ءتاڭىرتاۋ تورابى   ›   جاڭالىقتار   ›   ماڭىزدى حابارلار

شي جينپيڭ حايناندا قىزمەت تەكسەرگەن كەزدە رەفورما جاساپ، ەسىك اشۋدى اناعۇرلىم جوعارى تۇرعىدا، اناعۇرلىم كەڭ كوز ايادا ىلگەرىلەتىپ، شىنايى يگەرىپ، ناقتى ىستەپ، كورىكتى دە جاڭا حايناندى گۇلدەندىرۋدى جەدەلدەتۋ كەرەكتىگىن باسا دارىپتەدى

 4 - ايدىڭ 11 - كۇنىنەن 13 - كۇنىنە دەيىن ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ حايناندا قىزمەت تەكسەردى. سۋرەتتە: 4 - ايدىڭ 12 - كۇنى تۇستەن كەيىن شي جينپيڭ نانفان عىلمي زەرتتەۋ، تۇقىم جەتىلدىرۋ مەملەكەتتىك بازاسىندا اكادەميك يۋان لۇڭپيڭ باستاعان اۋىل شارۋاشىلىعى عىلىم - تەحنيكا قىزمەتكەرلەرىمەن ىقىلاستى تۇردە اڭگىمەلەسىپ، كۇرىش سورتىن جەتىلدىرۋ كاسىپ سالاسىنىڭ دامۋىمەن جانە سورتتى تۇقىم جالپىلاستىرۋ جاعدايىمەن تانىستى. سۋرەتتى شينحۋا اگەنتتىگىنىڭ ءتىلشىسى لي شۋەرىن تۇسىرگەن

  شينحۋا اگەنتتىگىنىڭ 4 - ايدىڭ 13 - كۇنى حايكوۋدان بەرگەن حابارى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جۋىردا حايناندا قىزمەت تەكسەرگەن كەزدە مىنالاردى باسا دارىپتەدى: پارتيا 19 - قۇرىلتايىنىڭ جانە پارتيا 19 - كەزەكتى ورتالىق كوميتەتىنىڭ ەكىنشى، ءۇشىنشى جالپى ماجىلىستەرىنىڭ رۋحىن جان - جاقتى دايەكتىلەندىرىپ، «بەستى ءبىر تۇلعالاندىرۋ» جالپى تۇلعالىق ورنالاستىرۋىن ءبىر تۇتاس جوسپارلاپ ىلگەرىلەتىپ، «ءتورتتى جاپپاي ورىنداۋ» ستراتەگيالىق ورنالاستىرۋىن سايكەستى ىلگەرىلەتىپ، رەفورما جاساپ، ەسىك اشۋدى اناعۇرلىم جوعارى تۇرعىدا، اناعۇرلىم كەڭ كوز ايادا، اناعۇرلىم كۇشتى تەبىنمەن جوسپارلاپ جانە ىلگەرىلەتىپ، ەكولوگيالىق قورشاعان ورتا، ەكونوميكالىق ەرەكشە رايون، حالىقارالىق ساياحات ارالى ابزالدىلىقتارىن تولىق ساۋلەلەندىرىپ، شىنايى يگەرىپ، ناقتى ىستەپ، كورىكتى دە جاڭا حايناندى گۇلدەندىرۋدى جەدەلدەتۋ كەرەك.

  4 - ايداعى حايناننىڭ دالاسى كوزدىڭ جاۋىن الىپ، كوك اسپان مەن كوك تەڭىز ءبىر - بىرىنە توعىتىلىپ، قۇستار سايراپ، گۇلدەر جايناپ، بارلىق جەردەن جاندى ومىرشەڭدىك لەپ ەسەدى. 4 - ايدىڭ 11 - كۇنىنەن 13 - كۇنىنە دەيىن شي جينپيڭ بو - اۋ ازيا تالقى مىنبەرىنىڭ 2018 - جىلعى جىلدىق جينالىسىنىڭ قاتىستى قيمىلدارىنا قاتىناسقاننان كەيىن، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق شۋجيچۋىنىڭ شۋجيى ۋاڭ حۋنيڭنىڭ، حاينان ولكەلىك پارتكومنىڭ شۋجيى ليۋ سىگۇيدىڭ، ولكە باستىعى شىن شياۋميڭنىڭ سەرىك بولۋىندا ىلگەرىندى - كەيىندى چيۇڭحاي، سان - يا، حايكوۋ قاتارلى جەرلەرگە بارىپ، اۋىل - قىستاقتاردى، عىلمي زەرتتەۋ ورىندارىن، اكىمشىلىك ىستەر ورتالىقتارىن ارالاپ، ەكونوميكانىڭ، قوعامنىڭ دامۋ جاعدايىن كوزدەن كەشىرىپ، تەكسەرۋ - زەرتتەۋ جۇرگىزدى.

  4 - ايدىڭ 11 - كۇنى تۇستەن كەيىن شي جينپيڭ الدىمەن بو - اۋ لىچىڭ حالىقارالىق ەمدەۋدى، ساياحاتتى الدىمەن ورىستەتۋ رايونىنىڭ جوسپار سارايىنا كەلىپ، الدىمەن ورىستەتۋ رايونىنىڭ فۋنكتسيالىق ورنى مەن جوسپارىن ۇعىسىپ، قۇرىلىس جاعدايىنان جاسالعان تانىستىرۋدى تىڭداپ، ەلىمىزدە وندىرىلگەن ماگنيتپەن مەڭگەرىپ اسقازاندى تەكسەرەتىن كاپسۋلا قۇلتەمىر سياقتى وزىق ەمدەۋ اسپاپتارىن كوردى ءارى شيپاگەر ماماندارمەن شىنايى اڭگىمەلەستى. ول مىنالاردى باسا دارىپتەدى: «قوس 100 جىلدىق» نىسانانى جۇزەگە اسىرۋدا، ءسوزسىز، حالىقتى وزەك ەتكەن دامۋ يدەياسىنان جازباۋ كەرەك. ەكونوميكانى دامىتۋمەن بىرگە، حالىقتىڭ دەنساۋلىعىن دا جاقسارتۋ كەرەك. حالىق بۇقاراسىنىڭ تابىس سەزىمى، باقىت سەزىمى، حاۋىپسىزدىك سەزىمى دەنساۋلىقتان ايرىلا المايدى. سالاماتتىق ىستەرىن زور كۇشپەن دامىتىپ، قالىڭ بۇقارانىڭ دەنساۋلىعى ءۇشىن قىزمەت ەتۋ كەرەك.

