تيانشان تورى
تيانشان تورى   ›   ۇيرەنۋ   ›   ماڭىزدى حۇجاتتار

اۆتونوميالى رايون كاسىپتىك اتاق ءتۇزىمى رەفورماسىن ونان ارى تەرەڭدەتۋ جونىندەگى اتقارۋ پىكىرىن شىعاردى

ماعلۇمات، ستاج، عىلمي ماقالا بىردەن - ءبىر العى شارت بولۋدان قالدى

  ءتىلشىمىز يۋان لەي 3 - ايدىڭ 29 - كۇنى ۇرىمجىدەن حابارلايدى. جۋىقتا اۆتونوميالى رايوندىق پارتكوم كەڭسەسى، اۆتونوميالى رايوندىق حالىق ۇكىمەتى كەڭسەسى «كاسىپتىك اتاق ءتۇزىمى رەفورماسىن ونان ارى تەرەڭدەتۋ جونىندەگى اتقارۋ پىكىرىن» (قىسقارتىپ «اتقارۋ پىكىرى» دەلىنەدى) باسىپ تاراتتى، بۇل اۆتونوميالى رايونىمىزدىڭ كاسىپتىك اتاق ءتۇزىمى رەفورماسىنىڭ جاڭا كەزەگىنىڭ باستالعانىنان دەرەك بەرەدى. 3 - ايدىڭ 29 - كۇنى ءتىلشىنىڭ اۆتونوميالى رايوندىق پارتكومنىڭ رەفورمانى جاپپاي تەرەڭدەتۋگە باسشىلىق ەتۋ گرۋپپاسى كەڭسەسى اشقان كاسىپتىك اتاق ءتۇزىمى رەفورماسى جونىندەگى اقپار جاريالاۋ ماجىلىسىنەن ۇعىسۋىنشا، اۆتونوميالى رايونىمىز كاسىپتىك اتاق ءتۇزىمى رەفورماسىن تەرەڭدەتىپ، كاسىپتىك اتاق ءتۇزىمىنىڭ ساياساتتىق جۇيەسىن كەمەلدەندىرىپ، كاسىپتىك اتاق باعالاۋ ولشەمى جۇيەسىن اقاۋسىزداندىرىپ، كاسىپتىك اتاق باعالاۋ مەحانيزمى جۇيەسىندە جاڭالىق اشىپ، تەك ماعلۇماتىن، ستاجىن، عىلمي ماقالاسىن بىردەن - ءبىر العى شارت ەتۋدى كۇشىنەن قالدىرىپ، كاسىپتىك اتاقتى كاسىپتىك - تەحنيكالىق دارىندىلار قوسىنىن ۇلعايتۋدىڭ، كۇشەيتۋدىڭ «دەمەۋشىسىنە» اينالدىرادى ەكەن.

  «اتقارۋ پىكىرىندە» مىنالار ايقىندالدى: ساياسي بەينەسىن كاسىپتىك - تەحنيكالىق دارىندىلاردى باعالاۋدا ماڭداي الدى ورىنعا قويۋعا تاباندى بولىپ، جۇڭگو كوممۋنيستىك پارتياسىنىڭ باسشىلىعىن قولداعان، وتاننىڭ تۇتاستىعىن، ۇلتتار ىنتىماعىن قورعاعان ناقتى بەينەسىن كاسىپتىك - تەحنيكالىق دارىندىلاردى باعالاۋدىڭ ماڭداي الدى ولشەمى ەتىپ، ساياسي بەينەسىندە ماسەلە بارلاردى كاسىپتىك اتاق باعالاۋدان مۇلدە قالدىرۋ كەرەك. كاسىپتىك - تەحنيكالىق دارىندىلاردى باعالاۋدا قىزمەت ناتيجەسى مەن ناقتى ۇلەسىن كورنەكتىلەندىرۋ، كاسىپتىك اتاق باعالاۋداعى عىلمي ماقالا جانە عىلمي زەرتتەۋ تابىستارى تۋرالى شارتتاردى ۇيلەسىمدى بەلگىلەۋ، عىلمي ماقالانى قولدانىلمالى دارىندىلاردى باعالاۋدىڭ شەكتەمەلى شارتى ەتپەۋ، قىزمەت قورىتىندىسى، ينجەنەريالىق جوبا، وقىتۋ جوباسى، ناۋقاس كورۋ ەستەلىگى سياقتى جەتىستىكتەردى عىلمي ماقالانىڭ ورنىنا قويۋ جونىندە ىزدەنىس جاساۋ كەرەك. كاسىپتىك اتاقتا شەتەل ءتىلى مەن كومپيۋتەر قولدانۋ قابىلەتى ەمتيحانىن ءبىر تۇتاس تالاپ ەتپەۋ كەرەك. شەتەل ءتىلى مەن كومپيۋتەر قولدانۋ دەڭگەيىن باعالاۋ شىنىندا قاجەت بولعاندارعا ادام ىستەتۋشى ورىن نەمەسە باعالاۋشى قۇرىلىم باعالاۋ شارتتارىن وزدەرى بەلگىلەيدى. ناقتى قىزمەت ناتيجەسى مەن ەڭبەگىن ەسكەرۋ، كاسىپتىك - تەحنيكالىق دارىندىلاردىڭ قىزمەت ناتيجەسى مەن ناقتى ۇلەسىن باعالاۋدى كورنەكتىلەندىرۋ كەرەك. ماعلۇماتى، ستاجى قالىپتى باعالاۋ شارتىنا جەتپەگەنىمەن، اۆتونوميالى رايوننىڭ ەكونوميكالىق دامۋى مەن قوعام ورنىقتىلىعى قىزمەتىنە كورنەكتى ۇلەس قوسقان، قىزمەت ناتيجەسى كورنەكتى بولعان، سول سالاداعىلار مويىنداعان كاسىپتىك - تەحنيكالىق دارىندىلارعا، سونداي - اق سىرتتان شاقىرىلعان جوعارى دەڭگەيلى جانە ەرەكشە قاجەت، تاپشى دارىندىلارعا قىزمەت ناتيجەسىنىڭ ۇلەسىنە جانە ماماندىق دەڭگەيىنە قاراي تىكەلەي جوعارى كاسىپتىك اتاق بەرۋگە بولادى.

  «اتقارۋ پىكىرىندە» مىنالار ورتاعا قويىلدى: نوپوسى، ءوڭىرى، تەگى، ارحيۆى، كادرلىق بايلانىسى سياقتى شەكتەۋلەردى ونان ارى بۇزىپ، جالپىلىق مەنشىككە جاتپايتىن سالالارداعى كاسىپتىك - تەحنيكالىق دارىندىلاردىڭ كاسىپ ەرەكشەلىگىنە جانە قىزمەت جاعدايىنا ۇيلەسەتىن كاسىپتىك اتاققا ءوتىنىش بەرۋ ارناسىن اقاۋسىزداندىرۋ جانە كەمەلدەندىرۋ كەرەك. وڭتۇستىك شينجياڭ وڭىرىندەگى جانە نەگىزگى ساتىنىڭ ءبىرىنشى شەبىندەگى كاسىپتىك - تەحنيكالىق دارىندىلاردى باعالاعان كەزدە، ناقتى قىزمەت ناتيجەسىن تەكسەرۋگە ءمان بەرۋ، عىلمي ماقالا تۋرالى تالاپتى تومەندەتۋ نەمەسە تالاپ قويماۋ، ماعلۇماتى مەن قىزمەت ىستەگەن جىلى تۋرالى تالاپتى ۇيلەسىمدى تومەندەتۋ، سول ارقىلى كاسىپتىك - تەحنيكالىق دارىندىلاردى وڭتۇستىك شينجياڭعا، نەگىزگى ساتىعا تامىر تارتۋعا بارىنشا ىنتالاندىرۋ كەرەك.

  «اتقارۋ پىكىرى» بويىنشا، 2020 - جىلى اۆتونوميالى رايونىمىز ينجەنەريا، دەنساۋلىق ساقتاۋ، اۋىل شارۋاشىلىعى، بۇعالتىرلىق، جوعارى مەكتەپ وقىتۋشىسى، عىلمي زەرتتەۋ سياقتى كاسىپتىك اتاق تۇرلەرىنىڭ دارەجەلەرىن ورنالاستىرۋ، باعالاۋ ولشەمىنىڭ شارتتارىنا وزگەرىس ەنگىزۋ سياقتى رەفورما مىندەتتەرىن نەگىزىنەن ورىندايدى؛ 2022 - جىلى قۇرىلىمى ۇيلەسىمدى، باعالاۋى عىلمي، باسقارۋى جۇيەلى، جۇمىس جۇرگىزۋى سايكەسىمدى، قىزمەت كورسەتۋى جان - جاقتى، اۆتونوميالى رايونىمىزداعى كاسىپتىك - تەحنيكالىق دارىندىلار قوسىنىنىڭ ءىس جۇزىندىك جاعدايىنا ۇيلەسەتىن كاسىپتىك اتاق ءتۇزىمى جۇيەسى نەگىزىنەن قالىپتاسادى.

  ۇعىسۋىمىزشا، اۆتونوميالى رايونىمىزدىڭ قاتىستى تاراۋلارى «اتقارۋ پىكىرىمەن» سايكەستى ارناۋلى ساياساتتاردى جەدەل بەلگىلەپ، جاريالاپ، كاسىپتىك اتاق ءتۇزىمى رەفورماسىن تەرەڭدەتۋدى ساياسات، ءتۇزىم جاقتارىنان قامتاماسىز ەتەدى ەكەن.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.