ءتاڭىرتاۋ تورابى   ›   ۇيرەنۋ   ›   شولۋ

بەيبىت، تىنىش، گۇلدەنگەن، اشىق، كورىكتى ازيانى جانە دۇنيە ءجۇزىن بىرگە قۇرايىق

− ءتوراعا شي جينپيڭنىڭ بو - اۋ ازيا تالقى مىنبەرىندە سويلەگەن ارقاۋ ءسوزى جونىندە (3)

  دۇنيە جۇزىنە بەيبىتشىلىك پەن تىنىشتىق ورناتۋ، تۇرمىستى بارعان سايىن باقىتتى دا تاماشا ەتۋ − ادامزاتتىڭ ورتاق ارمانى.

  «مەن ءار ەل حالقىنىڭ ءبىر نيەتپەن كۇش قوسىپ، قول ۇستاسا العا باسىپ، ادامزاتتىڭ تاعدىرلاس ورتاق تۇلعاسىن قۇرۋعا قۇلشىنىپ، بەيبىت، تىنىش، گۇلدەنگەن، اشىق، كورىكتى ازيانى جانە دۇنيە ءجۇزىن بىرگە قۇرۋىن ءۇمىت ەتەمىن». بو - اۋ ازيا تالقى مىنبەرىنىڭ اشىلۋ سالتىندا، ءتوراعا شي جينپيڭ ارقاۋ ءسوز سويلەپ، ادامزاتتىڭ تاماشا ارمانىن ىسكە اسىرۋدى تياناق ەتىپ، ادامزاتتىڭ باقىتىن كۇشەيتۋدى كوزدەپ، ازيانىڭ جانە دۇنيە ءجۇزىنىڭ كوركەم بولاشاعىن بىرگە قۇرۋدىڭ جۇڭگو جوباسىن ايقىن اتاپ كورسەتىپ، ءىرى ەل كوسەمىنىڭ الەمدىك سۇيىسپەنشىلىگى مەن تاريحي جاۋاپكەرلىگىن تولىق بەينەلەپ، ازيانىڭ جانە دۇنيە ءجۇزىنىڭ بەيبىت دامۋىنا بەتالىس كورسەتتى، سەنىم سيلادى، كۇش ۇيىستىردى.

  «كۇردەلى دە الماعايىپ دۇنيە جۇزىندە، ادامزات قوعامى قايدا بارادى؟ ازيانىڭ كەلەشەگى قايدا؟» ءتوراعا شي جينپيڭ ارقاۋ سوزىندە «داۋىرلىك ماسەلەنى» العا قويىپ، ورنىقسىز، تۇراقسىز فاكتورلاردىڭ ءالى دە وتە كوپ، جاھاندانۋعا قارسى اۋقىمدار بارعان سايىن كوبەيگەن جاعدايدا، ادامزات ءدوپ كەلگەن كەلەلى تالعامدار مەن سايىستاردى تەرەڭىنەن جاريالادى. وسىنداي ساتتە، ەسىك اشۋ كەرەك پە، الدە ەسىكتى جاۋىپ الۋ كەرەك پە؟ ىلگەرىلەۋ كەرەك پە، الدە شەگىنۋ كەرەك پە؟ ادامزات بۇعان، ءسوزسىز، جاۋاپ بەرۋ كەرەك. دۇنيە جۇزىندەگى ءار ەل حالقىنىڭ دامۋعا، ىنتىماقتاسۋعا، بەيبىت تۇرمىس كەشىرۋگە دەگەن داۋىرلىك اعىمى الدىندا، تەك تاريحتىڭ ىلگەرىلەۋ لوگيكاسىندا ىلگەرىلەپ، ءداۋىردىڭ دامۋ اعىمىندا دامىپ، بەيبىت، تىنىش، گۇلدەنگەن، اشىق، كورىكتى ازيانى جانە دۇنيە ءجۇزىن بىرگە قۇرعاندا عانا، ادامزاتتىڭ بولاشاعى باقىتتى دا تاماشا بولادى.

  بەيبىت، تىنىش، گۇلدەنگەن، اشىق، كورىكتى ازيانى جانە دۇنيە ءجۇزىن قالاي قۇرۋ كەرەك؟ ءتوراعا شي جينپيڭ دۇنيە ءجۇزىنىڭ جالپى جاعدايىن كوزدەي وتىرىپ، ادامزات تاعدىرىن يگەرىپ «بولاشاققا بەت الۋدىڭ» 5 ۇلكەن دارىپتەمەسىن العا قويدى، بۇل «داۋىرلىك ماسەلەنى» شەشۋشى ماڭىزدى ءتۇيىن، ازيا مەن دۇنيە ءجۇزىنىڭ تاماشا بولاشاعىن بىرگە قۇرۋدىڭ ءتۇبىرلى جولى. الەمدە تەك ءبىر عانا جەر شارى بار، ادامزاتتا ءبىر عانا ورتاق مەكەن بار. تەك ءبىر - ءبىرىمىزدى قۇرمەتتەپ، ءوزارا تەڭ مامىلە جاساپ، ديالوگ جۇرگىزەتىن، قارسىلاسپايتىن، سەرىكتەسەتىن، وداقتاسپايتىن مەملەكەتتەر ارا قارىم - قاتىناستىڭ جاڭا جولىمەن جۇرگەندە عانا، باياندى بەيبىتشىلىكتى جۇزەگە اسىرۋعا بولادى؛ تەك ديالوكتاسىپ، كەڭەسىپ، جاۋاپكەرشىلىكتى بىرگە ارقالاپ، تۇرلىشە حاۋىپسىزدىك مەحانيزمدەرى اراسىنداعى سايكەستىلىك پەن سيىسىمدىلىقتى، ءوزارا تولىقتايتىن ىنتىماقتاستىقتى جەبەگەندە عانا، جاپپاي حاۋىپسىزدىكتى جانە ورتاق حاۋىپسىزدىكتى جۇزەگە اسىرۋعا بولادى؛ تەك تار جول، تايعاق كەشۋلەردەن بىرگە ءوتىپ، ىنتىماقتاسىپ، تەڭ ۇتىپ، ەسىك اشىپ توعىسۋ، ءوزارا پايدا جەتكىزۋ جولىنا تاباندى بولعاندا عانا، ەكونوميكانىڭ جاھاندانۋىنىڭ اناعۇرلىم اشىق، سيىسىمدى، جالپىعا پايدالى، تەڭگەرىمدى، تەڭ ۇتاتىن بەتالىسقا قاراي دامۋىن جەبەۋگە بولادى؛ تەك بارلىعىن قامتىپ، ەكلەكتيكالى بولىپ، ءبىر - بىرىمىزدەن ونەگە الىپ، بىرگە العا باسقاندا عانا، وركەنيەتتەر اۋىس - كۇيىسىنىڭ، ءبىر - بىرىنەن ۇلگى الۋىنىڭ ءار ەل حالقىنىڭ دوستىعىن تەرەڭدەتەتىن كوپىرگە، قوعامنىڭ العا باسۋىن ىلگەرىلەتەتىن قوزعاۋشى كۇشكە، ءوڭىردىڭ جانە دۇنيە ءجۇزىنىڭ بەيبىتشىلىگىن قورعاۋدىڭ دانەكەرىنە اينالۋىنا مۇمكىندىك جاساۋعا بولادى؛ تەك تابيعاتتان يمەنىپ، جەر شارىن ايالاپ، ءوندىرىسى دامىعان، تۇرمىسى باي، ەكولوگياسى تاماشا وركەنيەتتى دامۋ جولىن ۇزدىكسىز اشقاندا عانا، كەلەشەك ۇرپاقتارىمىزعا اشىق اسپان، كوك تەڭىز، تۇنىق سۋ، جاسىل تاۋ قالدىرۋعا بولادى.

  «تاۋ تاستان، تەڭىز تامشىدان قۇرالادى». باقىت پەن كوركەم بولاشاق وزدىگىنەن جارىققا شىعا سالمايدى، تابىس باتىل ءارى قۇلشىنا ىستەيتىن ادامدارعا ءتان. ازيا مەن دۇنيە ءجۇزىنىڭ كوركەم بولاشاعىن بىرگە اشۋدىڭ تەتىگى − ءتوراعا شي جينپيڭ العا قويعان جۇڭگو جوباسى بويىنشا ءبىر نيەتپەن سەلبەسىپ، قول ۇستاسا ىلگەرىلەپ، ادامزاتتىڭ تاعدىرلاس ورتاق تۇلعاسىن قۇلشىنا قۇرىپ شىعۋ. ادامزاتتىڭ تاعدىرلاس ورتاق تۇلعاسى ۇستانىمىن امالياتتا ايگىلەيتىن ماڭىزدى دانەكەر، ءار ەلدىڭ ورتاق دامۋدى جۇزەگە اسىرۋداعى حالىقارالىق سەلبەستىك جاڭا تۇعىرى رەتىندە، «ءبىر بەلدەۋ، ءبىر جول» قۇرىلىسى باستالعان 5 جىلدان بەرى، 80 نەشە مەملەكەت پەن حالىقارالىق ۇيىم جۇڭگومەن ىنتىماقتاستىق كەلىسىمىنە قول قويدى، جۇڭگو دۇنيە ءجۇزىنىڭ ۇلى بىرلىگى، بەيبىت، ىنتىماقتى بىرگە ءومىر ءسۇرۋ ۇستانىمدارىندا بەرىك بولىپ، ءىس جۇزىندىك ارەكەتى ارقىلى ادامزاتتىڭ تاعدىرلاس ورتاق تۇلعاسىنىڭ ءمانىن ءتۇسىندىرىپ، «ءبىر بەلدەۋ، ءبىر جولدى» بىرگە قۇرۋدىڭ ءار ەل حالقىنا باقىت جەتكىزۋىنە مۇمكىندىك جاساپ، دۇنيە ءجۇزىنىڭ بەيبىتشىلىگى مەن دامۋىنا جۇڭگو ۇلەسىن قوستى. اماليات: بىرگە اقىلداسۋ، بىرگە قۇرۋ، بىرگە يگىلىكتەنۋ پرينسيبىندە تاباندى بولاتىن جانە وعان بويسۇناتىن بولسا، سەلبەستىكتى، ءسوز جوق، نىعايتىپ، الاۋىزدىقتاردى شەشىپ، ادامزاتتىڭ تاعدىرلاس ورتاق تۇلعاسى كەمەسىنىڭ تەڭىز ايدىنىندا ءتىپتى دە ەركىن جۇزۋىنە مۇمكىندىك جاساۋعا، ازيا مەن دۇنيە ءجۇزى بولاشاعىنىڭ ونان ارى جاقسارۋىنا مۇمكىندىك جاساۋعا بولاتىنىن تولىق دالەلدەپ بەردى.

  «ۇيرەنۋگە شەبەر ادام قاعيداسىن تولىق تۇسىنۋگە ۇمتىلادى، ىزگى نيەتتى ادام قيىندىقتىڭ ءمانىن تابۋعا تالپىنادى». ادامزاتتىڭ تاعدىرلاس ورتاق تۇلعاسىن قۇرۋ، بەيبىت، تىنىش، گۇلدەنگەن، اشىق، كورىكتى ازيانى جانە دۇنيە ءجۇزىن بىرگە قۇرۋ، تاباندا ورىنداي سالاتىن وڭاي ءىس ەمەس، الۋان ءتۇرلى قيىنشىلىقتار مەن سىن - سايىستارعا ءدوپ كەلەرى دە حاق. الايدا قيىندىق قاشاندا ادامنىڭ قايراتىن جانيدى، نىق قادام باسقاندا عانا، قىمباتىڭدى اسىرا الاسىڭ. ءبىز دۇنيە ءجۇزىنىڭ جالپى جاعدايىنا ساي، ەسىك اشىپ، بىرگە تابىسقا كەنەلۋگە، باتىلدىقپەن وزگەرىس ەنگىزۋگە، جاڭالىق اشۋعا تاباندى بولعاندا عانا، ادامزات ءۇشىن ۇزدىكسىز باقىت جاراتىپ، ادامزاتتىڭ تۇرمىسقا دەگەن تاماشا ارمانىن جۇزەگە اسىرا الامىز.

(شينحۋا اگەنتتىگىنىڭ 4 - ايدىڭ 12 - كۇنى بەيجيڭنەن بەرگەن حابارى)

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى