تيانشان تورى   ›   جاڭالىقتار   ›   ۇعىسۋ، تيىمدىلىك جاساۋ، توعىستىرۋ

اۆتونوميالى رايوندىق ەكونوميكا جانە ينفورماتسيالاندىرۋ كوميتەتى قىستاقتا تۇراتىن قىزمەت اترەتىنىڭ مىقتى تىرەگى بولامىز

ءتىلشىمىز شى شين

  3 - ايدىڭ 28 - كۇنى اۆتونوميالى رايون 2017 - جىلعى «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇرۋ قىزمەتىن قورىتىندىلاۋ، ماداقتاۋ - سيلاۋ ءماجىلىسىن وتكىزدى، اۆتونوميالى رايوندىق ەكونوميكا جانە ينفورماتسيالاندىرۋ كوميتەتى ۇزدىك ۇيىمداستىرۋ ورنى بولىپ ماراپاتتالدى.

  2017 - جىلى اۆتونوميالى رايوندىق ەكونوميكا جانە ينفورماتسيالاندىرۋ كوميتەتى «ۇعىسۋ، تيىمدىلىك جاساۋ، توعىستىرۋ» قيمىلى بويىنشا قىستاقتا تۇراتىن 17 قىزمەت اترەتىن جىبەرىپ، نەگىزگى ساتىداعى بۇقارامەن اۆتونوميالى رايوندىق ەكونوميكا جانە ينفورماتسيالاندىرۋ كوميتەتىنىڭ اراسىن جالعاعان التىن كوپىرگە اينالدى. ءبىر جىلدان بەرى اۆتونوميالى رايوندىق ەكونوميكا جانە ينفورماتسيالاندىرۋ كوميتەتى شىنايى ىستەپ، شىن پەيىلىمەن كومەكتەسىپ، ءتۇيىندى جەرگە، شەشۋشى ورىنعا كومەك قولدارىن سوزىپ، قىزمەت اترەتىنىڭ مىقتى تىرەگىنە اينالىپ، ءار ۇلت بۇقاراسىنىڭ حالىق بايىپ، قىستاق كۇشەيسە دەگەن ارماندارىنىڭ ءۇمىت وتىن جاعىپ، قىزمەت اترەتىنە كۇشتى ارىن سيلادى.

  «ماراپاتقا يە بولعان سوڭ، ءبىز ارقالاعان مىندەتىمىزدىڭ داڭقتى، موينىمىزداعى جاۋاپكەرشىلىكتىڭ اۋىر ەكەنىن تەرەڭ سەزىندىك. ەندى باستالعان جاڭا ءبىر جىلدا اۋەلگى ماقساتتى ۇمىتپاي، مىقتى يگەرىپ، شىنايى ىستەپ، <ۇعىسۋ، تيىمدىلىك جاساۋ، توعىستىرۋ> قىزمەتىن كۇش جالعاي وتىرىپ ۇزدىكسىز العا ىلگەرىلەتەمىز»، - دەدى اۆتونوميالى رايوندىق ەكونوميكا جانە ينفورماتسيالاندىرۋ كوميتەتىنىڭ پارتكوم شۋجيى، مەڭگەرۋشىسى حۋ گايجياڭ.

  تىرەكتىك رولدى ساۋلەلەندىرىپ، كەدەيلىكتەن قۇتىلدىرۋدان قامال الۋعا كۇش قوستى

  تاياۋ كۇندەرى، ماكىت اۋدانى قۇمقۇسار اۋىلى تومەنقادىلىق قىستاعىنىڭ تۇرعىنى حايىرگۇل امەر ءار كۇنى ءوزىنىڭ شاعىن جىلىجايىندا قاربالاس جۇمىس ىستەپ، جىلىجايداعى قىزاناقتار جارعان بۇرشىكتىڭ كۇن سايىن كوبەيىپ كەلە جاتقانىن كورىپ، جۇزىنە قۋانىشتىڭ كۇلكىسى ءۇيىرىلدى. «قىزاناقتار پىسقان كەزىندە بازارعا اپارىپ وتباسىمنىڭ كىرىسىن مولايتامىن»، - دەدى حايىرگۇل امەر.

  تومەنقادىلىق قىستاعىندا حايىرگۇل سياقتى ارحيۆ تۇرعىزىپ كارتچكا ورناتقان 76 كەدەي وتباسى اۆتونوميالى رايوندىق ەكونوميكا جانە ينفورماتسيالاندىرۋ كوميتەتىنىڭ كومەگىندە، ارت - ارتىنان جىلىجاي سالىپ اۋلا ەكونوميكاسىن دامىتتى. قازىرگە دەيىن قىستاق بويىنشا 150 جىلىجاي سالىنىپ بولدى.

  ياركەن اۋدانى ودانلىق اۋىلى جاڭا ارىق قىستاعىنداعى 32 كەدەي وتباسى جارنا قوسىپ جۇڭفۋ ءۇي قۇستارى باعىمشىلىق كووپەراتيۆىن قۇردى؛

  ياركەن اۋدانى ودانلىق اۋىلى فوتوۆولت ينجەنەرياسى دەمەگەن كەدەيلىكتەن دالمە - ءدال قۇتىلدىرۋ نىسانى جاپپاي ورىستەتىلدى؛

  «كەدەيلىكتەن قۇتىلدىرۋدان قامال الۋ شايقاسىنىڭ الدىڭعى شەبىندە جۇرگەن تەك قىزمەت اترەتى قانا ەمەس، قىزمەت اترەتىن جىبەرگەن ورىن باستان - اقىر زور قولداۋ كورسەتىپ، ادام كۇشى، زات، قارجىمەن قامداپ، بەرىك بىرىككەن كۇش توپتادى»، - دەدى اۆتونوميالى رايوندىق ەكونوميكا جانە ينفورماتسيالاندىرۋ كوميتەتىنىڭ «ۇعىسۋ، تيىمدىلىك جاساۋ، توعىستىرۋ» قيمىلى بويىنشا قىستاقتا تۇراتىن قىزمەت اترەتىنىڭ پارتكوم شۋجيى، باس جەتەكشىسى، ماكىت اۋدانى قۇمقۇسار اۋىلى جوعارعىتاۋاركەسىك قىستاعىندا تۇراتىن قىزمەت اترەتىنىڭ باستىعى حى شياۋجياڭ.

  باس شۋجي شي جينپيڭ مەملەكەتتىك 13 - كەزەكتى حالىق قۇرىلتايىنىڭ 1 - ماجىلىسىنە قاتىناسىپ جاتقان ىشكى موڭعۇل ۋاكىلدەر ۇيىرمەسىنىڭ تالقىسىنا قاتىناسقاندا مىنالاردى باسا دارىپتەدى: كەدەيلىكتەن قۇتىلدىرۋدان قامال الۋ شايقاسىن ويداعىداي جۇرگىزۋدىڭ تەتىگى اۋىر كەدەي وڭىرلەردە كەدەيلىكتەن قۇتىلدىرۋدان قامال الۋ شايقاسىن ويداعىداي جۇرگىزۋ جانە كەدەي حالىق شوعىرلانعان اۋىل - قىستاقتاردا قامال الۋ. اناعۇرلىم پارمەندى شارا قولدانىپ، اناعۇرلىم ۇقىپتى قىزمەت ىستەپ، كەدەي حالىق شوعىرلانعان اۋىل - قىستاقتاردى نىسانا ەتە وتىرىپ، شارۋاشىلىقتى دامىتۋ، ەڭبەككە، جۇمىسقا ورنالاستىرۋ، نەگىزدىك قۇرىلعى، الەۋمەتتىك قىزمەت كورسەتۋ، ەمدەلۋدى قامتاماسىزداندىرۋ سياقتى ماسەلەلەردى ءتۇيىندى تۇردە شەشۋ قاجەت.

  حۋ گايجياڭنىڭ تانىستىرۋىنشا، اۆتونوميالى رايوندىق ەكونوميكا جانە ينفورماتسيالاندىرۋ كوميتەتى «قىزمەت مۇشەلەرى ۋاكىل، مەكەمە تىرەك، ءبىرىنشى قول جالپى جاقتان جاۋاپتى بولۋعا» تاباندى بولىپ، بارلىق مەكەمە، باسقارما، كەڭسە، قىزمەت اترەتى جانە اۋىر كەدەي قىستاقتاردىڭ ءبىرىنشى شۋجيى كوتەرەگە الۋ بايلانىسىن ورناتىپ، بارلىعى الدىڭعى شەپتەگى ءوندىرىس ارقىلى كەدەيلەردى سۇيەمەلدەۋگە ات سالىسىپ، «قارجى از كەتەتىن، اينالىم ۋاقىتى قىسقا، ءونىمى جوعارى» توقىماشىلىق، كيىم - كەشەك، ەلەكتروندىق ونىمدەردى قۇراستىرۋ سىندى نىساندارعا ايرىقشا قولداۋ كورسەتتى، سونىمەن قاتار «اۆتونوميالى رايوندىق ەكونوميكا جانە ينفورماتسيالاندىرۋ كوميتەتىنىڭ كوميتەت بويىنشا باعىتتامالى قولداۋ، سۇيەمەلدەۋ بويىنشا قىستاقتا تۇراتىن قىزمەت اترەتىنىڭ قىستاقتى كوتەرمەگە الىپ، وتباسىلارىمەن بايلانىس ورناتىپ كەدەيلىكتەن قۇتىلدىرۋدان قامال الۋ قىزمەتىن ىلگەرىلەتۋدى اتقارۋ جوباسىن» بەلگىلەپ، سەلبەسە وتىرىپ قىزمەت ىستەپ، كەدەيلىكتەن قۇتىلدىرۋدان قامال الۋعا كۇش قوستى.

  ايرىقشا قىزمەت مەحانيزمىن ورناتىپ، قىستاقتا تۇرۋ قىزمەتىن تياناقتى ىلگەرىلەتتى

  كوكتەم مەزگىلى ۇمىتكە تولى مەزگىل، ياركەن اۋدانى ىشقۇل اۋىلى قىشىلاق قىستاعىنىڭ تۇرعىنى تۇرسىن ءداۋىت وزىنە لايىقتى قىزمەت تاۋىپ، اۆتونوميالى رايوندىق ەكونوميكا جانە ينفورماتسيالاندىرۋ كوميتەتىنىڭ «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇراتىن قىزمەت اترەتىنە دەگەن العىسىن ايتىپ جەتكىزە المادى.

  تۇرسىن 2017 - جىلى سانجى قالاسىنداعى ءبىر قۇرىلىس كاسىپورنىندا جۇمىس ىستەيتىن، ءبىراق ايتارلىقتاي ەڭبەكاقى الا الماعان سوڭ، ءوزىنىڭ مۇشكىل جاعدايىن قىزمەت اترەتىندەگىلەرگە ايتادى. اۆتونوميالى رايوندىق ەكونوميكا جانە ينفورماتسيالاندىرۋ كوميتەتىنىڭ وسى قىستاقتا تۇراتىن ءبىرىنشى شۋجيى فىڭ جي جۇڭتاي توبىمەن اقىلداسىپ، تۇرسىننىڭ جۇمىسقا ورنالاسۋىنا كومەكتەستى، سونىمەن بىرگە ياركەن اۋدانىنداعى قاتىستى تاراۋلارمەن اقىلداسىپ، قىستاق تۇرعىندارىنىڭ كاسىپتەنۋىنە كوپتەپ قولداۋ كورسەتتى.

  اۆتونوميالى رايوندىق ەكونوميكا جانە ينفورماتسيالاندىرۋ كوميتەتىنىڭ ماكىت اۋدانىنىڭ بازارءجامي اۋىلى كوتەكىلىك قىستاعىندا تۇراتىن قىستاقتىڭ ءبىرىنشى شۋجيى جاڭ لەي اۆتونوميالى رايوندىق ەكونوميكا جانە ينفورماتسيالاندىرۋ كوميتەتىمەن بەلسەندى تۇردە بايلانىس جاساپ، قىستاققا 350 مىڭ يۋان قارجى توپتاپ، 2 كيلومەتر سۋ سىڭبەيتىن توعاندى وزگەرتىپ قايتادان جوندەپ، ديقانداردىڭ كوكتەمگى كەزدەگى ەگىس سۋارۋىنا دايىندىق كوردى.

  مىنە وسىنىڭ ءبارى ىستەلگەن ناقتى ىستەر، بولماشى عانا شارۋا بولسا دا جۇرت جۇرەگىن جىلتىپ، سۇيىسپەنشىلىكتەردى قويۋلاتتى، سونداي - اق اۆتونوميالى رايوندىق ەكونوميكا جانە ينفورماتسيالاندىرۋ كوميتەتىنىڭ «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇراتىن قىزمەت اترەتى ىزدەنىس پەن قۇلشىنىس بارىسىندا «ەكونوميكا جانە ينفورماتسيالاندىرۋ كوميتەتىنىڭ ەرەكشەلىگى» بار قىزمەت مەحانيزمىن قالىپتاستىردى.

  ەكونوميكا جانە ينفورماتسيالاندىرۋ كوميتەتىنىڭ ەرەكشەلىگى ونىڭ «ءبىرىنشى قول» جۇيەسىندە، دارەجە بويىنشا مىقتى ۇستاپ، ساتىلار بويىنشا دايەكتىلەندىرۋىندە.

  ەكونوميكا جانە ينفورماتسيالاندىرۋ كوميتەتىنىڭ ەرەكشەلىگى ونىڭ «كۇن، اپتا، اي، رەت» قىزمەت مەحانيزمىندە، قىستاقتا تۇراتىن باس جەتەكشىسى كوميتەتتىڭ نەگىزگى باسشىلارىنا كۇن سايىن قىزمەتتىڭ جالپى جاعدايىنان مالىمەت بەرەدى، كوميتەت كەڭسەسى اپتا سايىن كەزەكتى جينالىسىن اشىپ، بارلىق ورتا دارەجەلى كادرلارعا قىستاقتا تۇراتىن قىزمەت اترەتىنىڭ ماڭىزدى ىستەرىن جەتكىزەدى، كوميتەتتىڭ باسشىلارى اي سايىن كادرلاردى باستاپ قىستاقتا تۇراتىن قىزمەت اترەتتەرىنە بارىپ ساقتالعان قيىنشىلىقتار مەن ماسەلەلەرگە زەرتتەۋ جۇرگىزەدى، كوميتەتتىڭ پارتيا باسشىلىق گرۋپپاسى ءار رەت قىستاقتا تۇراتىن قىزمەتتى ارناۋلى تاقىرىپ ەتىپ زەرتتەۋ جۇرگىزەدى. ايرىقشا قىزمەت مەحانيزمى اۆتونوميالى رايوندىق ەكونوميكا جانە ينفورماتسيالاندىرۋ كوميتەتىنىڭ قىستاقتا تۇراتىن قىزمەتىن پارمەندى تۇردە ىلگەرىلەتتى.

  كوڭىل ءبولىپ شابىتتاندىرۋ ارقىلى قىستاقتا تۇراتىن كادرلارعا مەيىر باعىشتادى

  ءسىڭىر زاقىمدالىپ، سۇيەك سىنسا 100 كۇن جاتاسىڭ دەگەن ءتامسىل بار، الايدا ەكونوميكا جانە ينفورماتسيالاندىرۋ كوميتەتىنىڭ ماكىت اۋدانى قۇمقۇسار اۋىلى شاپتولدىق قىستاعىنا تۇسكەن قىزمەت اترەتىنىڭ باستىعى ابدۋعايني ەرەجەپتىڭ اياعىن كومىرگاز تۇڭى ءجانشىپ كەتسەدە، كوپ وتپەي قىزمەتكە قايتا كەلەدى.

  «جارالانىپ قالعاننان كەيىن، قىستاقتا تۇراتىن قىزمەت اترەتىنىڭ پارتكوم شۋجيى مەنى تىزگىن ۇشىمەن شيپاحاناعا جەتكىزدى، ۇرىمجىگە قايتىپ كەلگەن سوڭ، كوميتەتتىڭ باسشىلارى مەن باسقارمانىڭ باسشىلارى ۇيگە كەلىپ كوڭىلىمدى سۇراپ، قامسىزداندىرۋدان ەسەپتى كوتەرتۋ جۇمىستارىن دا قوسا ىستەپ بەردى. بولماشى عانا جاراقات العان ەدىم، الايدا ۇيىم وسىنشالىق كوڭىل بولىپ وتىر، ۇيىمنىڭ مەيىرىن، راسىندا، سەزىندىم»، - دەدى ابدۋعايني.

  وسىنداي شۇعىل تۋىلعان ىستەرگە توتەپ بەرۋ ءۇشىن، اۆتونوميالى رايوندىق ەكونوميكا جانە ينفورماتسيالاندىرۋ كوميتەتى ارناۋلى كوڭىل بولۋ، قامقورلىق جاساۋ، كومەكتەسۋ مەحانيزمىن جاساپ، ەرىكتى قىزمەت كورسەتۋ اترەتىن قۇرىپ، ارناۋلى ادام ۇيىمداستىرىپ قىستاقتا تۇراتىن كادرلاردىڭ وتباسىنداعى قىسىلتاياڭ ماسەلەلەردى شەشىپ، ولاردى الاڭداۋشىلىقتان ارىلتتى.

  اۆتونوميالى رايوندىق ەكونوميكا جانە ينفورماتسيالاندىرۋ كوميتەتىنىڭ ارحيۆ كەڭسەسىنىڭ ىشكاپىن اشىپ كورسەڭىز، قاز - قاتار تىزىلگەن «دەنساۋلىق ارحيۆىن» بايقايسىز. مۇندا قىستاقتا تۇراتىن كادرلاردىڭ دەنساۋلىق جاعدايى، وتباسى قيىنشىلىعى انىق جازىلعان. اۆتونوميالى رايوندىق ەكونوميكا جانە ينفورماتسيالاندىرۋ كوميتەتىنىڭ «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇراتىن قىزمەت اترەتىن باسقارۋ كەڭسەسىنىڭ كادرى يۇي بو بىلاي دەدى: قىزمەت كورسەتۋدى جاقسى ىستەۋ ءۇشىن، اۆتونوميالى رايوندىق ەكونوميكا جانە ينفورماتسيالاندىرۋ كوميتەتى قىستاقتا تۇراتىن كادرلاردىڭ دەنساۋلىعىنا نازار اۋدارۋدى ۇدايلاندىرىپ، قىستاقتا تۇراتىن كادرلار وتباسىمەن بايلانىس جاساۋ كارتچكاسىن ورناتىپ، قىستاقتا تۇراتىن كادرلار وتباسىنىڭ ەمدەلۋ، ءبىلىم الۋ جاعىنا قولداۋمەن كومەك كورسەتتىك. مەرەكە - مەيرام كەزدەرىندە وتباسىلارىنا بارىپ حال سۇراپ، شىنايى قيىنشىلىقتارىن شەشۋگە كومەكتەستىك.

  اۆتونوميالى رايوندىق ەكونوميكا جانە ينفورماتسيالاندىرۋ كوميتەتى جىلىنا ءبىر رەت قىستاقتا تۇراتىن كادرلار وتباسىنان ۇيىمداسقان حال سۇراۋ ۇيىرمەسىن قۇرىپ، قىستاقتا تۇرعان ورىندارعا بارىپ مەيىر، قامقورلىق جەتكىزىپ، قىستاقتا تۇراتىن قىزمەت اترەت مۇشەلەرىنە دەم بەرىپ شابىتتاندىردى. «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇرۋدى كادرلاردى تاڭداپ وسىرۋدەگى ماڭىزدى نەگىز ەتۋگە تاباندى بولىپ، دارىندىلاردى قىستاقتىڭ ءبىرىنشى شەبىندە شىنىقتىرىپ، قىستاقتا تۇراتىن كادرلاردى ىستىق - سۋىقتى باستان كەشىرىپ جەتىلۋگە شابىتتاندىردى.

  «كوميتەتتىڭ وسىنداي كوڭىل ءبولۋى مەن قولداۋى تۇرعاندا، قىزمەتتى قالاي جاقسى ىستەمەيمىز»، - دەدى ابدۋعايني اسەرلەنىپ.

    جۇرەك جىلتار مەحانيزمىنىڭ ارقاسىندا اۆتونوميالى رايوندىق ەكونوميكا جانە ينفورماتسيالاندىرۋ كوميتەتىنەن «ەرلى - زايىپتى قىستاقتا بىرگە تۇرعان»، «اكەلى - بالالى قىستاقتا بىرگە تۇرعان»، «قىزى شەشەسىن الىپ بارىپ قىستاقتا بىرگە تۇرعان» اسەرلى ىستەر ارت - ارتىنان تۋىلدى، كەيبىرى 3 دە 4 جىل قىستاقتا تۇرىپ، ءار ۇلت بۇقاراسىن اسەرلەندىرىپ، حالىقتىڭ القاۋىنا بولەندى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى