ەرباقىت قابدەش ۇلى حابارلايدى. 4-ايدىڭ 6 - كۇنىنەن باستاپ، جەمەنەي اۋدانى ۇلاستى قالاشىق اۋىل شارۋاشىلىق ماشينالارى پۋنكتى قالاشىققا قاراستى ءارقايسى ەگىنشىلىك قىستاقتارىنداعى ءىرى، ورتا تۇرپاتتى اۋىل شارۋاشىلىق ماشينالارىنا جىلدىق تەكسەرۋىن جۇرگىزىپ، كوكتەمگى ەگىس وندىرىسىنە بەرىك نەگىز قالادى.
ءتىلشى 4-ايدىڭ 7-كۇنى ۇلاستى قالاشىق اۋىل شارۋاشىلىق ماشينالارى پۋنكتىنە كەلىپ اۋىل شارۋاشىلىق ماشينالارىن تەكسەرتۋ ءراسمياتىن بىتىرگەندەردىڭ اياعى ۇزىلمەگەندىگىن بايقادى. تەكسەرۋ قىزمەتى بارىسىندا ۇلاستى قالاشىق اۋىل شارۋاشىلىق ماشينالارىن باسقارۋ مەكەمەسىنىڭ قىزمەتكەرلەرى قاتىستى زاڭ – ءتۇزىم، بەلگىلەمەلەرگە ساي، حاۋىپسىزدىك تەكسەرۋ ولشەمىن، تەكسەرۋ ساپا وتكەلىن قاتاڭداستىرىپ، اۋىل شارۋاشىلىق ماشينالارى شوفەرلارىنىڭ جولىققان تەحنيكالىق ماسەلەلەرىن شەشىپ، تەكسەرۋ ءراسمياتىن تەز بىتىرۋگە شىنايى كەپىلدىك ەتتى.
بۇل قىزمەتتىڭ ءورىس الۋى ۇلاستى قالاشىعىنداعى تۇرعىنداردىڭ حاۋىپسىز ءوندىرىس جۇرگىزۋ، سونىمەن قاتار قاتىناس حاۋىپسىزدىگى جاقتارىنداعى تانىمىن اناعۇرلىم جوعارىلاتىپ، وسى ارقىلى كوكتەمگى ءوندىرىس قىزمەتىنىڭ ساپالى ءارى حاۋىپسىز جۇرىلۋىنە بەرىك نەگىزدەر قالاۋدا.
ۇعىسۋعا قاراعاندا، قازىرگە دەيىن قالاشىق بويىنشا 100 گە تارتا ءىرى، ورتا تۇرپاتتى اۋىل شارۋاشىلىق ماشيناسى جىلدىق تەكسەرۋدەن وتكەن.
ءتىلشىنىڭ قىزمەت ورنى : جەمەنەي اۋداندىق ۇلاستى قالاشىعى