  4 - ايدىڭ 12 - كۇنى تۇستەن كەيىن شي جينپيڭ سان - يا قالاسىنداعى جۇڭگو عىلىم اكادەمياسىنىڭ تەرەڭ تەڭىز عىلىمىن جانە ينجەنەرياسىن زەرتتەۋ ورنىنا كەلىپ، عىلىم - تەحنيكا قىزمەتكەرلەرىمەن امانداستى جانە عىلىم - تەحنيكادا جاڭالىق اشۋ جاعدايىنا تەكسەرۋ جۇرگىزدى. ەلىمىز تەڭىز ايدىنىنىڭ ۇشتەن ەكى بولەگى حاينان ولكەسىنىڭ قاراستىلىعىندا بولعاندىقتان، تەرەڭ تەڭىزگە سۇڭگۋ، تەرەڭ تەڭىزدە بارلاۋ جۇرگىزۋ، تەرەڭ تەڭىزدى اشۋ سياقتى تەحنيكالىق اشۋ جاقتارىندا ەرەكشە شارت - جاعدايعا يە. بۇل زەرتتەۋ ورنى حاينان ولكەلىك حالىق ۇكىمەتى، سان - يا قالالىق حالىق ۇكىمەتى جانە جۇڭگو عىلىم اكادەمياسى بىرلەسىپ قۇرعان تەرەڭ تەڭىز عىلىم - تەحنيكاسىن زەرتتەپ اشۋ قۇرىلىمى. شي جينپيڭ ەلىمىزدىڭ تەرەڭ تەڭىزدى عىلمي زەرتتەۋ جانە بارلاۋ جاعدايى جونىندەگى تانىستىرۋدى زەر سالا تىڭداپ، قىسقا مەتراجدى كەسكىن ارقىلى ەلىمىزدىڭ تۇڭعىش رەت ماريانا تەڭىز شىڭىراۋىنىڭ 10 مىڭ مەتر دارەجەلى تەرەڭىنە بارلاۋ جۇرگىزۋ جاعدايىن ۇعىستى ءارى تەرەڭ تەڭىزدى بارلاۋ قۇرىلعىسىن كورگىزبەلەۋ رايونىنا كىرىپ تەرەڭ تەڭىزگە سۇڭگۋگە قولدانىلاتىن جوعارى تەحنيكالىق جابدىقتاردى تاماشالادى. «حايدوۋ» اتتى جۇرگىزۋشىسىز سۋعا سۇڭگۋ جابدىعى، «حاي - ي» اتتى تەرەڭ تەڭىز قالقۋىشى، «تيان - يا» اتتى تەرەڭگە قونۋ جابدىعى سياقتى عىلمي ەكسپەديتسيا جابدىقتارى باس شۋجيدىڭ نازارىن اۋداردى. ول ماريانا تەڭىز شىڭىراۋىنىڭ 10 مىڭ مەترلىك تەرەڭىنەن العان تەڭىز سۋىنىڭ ۇلگىسىن قولىنا الىپ زەر سالا كوردى، ەلىمىزدە وندىرىلگەن تەرەڭگە سۇڭگۇگە قولدانىلاتىن قالقىعىش قاتتى ماتەريالدى قولىنا الىپ سالماقتاپ كورەدى. «تەرەڭ تەڭىز باتىرى» اتتى ادام وتىراتىن سۇڭگو جابدىعىنىڭ باس جوبالاۋشىسى حۋ جىن مەن سۋعا سۇڭگۋشىلەر اترەتىنىڭ مۇشەلەرى قاۋمالاي كەلدى، باس شۋجي ولارمەن ءبىر - بىرلەپ قول الىسىپ، ولاردان تەڭىزدىڭ تەرەڭىنە سۇڭگىگەن كەزدەگى اسەرلەرى مەن جابدىقتى زەرتتەپ جاساۋ، سىناق ەتۋ جاعدايىن سۇراپ ۇعىستى. ول مىنالاردى اتاپ كورسەتتى: ەلىمىز تەڭىز - مۇحيتتاعى ءىرى مەملەكەت، تەڭىز ايدىنى توتەنشە كەڭ. ءسوزسىز، تەڭىزگە جورىق اشىپ، تەڭىز - مۇحيتتا قۇدىرەتتى ەل بولۋدى جەدەلدەتۋ كەرەك. حاينان تەرەڭ تەڭىزدى زەرتتەپ اشۋدىڭ جانە سىناق ەتۋدىڭ ەڭ تاماشا تابيعي الاڭى، ءسوزسىز، وسى ەرەكشە بايلىقتى جاقسى پايدالانىپ، جاڭالىق اشۋدى، سەلبەسۋدى كۇشەيتىپ، تەرەڭ تەڭىزدى زەرتتەپ اشۋ بازاسىن جەدەل تۇلعالاپ، تەرەڭ تەڭىز عىلىم - تەحنيكاسى ىستەرىن جەدەل دامىتىپ، ەلىمىزدىڭ تەڭىز - مۇحيت عىلىم - تەحنيكاسىنىڭ جان - جاقتى دامۋىن جەبەۋ كەرەك.

    زەرتتەۋ ورنىنان اتتاناردا عىلىم - تەحنيكا قىزمەتكەرلەرى قورالاي كەلىپ باس شۋجيمەن سالەمدەستى. شي جينپيڭ كوپشىلىكتى وتاننىڭ عىلىم - تەحنيكا، زەرتتەپ اشۋ ىستەرىنە وزدەرىن ارناپ، عىلىم - تەحنيكا دامۋىنىڭ بيىك تۇرعىسىن قۇلشىنا يەلەپ، ءتىپتى دە كوپ، ءتىپتى دە جاقسى ونىمدەردى زەرتتەپ جاساپ، عىلمي زەرتتەۋ ىستەرىن ءىس جۇزىندىك قولدانۋمەن ۇشتاستىرۋدى ىلگەرىلەتىپ، مەملەكەتتىڭ وسىزاماندانۋ قۇرىلىسىنا اناعۇرلىم مول ۇلەستەر قوسۋعا شابىتتاندىردى.

  وسىدان كەيىن، شي جينپيڭ 30 سەلتسي گرادۋستان استام شىجىعان ىستىققا قاراماي مەملەكەتتىك نانفان عىلمي زەرتتەۋ، تۇقىم جەتىلدىرۋ بازاسىنا كەلدى. حاينان ەلىمىزدىڭ استىق داقىلدارىنىڭ تۇقىمىن جەتىلدىرەتىن ماڭىزدى بازاسى. ءار جىلى قىس، كوكتەم ماۋسىمدارىندا مىڭداعان عالىمدار، تەحنيكتەر ەلىمىزدىڭ ءار جەرىنەن وسى اراعا جينالىپ تۇقىم جەتىلدىرىپ، تۇقىم وسىرەدى. باقاسى شۋلاپ، قۇستارى سايراپ، گۇل - شوپتەرىنىڭ حوش ءيىسى اڭقىعان اۋىل تىنىسى. شي جينپيڭ اتىز بويىمەن ءجۇرىپ «چاۋيوۋ - چيانحاۋ» سۋپەر كۇرىش كورگىزبە اتىزىنا كەلىپ، كۇرىشتىڭ ءوسۋ جاعدايىن تەكسەرىپ، يۋان لۇڭپيڭ اكادەميك سياقتى ەگىن شارۋاشىلىق عىلىم - تەحنيكا قىزمەتكەرلەرىمەن شىنايى اڭگىمەلەسىپ، كۇرىش تۇقىمىن ءوسىرۋ كاسىبىنىڭ دامۋ جاعدايى مەن جالپىلاستىرىلۋ جاعدايىن ۇعىستى. ەلىمىزدىڭ عىلمي زەرتتەۋ قىزمەتكەرلەرى جەتىلدىرگەن سۋپەر بۋدان كۇرىش تۇقىمى دۇنيە جۇزىندەگى كۇرىشتىڭ بىرلىك ءوندىرىسى بويىنشا ەڭ جوعارى رەكورد جاراتقانىن ەستىپ شي جينپيڭ قاتتى قۋاندى. ول مىنالاردى باسا دارىپتەدى: ميللياردتان استام ادامعا تاماق كەرەك، بۇل ەلىمىزدىڭ ەڭ ۇلكەن مەملەكەت جاعدايى. ساپالى تۇقىم استىقتىڭ ءونىم مولشەرىن ارتتىرۋ جاعىندا ەرەكشە شەشۋشى رولعا يە. ەلىمىزدىڭ تۇقىمشىلىق كاسىبىن دامىتۋعا بەكىنىپ، ءوز ءبىلىم مەنشىگى ۇقىعىمىزعا يە ساپالى تۇقىم جەتىلدىرۋدى جەدەلدەتىپ، مەملەكەتتىڭ استىق حاۋىپسىزدىگى قاينارىن قامتاماسىزداندىرۋ كەرەك. حايناننىڭ ىستىق بەلدەۋلىك اۋىل شارۋاشىلىق بايلىعى اسا مول، اسا قىمباتتى. مەملەكەتتىك نانفان عىلمي زەرتتەۋ، تۇقىم جەتىلدىرۋ بازاسى مەملەكەتتىڭ ەگىن شارۋاشىلىعىنا عىلمي زەرتتەۋ جۇرگىزۋدەگى قىمباتتى تەكشەسى، سوندىقتان، ءسوزسىز، عىلمي زەرتتەۋدى، ءوندىرۋدى، ساتۋدى، عىلىم - تەحنيكالىق اۋىس - كۇيىس جاساۋدى، زەرتتەۋ جەتىستىكتەرىن كادەگە جاراتۋدى ءبىر تۇلعالاندىرعان بۇكىل ەلگە قىزمەت ەتەتىن «نانفان كرەمنيلى اڭعارىن» قۇرىپ شىعۋ كەرەك.

  4 - ايدىڭ 13 - كۇنى تۇستەن بۇرىن شي جينپيڭ حايكوۋ قالاسىنداعى حاينان ولكەلىك مۇراجايعا كەلىپ، حايناننىڭ ولكە بولىپ قۇرىلىپ، ەرەكشە رايون بولعاندىعىنىڭ 30 جىلدىق جەتىستىكتەر كورمەسىن ارالادى. سۋرەتتەر، كەستەلەر، ناقتى زاتتار حايناننىڭ 30 جىلدان بەرگى، وتە - موتە، پارتيا 18 - قۇرىلتايىنان بەرگى رەفورما جاساپ، ەسىك اشۋدا جانە سوتسياليستىك وسىزامانداندىرۋ قۇرىلىسى جاقتارىنداعى تابىستارىن بايانداپ تۇر. شي جينپيڭ اۋىق - اۋىق بايىرقالاپ، جۇرە سۇراۋ قويىپ، حايناننىڭ ولكە بولىپ قۇرىلعاننان بەرگى دامۋ بارىسىن ەگجەي - تەگجەيلى ۇعىستى. ول مىنالاردى باسا دارىپتەدى: پارتيا ورتالىق كوميتەتىنىڭ شەشىمدەرىن، ورنالاستىرۋلارىن دايەكتىلەندىرۋ، تياناقتاندىرۋ ۇران عانا ەمەس، ىشكەرىلەي تەكسەرۋ - زەرتتەۋ جۇرگىزىپ، جەرگىلىكتى ورىننىڭ ءىس جۇزىندىگىمەن ۇشتاستىرىپ، پارتيا ورتالىق كوميتەتىنىڭ رۋحىنا ۇيلەسەتىن ءونىمدى دە ناقتى شارالاردى قالىپتاستىرۋ كەرەك. ول تەرەڭ تولعانىسپەن كوپشىلىككە بىلاي دەدى: حاينان ولكە بولىپ قۇرىلىپ، ەرەكشە رايون بولعان 30 جىلدان بەرى، دامۋى كەنجە شەكاراداعى ارالدان دامىپ ەلىمىزدەگى ەڭ ءىرى ەكونوميكالىق ەرەكشە رايونعا جانە ەلىمىز ءىشى - سىرتىنا اتى ايگىلى حالىقارالىق ساياحات ارالىنا اينالدى. رەفورما جاساپ، ەسىك اشۋدىڭ كەسەك تابىسقا جەتىپ، ەكونوميكانىڭ، قوعامنىڭ دامۋىنىڭ وراسان زور جەتىستىككە قول جەتكىزۋى پارتيا ورتالىق كوميتەتىنىڭ حايناندى ولكە ەتىپ قۇرىپ، ەكونوميكالىق ەرەكشە رايون اشۋ شەشىمىنىڭ دۇرىس ەكەنىن تولىق دالەلدەدى. بيىل رەفورما جاساپ، ەسىك اشۋدىڭ 40 جىلدىعى، ءبىز تاجىريبەلەردى قورىتىندىلاپ، قولايلى ساتتەن پايدالانىپ ىلگەرىلەپ، جاڭا باستامادا رەفورما جاساپ، ەسىك اشۋدى ىلگەرىلەتۋدىڭ تىڭ ناتيجەلەرىن قولعا كەلتىرۋىمىز كەرەك. حاينان جاعراپيالىق ابزالدىلىعىن، بايلىق ابزالدىلىعىن، ەكولوگيالىق ابزالدىلىعىن، ساياسات ابزالدىلىعىن تولىق ساۋلەلەندىرىپ، ءتۇزىلىس - مەحانيزمدە جاڭالىق اشۋعا جانە دامۋ وي جەلىسى ۇلگىسىندە جاڭالىق اشۋعا كۇش سالىپ، كورىكتى حايناننىڭ جاڭا تاراۋلارىن جاقسى جازۋى كەرەك.

  مۇراجايداعى ەكولوگيالىق قۇرىلىس سارايىندا حايناننىڭ تۇنىق سۋ، جاسىل تاۋدىڭ ءوزى قىمباتتى بايلىق دەگەنگە تاباندى بولىپ، ەكولوگيادا قۋاتتى ولكە قۇرۋ ستراتەگياسىن اتقارۋدا قۋانارلىق تابىستارعا قول جەتكىزگەندىگى ايگىلەنگەن. شي جينپيڭ ىستىق بەلدەۋلى تەڭىز-مۇحيت ارالدارىنداعى حايۋانات، وسىمدىك تۇرلەرىنىڭ گەن قويماسىنداعى ۇلگىلەردى تەكسەرىپ كوردى، جاراتىلىستىق قورىق رايونىنىڭ ناق مايدان كامەرا كورىنىسىن كوردى، حايناننىڭ اۋا ساپاسىن باقىلاۋ-تەكسەرۋ ساندى مالىمەت تالداۋىن دەن قويا تىڭداپ، حاينان ولكەسىنىڭ ەكولوگيالىق ورتانى قورعاۋعا باسا ءمان بەرگەن ءادىس-شارالارىن تۇراقتاندىردى. ول باسا دارىپتەپ، مىنالاردى اتاپ كورسەتتى: پارتيامىز ورتاعا قويعان ەكولوگيالىق وركەنيەت قۇرىلىسى−تاريحي سيپاتتى ۇلەس سانالادى، جاسىل تاۋ، تۇنىق سۋ، كوگىلدىر تەڭىز، اشىق اسپان− حايناننىڭ ەڭ كۇشتى باسىمدىعى جانە ەڭ ۇلكەن قورى. ساتىپ الۋعا جانە قارىزعا الا تۇرۋعا كەلمەيتىن اسىل قازىناسى، ونى بۇلدىرسەك قالپىنا كەلتىرۋ ەرەكشە قيىنعا سوعادى. ەكولوگيالىق ورتانى قورعاۋدى حايناننىڭ دامۋىنىڭ ءتۇبىرلى تابان تىرەر تياناعى ەتىپ، تۇنىق سۋ، جاسىل تاۋدىڭ ءوزى باعا جەتپەس بايلىق دەگەن ۇستانىمدى بەرىك ورناتىپ، تەڭىزدەگى وسى جاسىل القاپتى، ۇلان قايىر كوگىلدىر تەڭىزدى ومىرىمىزدەي قاستەرلەپ، سوتسياليستىك ەكولوگيالىق وركەنيەتتى گۇلدەندىرۋگە ءتىپتى دە زور ۇلەس قوسۋعا قۇلشىنۋىمىز كەرەك.

  مۇرا جايدىڭ الدىنداعى الاڭىندا حاينان ولكەسىندەگى ءبىر ءبولىم ەڭبەك ەرلەرى مەن كاسىپ سالاسىنىڭ ۋاكىلدەرى دۋ قول شاپالاق سوعىپ، الاقاي ۇنىمەن باس شۋجيدىڭ كەلگەندىگىن قىزۋ قارسى الدى. شي جينپيڭ ولارمەن ىقىلاستى بەينەدە قول الىسىپ، كوپشىلىككە امانداستى.

  مۇراجايدان اتتانعاننان كەيىن، شي جينپيڭ اۆتوموبيلمەن حاينان ولكەلىك ۇكىمەت ىستەرى ساندى مالىمەت ورتالىعىنا باردى. ساندى مالىمەت ورتالىعىنىڭ ۇلكەن زالىنا كىرگەندە ول كەڭ ەكراننان ساندى مالىمەت ورتالىعىنىڭ قۇرىلىس اينالىمى جاعدايىن جانە «كوپ ءتۇرلى ەرەجەنى ءبىر تۇلعالاندىرۋ» قاتارلى سالانىڭ قولدانىلمالى كورسەتپەسىن كوردى، سونداي-اق ولكەگە توتە قاراستى تاراۋالارداعى قىزمەت ورىندارىندا تاپجىلماي مىندەت اتقارىپ، كەزەكشىلىك ىستەپ جاتقان قىزمەتكەرلەرمەن ىقىلاستى بەينەدە اڭگىمەلەستى. ساندى مالىمەت ورتالىعىنىڭ ساياحات، ورتتەن ساقتانۋ، ءورتتى ازايتۋ سياقتى جاقتارداعى كورسەتپەلى تۇسىندىرمەنى كوزدەن كەشىردى. شي جينپيڭ حاينان ولكەسىنىڭ ينفورماتسيالاندىرۋ قۇرىلىسى قىزمەتىن تۇراقتاندىرىپ، ۇكىمەتتىڭ ءىرى ساندىق مالىمەت تەكشە قۇرىلىسىنىڭ اياق الىسىن جەدەلدەتۋدىڭ قوعامدىق جونگە سالۋ قابلەتى مەن ورەسىن جوعارىلاتۋدىڭ كوكەي تەستى تالابى ەكەندىگىن باسا دارىپتەدى. ءار دارەجەلى پارتكومدار مەن ۇكىمەتتەر ينتەرنەت وي جەلىسىن كۇشەيتىپ، ينتەرنەت باسىمدىعىنان شەبەرلىكپەن پايدالانىپ، توعىسۋ، تەڭ يگىلىكتەنۋ، حالىققا قولايلىلىق جاراتۋ، حاۋىپسىزدىك جاعىنا كۇش سالىپ، ۇكىمەتتىڭ شەشىم جاساۋىنىڭ عىلميلانۋىن، قوعامدىق جونگە سالۋدىڭ ىجداعاتتىلعىن، الەۋمەتتىك قىزمەت كورسەتۋدىڭ جوعارى ءونىمدى بولۋىن جەبەپ، ينفورماتسيالاندىرۋ تاسىلدەرى ارقىلى قوعام جاعدايىنان اناعۇرلىم ويداعىداي حابار تابۋعا مۇمكىندىك جاساپ، قارىم-قاتىناس ارناسىن ىركىلىسسىزدەندىرىپ، شەشىمدەردى اتقارۋعا دەم بەرىپ، بۇقارانىڭ ءىس بىتىرۋىنە قولايلىلىق تۋدىرىپ، كوڭىلدە سان بولۋدى ىسكە اسىرۋ كەرەك. حايناننىڭ ۇلكەن ساندى مالىمەت قۇرىلىسىندا بەلسەنە ىزدەنىس جاساپ، ءتىپتى كوپ ناتيجەلەرگە قول جەتكىزۋىن ءۇمىت ەتەمىن.

  ءتۇس الەتىندە شي جينپيڭ شىجىعان ىستىققا قاراماي، حايكوۋ قالاسى شيۋيىڭ رايونى شىشان قالاشىعى شىچا قىستاعىنا كەلدى، ونداعى ەگىنشى قاۋىمعا امانداسىپ، اۋىل-قىستاقتاردى كوركەيتۋ ستراتەگياسىنىڭ اتقارىلۋ جاعدايىن تەكسەردى. وسى قىستاق حاينان ولكەسىنىڭ سولتۇستىگىندەگى ەڭ بيىك جانار تاۋدىڭ باۋرايىنا ورنالاسقان، بۇرىن جاراتىلىستىق شارت-جاعدايى ناشار بولعاندىقتان، قىستاقتا كاسىپ كوزى اشىلماي، قىستاق تۇرعىندارىندا كىرىس جوق بولاتىن. سوڭعى جىلدارى قىستاق پارتيا ياچەيكاسى بۇقارانى اسىل دەندروبيۋم كاسىبىن دامىتۋعا باستاپ، الىس-جۋىققا اتى ايگىلى جانار تاۋ جىنىسىندا عالامتور ارقىلى باعىمشىلىق كاسىبىن دامىتقان شولپان قىستاققا اينالىپ، ەگىنشىلەردىڭ جان باسىندىق كىرىسى 10 مىڭ يۋاننان استى. قىستاق شەجىرەسى سارايىندا شي جينپيڭ تانىستىرۋدى مۇقيات تىڭداپ، جاعدايدى سۇراپ ۇعىستى. وسى قىستاقتىڭ پارتيا قۇرىلىسىن ءبىر تۇتاس باسشىلىققا الىپ، ەگىنشىلەردىڭ اۋىل شارۋاشىلىق كاسىبىن دامىتۋىنا باستاماشىلدىق ىستەپ، ەگىنشىلەر كىرىسىن ارتتىرىپ، ەكولوگيالىق ورتانى قورعاپ، سول جەردىڭ جاعدايىنا قاراي، «كاسىپورىن+سەلبەستىك كووپەراتيۆى+ەگىنشىلەر وتباسى» سىندى اۋقاتتانۋ جولىنا باستايتىن شارا جونىندە ىزدەنىس جاساعاندىقتارىن تۇراقتاندىردى. قىستاق پارتيا ياچەيكاسىنىڭ شۋجيى حۇڭ ي-چياننىڭ قىستاعىمىزدا «ۋلى ەسىرتكى تۇتىناتىندار، توبەلەسىپ، سويقان شىعاراتىندار، ارىز-شاعىم ايتاتىندار مۇلدە جوق» دەگەنىن ەستىگەندە، ول: «بۇل ەرەكشە جاقسى جاعداي ەكەن» دەپ ماقتادى. وسىدان كەيىن شي جينپيڭ تاس تاقتا توسەلگەن جولمەن ءجۇرىپ، شىچا قىستاعىنىڭ جانار تاۋ اسىل دەندروبيۋم باقشاسىنا كەلدى، قىستاق پارتيا ياچەيكاسى شۋجيىنىڭ اسىل دەندروبيۋمدى كولەمدەندىرىپ ەگۋ، زەردەلى بۇركىپ سۋارۋ جۇيەسى، سۋ مەن تىڭايتقىشتى ءبىر تۇلعالاندىرۋ جۇيەسىنىڭ اينالىم جاعدايى جونىندەگى تانىستىرۋىن تىڭدادى. باقشادا جۇمىس ىستەپ جاتقان قىستاق تۇرعىندارى باس شۋجيدى قاۋمالاي كەلىپ، باس شۋجيمەن تەبىرەنە قول الىستى. قىستاق تۇرعىندارى باس شۋجيعا ۇيلەرىنىڭ الدىندا اسىل دەندروبيۋم باقشاسىنىڭ بار ەكەنىن، سىرتقا بارىپ جۇمىس ىستەگەن قىستاق تۇرعىندارىنىڭ قازىر اۋىلدارىنا قايتىپ كەلىپ اي سايىن ەڭبەكاقى الاتىندىقتارىن، جەردى جارناعا قوسىپ، جىل سوڭىندا پايدا ۇلەسىنە يە بولاتىندىقتارىن، تۇرمىستارىنىڭ بارعان سايىن جاقسارعاندىعىن ايتتى. شي جينپيڭ مىنالاردى باسا دارىپتەدى: جاپپاي دوڭگەلەك داۋلەتتى قوعام ورناتۋدا قالا مەن اۋىل-قىستاقتى بىردەي ويداعىداي دامىتۋ قاجەت، اۋىل-قىستاقتاردى كوركەيتۋدىڭ ءتۇيىنى كاسىپ سالاسىن كوركەيتۋدە. ەگىنشى قاۋىمنىڭ جەرگىلىكتى ورىننىڭ بايلىقتى تياناق ەتىپ، ەرەكشە اۋىل شارۋاشىلىعىن، اۋىل-قىستاق ساياحاتىن، اۋلا شارۋاشىلىعىن دامىتۋىنا شابىت بەرىپ جانە ونى قولداپ، ەگىنشىلەردىڭ كىرىسىن كوپ ارنالار ارقىلى ارتتىرۋ كەرەك. اۋىل-قىستاق نەگىزگى ساتى پارتيا ۇيىمى ەگىنشىلەردى بايۋعا باستاۋدىڭ تىرەگىنە جانە قۋاتتى جاۋىنگەرلىك قورعانىنا اينالۋ كەرەك.

  قۋانىشتى حاباردى ەستىپ كەلگەن قىستاق تۇرعىندارى ۇزىننان-ۇزاق قاتارعا تۇرىپ، باس شۋجي قىستاقتان اتتاناردا باس شۋجيگە تەبىرەنە سالەمدەستى. دۋ قول شاپالاق پەن الاقاي ءۇنى قىستاق كەڭىستىگىن كەرنەدى.

  ديڭ شۋەشياڭ، ليۋ حى، حى ليفىڭ، سونداي-اق ورتالىقتاعى قاتىستى تاراۋلاردىڭ جاۋاپتى جولداستارى قىزمەت تەكسەرۋدە بىرگە بولدى.

 4 - ايدىڭ 11 - كۇنىنەن 13 - كۇنىنە دەيىن ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ حايناندا قىزمەت تەكسەردى. سۋرەتتە: 4 - ايدىڭ 13 - كۇنى تۇستەن بۇرىن شي جينپيڭ حايكوۋ قالاسى شيۋيىڭ رايونى شىشان قالاشىعى شىچا قىستاعىندا قىزمەت تەكسەرگەن كەزدە، ول كىسى كەلدى دەگەن حاباردى ەستىپ جەتكەن قىستاق تۇرعىندارىمەن ىقىلاستى قول الىسۋدا. سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى