شينحۋا اگەنتتىگىنىڭ 4 - ايدىڭ 14 - كۇنى بەيجيڭنەن بەرگەن حابارى. ج ك پ ورتالىق كوميتەتى، مەملەكەتتىك كەڭەس جۋىقتا حايناننىڭ رەفورما جاساپ، ەسىك اشۋدى جاپپاي تەرەڭدەتۋىنە قولداۋ كورسەتۋ جونىندەگى جەتەكشى پىكىردى ورتاعا قويدى. «پىكىر» 10 جاقتاعى 31 تارماقتى قامتيدى.
«پىكىردە» مىنالار اتاپ كورسەتىلدى: جۇڭگوشا سوتسياليزم جاڭا داۋىرگە وتكەن جاعدايدا، حاينان ەكونوميكالىق ەرەكشە رايونىنىڭ رەفورما جاساپ، ەسىك اشۋىنا جاڭا بورىش جۇكتەۋ − باس شۋجي شي جينپيڭ ءوزى جوبالاعان، ءوزى ورنالاستىرعان، ءوزى ىلگەرىلەتكەن ماڭىزدى مەملەكەتتىك ستراتەگيا، ول، ءسوز جوق، ەلىمىزدىڭ رەفورما جاساپ، ەسىك اشۋ جاڭا اۋقىمىن تۇلعالاۋعا كەلەلى ءارى تەرەڭ ىقپال جاسايدى. حايناننىڭ رەفورما جاساپ، ەسىك اشۋدى جاپپاي تەرەڭدەتۋىنە قولداۋ كورسەتۋدە كوشىرۋگە، جالپىلاستىرۋعا بولاتىن تاجىريبەلەر جونىندە ىزدەنىس جاساۋعا، رەفورمانى ەندىك جانە بويلىق جاقتان ىلگەرىلەتۋگە، جۇڭگوشا سوتسياليستىك ءتۇزىمدى كەمەلدەندىرۋگە جانە دامىتۋعا ءتيىمدى؛ ەلىمىزدىڭ ەكونوميكانىڭ جاھاندانۋ ۇردىسىنە ىرىقتىلىقپەن قاتىناسۋىنا جانە ونى ىلگەرىلەتۋىنە، اناعۇرلىم جوعارى دەڭگەيدەگى اشىق ەكونوميكانى دامىتۋعا، جاپپاي ەسىك اشۋدىڭ جاڭا اۋقىمىن قالىپتاستىرۋدى جەدەل ىلگەرىلەتۋگە ءتيىمدى؛ حايناننىڭ سوتسياليستىك وسىزامانداندىرۋىن جەدەل جۇزەگە اسىرۋعا، ونى جاڭا داۋىردەگى جۇڭگوشا سوتسياليزمنىڭ تىڭ جارقىن ءتۇيىنى ەتىپ قالىپتاستىرۋعا، جۇڭگوشا سوتسياليستىك ءتۇزىمىنىڭ ارتىقشىلىعىن ايگىلەۋگە، جۇڭحۋا ۇلتىنىڭ ۇيىسۋ كۇشىن جانە سەنترگە تارتۋ كۇشىن نىعايتۋعا ءتيىمدى.
«پىكىردە» مىنالار اتاپ كورسەتىلدى: قامداۋ جاعىنداعى قۇرىلىمدىق رەفورمانى نەگىزگى جەلى ەتىپ، حاينان ەكونوميكالىق ەرەكشە رايونىنىڭ رەفورما جاساپ، ەسىك اشۋىنا جاڭا بورىش جۇكتەپ، ەركىن ساۋدا سىناق رايونىن جانە جۇڭگوشا ەرەكشەلىككە يە ەركىن ساۋدا پورتىن قۇرۋ كەرەك.
حايناننىڭ ستراتەگيالىق ورنى جونىندە، «پىكىردە» مىنالار ورتاعا قويىلدى: حايناندى رەفورما جاساپ، ەسىك اشۋدى جاپپاي تەرەڭدەتۋدىڭ سىناق رايونى ەتىپ قۇرىپ شىعىپ، ونى ەلىمىزدىڭ تىنىق مۇحيت پەن ءۇندى مۇحيتقا باعىتتالعان، سىرتقا ەسىك اشاتىن ماڭىزدى قاقپاسى ەتىپ تۇلعالاۋ؛ ەكولوگيالىق وركەنيەتتىڭ مەملەكەتتىك سىناق رايونى ەتىپ قۇرىپ شىعىپ، بۇكىل مەملەكەتتىڭ ەكولوگيالىق وركەنيەت قۇرىلىسىن ىلگەرىلەتۋگە تىڭ تاجىريبەلەر قاراستىرۋ؛ حالىقارالىق ساياحات - تۇتىنۋ ورتالىعى ەتىپ قۇرىپ شىعىپ، كاسىپ ۇلگىلەرىنە باي، ماركالار شوعىرلانعان، قورشاعان ورتاسى جايلى، ەرەكشەلىگى ايقىن، تۇتىنۋ مەن ساياحاتتىڭ حالىقارالىق ايگىلى مەكەنىن تۇلعالاۋ؛ مەملەكەتتىڭ كەلەلى ستراتەگيالارىنا قىزمەت ەتۋ جانە ونى قامتاماسىز ەتۋ رايونى ەتىپ قۇرىپ شىعىپ، تەڭىز - مۇحيتتاعى قۇدىرەتتى ەل، «ءبىر بەلدەۋ، ءبىر جول» قۇرىلىسى، ارميا مەن حالىقتىڭ توعىسپالى دامۋى سياقتى ماڭىزدى ستراتەگيالارعا تەرەڭدەي توعىستىرىپ، تىرەك بولۋ، قامتاماسىز ەتۋ قابىلەتى قۇرىلىسىن جاپپاي كۇشەيتىپ، پارتيا ورتالىق كوميتەتى جۇكتەگەن ماڭىزدى بورىشتى شىنايى، ويداعىداي اتقارىپ، حايناننىڭ مەملەكەتتىڭ ستراتەگيالىق جۇلگەسىندەگى ورنى مەن رولىن جوعارىلاتۋ كەرەك.
«پىكىردە» مىنالار باسا دارىپتەلدى: حايناننىڭ رەفورما جاساپ، ەسىك اشۋدى جاپپاي تەرەڭدەتۋىنە قولداۋ كورسەتۋدە، پارتيانىڭ رەفورما جاساپ، ەسىك اشۋعا بولعان باسشىلىعىنا تاباندى بولۋ جانە ونى كۇشەيتۋ، ءبىر تۇتاس ىلگەرىلەتۋگە جانە ورنىقتى قاداممەن شارا قولدانۋعا تاباندى بولۋ، قۇرلىق پەن تەڭىزدى ءبىر تۇتاس قورعاۋعا جانە دامىتۋعا تاباندى بولۋ، دارىندىلاردىڭ شەشۋشى رولىن ساۋلەلەندىرۋگە تاباندى بولۋ كەرەك.
پىكىردە مىنالار ورتاعا قويىلدى: 2020 - جىلعا بارعاندا، بۇكىل مەملەكەتپەن بىرگە جاپپاي دوڭگەلەك داۋلەتتى قوعام ورناتۋ نىساناسىن جۇزەگە اسىرۋ، قازىرگى ولشەمدەگى اۋىل - قىستاق كەدەيلەرىنىڭ كەدەيلىكتەن قۇتىلۋىنا، كەدەي اۋدانداردىڭ كەدەيلىك قالپاعىن تۇگەل الىپ تاستاۋىنا كەپىلدىك ەتۋ؛ ەركىن ساۋدا سىناق رايونى قۇرىلىسىندا ماڭىزدى ىلگەرىلەۋشىلىككە قول جەتكىزىپ، حالىقارالىق اشىقتىق دەڭگەيىن كورنەكتى جوعارىلاتۋ؛ الەۋمەتتىك قىزمەت كورسەتۋ جۇيەسىن ونان ارى كەمەلدەندىرىپ، حالىق بۇقاراسىنىڭ تابىس سەزىمىن كورنەكتى كۇشەيتۋ؛ ەكولوگيالىق وركەنيەت ءتۇزىمىن نەگىزىنەن ورناتىپ، ەكولوگيالىق ورتانىڭ ساپاسىندا مەملەكەت بويىنشا ۇزدىكسىز ماڭداي الدى دەڭگەيدى ساقتاۋ كەرەك.
2025 - جىلعا بارعاندا، ەكونوميكالىق ءوسۋدىڭ ساپاسى مەن ونىمدىلىگىن كورنەكتى جوعارىلاتۋ؛ ەركىن ساۋدا پورتى ءتۇزىمىن العاشقى قادامدا ورناتىپ، ساۋدا - تيجارات ورتاسىن ەل ىشىندەگى ماڭداي الدى دەڭگەيگە جەتكىزۋ؛ دەموكراتيالىق زاڭ - ءتۇزىمدى ونان ارى كەمەلدەندىرىپ، جونگە سالۋ جۇيەسى مەن جونگە سالۋ قابىلەتىنىڭ وسىزاماندانۋ دەڭگەيىن كورنەكتى جوعارىلاتۋ؛ الەۋمەتتىك قىزمەت كورسەتۋدىڭ دەڭگەيى مەن ساپاسىن ەل ىشىندەگى وزىق دەڭگەيگە جەتكىزۋ، نەگىزگى الەۋمەتتىك قىزمەت كورسەتۋدىڭ بىركەلكىلەنۋىن نەگىزىنەن جۇزەگە اسىرۋ؛ ەكولوگيالىق ورتانىڭ ساپاسىندا مەملەكەت بويىنشا جەتەكشى دەڭگەيدى ۇزدىكسىز ساقتاۋ كەرەك.
2035 - جىلعا بارعاندا، سوتسياليستىك وسىزامانداندىرۋ قۇرىلىسىندا مەملەكەتتىڭ الدىڭعى لەگىندە ءجۇرۋ؛ ەركىن ساۋدا پورتى ءتۇزىمى جۇيەسى مەن اينالىم ۇلگىسىن ونان ارى كەمەلدەندىرىپ، ساۋدا - تيجارات ورتاسىن دۇنيە ءجۇزى بويىنشا الدىڭعى لەككە كىرگىزۋ؛ حالىقتىڭ تۇرمىسىن اناعۇرلىم مولشىلىققا كەنەلتىپ، جالپى حالىقتىڭ بىرگە بايۋىندا نىق قادام تاستاپ، ساپالى الەۋمەتتىك قىزمەت كورسەتۋ جانە جاڭالىق اشۋ، شارۋاشىلىق قۇرۋ ورتاسىن حالىقارالىق وزىق دەڭگەيگە جەتكىزۋ؛ ەكولوگيالىق ورتانىڭ ساپاسى مەن بايلىقتاردىڭ پايدالانىلۋ ونىمدىلىگىن دۇنيە ءجۇزى بويىنشا جەتەكشى دەڭگەيگە جەتكىزۋ؛ وسى زامانعى قوعامدىق جونگە سالۋ جۇلگەسىن نەگىزىنەن قالىپتاستىرىپ، قوعامىنىڭ ومىرشەڭدىككە تولى ءارى جاراسىمدى، ءتارتىپتى بولۋىنا قول جەتكىزۋ كەرەك.
وسى عاسىردىڭ ورتا شەنىنە بارعاندا، سوتسياليستىك وسىزامانداندىرۋدى الدىمەن جۇزەگە اسىرىپ، جوعارى دەڭگەيدە بازارلانعان، حالىقارالانعان، زاڭمەن جونگە سالۋ ارناسىنا تۇسكەن، وسىزاماندانعان تۇزىمدىك جۇيە قالىپتاستىرىپ، جالپىلىق باسەكەلىك قۋاتى مەن مادەنيەتتىك ىقپال قۋاتى جەتەكشى ورىنعا شىققان وڭىرگە اينالدىرىپ، جالپى حالىقتىڭ بىرگە بايۋىن نەگىزىنەن جۇزەگە اسىرىپ، ەكونوميكاسى گۇلدەنگەن، قوعامى وركەنيەتتى، ەكولوگياسى قونىسقا جايلى، حالقى باقىتتى، جارقىن، جاڭا حاينان قۇرىپ شىعۋ كەرەك.
