تيانشان تورى   ›   جاڭالىقتار   ›   انار گۇلى قىپ - قىزىل بولىپ اشىلدى

جۇپ قۇراعان تۋىسىنىڭ كومەگىندە دۇكەن اشىپ، كەدەيلىكتەن قۇتىلدى

توپيقان ەڭ تومەنگى تۇرمىسىن قامتاماسىزداندىرۋدان ىرىقتىلىقپەن شەگىنىپ شىقتى

ەرىكتى ءتىلشى ۋاڭ شينحۇڭ

   4 - ايدىڭ 9 - كۇنى بۇراتالا قالاسى چىندەل قالاشىعى بۇنحۇنتى قىستاعىندا سەبەزگى جاڭبىر جاۋىپ تۇر، دەسەدە قىستاق تۇرعىندارىنىڭ تۋ شىعارۋ ىستىق ىقىلاسىنا جاڭبىر ەشقانداي اسەر ەتپەدى. تۋ شىعارۋ سالتى اياقتالعاننان كەيىن، مەملەكەت تۋىنىڭ استىندا ءبىر قارت جۇپ قۇراعان تۋىسى مياۋ جۋجياڭنىڭ ونىڭ كەدەيلىكتەن قۇتىلىپ، اۋقاتتانۋىنا كومەكتەسكەن حيكاياسىن تەرەڭ سەزىممەن اڭگىمەلەدى، قىستاق تۇرعىندارى وعان قىزۋ شاپالاق سوقتى.

  بۇل قارتتىڭ اتى توپيقان مامەتقان، بيىل 73 جاستا، 3 جارىم مۋ جەرى بار. جاسى ۇلعايعان قارت جۇرەك، قان - تامىر سياقتى اۋرۋلارعا شالدىققان، 2014 - جىلى توپيقان اپاي كەدەي وتباسى دەپ تۇراقتاندىرىلىپ، تۇرعىن ءۇي، ەڭ تومەنگى تۇرمىسىن قامتاماسىزداندىرۋ سياقتى حالىققا ءتيىمدى ساياساتتاردان يگىلىكتەنەدى.

  قارتتىڭ كوكەيىندە قوس قولىما سۇيەنىپ، كەدەيلىك قالپاعىن لاقتىرىپ تاستاسام دەگەن ارمانى بار بولاتىن. بۇنحۇنتى قىستاعى شالعايعا ورنالاسقان، قىستاقتا دۇكەن از، قىستاق تۇرعىندارىنىڭ قاجەتىن قاناعاتتاندىرا المايدى، ول بۇنى كەدەيلىكتەن قۇتىلىپ، اۋقاتتانۋداعى تاپتىرماس وراي دەپ ەسەپتەيدى، ول قىستاقتان ءبىر دۇكەن اشىلسا بۇقارانىڭ كۇندەلىكتى تۇرمىسىنا قولايلىلىق جاراتىپ قانا قالماستان، ەگىس جۇمىستارىنا شاماسى كەلمەيتىن ءوزىنىڭ دە كىرىسىن ارتتىرۋىنا مۇمكىندىك تۋادى دەپ ويلايدى.

  ۇلى وعان اۋرە بولماۋدى، قازىرگى جاقسى ساياساتتان يگىلىكتەنىپ، قام - قايعىسىز تۇرمىس كەشىرۋىن ايتادى، الايدا توپيقان قارت ءوز ويىندا قاسارىسىپ: دەنساۋلىعىم جاقسى بولماعانىمەن، مۇگەدەك ەمەسپىن، قازىر ءجۇرىس - تۇرىسىم شيراقى، الاقان جايىپ وتىرا المايمىن، - دەيدى.

  بۇراتالا موڭعۇل اۆتونوميالى وبلىسى قوعام حاۋىپسىزدىگى مەكەمەسى پارتكومىنىڭ مۇشەسى، ساياسي ءبولىمىنىڭ مەڭگەرۋشىسى مياۋ جۋجياڭ قىستاق كادرلارىنىڭ اكەلگەن كەدەيلەردى سۇيەمەلدەۋ ماتەريالىن كورگەندە، توپيقان قارتتىڭ ويىن قاتتى قۇپتايدى. «جاسىم ۇلكەن دەپ مەملەكەتكە سۇيەنبەي، قايتا قوس قولىنا سۇيەنىپ كەدەيلىكتەن قۇتىلۋدى ويلاپتى، مەن ول كىسىگە، ءسوز جوق، كومەكتەسۋىم كەرەك»، - دەيدى مياۋ جۋجياڭ.

  2015 - جىلى كوكتەمدە مياۋ جۋجياڭ ءوز جانىنان 20 مىڭ يۋان اقشا شىعارىپ، وعان 10 مىڭ كەرپىش، 5 توننا سەمەنت ساتىپ الىپ، ونى توپيقاننىڭ ۇيىنە جەتكىزەدى. قۇرىلىس ماتەريالدار ماسەلەسى شەشىلىپ، توپيقاننىڭ كوڭىلى ورنىعادى. ول ۇلىمەن اقىلداسىپ، 7000 يۋان اقشا جۇمساپ، ءۇيىنىڭ جانىنداعى تاس جولدىڭ بويىنان دۇكەن سالادى.

  2016 - جىلى مياۋ جۋجياڭ مەن توپيقان «ۇلتتار ىنتىماعىنىڭ بەرەكەلى شاڭىراعى» قيمىلىندا جۇپ قۇراپ، تۋىس بولادى. بۇرىننان تانىس، ونىڭ ۇستىنە قازىر تۋىس بولدى، مياۋ جۋجياڭ قارتتىڭ ۇلكەندى - كىشىلى جۇمىستارىن ءوز جۇمىسىم دەپ ءبىلدى. دۇكەنگە زات كىرگىزۋدەن تارتىپ، ساتۋعا دەيىن مياۋ جۋجياڭ قارتتىڭ جانىندا اقىلشىسى، كومەكشىسى بولادى.

  30 نەشە شارشى مەترلىك شاعىن دۇكەن توپيقان قارتتىڭ دەن قويا ورنالاستىرۋىندا ءتۇزۋ ارناعا تۇسەدى. قازىر دۇكەننىڭ ايلىق كىرىسى از دەگەندە 1000 يۋان، جىلدىق كىرىسى 10 مىڭ يۋاننان اسادى. مياۋ جۋجياڭنىڭ كومەگىن اۋىزعا العاندا توپيقان اسەرلەنە: ول مەنىڭ تۋعان ۇلىم سياقتى، ول بولماسا، مەنىڭ قارىزگىدەي تۇرمىسىم دا بولماس ەدى، - دەيدى.

  مەملەكەت تۋىن شىعارۋ سالتىندا توپيقان ءوزىنىڭ ءتول تاجىريبەسى ارقىلى كوپشىلىككە كەدەيلىكتىڭ قورقىنىشتى ەمەس ەكەنىن، قورقىنىشتىسى، كەدەيلىكتەن قۇتلۋ سەنىمى مەن باتىلدىعىنىڭ بولماۋىندا ەكەنىن ايتادى. ەڭ سوڭىندا توپيقان قىستاق تۇرعىندارىنىڭ الدىندا ەڭ تومەنگى تۇرمىسىن قامتاماسىزداندىرۋدان ىرىقتىلىقپەن شەگىنىپ شىعاتىنىن ايتىپ، كوپشىلىكتىڭ قىزۋ قارسى الۋىنا بولەندى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى