا ۇيىمدارىن ۇزدىكسىز رەتكە سالىپ، نەگىزگى ساتى پارتيا ۇيىمدارىنىڭ جەتەكشىلەر قوسىنى قۇرىلىسىن كۇشەيتىپ، قىستاقتىڭ «ەكى كوميتەت» القاسىنا ۇزدىكتەردى، مىقتىلاردى تاڭداپ قويىپ، كادرلاردىڭ ساپاسىن ءوسىرىپ، نەگىزگى ساتىنى جونگە سالۋدى كۇشەيتىپ، نەگىزگى ساتى پارتيا ۇيىمدارىن پارتيانىڭ دارىپتەمەسىن ۇگىتتەيتىن، پارتيانىڭ ۇيعارىمدارىن دايەكتىلەندىرەتىن، نەگىزگى ساتىنىڭ جونگە سالۋىنا باسشىلىق ەتەتىن، بۇقارانى ىنتىماقتاستىرىپ جۇمىلدىراتىن، قوعام ورنىقتىلىعىن قورعايتىن، ۇلتتىق بولشەكتەۋشىلىككە قارسى تۇراتىن، رەفورمانى، دامۋدى ىلگەرىلەتەتىن پارمەندى جاۋىنگەر قامال ەتىپ شىن مانىندە قۇرىپ شىعۋ كەرەك. بەسىنشى، نازاردى حالىققا تيىمدىلىك جاساۋ ساياساتتارىن تياناقتاندىرۋعا شوعىرلاندىرا وتىرىپ ۇزدىكسىز كۇش سالۋ كەرەك. جاقسى ۇگىتشى بولىپ، ءار ۇلت بۇقاراسىنا شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭ قىزمەتىنە كوڭىل ءبولۋى مەن قولداۋىن جانە شىنايى قامقورلىعىن كۇش سالا ۇگىتتەپ، ءار ۇلت بۇقاراسىنا يگىلىكتىڭ قايدان كەلەتىندىگىن، قايدا جەتكىزىلەتىندىگىن ۇعىندىرۋ؛ جاقسى باقىلاۋشى بولىپ، اۆتونوميالى رايوننىڭ حالىققا تيىمدىلىك جاساۋ ينجەنەريالارىنىڭ تياناقتاندىرىلۋىن ىلگەرىلەتىپ، حالىققا تيىمدىلىك جاساۋ ساياساتتارىنىڭ تياناقتاندىرىلۋى جانە قارجى نىساندارىنىڭ باسقارىلۋى جاعدايىن قۋزاۋ - تەكسەرۋدى كۇشەيتىپ، حالىققا تيىمدىلىك جاساۋ ساياساتتارىنىڭ ەش قاعىس قالماي، بۇلجىماي جەتكىزىلۋىن، قۇر قاڭقاعا اينالماۋىن قامتاماسىز ەتۋ كەرەك. التىنشى، نازاردى اۋقاتتانۋ جولىن كەڭەيتۋگە شوعىرلاندىرا وتىرىپ ۇزدىكسىز كۇش سالۋ كەرەك. اۋىل - قىستاقتاردى كوركەيتۋ ستراتەگياسىنىڭ اتقارىلۋىن ىلگەرىلەتۋمەن ۇشتاستىرا وتىرىپ، وزگەشە باسىمدىقتى ساۋلەلەندىرىپ، اۋىل شارۋاشىلىعىنىڭ قامداۋ جاعىنداعى قۇرىلىمدىق رەفورماسىن تەرەڭدەتىپ، جاسىل، ساپالى، جوعارى دەڭگەيلى اۋىل شارۋاشىلىعى ونىمدەرىمەن قامداۋدى كۇشەيتۋ؛ جۇمىستاندىرۋدى نىشان ەتۋدى كورنەكتىلەندىرىپ، كاسىپ سالاسى ارقىلى جەتەكتەۋ، جۇمىس ىستەپ، ساۋدامەن اينالىسۋ، ۇكىمەتتىڭ الەۋمەتتىك يگىلىك سيپاتتى جۇمىس ورىندارىن ساتىپ الۋى جانە يكەمدىلىكپەن جۇمىستانۋ سياقتى كوپ ءتۇرلى تاسىلدەردى قاتار قولدانىپ، جۇمىس ورىندارىن ۇزدىكسىز مولايتۋ؛ تەحنيكالىق شەبەرلىككە باۋلۋدى مىقتى يگەرىپ، ءاربىر وتباسىندا ەڭ كەمىندە ءبىر ادامنىڭ قولدانىلمالى تەحنيكانى نەمەسە اۋقاتتانۋ شەبەرلىگىن يگەرۋىنە، ەڭ كەمىندە ءبىر ادامنىڭ جۇمىستانۋىنا مۇمكىندىك جاساۋعا قۇلشىنۋ؛ بۇقارانى تاربيەلەپ، جەتەكتەپ، دامۋ تانىمىن، بازار كوزقاراسىن كۇشەيتىپ، كەدەيلەر قاۋىمىنىڭ بەلسەندىلىگىن، ىرىقتىلىعىن، جاسامپازدىعىن تولىق جۇمىلدىرۋ كەرەك. جەتىنشى، نازاردى ناقتى ىستەردى، يگى ىستەردى ىستەۋگە شوعىرلاندىرا وتىرىپ ۇزدىكسىز كۇش سالۋ كەرەك. جانىمىزداعى ۇساق ىستەردەن باستاپ ىستەپ، بەلسەندىلىكپەن ىستەۋمەن بىرگە شاماعا قاراي ىستەۋگە تاباندى بولىپ، ءار ۇلت بۇقاراسىنىڭ قيىنشىلىعىن شەشۋىنە كومەكتەسىپ، ءار ۇلت بۇقاراسىنىڭ جاقىن - جان اشىرىنا اينالۋ كەرەك. قينالعاندا قول ۇشىن بەرىپ، شۇعىل مۇقتاجىن شەشۋگە ءمان بەرۋ كەرەك، ءىس جۇزىندىككە جاناسپايتىن تالاپتاردى قويۋعا، ءىس جۇزىندىككە جاناسپايتىن ىستەردى ىستەۋگە، ەرەجە بۇزىپ قارىز الۋعا استە بولمايدى. سەگىزىنشى، نازاردى پارتيا مۇشەلەرى قوسىنىن زورايتۋعا شوعىرلاندىرا وتىرىپ ۇزدىكسىز كۇش سالۋ كەرەك. ساياسي ولشەمدى باستى ورىنعا قويۋعا تاباندى بولىپ، ولشەمدى قاتايتۋ، ساپاعا كەپىلدىك ەتۋ العى شارتىندا، ءاربىر اكىمشىلىك قىستاق جىل سايىن پارتياعا بەلگىلى مولشەردە جاڭادان مۇشە قابىلداپ، قىستاقتىڭ «ەكى كوميتەت» القاسىنا ۇزدىك دارىندىلاردى دايىنداپ، تولىقتاپ، پارتيا مۇشەلەرى قوسىنىن ۇزدىكسىز زورايتۋ كەرەك.

  چىن چۋانگو مىنالاردى تالاپ ەتتى: جەر - جەر، تاراۋلار، ورىندار ايرىقشا ءمان بەرىپ، باسشىلىقتى شىنايى كۇشەيتىپ، مۇقيات ۇيىمداستىرىپ اتقارىپ، تياناقتاندىرۋدى بار كۇشپەن ىلگەرىلەتىپ، «ۇعىسۋ، تيىمدىلىك جاساۋ، توعىستىرۋ» قيمىلى بويىنشا قىستاقتا تۇرۋ قىزمەتىنىڭ ناقتى ونىمدىلىككە قول جەتكىزۋىن ىلگەرىلەتۋ كەرەك. جاۋاپكەرلىكتى تياناقتاندىرۋدا ءار دارەجەلى پارتكومدار مەن ۇكىمەتتەر تۇلعالىق جاۋاپكەرلىكتى ۇستىلەرىنە الىپ، ءمان بەرۋ دارەجەسى، ادام كۇشى، قارجى جۇمسالىمى، قىزمەت ونىمدىلىگى سىندى 4 جاقتى قىزمەتتىڭ تالابىن تياناقتاندىرۋى، ءار دارەجەلى باسشىلىق گرۋپپالارى جانە كەڭسەلەر جان - جاقتىلى سايكەستىرۋ، ۇيىمداستىرىپ جەتەكشىلىك ەتۋ، قۋزاۋ - تەكسەرۋ، جاماعات پىكىرى ارقىلى جەتەكشىلىك ەتۋ رولىن ويداعىداي ساۋلەلەندىرۋى ءتيىس، قىزمەت اترەتىن جىبەرگەن ورىندار قىستاقتا تۇرۋ قىزمەتىن مەكەمەنىڭ جالپىلىق قىزمەتىمەن بىرگە ورنالاستىرۋعا، بىرگە تياناقتاندىرۋعا، بىرگە تەكسەرۋگە، بىرگە باعالاۋعا تاباندى بولۋ، «اترەت مۇشەلەرى ۋاكىلدىك ەتۋدەن، مەكەمە سۇيەنىش بولۋدان، ءبىرىنشى باسشى باس جاۋاپكەرلىك ارقالاۋدان» جازباۋ كەرەك، قىستاقتاردا تۇراتىن قىزمەت اترەتتەرى سول جەردەگى اۋدان، اۋىل دارەجەلى پارتكومداردىڭ باسشىلىعىندا، قىستاق (الەۋمەتتىك اۋماق) پارتيا ۇيىمىنا مىقتاپ ارقا سۇيەپ، مۇقياتتىلىقپەن قىزمەت ىستەپ، مىندەت اتقارىپ، قىزمەتتەردى تياناقتاندىرۋدى مىقتى ۇستاۋى كەرەك. باسقارۋدى كۇشەيتىپ، ساياسي ءتارتىپ پەن ساياسي قاعيداعا قاتاڭ بويسۇنىپ، بولشەكتەۋشىلىككە قارسى تۇرۋ كۇرەسىنىڭ تارتىبىنە، ۇيىمدىق تارتىپكە، قىزمەت تارتىبىنە، بۇقارالىق تارتىپكە، تۇرمىس تارتىبىنە، قازىنا تارتىبىنە قاتاڭ بويسۇنىپ، تەكسەرۋ - باعالاۋ مەحانيزمىن ونان ارى كەمەلدەندىرىپ، ولشەمدى قاتايتىپ، ۇزدىكتەردى سيلاپ، ناشارلارىن جازالاپ، قىستاقتا تۇرۋ قىزمەتىن بولاتتاي قاتاڭ تارتىپپەن پارمەندى قامتاماسىز ەتۋ كەرەك. قامتاماسىز ەتۋدى كۇشەيتۋدە قارجىنى، نىساندى، تۇرمىستى، حاۋىپسىزدىكتى قامتاماسىز ەتۋدى كۇشەيتىپ، قىستاقتا تۇرۋ قىزمەتىن ءساتتى ورىستەتۋگە ءتيىمدى شارت - جاعداي ازىرلەۋ كەرەك. بەتالىستى دۇرىستاپ، شىندىققا جۇگىنىپ، ناقتى ىستەر ىستەۋ رۋحىن بارىنشا ساۋلەلەندىرىپ، كادرلاردى قىستاقتا تۇرۋ قىزمەتى بارىسىندا شىڭداۋعا، تاربيەلەۋگە، بايقاۋعا، تەكسەرۋگە تاباندى بولىپ، ادام ىستەتۋدىڭ تاماشا بەتالىسىن ورناتىپ، ۇگىت تەبىنىن ارتتىرىپ، قىستاقتا تۇرۋ قىزمەتىنە بارلىق ادام كوڭىل بولەتىن، بارلىق ادام قولدايتىن تاماشا اۋقىم قالىپتاستىرۋ كەرەك.

  شوكىرات زاكىر بىلاي دەپ اتاپ كورسەتتى: جەر - جەر، تاراۋلار، ورىندار جانە قىستاقتا تۇراتىن قىزمەت اترەتتەرى يدەيانى بارىنشا بىرلىككە كەلتىرىپ، «ۇعىسۋ، تيىمدىلىك جاساۋ، توعىستىرۋ» قيمىلى بويىنشا قىستاقتا تۇرۋ قىزمەتىنىڭ كەلەلى ءمانىن جىعا تانىپ، اۆتونوميالى رايوندىق پارتكومنىڭ جاڭا ورنالاستىرۋلارىن، جاڭا تالاپتارىن مىقتاپ يگەرىپ، جاڭا داۋىردەگى «ۇعىسۋ، تيىمدىلىك جاساۋ، توعىستىرۋ» قيمىلى بويىنشا قىستاقتا تۇرۋ قىزمەتىن تىڭعىلىقتى ىلگەرىلەتۋى؛ ءتۇيىندى مىندەتتەردى كورنەكتىلەندىرىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جانە پارتيا 19 - قۇرىلتايىنىڭ رۋحىن ۇيرەنۋدى، دايەكتىلەندىرۋدى قىزمەتتىڭ تۇتاس بارىسىن توعىستىراتىن «نەگىزگى ارقاۋ» ەتىپ، قوعام ورنىقتىلىعى مەن باياندى تىنىشتىقتى قىزمەتتەردى تىڭعىلىقتى ورىستەتۋدىڭ كوزدەۋ ءتۇيىنى مەن كۇش سالۋ ءتۇيىنى ەتىپ، «8 مىندەتتى» مىقتى، شىنايى يگەرىپ، ناتيجە شىعارۋى؛ قىزمەتتىڭ دارەجەسى مەن دەڭگەيىن جوعارىلاتىپ، نەگىزگى ساتىنىڭ ءار سالاسىنا قاتىستى ساياساتتىق بىلىمدەردى جەتىك يگەرىپ، نەگىزگى ساتى كادرلارىنان كوبىرەك ۇيرەنۋى، حالىق بۇقاراسىنان كوپتەپ اقىل سۇراۋى، نەگىزگى ساتى قىزمەتىنىڭ زاڭدىلىعىن يگەرۋى، بۇقارالىق قىزمەتتىڭ ادىسىنە قانىق بولۋى، اۆتونوميالى رايوندىق پارتكومنىڭ شەشىمدەرى مەن ورنالاستىرۋلارىنىڭ نەگىزگى ساتىدا تۇبەگەيلى تياناقتانۋىنا كەپىلدىك ەتۋى؛ قىزمەت ستيلىن ءۇرتىس كۇشەيتىپ جانە جاقسارتىپ، قىزمەتكە شىن مانىندە كىرىسىپ ىستەپ، كوڭىلدى ورنىقتىرىپ، ۋاقىتتى، كۇش - قۋاتتى قىزمەتكە شوعىرلاندىرىپ، كەدەيلىكتەن قۇتىلدىرۋدان قامال الۋداعى، ۇيىمدى كۇشەيتۋدەگى ولقىلىقتاردى تولىقتاپ، ورنىقتىلىقتى قورعاۋدى، بۇقارالىق قىزمەتتى تىندىرىمدى ىستەۋ كەرەك. ءار دارەجەلى پارتكومدار مەن ۇكىمەتتەر، قىزمەت گرۋپپاسىن جىبەرگەن ورىندار قولداۋ كورسەتۋ، قامتاماسىز ەتۋ قىزمەتىن ويداعىداي ىستەپ، قىستاقتا تۇراتىن كادرلاردىڭ بەلسەندىلىگىن، جاسامپازدىعىن تولىق جۇمىلدىرىپ جانە ونى قورعاپ، «ۇعىسۋ، تيىمدىلىك جاساۋ، توعىستىرۋ» قيمىلى بويىنشا قىستاقتا تۇرۋ قىزمەتىن ۇزدىكسىز جالعاستىرۋعا كەپىلدىك ەتۋى كەرەك.

  ايماقتارداعى، وبلىستارداعى، قالالارداعى جاۋاپتى جولداستاردىڭ ۋاكىلدەرى، 2017 - جىلى قىستاقتا تۇرعان، ماداقتالىپ - سيلانعان قىزمەت اترەتتەرىنىڭ جانە 2018 - جىلى قىستاقتا تۇراتىن قىزمەت اترەتتەرىنىڭ ۋاكىلدەرى، قىزمەت اترەتىن جىبەرگەن ورىنداردىڭ ۋاكىلدەرى ماجىلىستە ءسوز سويلەدى.

  ءماجىلىس تەلەۆيزور - تەلەفون ءماجىلىسى فورماسىندا اشىلدى. اۆتونوميالى رايوندىق حالىق قۇرىلتايىنىڭ، ۇكىمەتتىڭ، ساياسي كەڭەستىڭ، شينجياڭ اسكەري رايونىنىڭ، بيڭتۋاننىڭ باسشىلارى، اۆتونوميالى رايوندىق باقىلاۋ - تەكسەرۋ كوميتەتىنىڭ، اۆتونوميالى رايوندىق جوعارى حالىق سوتى مەكەمەسىنىڭ، اۆتونوميالى رايوندىق حالىق پروكۋراتۋراسىنىڭ نەگىزگى جاۋاپتىلارى، اۆتونوميالى رايوننىڭ «ۇعىسۋ، تيىمدىلىك جاساۋ، توعىستىرۋ» قيمىلى بويىنشا قىستاقتا تۇرۋ قىزمەتىنە باسشىلىق ەتۋ گرۋپپاسىنىڭ مۇشەلەرى، اۆتونوميالى رايونعا (ورتالىققا) توتە قاراستى ورىنداردىڭ جاۋاپتىلارى، 2018 - جىلى قىستاقتا تۇراتىن قىزمەت اترەتتەرى مۇشەلەرىنىڭ ۋاكىلدەرى، ماداقتالىپ - سيلانعان وزات كوللەكتيۆتەر مەن وزاتتار جانە تاڭداۋلى ۇيىمداستىرۋشى ورىنداردىڭ ۋاكىلدەرى نەگىزگى ءماجىلىس ورنىندا ماجىلىسكە قاتىناستى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى