تيانشان تورى
تيانشان تورى   ›   ۇيرەنۋ   ›   ماڭىزدى حۇجاتتار

«كەدەيلىكتەن قۇتىلدىرۋ» اتتى كىتاپتىڭ اعىلشىن، فرانسۋز تىلدەرىندەگى ەلەكتروندىق نۇسقاسى جەلىگە شىقتى

  شينحۋا اگەنتتىگىنىڭ 4 - ايدىڭ 9 - كۇنى بەيجيڭنەن بەرگەن حابارى. حالىقارالىق قوعامعا باس شۋجي شي جينپيڭنىڭ كەدەيلەردى سۇيەمەلدەۋ، كەدەيلىكتەن قۇتىلدىرۋ قىزمەت يدەياسىن جاپپاي، ىشكەرىلەي تانىستىرۋ ءۇشىن، جۇڭگو شەتەل تىلدەرىندەگى كىتاپتاردى باسپادان شىعارۋ، تاراتۋ مەكەمەسىنە قاراستى شەتەل ءتىلى باسپاسى اۋدارىپ، باسپادان شىعارعان «كەدەيلىكتەن قۇتىلدىرۋ» اتتى كىتاپتىڭ اعىلشىن، فرانسۋز تىلدەرىندەگى ەلەكتروندىق نۇسقاسى 4 - ايدىڭ 9 - كۇنى امازون، Overdrive، ي يۋەتۇڭ، جاڭيۋە سىندى 4 سيفرلى ساۋدا تۇعىرىندا جەلىگە شىعارىلىپ، ەل ءىشى - سىرتىنداعى وقىرماندارعا ساتىلا باستادى.

  «كەدەيلىكتەن قۇتىلدىرۋ» اتتى كىتاپ ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ ءتول شىعارماسى، بۇل كىتاپقا ونىڭ 1988 - جىلدان 1990 - جىلعا دەيىن ج ك پ نيڭدى ايماقتىق پارتكومنىڭ شۋجيى بولىپ تۇرعان كەزىندەگى ماڭىزدى سوزدەرى جانە زەرتتەۋ ماقالالارى ەنگىزىلگەن، جيىنى 29 ماقالا بار. نيڭدىدا قىزمەت ىستەگەن كەزدەگى 6 پارشا قىزمەت سۋرەتىن قامتىعان، تاعى 10 پارشا رەڭدى سۋرەت الىنعان. كىتاپ نيڭدى ايماعىنىڭ كەدەيلىكتەن قالاي قۇتىلىپ، قالاي اۋقاتتانعانى، دامۋدى قالاي جەبەگەندىگى سىندى وسى باستى تاقىرىپتى تىعىز ارقاۋ ەتىپ، ءبىرسىپىرا ءتۇزىم، ۇستانىم، كوزقاراس جانە ءادىس ورتاعا قويىپ، نيڭدى رايونىنىڭ ەكونوميكاسىنىڭ، قوعامىنىڭ دامۋىنداعى كەلەلى نازاريالىق جانە امالياتتىق ماسەلەلەرگە ىشكەرىلەي جاۋاپ قايتارىپ، ەكونوميكالىق قۇرىلىس، ساياسي قۇرىلىس، مادەنيەت قۇرىلىسى، قوعامدىق قۇرىلىس، ەكولوگيالىق وركەنيەت قۇرىلىسى جانە پارتيا قۇرىلىسى سياقتى ماڭىزدى مامۇنداردى شارپىعان، يدەياعا باي، جازۋ ستيلى جاندى دا شىنايى، اسا جوعارى نازاريالىق قۇنعا يە. بۇل كىتاپ شي جينپيڭ جولداستىڭ نيڭدىداعى 2 جىلدىق جاپالى قىزمەتىن جان - جاقتىلى شىنايى بەينەلەپ، جاپالى رايوندارعا تامىر تارتىپ، بۇقارانى باستاپ كەدەيلىكتەن قۇتىلدىرۋداعى مۇرات - سەنىمى جانە حالىققا دەگەن تەرەڭ سۇيىسپەنشىلىگىن ايگىلەگەن.

  «كەدەيلىكتەن قۇتىلدىرۋ» اتتى كىتاپتىڭ اعىلشىن، فرانسۋز تىلدەرىندەگى نۇسقاسىن شەتەل ءتىلى باسپاسى اۋدارىپ، باسپادان شىعارعان، 2017 - جىلى 8 - ايدا تۇڭعىش رەت تاراتىلعاننان بەرى، حالىقارالىق قوعامنىڭ جاپپاي نازارىن اۋداردى جانە جاپپاي القاۋىنا يە بولدى. بۇل كىتاپ باس شۋجي شي جينپيڭنىڭ حالىقتى سۇيەتىن، حالىقتى ويلايتىن مۇرات - سەنىمىن جانە تەرەڭ سۇيىسپەنشىلىگىن ايگىلەپ قانا قالماستان، باس شۋجي شي جينپيڭنىڭ كەدەيلەردى دالمە - ءدال سۇيەمەلدەۋ، كەدەيلەردى دالمە - ءدال كەدەيلىكتەن قۇتىلدىرۋ قىزمەتى جونىندەگى ستراتەگيالىق يدەياسىن، نازاريالىق تىرەگىن جانە امالياتتىق ىزدەنىسىن شوعىرلى بەينەلەدى، بۇل جۇڭگونىڭ كەدەيلەردى سۇيەمەلدەۋ، كەدەيلىكتەن قۇتىلدىرۋ قىزمەتىنىڭ نازاريالىق نەگىزى جانە ماڭىزدى باعىتى، جۇڭگونىڭ كەدەيلەردى ازايتۋ ىستەرىنىڭ يدەيالىق نەگىزى جانە تاجىريبە قورىتىندىسى، شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ ماڭىزدى قۇرامداس بولىگى.

    «كەدەيلىكتەن قۇتىلدىرۋ» اتتى كىتاپتىڭ اعىلشىن، فرانسۋز تىلدەرىندەگى ەلەكتروندىق نۇسقاسىنىڭ مازمۇنى كىتاپ نۇسقاسىنىڭ مازمۇنىمەن بۇكىلدەي ۇقساس، جەلىدە وقۋعا توتەنشە قولايلى بولىپ، ەل ءىشى - سىرتىنداعى وقىرمانداردىڭ زامانىمىزداعى جۇڭگونى جانە جۇڭگو كوممۋنيستىك پارتياسىن تۇسىنۋىنە تاپتىرماس وقۋلىق ازىرلەدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.