تيانشان تورابى   ›   جاڭالىقتار   ›   ساياحات

كوك شىبىق مەرەكەسىنىڭ دەمالىسىندا رايونىمىزدا ساياحات تۇتىنۋى ءبىر ميلليارد يۋاننان استى

  ءتىلشىمىز جيا چۇنشيا 4 - ايدىڭ 7 - كۇنى ۇرىمجىدەن حابارلايدى. اۆتونوميالى رايوندىق ساياحاتتى دامىتۋ كوميتەتىنەن ۇعىسۋعا قاراعاندا، 2018 - جىلعى كوك شىبىق مەرەكەسى كەزىندەگى دەمالىستا رايونىمىز جالپى ءبىر ميلليون 494 مىڭ 400 (رەت) ساياحاتشى قابىلداپ، جالپى ساياحاتتىق تۇتىنۋ ءبىر ميلليارد 2 ميلليون يۋانعا جەتكەن. مۇندا ءبىر كۇندىك ساياحات ۇشتەن ەكى بولىكتى، قونىپ جاتىپ ساياحاتتاۋ ۇشتەن ءبىر بولىكتى ۇستاعان. قابىر سىپىرۋ، كوككە شىعۋ، توڭىرەكتەگى اۋىل - قىستاقتارعا ساياحاتتاۋ، سەيىل - سەرۋەن قۇرىپ دەمالۋ بازاردىڭ نەگىزگى بەتالىس، جەكە كولىكپەن ساياحاتتاۋ نەگىزگى ساپار ءتاسىلى بولعان، جوعارى جىلدامدىقتى پويەزدىڭ ساياحاتقا ۇلەسى ارتىپ، توپتىق ساياحات كورنەكتى تۇردە ارتقان.

  كوك شىبىق مەرەكەسى كەزىندەگى دەمالىس ساياحاتتىڭ شاعىن ورلەۋىن كوتەردى. «قابىر سىپىرۋ + ساياحاتقا شىعۋ» نەگىزگى دەمالىس ءتاسىلى بولدى، شينجياڭدا كوپتەگەن ساياحاتشىلار اۋىلدارىنا قايتىپ قايتىس بولعان جاقىندارىنا ازا تۇتتى. بۇدان سىرت، كوككە شىعۋ، گۇلدەردى تاماشالاۋ، اۋىل - قىستاق سەيىل - سەرۋەنى كوك شىبىق مەرەكەسىنىڭ دەمالىس كەزىندەگى ساياحاتتىڭ نەگىزگى تاقىرىبى بولدى. ءۇرىمجى اۋدانىنىڭ فاڭجياجۋاڭ قىستاعى سياقتى كوپتەگەن اۋىل - قىستاق ساياحات وڭىرلەرىندە ساياحاتشىلاردىڭ سانى مول بولدى، شارۋالار ساياجايلارىنىڭ ساۋداسى قىزدى. تۇرپان قالاسىنداعى، نارات كورىنىستىك وڭىرىندەگى گۇلدى تاماشالاۋ تاقىرىبىنداعى ساياحات تۇيىندەرى قىرۋار ساياحاتشىنى وزىنە تارتتى. مۇندا نارات كورىنىستىك ءوڭىرى شار تاراپتان كەلگەن ساياحاتشىلاردى قابىلدادى، شينجياڭدىقتارعا ازاماتتىق كۋالىك ارقىلى كورىنىستىك ءوڭىردىڭ ەسىك بەلەتى، وڭىرلەر ارا قاتىنايتىن كولىكتەرگە وتىرۋ بەلەتى سياقتىلاردىڭ باعاسىندا جارتىلاي تيىمدىلىك جاسالىپ، كوپتەگەن ساياحاتشىنى باۋرادى. مۇندا كوك شىبىق مەرەكەسىندەگى دەمالىستىڭ العاشقى كۇنى ساياحاتشى سانى 6000عا (رەت) جەتىپ، 4 - ايدىڭ 6 - كۇنى ساياحاتشى سانى 10 مىڭنان (رەت) استى.

  «كوك شىبىق مەرەكەسىندەگى دەمالىستا تۇرپان قالاسى جالپى 224 مىڭ 600 (رەت) ساياحاتشى قابىلداپ، بىلتىرعى وسى مەزگىلدەگىدەن %11.74ارتتى؛ ساياحات تۇتىنۋى 224 ميلليون يۋانعا جەتىپ، بىلتىرعى وسى مەزگىلدەگىدەن %11.83 ارتتى». تۇرپان قالالىق ساياحات مەكەمەسىنىڭ باستىعى ان جينچياڭ بىلاي دەپ تانىستىردى: دەمالىس كەزىندە تۇرپاندا كۇن اشىق بولدى، كوپتەگەن ساياحاتشىلار تۋىس - تۋعان، دوس - جاراندارىمەن بىرگە ساياحاتتاي كەلدى. قۇمتاق ءشولى، جالىنتاۋ، كارىز سياقتى كورىنىستىك وڭىرلەر ساياحاتشىلاردى باۋرادى. قۇمتاق ءشولى كورىنىستىك وڭىرىندەگى دەمالىستىڭ العاشقى كۇنىندەگى ساياحاتشى سانى 10 مىڭنان استى، 4 - ايدىڭ 6 - كۇنى 10 مىڭ 230 ساياحاتشىنى قابىلدادى. بۇدان سىرت، سەيىل - سەرۋەن، دەمالىس ساياحاتى نەگىزگى اۋقىمعا اينالدى، دەمالىس كەزىندە تۇرپانداعى قوناق ۇيلەردىڭ قوناق قابىلداۋ سالىستىرماسى %63.78كە جەتىپ، ساياحاتشى قابىلداۋدا 2 كۇندىك ساياحات اۋقىمى جارىققا شىقتى.

  كوك شىبىق مەرەكەسىندەگى دەمالىستا جەكە كولىكپەن ساياحاتتاۋ ساياحاتتىڭ نەگىزگى تاسىلىنە اينالىپ، %76.32كە جەتتى. ەندى ءبىر جاقتان، جوعارى جىلدامدىقتى پويەز ءتىپتى كوپ ادامنىڭ ساياحاتتاعى قاتىناس قۇرالىنا اينالدى ءارى تەمىر جول ارقىلى ساياحاتتاۋدىڭ ۇلەس سالىستىرماسىن ارتتىرا ءتۇستى. مەرەكە كەزىندە تەمىر جول تاراۋى ۇرىمجىدەن قۇمىلعا باراتىن موتورلى ۆاگون قۇراماسىن كوبەيتىپ، ادامداردىڭ مەرەكەدەگى ساپارلاۋ قاجەتىن قاناعاتتاندىردى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • وڭتۇستىك شينجياڭنان ەكسپورت ەتىلگەن زاتتار جۇڭگو - ەۆروپا كەزەكشى پويەزدەرىمەن ”باتىسقا شىعارىلدى“
  • باتىس سولتۇستىك مۇناي الابى: جوعارى ساپالى دامۋدىڭ ەنەرگيا جاۋابىن قۇلشىنا جازۋدا
  • كورلانىڭ ەرىكتى قىزمەت وتەۋى وركەنيەت ماركاسىنا اينالدى