شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدەن جازباي، جاڭا دامۋ ۇستانىمىن دايەكتىلەندىرىپ، تياناقتاندىرىپ، ەكونوميكانىڭ جوعارى ساپالى دامۋىن جەبەيىك
چىن چۋانگو ءماجىلىستى باسقاردى
ءتىلشىمىز دۇڭ شاۋحۋا 4 - ايدىڭ 8 - كۇنى ۇرىمجىدەن حابارلايدى. 4 - ايدىڭ 8 - كۇنى تۇستەن بۇرىن اۆتونوميالى رايوندىق پارتكوم تۇراقتى كوميتەتتىڭ (كەڭەيتىلگەن) ءماجىلىسىن اشىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن مۇقيات ۇيرەنىپ، دايەكتىلەندىرىپ، ەكونوميكانىڭ جوعارى ساپالى دامۋىن جەبەۋ قىزمەتى جونىندە زەرتتەۋ جۇرگىزدى. اۆتونوميالى رايوندىق پارتكومنىڭ شۋجيى چىن چۋانگو ءماجىلىستى باسقاردى.
ماجىلىستە مىنالار اتاپ كورسەتىلدى: ەكونوميكانىڭ جوعارى ساپالى دامۋىن جەبەۋ − پارتيا 19 - قۇرىلتايىندا جاسالعان ەلەۋلى شەشىم، ورنالاستىرۋ. شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، شي جينپيڭنىڭ جاڭا ءداۋىر جۇڭگوشا سوتسياليستىك ەكونوميكا يدەياسىن مۇقيات ۇيرەنىپ، دايەكتىلەندىرىپ، پارتيا 19 - قۇرىلتايىنىڭ جانە ج ك پ 19 - كەزەكتى ورتالىق كوميتەتىنىڭ ءبىرىنشى، ەكىنشى، ءۇشىنشى جالپى ماجىلىستەرىنىڭ رۋحىن ىشكەرىلەي دايەكتىلەندىرىپ، باس شۋجي شي جينپيڭنىڭ مەملەكەتتىك فينانس قىزمەتى ءماجىلىسى، ورتالىقتىڭ ەكونوميكا قىزمەتى ءماجىلىسى، ورتالىقتىڭ اۋىل - قىستاق قىزمەتى ءماجىلىسى، ورتالىق رەفورمانى جاپپاي تەرەڭدەتۋ كوميتەتىنىڭ 1 - ءماجىلىسى، ورتالىق قازىنا - ەكونوميكا كوميتەتىنىڭ 1 - ءماجىلىسى سياقتى ماجىلىستەردە سويلەگەن ماڭىزدى سوزدەرىنىڭ رۋحىن دايەكتىلەندىرىپ، تياناقتاندىرىپ، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى سوزدەرى مەن ماڭىزدى نۇسقاۋلارىنىڭ رۋحىن دايەكتىلەندىرىپ، تياناقتاندىرىپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، وتە - موتە، قوعام ورنىقتىلىعى مەن باياندى تىنىشتىق باس نىساناسىن دايەكتىلەندىرىپ، تياناقتاندىرىپ، جاڭا دامۋ ۇستانىمدارىن دايەكتىلەندىرىپ، ورنىقتىلىق بارىسىندا ىلگەرىلەۋدەي قىزمەت نەگىزگى اۋەنىندە تاباندى بولىپ، قامداۋ جاعىنداعى قۇرىلىمدىق رەفورمانى نەگىزگى جەلى ەتۋدەن جازباي، ارتۋدى ورنىقتىرۋ، رەفورمانى جەبەۋ، قۇرىلىمدى رەتتەۋ، حالىق تۇرمىسىنا تيىمدىلىك جاساۋ، حاۋىپ - قاتەردەن ساقتانۋ قىزمەتتەرىن ءبىر تۇتاس جوسپارلاپ، رەفورما جاساپ، ەسىك اشۋدى زور كۇشپەن ىلگەرىلەتىپ، ماكرولىق تەڭگەرۋدە جاڭالىق اشىپ جانە ونى كەمەلدەندىرىپ، ساپادا وزگەرىس تۋدىرۋدى، ونىمدىلىكتە وزگەرىس تۋدىرۋدى، قوزعاۋشى كۇشتە وزگەرىس تۋدىرۋدى جەبەپ، ەلەۋلى حاۋىپ - قاتەرلەردىڭ الدىن الۋ جانە ونى شەشۋ، كەدەيلىكتەن دالمە - ءدال قۇتىلدىرۋ، لاستانۋدىڭ الدىن الۋ جانە جونگە سالۋ سىندى 3 ۇلكەن قامال الۋ شايقاسىن باتىل جۇرگىزىپ، تۇتاس رايون ەكونوميكاسىنىڭ جوعارى ساپالى دامۋىن جەبەۋ كەرەك.
ءبىرىنشى، يدەيانى، تانىمدى شىن مانىندە بىرلىككە كەلتىرۋ كەرەك. «4 تانىمدى» بەرىك ورناتىپ، ەكونوميكانىڭ جوعارى ساپالى دامۋىن جەبەۋدىڭ ماڭىزدى رەال ءمانى مەن تەرەڭ تاريحي ءمانىن جەتە ءتۇسىنىپ، باتىل تۇردە يدەيا مەن ارەكەتتى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن بىرلىككە كەلتىرىپ، يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاپ، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاپ، ەكونوميكانىڭ ساپالى دامۋىن بۇلجىماستان جەبەپ، قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋعا بەرىك نەگىز قالاۋ كەرەك.
ەكىنشى، 3 ۇلكەن قامال الۋ شايقاسىن باتىل جۇرگىزۋ كەرەك. فينانس حاۋىپ - قاتەرىنىڭ الدىن الۋ مەن ونى شەشۋدى مەملەكەتتىڭ حاۋىپسىزدىگىنە، دامۋدىڭ جالپى جاعدايىنا، حالىقتىڭ مال - مۇلىك اماندىعىنا ساياتىن، جوعارى ساپالى دامۋدى جۇزەگە اسىرۋدا، ءسوزسىز، باسىپ وتۋگە ءتيىستى ماڭىزدى وتكەل ەكەنىن جەتە تانىپ، تومەنگى شەكتە ويلاۋعا تاباندى بولىپ، ورنىقتىلىق بارىسىندا ىلگەرىلەۋدەن جازباي، باستى قايشىلىقتاردى مىقتاپ يگەرىپ، فينانس حاۋىپ - قاتەرىن قاينارىنان تىزگىندەۋدى، مەڭگەرۋدى كۇشەيتىپ، ۇكىمەت قارىزىن باسقارۋدى قاتايتىپ، زاڭعا، بەلگىلەمەگە قايشى قارىزدانۋ ارەكەتتەرىن باتىل تيىپ، كومەسكى قارىزدى بەلسەندىلىكپەن، ورنىقتى شەشىپ، حاۋىپ - قاتەردى شىن مانىندە جويىپ، زاڭعا، بەلگىلەمەگە قايشى تۇردە قارىزدانۋشىلاردى قاتاڭ جاۋاپقا تارتىپ، جاۋاپكەرلىگىن ءومىر بويى قۋزاستىرىپ، جۇيەلىك حاۋىپ - قاتەر تۋدىرماۋدىڭ تومەنگى شەگىن باتىل ساقتاۋ كەرەك. كەدەيلىكتەن دالمە - ءدال قۇتىلدىرۋدان قامال الۋ شايقاسىنىڭ كەزەڭدىك جەتىستىكتەرگە قول جەتكىزگەنىن، ونى تەك جەڭىستى، تىڭعىلىقتى جۇرگىزۋ كەرەك ەكەنىن جەتە تانىپ، «ەكىدەن تارىقتىرماۋ، ۇشتە قامتاماسىز ەتۋ، بىرگە جاقىنداتۋدى» مىقتاپ ارقاۋ ەتىپ، ءارى ولشەمدى تومەندەتپەۋگە، ساپاعا ىقپال جاساتپاۋعا، ءارى ولشەمدى جوعارىلاتپاۋعا، اراندى ارتىقشا اشتىرماۋعا تاباندى بولۋ كەرەك؛ ءارى تالاسا - تارماسا تەزدەتپەي، ءارى ادەيى كەشەۋىلدەتپەي، نازاردى اۋىر كەدەي وڭىرلەرگە شوعىرلاندىرىپ، دالمە - ءدال شارا قولدانىپ، دالمە - ءدال كۇش سالىپ، باسقا سالالارعا ويىستىرىپ جۇمىستاندىرۋ، كاسىپتەردى دامىتۋ، جەردى اداقتاپ قايتالاي بولىسكە سالۋ، شەكارا كۇزەتشىسى بولۋ، ەكولوگيالىق تولىقتامانى اتقارۋ، قونىس جاڭالاپ كەدەيلەردى سۇيەمەلدەۋ، جالپىلىق قوعامدىق قامتاماسىزداندىرۋ شاراسى ارقىلى ەڭ تومەنگى شەكتەن تۇسىرمەۋ سياقتى شارالاردى مۇقيات تياناقتاندىرىپ، 2020 - جىلعا بارعاندا قازىرگى ولشەمدەگى اۋىل - قىستاق كەدەيلەرىن تۇگەلدەي كەدەيلىكتەن قۇتىلدىرۋعا شىن مانىندە كەپىلدىك ەتىپ، تاقىر كەدەيلىكتى جويۋ كەرەك؛ كەدەي اۋدانداردىڭ كەدەيلىك قالپاعىن تۇگەلدەي الىپ تاستاۋىنا كەپىلدىك ەتىپ، وڭىرلىك سيپاتتى جالپى تۇلعالىق كەدەيلىكتى شەشۋ كەرەك. قورشاعان ورتا ماسەلەسى تۇتاس قوعام نازار اۋدارىپ وتىرعان ءتۇيىن ەكەنىن ءارى جاپپاي دوڭگەلەك داۋلەتتى قوعام ورناتۋدا حالىقتىڭ مويىنداۋىنا قول جەتكىزە الۋ - الماۋدىڭ ءتۇيىنى ەكەنىن جەتە تانىپ، تۇنىق سۋ، جاسىل تاۋ − قىمباتتى بايلىق دەگەن ۇستانىمدى بەرىك ورناتىپ، «3 جوعارى» نىسانداردىڭ شينجياڭعا كىرۋىن قاتاڭ شەكتەۋدەن جازباي، ەنەرگيا، كەن بايلىعىن اشۋداعى اۆتونوميالى رايوندىق ۇكىمەتتىڭ «ءبىر قالاممەن» بەكىتۋ ءتۇزىمىن، قورشاعان ورتانى قورعاۋداعى «ءبىر بەلەتپەن تەرىستەۋ» ءتۇزىمىن قاتاڭ اتقارىپ، وزەن باستىعى، كول باستىعى ءتۇزىمىن جان - جاقتى تياناقتاندىرىپ، اتموسفەرانىڭ، سۋدىڭ، توپىراقتىڭ لاستانۋىنان ساقتانۋدى جانە ونى جونگە سالۋدى ۇزدىكسىز ورىستەتىپ، ەكولوگيالىق قورشاعان ورتانى بۇلدىرەتىن ارەكەتتەردى باتىل تيىپ جانە جازالاپ، ەكولوگيانىڭ تومەنگى شەگىن، قىزىل سىزىعىن بەرىك ساقتاپ، تاماشا ەكولوگيالىق قورشاعان ورتانى ءار ۇلت حالقىنىڭ تۇرمىسىنداعى ارتۋ نۇكتەسى ەتۋ كەرەك.
ءۇشىنشى، جاڭا دامۋ ۇستانىمدارىن بۇلجىماستان دايەكتىلەندىرىپ، جوعارى ساپالى دامۋدى جەبەۋ كەرەك. جوعارى ساپالى دامۋدى جەبەۋگە شىن مانىندە كۇش سالىپ، جىبەك جولى ەكونوميكالىق بەلدەۋىنىڭ وزەكتى رايون قۇرىلىسىن، اۋىل - قىستاقتى وركەندەتۋ ستراتەگياسىن، ساياحات كاسىبىن دامىتۋدى كۇش سالا تىڭعىلىقتى يگەرۋ كەرەك. مەملەكەتتىڭ «ءبىر بەلدەۋ، ءبىر جول» قۇرىلىسى رايونىن جاقسى يگەرىپ، شينجياڭنىڭ جاعراپيالىق ابزالدىلىعىن، بايلىق ابزالدىلىعىن، گۋمانيتارلىق ابزالدىلىعىن تولىق ساۋلەلەندىرىپ، جىبەك جولى ەكونوميكالىق بەلدەۋىنىڭ وزەكتى رايونىن جەدەل قۇرىپ، ەكونوميكا دامۋىنىڭ جاڭا ارتۋ ۇيەگىن جەتىلدىرۋ كەرەك. اۋىل - قىستاقتى وركەندەتۋ ستراتەگياسىنىڭ ورايىن مىقتاپ يگەرىپ، جاقسى پايدالانىپ، اۋىل - قىستاقتارداعى كاسىپتى، دارىندىنى، مادەنيەتتى، ەكولوگيانى، ۇيىمداستىرۋدى وركەندەتۋدى بەلسەندىلىكپەن ىلگەرىلەتىپ، باسىمدىققا يە ەرەكشە اۋىل شارۋاشىلىعىن كۇش سالا جەتىلدىرىپ، اۋىل شارۋاشىلىق قوسىمشا ونىمدەرىن جىنتىكتەي مانەرلەۋدى كۇش سالا دامىتىپ، كاسىپ تىزبەگىن كەڭەيتىپ، قامداۋ تىزبەگىن تۇلعالاپ، قوسىمشا قۇندى ارتتىرىپ، اۋىل شارۋاشىلىعىنىڭ كەشەندى ونىمدىلىگىن جوعارىلاتىپ، اۋىل شارۋاشىلىعى دەڭگەيىن جان - جاقتى جوعارىلاتۋدى، اۋىل - قىستاقتاردىڭ جان - جاقتى العا ىلگەرىلەۋىن، شارۋالاردىڭ جان - جاقتى دامۋىن جەبەۋ كەرەك. قوعامنىڭ جالپى جاعدايىنىڭ ءۇرتىس ورنىقتى بولۋداي ورايىن جاقسى يگەرىپ، تىڭعىلىقتى پايدالانىپ، شينجياڭنىڭ ەلدەن ەرەك جاراتىلىستىق كورىنىسى مەن گۋمانيتارلىق بايلىق ابزالدىلىعىن تولىق ساۋلەلەندىرىپ، ساياحات كاسىبىن زور كۇشپەن دامىتىپ، ىشكى ولكەدەگى ءتىپتى دە كوپ بۇقارانى شينجياڭعا كەلىپ ساياحاتتاۋعا باۋراپ، ساياحات كاسىبىن شىن مانىندە شينجياڭنىڭ ستراتەگيالىق تىرەكتى كاسىبى ەتىپ، شينجياڭنىڭ ەكونوميكاسىنىڭ جوعارى ساپالى دامۋىنداعى ماڭىزدى قوزعالتقىشقا اينالدىرۋ كەرەك.
ءتورتىنشى، رەفورما جاساپ، ەسىك اشۋدى جان - جاقتى تەرەڭدەتىپ، جوعارى ساپالى دامۋعا قۇدىرەتتى قوزعاۋشى كۇش ازىرلەۋ كەرەك. رەفورمادان قوزعاۋشى كۇش الۋدان، ەسىك اشۋدان دەمەۋ تابۋدان جازباي، بازار مەحانيزمىنىڭ رولىن تولىق ساۋلەلەندىرىپ، ەنگىزۋ مەن سىرتقا شىعارۋعا تەڭ ءمان بەرۋدە تاباندى بولىپ، «ۇكىمەت قۇرىلىمدارىن ىقشامداۋ، ۇقىقتى تومەنگە بەرۋ، ۇقىقتى تومەنگە بەرۋ مەن باسقارۋدى ۇشتاستىرۋ، قىزمەت كورسەتۋدى ساپالىلاندىرۋ» رەفورماسىن تىڭعىلىقتى ىلگەرىلەتىپ، تاماشا دامۋ ورتاسىن تۇلعالاپ، ءتۇرلى كاسىپورىنداردى شينجياڭعا كەلىپ قارجى قوسۋعا، كاسىپتى گۇلدەندىرۋگە باۋراۋ كەرەك؛ ءبىر تۇتاس جوسپارلاپ، شينجياڭداعى كاسىپورىندار مەن باسىمدىققا يە ونىمدەردىڭ سىرتقا شىعۋىنا قولداۋ كورسەتىپ، ىشكە، سىرتقا ەسىك اشۋ ورەسىن جاپپاي جوعارىلاتىپ، سىرتقا ەسىك اشۋدىڭ جان - جاقتى جاڭا جاعدايىن قالىپتاستىرۋ كەرەك.
بەسىنشى، پارتيانىڭ ەكونوميكالىق قىزمەتكە بولعان باسشىلىعىن جان - جاقتى كۇشەيتىپ، جوعارى ساپالى دامۋعا پارمەندى كەپىل ازىرلەۋ كەرەك. ەكونوميكا قىزمەتىنىڭ باسشىلىق مەحانيزمىن ىشكەرىلەي كەمەلدەندىرىپ، ءار دارەجەلى پارتكومداردىڭ تۇراقتى كوميتەتتەرى ەكونوميكا جاعدايىنا مەرزىم بويىنشا زەرتتەۋ جۇرگىزىپ، تالداۋ جاساپ، ەلەۋلى ەكونوميكالىق ىستەر جونىندە شەشىم جاساۋ كەرەك؛ ءار دارەجەلى قازىنا - ەكونوميكا قىزمەتىنىڭ باسشىلىق گرۋپپالارى، رەفورمانى تەرەڭدەتۋگە باسشىلىق ەتۋ گرۋپپالارى ەكونوميكانىڭ، قوعامنىڭ دامۋىنداعى ەلەۋلى ماسەلەلەر مەن ەكونوميكا، قوعام سالالارىنداعى ەلەۋلى رەفورمالار جونىندە دەر كەزىندە زەرتتەۋ جۇرگىزۋ كەرەك؛ ەكونوميكا فۋنتكسيالىق تاراۋلار مىندەت ءبولىسى بويىنشا زەر سالا ۇيىمداستىرىپ، تياناقتاندىرۋدى تىڭعىلىقتى يگەرىپ، پارتيانىڭ ساياسي ابزالدىلىعىن، ۇيىمدىق ابزالدىلىعىن دامۋ ابزالدىلىعىنا اينالدىرۋ كەرەك.
التىنشى، نازادى باس نىسانانى تياناقتاندىرۋعا، قوعامنىڭ ورنىقتىلىعىن قورعاۋعا ونان ارى شوعىرلاندىرىپ، جوعارى ساپالى دامۋعا تاماشا ورتا ازىرلەۋ كەرەك. بۇلجىماستان «ءبىر باس نىسانانى» بەرىك ورناتىپ، «2 ءتۇيىندى بۋىندى» يگەرىپ، «ءبىر مەحانيزمدى» كەمەلدەندىرىپ، «التىنى مىقتاپ يگەرۋدەن» جازباي، «بەستى مىقتى ۇستاۋدى» جۇزەگە اسىرىپ، «تورتتە جاپپاي قامتۋدى» ىلگەرىلەتىپ، «ءبىر ۇدايىلاندىرۋدى» ساقتاپ، «بىردە بوساڭسىماۋدى» مىقتى ۇستاپ، «ۇشتە باتىل بولۋدى» جۇزەگە اسىرىپ، «3 قيان - كەسكى شايقاستى»، «ءبىر حالىقتىق سوعىستى» ءۇرتىس جاقسى جۇرگىزىپ، «3 بىرلەسىپ قيمىلداۋدى» جۇزەگە اسىرىپ، قوعامنىڭ جالپى جاعدايىنىڭ ءۇرتىس ورنىقتى، ۇزاق ۋاقىت ورنىقتى، جاپپاي ورنىقتى بولۋىن ىلگەرىلەتىپ، ەكونوميكانىڭ جوعارى ساپالى دامۋىنا جاراسىمدى دا ورنىقتى ورتا ازىرلەۋ كەرەك.
اۆتونوميالى رايوننىڭ باسشىلارىنان شوكىرات زاكىر، شاۋكەت يمىن، نۇرلان ءابىلماجىن ۇلى، سۇن جينلۇڭ، جۋ حايلۇن، لي پىڭشين، لي ۋي، شۇي حايرۇڭ، ەركىن تۇنياز، ما شۋەجۇن، تيان ۋىن، لو دۇڭچۋان، سارقىت اقان ۇلى، پىڭ جيارۇي ماجىلىسكە قاتىناستى.
