ءتاڭىرتاۋ تورابى   ›   جاڭالىقتار   ›   ۇلتتار ىنتىماعىنىڭ بەرەكەلى شاڭىراعى

مۇقىر وزەنى بويىندا اشىلعان ىنتىماق گۇلى

ۇسىنىس ەتىلگەن ءتىلشى قالينۇر بەلدەنبەك ۇلى

  كوكتەم مەرەكەسى كەزىندەگى مۇقىر وزەنى بويىنداعى كۇنەس اۋدانى جىلقى فەرماسى ەگىمشىلىك 2 - اترەتى تاۋ قويناۋىندا اق كورپەگە ورانىپ جاتقان - دى. كۇنەس اۋداندىق مەملەكەتتىك سالىق مەكەمەسىنىڭ كادرى لي يۋانيۋە باياعىسىنشا مەرەكەلىك تارتۋلارىن دايىنداپ، قىستاقتاعى وزىنە ابدەن تانىس كوشەنى بەتكە الىپ، جۇپ قۇراپ، تۋىس بولعان وتباسى اناربۇبى اپايىنىڭ ۇيىنە اتتاندى.

  لي يۋانيۋە: مەن اناربۇبى اپايىمنىڭ ۇيىنە العاش بارىپ قاقپانى قاققانىمدا، ەشكىم جاۋاپ قاتپادى، مەن اعاش ەسىكتى اشىپ، تەرەزە جانىنا بارعاندا بارىپ، اناربۇبى اپايىمنىڭ توسەكتە جاتقانىن كوردىم. ول كىسىنىڭ قينالا قوس قولىمەن جەر تىرەپ ورنىنان ازەر تۇرعانى ءالى ەسىمدە. مەن ەسىكتى اشىپ، اپايدان نە بولعانىن سۇرادىم، سونىمەن اناربۇبى اپايدىڭ 2 كۇننىڭ الدىندا ەڭبەك ىستەپ ءجۇرىپ ابايسىزدا بەلىن مەرتىكتىرىپ العانىن ۇقتىم، جۇبايى ەركىنبەك اعا تاۋدا مال باعاتىندىقتان، ۇيدە قارايلاساتىن ادام جوق، اناربۇبى اپايدىڭ تاماقتانباعانىنا دا ءبىر كۇن بولىپتى. مەن دەرەۋ باسشىلققا جاعدايدى اڭىس ەتتىم ءارى قىزمەتتەستەرىمدى اناربۇبى اپايعا تاماق ىستەپ بەرۋگە شاقىردىم. كەيىن مەن ونىڭ اۋرۋ سەبەبىن سۇراپ، ونىڭ ەمدەلۋ ماسەلەسىن شەشۋىنە كومەكتەسۋدى ويلادىم. جىلقى فەرمادا جۇيەلى شيپاحانا بولماعاندىقتان، اپايدى اۋدان قالاشىعىنا اپارىپ ەمدەتۋ قاجەت بولدى، الايدا قايتىپ كەلگەن ەركىنبەك اعا بۇعان قوسىلمادى. كوپشىلىك اعايدىڭ ەمدەلۋ قاراجاتىنان الاڭداپ تۇرعانىن ءتۇسىندى. كەڭەسۋ ارقىلى شيپاحانا بالنيتسادا جاتىپ ەمدەلۋ قاراجاتىن كەشىكتىرىپ تولەۋگە قوسىلدى. 2 - كۇنى تاڭەرتەڭ، اناربۇبى اپايدى اۋداندىق جۇڭگوشا ەمدەۋ شيپاحاناسىنا اپارىپ، ەمدەلۋ راسمياتتارىن وتەپ، اپايدىڭ باسى - قاسىندا بولىپ، اۋرۋلار ۇيىنە دەيىن جەتكىزىپ قويدىم، - دەيدى.

  اناربۇبى اپايدىڭ وتباسى مال باعۋمەن تۇرمىس كەشىرەدى، 2 بالاسى مەكتەپتە وقيدى، وتباسى شارت - جاعدايى دەگەندەي جاقسى ەمەس. اناربۇبى اپايدىڭ دەنساۋلىعى قالپىنا كەلگەننەن كەيىن، ەركىنبەك اعا شىنايى العىسىن ءبىلدىرۋ ءۇشىن، ارنايى اۋدانداعى مەملەكەتتىك سالىق مەكەمەسىنە ىزدەپ بارىپ، لي يۋانيۋەگە «قالتقسىز ۇلەس قوسۋ، بەرەكەلى ءبىر ءۇيلى جان» دەگەن جازۋ جازىلعان تۋدى ۇسىنادى.

  اناربۇبىنىڭ جۇبايى ەركىنبەك: باعىما جاراي ءبىز وسىنداي جان اشىر قارىنداسپەن تۋىس بولدىق، ول ءبىزدىڭ جاعدايىمىزدان ۇنەمى حابار الىپ تۇرماسا، جۇبايىمنىڭ كەنەتتەن اۋىرىپ قالارىن كىم بىلەدى ءارى جۇبايىمدى دەر كەزىندە اۋدان قالاشىعىنا اپارىپ ەمدەتتى، قازىر جۇبايىم ساۋىقتى. مەن حانزۋشا سوزگە شورقاق بولعاندىقتان، كوپتەگەن العىسىمدى جەتكىزە المادىم. تەك العىس تۋ ارقىلى العىسىمدى بىلدىرمەكشىمىن، لي يۋانيۋەگە، مەملەكەتتىك سالىق مەكەمەسىنە راقىمەت! ءبىز ءبىر ۇيلى جاندارمىز، - دەدى.

  لي يۋانيۋە: جارىم ايدان كەيىن، اپايدىڭ قىزى تاعى دا ماعان تەلەفون بەرىپ، شەشەسىنىڭ جاتىر وسپەسى ناۋقاسىمەن شيپاحاناعا جاتىپ قالعانىن ايتتى، بۇل رەت وپەراتسيا جاساتۋ قاجەت ەكەن. مەن ودان قانداي قيىنشىلىق بارلىعىن سۇرادىم، ەركىنبەك اعا ابىرجىڭقىراپ: «ولار وپەراتسيا ەرەكشە حاۋىپتى، ونىڭ ۇستىنە قاراجاتى جوعارى دەيدى»، - دەدى. مەن ەستىگەنسوڭ، دەرەۋ شيپاحاناعا بارىپ، اعاي مەن اپايدىڭ كوڭىل كۇيىن ورنىقتىرعانسوڭ، دەرەۋ نەگىزگى شيپاگەردەن ناۋقاس جاعدايىن جانە ەمدەلۋ قاراجاتىن سۇراستىردىم. ءبىر ءتاۋىرى، ونشا اۋىر ەمەس ەكەنىن ەستىپ، قۋانىپ قالدىم. اپايدىڭ وتباسى ۋاقتىلى ەمدەلۋ قاراجاتىن ارقالاي المايتىنىن ءبىلىپ، الدىمەن اپاي ءۇشىن 4000 يۋان تولەپ، ولاردىڭ وتباسى اۋىرتپالىعىن جەڭىلدەتتىم جانە مەكەمە باسشىلارىنان نۇسقاۋ سۇرادىم، مەكەمە بازار باعاسىنان جوعارى باعادا اپايدىڭ ءبىر قىدىرۋ قويىن ساتىپ الىپ، اپايدىڭ وسى ءبىر قيىن وتكەلدەن وتۋىنە كومەكتەستى. تاعى دا اناربۇبى اپايدىڭ جانە قانداي كومەكتەرگە ءزارۋ ەكەنىن سۇراستىردىم، اپاي حانزۋشا سويلەي الماعاندىقتان، ارامىزداعى پىكىر الماسۋىمىز تەك ارەكەتپەن، كوز يشاراتىمەن ءجۇرىلدى. وپەراتسيا جاساۋدان ءبىر كۇن بۇرىن، اناربۇبى اپايدىڭ توسەكتە بىلدىرمەي كوز جاسىن سۇرتىپ وتىرعانىن بايقاپ، مەن ونىڭ كوز جانارىنان ابىرجىعانىن سەزىپ، اپايدىڭ قىزىنان جاعدايدى ۇعىستىم، ءارى اپايدى جۇباتتىم. بالنيتساعا جاتقاننان، وپەراتسيا جاساتۋ، شيپاحانادان شىعۋ ءبارىن دە اپايدىڭ باسى - قاسىندا بولدىم، - دەدى.

  اناربۇبى: 2 رەت اۋىرعاندا باعىما جاراي ءسىڭلىم جانىمدا بولدى، ول بولماعاندا، قازىر شىنىندا، قانداي بولارىمدى كىم ءبىلسىن. ءسىڭلىم ماعان 2 - ءومىر سيلادى، العىسىمدى تىلمەن جەتكىزۋگە شاراسىزبىن. مەن سىڭلىمە قالاي راقىمەت ايتۋدى دا بىلمەيمىن. بۇدان كەيىن، ونىڭ ۇنەمى وتباسىما كەلىپ قوناق بولىپ تۇرۋىن ءۇمىت ەتەمىن، - دەدى.

  لي يۋانيۋە بورىشتى ەستە بەرىك ساقتاپ، ءبىر جىلدان اسا ۋاقىتتان بەرى اناربۇبى وتباسىنا كومەكتەسىپ، ءوزارا ۇيرەنىپ، سۇيىسپەنشىلىكتى تەرەڭدەتتى.

    قىس ماۋسىمىنداعى مۇقىر وزەنى بويى سۋىق ءارى كوركەم، لي يۋانيۋە مەن اناربۇبى اپاي جونىنەن العاندا، قىس كەتىپ كوكتەم كەلگەن مىنا جىل سونداي وزگەشە، سونداي كوركەم، ويتكەنى ولار وسىندا ءوزارا ارالاسىپ، ىشتەسىپ، توعىسىپ، تولىپ جاتقان كوركەم ەستەمەلەر قالدىردى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • سايرام كولىن اينالۋ ۆەلوسيپەد جارىسى شينجياڭ بۇراتالا موڭعۇل اۆتونوميالى وبلىسىنىڭ ساياحاتىنىڭ دامۋىنا قانات ءبىتىردى
  • 61 جاستاعى قارت توراپتا كەڭىنەن تارالعان ءبيدى ۇيرەندى
  • «ساياحات+دەنەتاربيە» ساياحات ساپاسىن جوعارىلاتتى
  • اۆتونوميالى رايون زەينەتكەرلەردىڭ نەگىزگى زەينەتاقىسىن رەتتەيدى
بىزبەن بايلانىس جارناما قىزمەتى لەبىز قالدىرۋ ءبىز تۋرالى