ءتىلشىمىز شيا چيڭ 3 - ايدىڭ 30 - كۇنى چارقىلىقتان حابارلايدى. 3 - ايدىڭ 29 - كۇنى ساعات 17دەن 40 مينۋت وتكەندە، جۇڭگو وڭتۇستىك اۆياتسيا سەرىكتەستىگى ۇشىرعان ءۇرىمجى - كورلا - چارقىلىق باعىتىنداعى CZ6679 كەزەكشى ۇشاعى بويىن − 737 چارقىلىق كروران اۋەجايىنا باياۋ كەلىپ قوندى. بۇل وسى اۋە جەلىسىنەن كەزەكشى ۇشاقتىڭ تۇڭعىش رەت ءساتتى ۇشىرىلعاندىعىن كورسەتەدى، سونىمەن شينجياڭداعى 20 - اۋەجاي − چارقىلىق كروران اۋەجايى رەسمي اشىلدى.
كروران اۋەجايى اشقان ءۇرىمجى - كورلا - چارقىلىق اۋە جەلىسىنەن ءار سەيسەنبى، بەيسەنبى، سەنبى، جەكسەنبى 80／CZ6679 ءنومىرلى كەزەكشى ۇشاق ساعات 00: 15تە ۇرىمجىدەن ۇشىپ، ساعات 00: 16دا كورلاعا جەتەدى، ساعات 50: 16دە كورلادان ۇشىپ، ساعات 40: 17تا چارقىلىققا جەتەدى؛ ساعات 30: 18دا چارقىلىقتان ۇشىپ، ساعات 20: 19دا كورلاعا كەلەدى، ساعات 10: 20دا كورلادان ۇشىپ، ساعات 05: 21تە ۇرىمجىگە جەتەدى. ۇشاقتا 97 ورىن ورنالاستىرىلعان، مۇنىڭ ىشىندە بيزنەس بولمەسىندە 6 ورىن، ميڭجۋ بولمەسىندە 15 ورىن، جاي بولمەدە 76 ورىن بار.
چارقىلىق كروران اۋەجايى اشىلۋدان ىلگەرى، چارقىلىق اۋدانىندا تەك تاس جول تاسىمالى عانا بار بولاتىن، سىرت جەرلەرگە، باستىسى، 315 مەملەكەت تاس جولى، 218 مەملەكەت تاس جولى ارقىلى قاتىنايتىن، تاس جول دارەجەسى تومەن، قاتىناۋ ۋاقىتى ۇزاق، سىرت جەرلەرمەن بايلانىس جاساۋ توتەنشە قولايسىز بولاتىن. چارقىلىق كروران اۋەجايىنان ۇشاق تۇڭعىش رەت ءساتتى ۇشىرىلعاننان كەيىن، ۇرىمجىدەن چارقىلىققا دەيىن بۇرىن اۆتوكولىكپەن 12 ساعات قاتىنايتىن بولسا، قازىر ۇشاقپەن 160 مينۋتتا جەتۋگە بولاتىن بولدى. اۋە جولى جولاۋشىلاردىڭ قاتىناۋىنا قولايلى بولىپ قانا قالماستان، جىبەك جولى وڭتۇستىك جەلىسىندەگى ساۋدا زات اينالىمى ءتۇيىندى قالاسىنىڭ قالىپتاسۋىنا مۇمكىندىك جاساپ، چارقىلىق اۋدانى ەكونوميكاسىنىڭ دامۋىن جەبەيدى.
سول كۇنى، قۇرىلىسقا ات سالىسقان داي چىن تۇڭعىش رەت ۇشىرىلعان كەزەكشى ۇشاققا وتىردى. ول بىلاي دەدى: «بۇرىن چارقىلىققا، الدىمەن ۇشاقپەن كورلاعا بارىپ الىپ، ونان سوڭ كورلادان اۆتوكولىككە وتىرىپ باراتىنمىن، كەم دەگەندە، 10 نەشە ساعات جول باساتىنمىن، قازىر ۇشاق قاتىناعاننان كەيىن، 2 ساعاتتان استام ۋاقىتتا جەتىپ الاتىن بولدىم، ۋاقىت قىسقارعاننان كەيىن، جول ازابىن تارتىپ شارشامايتىن بولدىق، توتەنشە قولايلى بولدى».
چارقىلىق كروران اۋەجايى چارقىلىق اۋدان قالاشىعىنىڭ باتىس جاعىنا ورنالاسقان، اۋدان قالاشىعى ورتالىعىنان 15 كيلومەتر قاشىقتىقتا، جەر اۋدانى 161.28گەكتار، ەلىمىزدەگى شاعىن تارماق جەلىلى اۋەجايعا جاتادى، باستىسى، چارقىلىق اۋدانى مەن ماڭايداعى ايماقتاردىڭ ۇكىمەت ءىسى، ساۋدا ءىسى جانە ساياحات سياقتى قوعامدىق، ەكونوميكالىق قۇرىلىسى ءۇشىن قىزمەت ەتەدى، سونىمەن قاتار شۇعىل قۇتقارۋ، كومەك بەرۋدى قامتاماسىزداندىرۋ قىزمەتى مەن جالپىلىق اۆياتسيادان پايدالانۋ ويلاستىرىلعان.
2017 - جىلى 4 - ايدا، چارقىلىق اۋەجايى رەسمي «كروران اۋەجايى» دەپ اتالدى. چارقىلىق كروران اۋەجايى جىلىنا 120 مىڭ ادام - رەت جولاۋشى قابىلداۋ - جونەلتۋ، جىلىنا 480 توننا زات قابىلداۋ - جونەلتۋ، جىلىنا 1558 كەزەك ۇشاق (رەت) قاتىناتۋ قاجەتىن قاناعاتتاندىرا الادى.
چارقىلىق اۋداندىق پارتكومنىڭ شۋجيى سۇڭ شۋەبين بىلاي دەدى: «چارقىلىق كروران اۋەجايىنىڭ رەسمي ىسكە قوسىلۋى چارقىلىقتىڭ سىرتقى دۇنيەگە بەت الۋداعى كەڭىستىك ءدالىزىن اشتى، بۇل چارقىلىق پەن توڭىرەكتەگى وڭىرلەردىڭ قارجى قوسۋ ورتاسىنىڭ جاقسارۋىندا، بايلىق باسىمدىعىن ەكونوميكالىق باسىمدىققا اينالدىرۋدا، مادەنيەت ساياحاتىن دامىتۋدا، سونداي - اق جەرگىلىكتى ورىنداعى بۇقارانىڭ قاتىناس جاعدايىن جاقسارتۋدا اسا كەلەلى مانگە يە، بۇل چارقىلىقتىڭ امبەباپ سترەولدى قاتىناس تورى جاڭا داۋىرىنە قادام تاستاعانىن كورسەتەدى».
