4-ايدىڭ 2-كۇنى، جۇڭگو دۇڭنان ۋنيۆەرسيتەتى بيولوگيا عىلىمى مەن مەدەتسينا ينجەنەرياسى ينستيتۋتىنىڭ پروفەسسورى جاۋ يۋانجين «جۇرەك چيپىن» جالعاستى زەرتتەۋدە
4-ايدىڭ 2-كۇنى، دۇڭنان ۋنيۆەرسيتەتى بيولوگيا عىلىمى مەن مەدەتسينا ينجەنەرياسى ينستيتۋتىنىڭ بيولوگيالىق ەلەكترون ٴىلىمى مەملەكەتتىك ٴتۇيىندى تاجىريبەحاناسىنداعى جاۋ يۋانجين پروفەسسوردىڭ تاقىرىپتىق گرۋپپاسىنىڭ ءتۇس قۇبىلتۋ قۋاتى بار «جۇرەك چيپىن» جاڭادان زەرتتەپ جاساعاندىعىن قوعامعا جاريالاندى. بۇل چيپ دەنە سىرتىندا جۇرەك بۇلشىق ەتى كلەتكاسىنىڭ سوعۋى مەن جيرىلۋىنا ەلىكتەي الاتىن بولىپ، بولاشاقتا، بۇل تەحنيكانى بيولوگيالىق ورگاننىڭ ورنىنا الماستىرىپ، ءتۇرلى دارىلەردىڭ ادام دەنەسىنە بولعان اسەرىن باقىلاۋعا ىستەتىلەدى ەكەن.
بۇل زەرتتەۋدە، زەرتتەۋشىلەر حامەلوننىڭ ءتۇس وزگەرتۋىنەن شابىت الىپ، ميكرو چيپكە ءبىر ءتۇرلى وپتيكالىق قۇرىلىمدى جەلىمدى ارالاستىرعان، بۇل جەلىم جۇرەك بۇلشىق ەتى كلەتكاسىمەن بىرىگىپ، جۇرەك بۇلشىق ەتى كلەتكاسى جيرىلىپ-سوزىلعاندا جەلىمنىڭ تۇسىندە وزگەرىس تۋىلادى. زەرتتەۋشىلەر ءدارى تۇتىنعاننان كەيىن، جۇرەك بۇلشىق ەتى كلەتكاسىنىڭ سوعۋ جاعدايىن ءتۇستىڭ وزگەرۋى ارقىلى تىكەلەي بايقاي الادى دا، قاتىستى ءدارىنىڭ ادام جۇرەگىنە بولعان ىقپالىن تىكەلەي باقىلاۋىنا بولادى.
