شي جينپيڭ حايناننىڭ ولكە جانە ەكونوميكالىق ەرەكشە رايون بولىپ قۇرىلعانىنىڭ 30 جىلدىعىن قۇتتىقتاۋ جينالىسىندا ماڭىزدى ءسوز سويلەپ، پارتيا ورتالىق كوميتەتىنىڭ حايناننىڭ رەفورما جاساپ، ەسىك اشۋدى جاپپاي تەرەڭدەتۋىنە قولداۋ كورسەتىپ، جاڭا داۋىردەگى جۇڭگوشا سوتسياليزمنىڭ جاندى ۇلگىسىن تۇلعالاۋعا تالپىناتىندىعىن باسا دارىپتەدى

ۋاڭ حۋنيڭ جينالىسقا قاتىناستى

　　شينحۋا اگەنتتىگىنىڭ 4 - ايدىڭ 13 - كۇنى حايكوۋدان بەرگەن حابارى. حايناننىڭ ولكە جانە ەكونوميكالىق ەرەكشە رايون بولىپ قۇرىلعاندىعىنىڭ 30 جىلدىعىن قۇتتىقتاۋ جينالىسى 4 - ايدىڭ 13 - كۇنى تۇستەن كەيىن حاينان ولكەلىك حالىق قۇرىلتايى سارايىندا وتكىزىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جينالىسقا قاتىناستى جانە ماڭىزدى ءسوز سويلەدى. ول مىنالاردى باسا دارىپتەدى: جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتىپ، جاڭا داۋىردەگى جۇڭگوشا سوتسياليزمنىڭ ۇلى جەڭىسىنە قول جەتكىزۋ ساپارىندا ەكونوميكالىق ەرەكشە رايون قۇرىلىسىن ۇزدىكسىز جۇرگىزۋمەن بىرگە، ونى اناعۇرلىم جاقسى، جوعارى دەڭگەيدە قۇرىپ شىعۋ كەرەك. ەكونوميكالىق ەرەكشە رايون اۋەلگى ماقساتتى ۇمىتپاي، بورىشتى ەستە بەرىك ساقتاپ، جاڭا ستراتەگيالىق ورىندى جاقسى يگەرۋ، رەفورما جاساپ، ەسىك اشۋدىڭ ماڭىزدى تەرەزەسىنە، رەفورما جاساپ، ەسىك اشۋدىڭ سىناق تۇعىرىنا، رەفورما جاساپ، ەسىك اشۋدىڭ ءىزاشارىنا، رەفورما جاساپ، ەسىك اشۋدىڭ مايتالمانىنا اينالۋ كەرەك.

　　شي جينپيڭ مىنالاردى اتاپ كورسەتتى: جاڭا داۋىردە حاينان رەفورما جاساپ، ەسىك اشۋ تۋىن بيىك ۇستاپ، وي جەلىسىندە جاڭالىق اشىپ، كۇشتەردى توپتاپ، ارتىقشىلىقتى كورنەكتىلەندىرىپ، باسىمدىقتى ارتتىرىپ، جاڭا داۋىردە رەفورما جاساۋدى، ەسىك اشۋدى جاپپاي تەرەڭدەتۋدىڭ جاڭا ۇلگىسىنە اينالۋعا قۇلشىنىپ، رەفورما جاساپ، ەسىك اشۋدىڭ اناعۇرلىم جوعارى دەڭگەيدەگى جاڭا جاعدايىن قالىپتاستىرۋ كەرەك. پارتيا ورتالىق كوميتەتى جۋىقتا «حايناننىڭ رەفورما جاساپ، ەسىك اشۋدى جاپپاي تەرەڭدەتۋىنە قولداۋ كورسەتۋ جونىندەگى جەتەكشى پىكىردى» زەرتتەپ بەلگىلەدى. حاينانداعى قالىڭ كادر - جۇرتشىلىقتىڭ ورايدى مىقتى يگەرىپ، كۇش ۇستىنە كۇش قوسىپ، پارتيا 19 - قۇرىلتايىنىڭ رۋحىن جاپپاي دايەكتىلەندىرىپ، جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، ورنىقتىلىق بارىسىندا ىلگەرىلەۋ سىندى قىزمەتتىڭ نەگىزگى اۋەنىنەن جازباي، «4 تانىمدى» كۇشەيتىپ، «4 سەنىمدى» بەكەمدەپ، جاڭا دامۋ ۇستانىمىنا تاباندى بولىپ، «بەستى ءبىر تۇلعالاندىرۋ» جالپىلىق ورنالاستىرۋىن ءبىر تۇتاس ىلگەرىلەتىپ، «ءتورتتى جاپپاي ورىنداۋ» ستراتەگيالىق ورنالاستىرۋىن سايكەستى ىلگەرىلەتىپ، قامداۋ جاعىنداعى قۇرىلىمدىق رەفورمانى نەگىزگى جەلى ەتىپ، ەركىن ساۋدا سىناق رايونىن جانە جۇڭگوشا ەركىن ساۋدا پورتىن قۇرىپ، ءوز باسىمدىعىن ساۋلەلەندىرىپ، جۇرەكتىلىكپەن ىزدەنىس جاساپ، جاڭالىق اشىپ، رەفورمانى جاپپاي تەرەڭدەتۋدىڭ سىناق رايونىن، ەكولوگيالىق وركەنيەتتىڭ مەملەكەتتىك سىناق رايونىن، حالىقارالىق ساياحات - تۇتىنۋ ورتالىعىن، مەملەكەتتىڭ كەلەلى ستراتەگياسىنا قىزمەت ەتۋدى قامتاماسىزداندىرۋ رايونىن كۇش سالا قالىپتاستىرىپ، جاڭا داۋىردەگى جۇڭگوشا سوتسياليزمنىڭ جاندى ۇلگىسىن تۇلعالاۋعا تالپىنىپ، حاينان ولكەسىنىڭ جۇڭگو كەلبەتىن، جۇڭگو سالتاناتىن، جۇڭگو وبرازىن كورسەتەتىن تاماشا بەلگىگە اينالۋىنا مۇمكىندىك جاساۋىن ءۇمىت ەتەمىن.

　　ورتالىق كوميتەت ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ۋاڭ حۋنيڭ جينالىسقا قاتىناستى.

　　جينالىس ايبىندى مەملەكەت گيمنىمەن باستالدى. شي جينپيڭ ماڭىزدى ءسوز سويلەدى. ول مىنالاردى باسا دارىپتەدى: بيىل ەلىمىزدىڭ رەفورما جاساپ، ەسىك اشقانىنىڭ 40 جىلدىعى، سونداي - اق حايناننىڭ ولكە جانە ەكونوميكالىق ەرەكشە رايون بولىپ قۇرىلعانىنىڭ 30 جىلدىعى. بۇگىن ءبىز وسى ارادا سالتاناتپەن باس قوسىپ، حايناننىڭ ولكە جانە ەكونوميكالىق ەرەكشە رايون بولىپ قۇرىلعانىنىڭ 30 جىلدىعىن قۇتتىقتاپ وتىرمىز، مۇنداعى ماقسات ەكونوميكالىق ەرەكشە رايون قۇرىلىسىنىڭ تاريحي تابىسىن تولىق تۇراقتاندىرۋ، ەكونوميكالىق ەرەكشە رايون قۇرىلىسىنىڭ قۇندى تاجىريبەلەرىن جىنتىكتەي قورىتىندىلاۋ، جاڭا داۋىردەگى تىڭ باستامادا رەفورمانى جاپپاي تەرەڭدەتۋدى ۇزدىكسىز العا ىلگەرىلەتۋ، «قوس 100 جىلدىق» كۇرەس نىساناسىن جۇزەگە اسىرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن قۇدىرەتتى قوزعاۋشى كۇش ازىرلەۋ.

　　شي جينپيڭ مىنالاردى باسا دارىپتەدى: ەكونوميكالىق ەرەكشە رايون قۇرۋ − پارتيامىز بەن مەملەكەتىمىزدىڭ رەفورما جاساپ، ەسىك اشۋدى جانە سوتسياليستىك وسىزامانداندىرۋ قۇرىلىسىن ىلگەرىلەتۋ ءۇشىن جاساعان ماڭىزدى شەشىمى. 40 جىلدان بەرى شىنجىن، جۋحاي، شانتوۋ، شيامىن، حاينان سىندى 5 ەكونوميكالىق ەرەكشە رايون بورىشتىڭ ۇددەسىنەن شىعىپ، جۇڭگوشا سوتسياليزم قۇرۋدىڭ ۇلى تاريحي ۇردىسىندە ءداۋىر تولقىنىنىڭ الدىڭعى لەگىندە تۇرۋدىڭ، ءورىس اشا العا باسۋدىڭ تاماشا داستانىن جازىپ، ءتۇزىلىس رەفورماسىندا «سىناق اتىز» رولىن، سىرتقا ەسىك اشۋدا ماڭىزدى «تەرەزە» رولىن اتقارىپ، بۇكىل ەلدىڭ رەفورما جاساپ، ەسىك اشۋىنا جانە سوتسياليستىك وسىزامانداندىرۋ قۇرىلىسىنا ماڭىزدى ۇلەس قوستى. حاينان سياقتى ەكونوميكالىق ەرەكشە رايونداردىڭ تابىستى امالياتى پارتيا 11 - كەزەكتى ورتالىق كوميتەتىنىڭ ءۇشىنشى جالپى ماجىلىسىنەن بەرى قالىپتاسقان پارتيانىڭ نەگىزگى نازارياسىنىڭ، نەگىزگى لۋشيانىنىڭ، نەگىزگى جالپى جوباسىنىڭ بۇكىلدەي دۇرىس ەكەنىن تولىق دالەلدەدى، پارتيا ورتالىق كوميتەتىنىڭ ەكونوميكالىق ەرەكشە رايون قۇرۋ جونىندەگى ستراتەگيالىق شەشىمىنىڭ بۇكىلدەي دۇرىس ەكەنىن تولىق دالەلدەدى.

　　شي جينپيڭ مىنالاردى اتاپ كورسەتتى: حاينان ەلىمىزدەگى ەڭ ۇلكەن ەكونوميكالىق ەرەكشە رايون، ونىڭ گەوگرافيالىق ورنى ەرەكشە، وندا بۇكىل ەل بويىنشا ەڭ جاقسى ەكولوگيالىق ورتا بار، سونىمەن بىرگە ول ءبىرشاما دارا گەوگرافيالىق بىرلىك، بۇكىل ەلدەگى رەفورما جاساپ، ەسىك اشۋدىڭ سىناق اتىزى بولاتىن ەرەكشە باسىمدىققا يە. حاينان ەلىمىزدىڭ رەفورما جاساپ، ەسىك اشۋىنىڭ جانە سوتسياليستىك وسىزامانداندىرۋ قۇرىلىسىنىڭ جالپى جاعدايىندا ەرەكشە ورىنعا جانە ماڭىزدى رولعا يە. حاينان ەسىك اشۋدى الدىمەن جۇرگىزۋگە تاباندى بولىپ، اناعۇرلىم بەلسەندى، ىرىقتى ەسىك اشۋ ستراتەگياسىن اتقارىپ، اشىق ەكونوميكانىڭ جاڭا ءتۇزىلىسىن جەدەل ورناتىپ، جاپپاي ەسىك اشۋدىڭ جاڭا جاعدايىن قالىپتاستىرۋدى ىلگەرىلەتۋى كەرەك. پارتيا ورتالىق كوميتەتى حايناننىڭ تۇتاس ارالدا ەركىن ساۋدا سىناق رايونىن قۇرۋىنا قولداۋ كورسەتۋدى، حايناننىڭ جۇڭگوشا ەركىن ساۋدا پورتى قۇرىلىسى جونىندە بىرتىندەپ ىزدەنىس جاساۋىنا، ونى ورنىقتى ىلگەرىلەتۋىنە قولداۋ كورسەتۋدى، ەركىن ساۋدا پورتىنىڭ ساياساتتىق جانە تۇزىمدىك جۇيەسىن قادامعا، كەزەڭگە ءبولىپ ورناتۋدى ۇيعاردى. بۇل پارتيا ورتالىق كوميتەتىنىڭ حالىقارانىڭ، ەل ءىشىنىڭ دامۋ جالپى جاعدايىن كوزدەي وتىرىپ، ىشكەرىلەي زەرتتەپ، ءبىر تۇتاس ويلاستىرىپ، عىلمي جوسپارلاپ جاساعان كەلەلى شەشىمى، ەلىمىزدىڭ سىرتقا ەسىك اشۋدى كەڭەيتۋ، ەكونوميكانىڭ جاھاندانۋىن بەلسەنە ىلگەرىلەتۋ بەكىمىن ايگىلەيتىن كەلەلى شاراسى. حاينان ەركىن ساۋدا پورتىن قۇرۋدا جۇڭگوشا ەرەكشەلىك ايگىلەنۋى، جۇڭگونىڭ مەملەكەت جاعدايىنا ۇيلەسۋى، حايناننىڭ دامۋ ورنىنا ۇيلەسۋى، حالىقارالىق ەركىن ساۋدا پورتتارىنىڭ وزىق ىسكەرلىك تاسىلىنەن، باسقارۋ ادىسىنەن ۇيرەنۋى، ۇلگى الۋى كەرەك. ءبىز دۇنيە جۇزىندەگى قارجى سالۋشىلاردىڭ حاينانعا كەلىپ قارجى سالىپ، شارۋاشىلىقتى وركەندەتۋىن، حايناننىڭ ەركىن ساۋدا پورتى قۇرىلىسىنا بەلسەنە قاتىناسۋىن، جۇڭگونىڭ دامۋ ورايىنان بىرگە يگىلىكتەنۋىن، جۇڭگونىڭ رەفورما جەمىستەرىنەن بىرگە يگىلىكتەنۋىن قارسى الامىز.

　　شي جينپيڭ مىنالاردى باسا دارىپتەدى: حاينان رەفورمانى اناعۇرلىم بيىك باستامادا جوسپارلاۋى جانە ىلگەرىلەتۋى، ءتۇزىلىس - مەحانيزمدىك كىناراتتاردى كۇش سالا جويۋى، قوعامدىق وندىرگىش كۇشتى ۇزدىكسىز ازات ەتۋى جانە دامىتۋى كەرەك. رەفورما شارالارىن جۇيەلى شوعىرلاندىرۋدى كۇشەيتىپ، ءار جاقتاعى بايلىقتاردى عىلمي جايعاستىرىپ، قالا مەن اۋىلدى توعىستىرىپ دامىتۋ ءتۇزىلىس - مەحانيزمى، دارىندىلار ءتۇزىلىسى، قازىنا، سالىق، فينانس ءتۇزىلىسى، كىرىس ءبولىسى ءتۇزىمى، مەملەكەت مەنشىگىندەگى كاسىپورىندار سياقتى جاقتارداعى رەفورمالاردى جەدەل ىلگەرىلەتۋ، حايناننىڭ حالىقارالىق ەنەرگيا، تەڭىز تاسىمالى، نەگىزگى تاۋارلار، مال - مۇلىك ۇقىعى، اكتسيا ۇقىعى، كومىرتەگىن شىعارۋ ۇقىعى سياقتى ايىرباس ورىندارىن قۇرۋىنا قولداۋ كورسەتىپ، اناعۇرلىم كەمەلدى، اناعۇرلىم تۇراقتى تۇزىمدىك جۇيە قالىپتاستىرۋ كەرەك. جەرگىلىكتى پارتيا، ۇكىمەت قۇرىلىمدارى رەفورماسىن تەرەڭدەتىپ، اكىمشىلىك بايلىقتاردى عىلمي جايعاستىرىپ، ۇكىمەت فۋنكتسياسىنا بۇرىلىس جاساپ، ۇكىمەت ورىندارىن ىقشامداۋدى، ۇقىقتى تومەنگە بەرۋدى تەرەڭدەتىپ، ءوزىنىڭ ءىس جۇزىندىك جاعدايىمەن بىرلەستىرىپ اكىمشىلىك باسقارۋ تۇزىلىسىنە رەفورما جاساپ جانە ونى كەمەلدەندىرىپ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋ ءۇشىن تىڭ ىزدەنىس جاساۋ كەرەك.

　　شي جينپيڭ مىنالاردى اتاپ كورسەتتى: حاينان جاڭا دامۋ ۇستانىمىن باتىل دايەكتىلەندىرىپ، وسىزاماندانعان ەكونوميكالىق جۇيە ورناتىپ، ەكونوميكانىڭ ساپالى دامۋىن ىلگەرىلەتۋ جاعىندا مەملەكەتتىڭ الدىڭعى لەگىندە ءجۇرۋى كەرەك. جاڭا بۋىن ينفورماتسيالىق تەحنولوگيا كاسىپ سالاسى مەن سيفرلى ەكونوميكانى بەلسەنە دامىتىپ، ينتەرنەتتىڭ، زاتتار ينتەرنەتىنىڭ، ءىرى ساندى مالىمەتتىڭ، جاساندى سەرىكپەن جول كورسەتۋدىڭ، جاساندى زەردەنىڭ ناقتى ەكونوميكامەن تەرەڭدەي توعىسۋىن ىلگەرىلەتۋ كەرەك. نانفان عىلمي زەرتتەۋ، تۇقىم جەتىلدىرۋ مەملەكەتتىك بازاسى (حاينان) قۇرىلىسىن كۇشەيتىپ، مەملەكەتتىڭ ىستىق بەلدەۋلىك اۋىل شارۋاشىلىعى عىلىمى ورتالىعىن قالىپتاستىرۋ كەرەك. مەملەكەت حايناننىڭ ماڭىزدى عىلمي زەرتتەۋ نەگىزدىك قۇرىلعىلارى مەن شارت - جاعداي تۇعىرلارىنان ءبىر توبىن ورنالاستىرۋىنا، قۇرۋىنا، كەڭىستىك عىلىم - تەحنيكاسىندا جاڭالىق اشۋدىڭ ستراتەگيالىق بيىگىن قالىپتاستىرۋىنا، حاينان حالىقارالىق وففشورلىق جاڭالىق اشۋدان، شارۋاشىلىق قۇرۋدان ۇلگى كورسەتۋ رايون قۇرۋىنا قولداۋ كورسەتەدى. ساياحات، ينتەرنەت، مەديتسينا - دەنساۋلىق ساقتاۋ، فينانس، ءماجىلىس - كورمە سياقتى وسى زامانعى قىزمەت كورسەتۋ كاسىپتەرىن ءتۇيىندى تۇردە دامىتىپ، قىزمەت كورسەتۋ ساۋداسىنىڭ جاڭالىق اشا دامۋىن جەدەلدەتىپ، قىزمەت كورسەتۋشى ەكونوميكانى نەگىز ەتكەن كاسىپ قۇرىلىمىن قالىپتاستىرۋ كەرەك. نەگىزدىك قۇرىلعىلاردىڭ ينتەرنەتتىك، زەردەلىلىك دەڭگەيىن جوعارىلاتىپ، حايناننان دۇنيە جۇزىندەگى جولاۋشىلار كەلەتىن نەگىزگى جەرلەرگە توتە باراتىن حالىقارالىق اۆياتسيا لەنيالارىن كوبەيتۋ كەرەك. اناعۇرلىم اشىق، ارالدان شىعاتىنداردىڭ قولايلى باجىسىز زات ساتىپ الۋ ساياساتىن جۇرگىزىپ، ارالدان شىعاتىن جولاۋشىلاردى تۇگەل قامتىپ، جالپى اۋقىمدىق ساياحاتتىڭ دامۋىن جەبەۋ كەرەك. ىستىق بەلدەۋ ەرەكشەلىگىندەگى جوعارى ءونىمدى اۋىل شارۋاشىلىعىن الۋەتتەندىرىپ، ساپالىلاندىرىپ، مەملەكەتتىڭ ىستىق بەلدەۋلىك وسى زامانعى اۋىل شارۋاشىلىعى بازاسىن قالىپتاستىرۋ كەرەك. ادام مەن تەڭىز جاراسىمدى، ىنتىماقتاسىپ تەڭ ۇتاتىن دامۋ جولىنان اۋىتقىماي ءجۇرىپ، تەڭىز - مۇحيت بايلىعىن اشۋ قابىلەتىن جوعارىلاتىپ، حايناننىڭ وسى زامانعى تەڭىز - مۇحيت باعىمشىلىق الاڭىن قۇرۋىنا قولداۋ كورسەتىپ، تەرەڭ تەڭىزگە قاتىستى عىلىم - تەحنيكالىق زەرتتەۋلەردى كۇشەيتۋ كەرەك.

　　شي جينپيڭ مىنانى باسا دارىپتەدى: حاينان جاسىل تاۋ، تۇنىق سۋدىڭ ءوزى قىمباتتى بايلىق دەيتىن ۇستانىمدى مىقتاپ ورناتىپ جانە ونى امالياتتا جان - جاقتى ايگىلەپ، ەكولوگيالىق وركەنيەت ءتۇزىلىسى رەفورماسىن الدىمەن اتقارىپ، بۇكىل ەلىمىزدىڭ ەكولوگيالىق وركەنيەت قۇرىلىسىنا ۇلگى بولدى. پارتيا ورتالىق كوميتەتى حايناندى مەملەكەتتىك ەكولوگيالىق وركەنيەت سىناق رايونى ەتىپ قۇرىپ شىعۋدى قولداپ، بۇكىل ەلىمىزدىڭ ەكولوگيالىق وركەنيەت قۇرىلىسى تاجىريبەلەرى جونىندە ىزدەنىس جاسادى. ەكولوگيالىق ورتانى قورعاۋ جونىنەن ەڭ قاتاڭ ءتۇزىم اتقارىپ، وسى زامانعى ەكولوگيالىق ورتانى جانە بايلىقتى قورعاۋدى باقىلاۋ - باسقارۋ ءتۇزىلىسىن باستاماشىلدىقپەن ورناتىپ، مەملەكەتتىڭ باقشا ءتۇزىلىسى سىناق ءتۇيىنىن بەلسەنە ورىستەتىپ، ىستىق بەلدەۋلىك جاڭبىرلى ورمان سياقتى مەملەكەت باقشاسىن قۇرۋ كەرەك. تەڭىز - مۇحيت ەكولوگيالىق ورتاسىن قاتاڭ قورعاپ، قۇرلىق پەن تەڭىز ءبىر تۇتاس ەسكەرىلگەن ەكولوگيالىق جۇيەنى قورعاۋ، قالپىنا كەلتىرۋ جانە لاستانۋىنان ساقتانۋ، ونى تىزگىندەۋ وڭىرلىك بىرلەسكەن مەحانيزمىن ورناتۋ، اقاۋسىزداندىرۋ كەرەك.

　　شي جينپيڭ مىنانى اتاپ كورسەتتى: حاينان حالىقتى وزەك ەتۋدەي دامۋ يدەياسىنان جازباي، حالىق تۇرمىسى سالاسىندا ءتۇزىلىس - مەحانيزمى رەفورماسىن جەدەل ىلگەرىلەتىپ، حالىق تۇرمىسىن قامتاماسىزداندىرۋ مەن جاقسارتۋ ورەسىن كۇش سالا جوعارىلاتىپ، الەۋمەتتىك قىزمەت ەتۋ جۇيەسىن ۇزدىكسىز كەمەلدەندىرىپ، قوعامنىڭ تەڭدىگىن، ادىلدىگىن ۇزدىكسىز جەبەپ، الەۋمەتتىك بايلىقتى نەگىزگى ساتىلارعا دەيىن جەتكىزىپ، اۋىل - قىستاقتارعا دەيىن جالپىلاستىرىپ، قيىنشىلىعى بار قاۋىمعا قاراي بەيىمدەپ، حالىق بۇقاراسى كوڭىل بولگەن رەال مۇددە ماسەلەسىن كۇش سالا شەشۋ كەرەك. حاينان ۋنيۆەرسيتەتىنىڭ دۇنيە ءجۇزى بويىنشا وزىق ءپان اشۋىن قولداپ، ەل ىشىندەگى ايتۋلى مەكتەپتەر مەن زەرتتەۋ قۇرىلىمدارىن حايناننان بولىمشە قۇرىلىم قۇرۋعا شابىتتاندىرۋ، حايناندى شەتەلدەردەن ساپالى وقۋ - اعارتۋ بايلىعىن ەنگىزۋگە شابىتتاندىرۋ، جۇڭگو، شەتەل سەلبەسكەن جوعارى دەڭگەيلى وقىتۋ قۇرىلىمدارى مەن نىساندارىن ورنالاستىرىپ، حايناننىڭ حالىقارالىق دارىندىلاردى باسقارۋ رەفورماسىن سىناق رەتىندە اتقارۋىن قولداپ، شەتەلدەگى جانە شياڭگاڭ، اۋمىن، تايۋان رايونىنداعى تەحنيكا شەبەرلەرىنىڭ بەلگىلەمە بويىنشا حايناندا كاسىپتەنىپ، ماڭگى تۇراقتاپ تۇرۋىنا جول بەرۋ، جۇڭگو جوعارى مەكتەپتەرىندە ماگسترلىقتان جوعارى ماعلۇماتقا يە بولعان شەتەلدىك ۇزدىك وقۋشىلاردىڭ حايناندا كاسىپتەنۋىنە، شارۋاشىلىق قۇرۋىنا جول بەرۋ كەرەك. حايناننىڭ شەتەلدەردەن جوعارى تەحنيكا دارىندىلارىن ەنگىزۋ باسقارۋ ءتۇزىمىن ورناتۋىن قولداپ، دارىندىلاردى ەنگىزۋدىڭ اناعۇرلىم اشىق مەحانيزمىن ورناتىپ، ءار سالا دارىندىلارىنىڭ حايناندا ءوز رولدارىن ساۋلەلەندىرۋلەرىنە، ءوز قابىلەتتەرىن ايگىلەۋلەرىنە مۇمكىندىك جاساۋ كەرەك.

　　شي جينپيڭ مىنانى باسا دارىپتەدى: ەكونوميكالىق ەرەكشە رايون رەفورما جاساۋدىڭ، ەسىك اشۋدىڭ الدىڭعى لەگىندە تۇرعاندىقتان، پارتيانىڭ باسشىلىعى مەن پارتيا قۇرىلىسىن جاپپاي كۇشەيتۋ جاعىنان قويىلاتىن تالاپ ءتىپتى دە جوعارى. قالىڭ پارتيا مۇشەلەرى مەن كادرلار پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاپ، يدەيادا، ساياسيدا، ارەكەتتە پارتيا ورتالىق كوميتەتىمەن سانالى تۇردە وسكەلەڭ ءبىر اۋىزدىلىقتى ساقتاپ، پارتيا مەن مەملەكەت جالپى جاعدايى تۇرعىسىنان ماسەلەگە وي جۇگىرتىپ، جۇمىس تىندىرىپ، «4 تانىم» مەن «4 سەنىمدى» امالياتتا ايگىلەۋدىڭ اتويشىسى بولىپ، ساياسيدى دارىپتەۋ، جالپى جاعدايعا ءمان بەرۋ، قاعيداعا بويسۇنۋ جاعىندا ۇلگى بولۋ كەرەك. ستيلدى تاباندىلىقپەن دۇرىستاپ، ءتارتىپتى قاتايتىپ، ءىرىپ - شىرۋگە قارسى تۇرۋ كۇرەسىن ىشكەرىلەي جۇرگىزىپ، قالىڭ پارتيا مۇشەلەرى مەن كادرلارعا تاربيە جۇرگىزىپ جانە ولارعا جەتەكشىلىك ەتىپ، ناشار سالتتاردىڭ پارتيا تۇرمىسىن بۇلدىرۋىنە سانالى تۇردە توتەپ بەرىپ، سالتى تازا، ستيلى دۇرىس تاماشا ساياسي ەكولوگيا قالىپتاستىرۋ كەرەك.

　　قۇتتىقتاۋ جينالىسىندا جۇڭگو عىلىم اكادەمياسى تەرەڭ تەڭىز عىلىمى جانە قۇرىلىس زەرتتەۋ ورنى تاجىريبەحاناسىنىڭ ۇستاسى جوۋ حاۋ، حاينان ولكەلىك پارتكومنىڭ شۋجيى ليۋ سىگۇي، مەملەكەتتىك دامۋ، رەفورما كوميتەتىنىڭ مەڭگەرۋشىسى حى ليفىڭ ىلگەرىندى - كەيىندى ءسوز سويلەدى. حاينان ولكەسىنىڭ باستىعى شىن شياۋميڭ جينالىستى باسقاردى.

　　ديڭ شۋەشياڭ، ليۋ حى جينالىسقا قاتىناستى. ورتالىق پەن مەملەكەت ورگاندارىنداعى، قاتىستى تاراۋلارداعى جاۋاپتى جولداستار، باسقا ەكونوميكالىق ەرەكشە رايونداردىڭ ۋاكىلدەرى، حايناندىق مۇھاجىرلاردىڭ ۋاكىلدەرى، حاينان ولكەسىندەگى ءار سالا ۋاكىلدەرى، ت.ب جينالىسقا قاتىناستى.