ءتاڭىرتاۋ تورابى   ›   ۇيرەنۋ   ›   شولۋ

رەفورما جاساۋ، ەسىك اشۋ جولىمەن باتىل اۋىتقىماي جۇرەيىك

− باس شۋجي شي جينپيڭنىڭ حايناننىڭ ولكە جانە ەكونوميكالىق ەرەكشە رايون بولىپ قۇرىلعانىنىڭ 30 جىلدىعىن قۇتتىقتاۋ جينالىسىندا سويلەگەن ماڭىزدى ءسوزى جونىندە (1)

  رەفورما جاساپ، ەسىك اشۋ − زامانىمىزداعى جۇڭگونىڭ تاعدىرىن بەلگىلەيتىن شەشۋشى امال، جۇڭگوشا سوتسياليزمگە تاباندى بولۋدا جانە ونى دامىتۋدا، ءسوزسىز، باسىپ وتەر جول.

  «جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋ، جاڭا داۋىردەگى جۇڭگوشا سوتسياليزمنىڭ ۇلى جەڭىسىنە قول جەتكىزۋ ساپارىندا ەكونوميكالىق ەرەكشە رايون قۇرىلىسىن ۇزدىكسىز جۇرگىزۋمەن بىرگە، ونى اناعۇرلىم جاقسى، جوعارى دەڭگەيدە قۇرىپ شىعۋ كەرەك». حايناننىڭ ولكە جانە ەكونوميكالىق ەرەكشە رايون بولىپ قۇرىلعانىنىڭ 30 جىلدىعىن قۇتتىقتاۋ جينالىسىندا باس شۋجي شي جينپيڭ ماڭىزدى ءسوز سويلەپ، ەكونوميكالىق ەرەكشە رايون قۇرىلىسىنىڭ تاريحي جەتىستىكتەرىن تولىق تۇراقتاندىردى، ەكونوميكالىق ەرەكشە رايون قۇرىلىسىنىڭ قۇندى تاجىريبەلەرىن تەرەڭ قورىتىندىلادى، ەكونوميكالىق ەرەكشە رايون قۇرىلىسىن جاقسى جۇرگىزۋ جونىندە ايقىن تالاپ قويدى، حايناننىڭ رەفورما جاساپ، ەسىك اشۋدى جاپپاي تەرەڭدەتۋى جونىندە ماڭىزدى ورنالاستىرۋ جاسادى، جاڭا داۋىردە، جاڭا باستامادا رەفورمانى جاپپاي تەرەڭدەتۋدى ۇزدىكسىز العا ىلگەرىلەتۋ، رەفورما جاساپ، ەسىك اشۋدىڭ اناعۇرلىم بيىك دەڭگەيدەگى جاڭا جاعدايىن قالىپتاستىرۋ جونىندەگى بەرىك بەكىمىن تولىق ايگىلەپ، جاڭا داۋىردە رەفورما جاساپ، ەسىك اشۋدا قايتا اتتانىسقا كەلۋگە ايقىن العا باسۋ باعىتىن كورسەتتى.

  تاريح قاشاندا بەلگىلى ءبىر ەرەكشە جىلداردا ادامدارعا پاراسات ءنارىن ءسىمىرىپ، ۇزدىكسىز العا باساتىن قۋات - كۇش بەرىپ وتىرادى. بيىل ەلىمىزدىڭ رەفورما جاساپ، ەسىك اشقانىنىڭ 40 جىلدىعى، سونداي - اق حايناننىڭ ولكە جانە ەكونوميكالىق ەرەكشە رايون بولىپ قۇرىلعانىنىڭ 30 جىلدىعى. 30 جىلدان بەرى، حايناننىڭ باستى ەكونوميكالىق كورسەتكىشتەرى نەشە 10 ەسە، ءتىپتى 100 ەسە ارتىپ، شەكارا شەتتەگى تەڭىز ارالىنان دامىپ، ەلىمىزدىڭ رەفورما جاساپ، ەسىك اشۋداعى ماڭىزدى تەرەزەسىنە اينالدى. حاينان ەكونوميكالىق ەرەكشە رايونى قول جەتكىزگەن تابىستار رەفورما جاساپ، ەسىك اشۋدان بەرگى ەلىمىزدىڭ رەال، تاريحي وزگەرىستى جۇزەگە اسىرۋىنىڭ، تاريحي جەتىستىككە قول جەتكىزۋىنىڭ جاندى شاعىن كارتيناسى سانالادى. 40 جىلدان بەرى، اۋىل - قىستاقتان قالاعا، تۇيىندە سىناق ەتۋدەن جاپپاي جالپىلاستىرۋعا، ەكونوميكالىق ءتۇزىلىس رەفورماسىنان رەفورمانى جاپپاي تەرەڭدەتۋگە دەيىن پارتيامىز حالىققا باسشىلىق ەتىپ رەفورما جاساعان، ەسىك اشقان تاريحي ۇردىستە جۇڭگو جولىن اشىپ، جۇڭگو ومىرشەڭدىگىن ىسكە قوسىپ، جۇڭگو كۇشىن توپتاپ، «داۋىرگە قۋىپ جەتۋدەن» «داۋىرگە جەتەكشىلىك ەتۋگە» دەيىنگى ۇلى سەكىرىستى جۇزەگە اسىرىپ، مەملەكەت پەن ۇلت دامۋىنىڭ ايبىندى داستانىن جازدى. حاينان سياقتى ەكونوميكالىق ەرەكشە رايونداردىڭ تابىستى امالياتى، رەفورما جاساپ، ەسىك اشقان 40 جىلدان بەرگى ۇلى جورىق، جۇڭگوشا سوتسياليزم جولىنىڭ سوتسياليستىك وسىزامانداندىرۋدى جۇزەگە اسىرۋدا، حالىقتى تاماشا تۇرمىسقا كەنەلتۋدە، ءسوز جوق، باساتىن جول ەكەندىگىن تولىق دالەلدەپ بەردى؛ مەيلى نەنى وزگەرتەيىك، وزگەرتىپ قاي اراعا جەتەيىك، بارلىعىندا پارتيانىڭ باسشىلىعىنا تاباندى بولۋ كەرەكتىگىن تولىق دالەلدەپ بەردى؛ رەفورما جاساپ، ەسىك اشۋدىڭ زامانىمىزداعى جۇڭگونىڭ دامۋ، العا باسۋ ومىرشەڭدىك كۇشىنىڭ قاينارى، پارتيا مەن حالىق ىستەرىنىڭ نىق قاداممەن داۋىرگە ىلەسۋىنىڭ ماڭىزدى اسىلى ەكەندىگىن تولىق دالەلدەپ بەردى؛ پارتيا ورتالىق كوميتەتىنىڭ ەكونوميكالىق ەرەكشە رايونداردى كوركەيتۋ ستراتەگيالىق شەشىمدەرىنىڭ بۇكىلدەي دۇرىس ەكەندىگىن تولىق دالەلدەپ بەردى؛ حالىقتىڭ رەفورمانىڭ نەگىزگى تۇلعاسى، رەفورما جاساپ، ەسىك اشۋدى ىلگەرىلەتۋدەگى قۇدىرەتتى كۇش ەكەندىگىن تولىق دالەلدەپ بەردى.

  رەفورما جاساپ، ەسىك اشپاعان بولساق، جۇڭگونىڭ بۇگىنى بولماس ەدى، جۇڭگونىڭ ەرتەڭى دە بولماس ەدى. مىنە بۇل دۇرىس جول، رەفورما جاساپ، ەسىك اشۋ سىندى تىڭ ۇلى توڭكەرىس، ءبىزدىڭ جۇڭگوشا سوتسياليزم جولىن ءساتتى اشىپ، سوتسياليستىك ءتۇزىمنىڭ ءوزىن - ءوزى كەمەلدەندىرۋىن، دامۋىن، ۇزدىكسىز ىلگەرىلەتۋگە مۇمكىندىك جاسادى، سوتسياليستىك جۇڭگونىڭ دۇنيە ءجۇزىنىڭ شىعىسىندا اسقاق تۇرۋىنا مۇمكىندىك جاسادى. وسى ءبىر مەملەكەتتى قۇدىرەتتەندىرۋ جولى، رەفورما جاساپ، ەسىك اشۋ قوعامدىق وندىرگىش كۇشتى بارىنشا ازات ەتىپ جانە دامىتىپ، ءبىزدىڭ دۇنيە ءجۇزى بويىنشا 2 - ءىرى ەكونوميكالىق تۇلعا بولۋىمىزعا، ەڭسە كوتەرۋدەن، بايۋدان قۇدىرەتتەنۋگە جەتۋدەي ۇلى شارىقتاۋعا قول جەتكىزۋىمىزگە، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋداي نۇرلى بولاشاققا قول جەتكىزۋىمىزگە مۇمكىندىك اپەردى. بۇل − حالىقتى بايىتۋ جولى، رەفورما جاساپ، ەسىك اشۋ 700 ميلليوننان استام كەدەي قاۋىمدى كەدەيلىكتەن قۇتىلدىرىپ، دۇنيە جۇزىندەگى ەڭ كولەمدى ورتاشا كىرىستەگىلەر قاتارىن قالىپتاستىردى، حالىق تۇرمىسى تاپشىلىقتان باردامدىققا، كەدەيلىكتەن دوڭگەلەك داۋلەتكە قاراي بەت الدى.

  تاريح كونە سۇردەككە جابىسىپ، قازىرگى جاعدايىنا عانا قاناعاتتاناتىنداردى قالامايدى، وراي باتىلدىقپەن جاڭالىق اشۋشىلارعا، تىنباي تالپىناتىندارعا ءتان. قۇتتىقتاۋ جينالىسىندا باس شۋجي شي جينپيڭ پارتيا ورتالىق كوميتەتىنىڭ حايناننىڭ تۇتاس ارالدى ەركىن ساۋدا سىناق رايونى ەتىپ قۇرىپ شىعۋىن قولداۋ، حايناننىڭ جۇڭگوشا ەركىن ساۋدا پورتى قۇرىلىسى جونىندە ىزدەنىس جاساۋىن جانە ونى ورنىقتى ىلگەرىلەتۋىن قولداۋ، ەركىن ساۋدا پورتى ساياساتى مەن ءتۇزىلىس جۇيەسىن ساتىعا، كەزەڭگە ءبولىپ ورناتۋ جونىندەگى بەكىمىن جاريالادى. مىنە بۇل ەلىمىزدىڭ سىرتقا ەسىكتى ايقارا اشۋداعى، ەكونوميكانىڭ جاھاندانۋىن بەلسەنە ىلگەرىلەۋدەگى كەلەلى شاراسى. باس شۋجي شي جينپيڭ العا قويعان تالاپتار بويىنشا، باتىل كىرىسۋ، باتىل سىناپ كورۋ، ەلدەن بۇرىن ىستەۋگە باتىل بولۋ، قاجىماي - تالماي ىستەۋدەي ەرەكشە رايون رۋحىن ساۋلەلەندىرىپ، اسقاق رۋحاني كۇيمەن رەفورما جاساۋ، ەسك اشۋ اياق الىسىن تىنباي ىلگەرىلەتۋ كەرەك، جۇڭگو حالقىنىڭ جۇڭگوشا سوتسياليزم جولىمەن جۇرگەن سايىن سەنىمدەرىنىڭ نىعايىپ، ماقتانىش سەزىمدەرىنىڭ ارتا تۇسەتىندىگى، ءسوزسىز.

(شينحۋا اگەنتتىگىنىڭ 4 - ايدىڭ 13 - كۇنى بەيجيڭنەن بەرگەن حابارى)

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى