ءتىلشىمىز ياۋ تۇڭ 4 - ايدىڭ 14 - كۇنى ۇرىمجىدەن حابارلايدى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ ياڭ جاقىندا شينجياڭدا قىزمەت تەكسەرگەندە مىنانى باسا دارىپتەدى: شينجياڭنىڭ دامۋى، ورنىقتىلىعى، بۇكىل ەلىمىزدىڭ رەفورما، دامۋ، ورنىقتىلىق جالپى جاعدايىمەن قاتىستى، مەملەكەتتىڭ تۇتاستىعىمەن، ۇلتتاردىڭ ىنتىماقتىعىمەن، مەملەكەتتىڭ حاۋىپسىزدىگىمەن قاتىستى. شي جينپيڭنىڭ جاڭا ءداۋىر جۇڭگوشا سوتسياليزم يدەياسى مەن پارتيا 19 - قۇرىلتايىنىڭ رۋحىن ىشكەرىلەي ۇيرەنىپ، دايەكتىلەندىرىپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن مۇقيات دايەكتىلەندىرىپ، تياناقتاندىرىپ، شينجياڭنىڭ ورنىقتىلىق قىزمەتىن جاقسى ىستەۋدىڭ قاجەتتىلىگىن، جاپالىلىعىن جانە ۇزاق ۋاقىتتىلىعىن جەتە تانىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، ۇستىنەن وڭاۋ مەن تۇبىرىنەن وڭاۋدى تەڭ يگەرىپ، جالپىلىق شارا اتقارىپ، ورنىقتىلىق بارىسىندا ىلگەرىلەپ، تاباندىلىقپەن ۇلەس قوسىپ، ىنتىماقتى، جاراسىمدى، كوركەيىپ - گۇلدەنگەن، باي، وركەنيەتتى، العا باسقان، حالقى الاڭسىز تىرشىلىك ەتكەن جۇڭگوشا سوتسياليستىك شينجياڭ قۇرۋ كەرەك.
اۆتونوميالى رايوندىق پارتكومنىڭ شۋجيى چىن چۋانگو قىزمەت تەكسەرۋدە بىرگە بولدى.
4 - ايدىڭ 10 - كۇنىنەن 14 - كۇنىنە دەيىن، ۋاڭ ياڭ ىلگەرىندى - كەيىندى حوتان، اقسۋ، ءۇرىمجى سياقتى جەرلەرگە بارىپ، نەگىزگى ساتىلاردى جانە الدىڭعى شەپتەردى ارالاپ، بىرنەشە رەتكى اڭگىمە ءماجىلىستى باسقارىپ اشىپ، قاتىستى جاقتاردىڭ پىكىرلەرىن، ۇسىنىستارىن تىڭدادى. ول مىنانى اتاپ كورسەتتى: اۆتونوميالى رايوندىق پارتكوم ساياسيدا، يدەيادا، ءىس - ارەكەتتە وسكەلەڭ سانالىلىقپەن، پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، كوپتەگەن اسا ءونىمدى قىزمەتتەر ىستەپ، كەلەلى كەزەڭدىك سيپاتتى تابىستارعا قول جەتكىزدى. شينجياڭدا جالپى جاعداي ورنىقتى، جاعدايدى مەڭگەرۋگە بولاتىن، اۋقىم جاقسى بەتالىسقا قاراي بەتتەگەن تاماشا جاعداي جارىققا شىقتى. شينجياڭنىڭ اماندىق جاعدايى كورنەكتى جاقسارىپ، ءدىني ۇشقارىلىقتىڭ ءسىڭىپ كىرۋى كورنەكتى تەجەلىپ، ءار ۇلت كادرلارى مەن بۇقارانىڭ حاۋىپسىزدىك سەزىمى كورنەكتى كۇشەيدى؛ سونىمەن قاتار، تۇتاس رايونىمىزدىڭ ەكونوميكاسى ورنىقتى، اقاۋسىز دامىپ، حالىق تۇرمىسى ۇزدىكسىز جاقسارىپ، ءار ۇلت حالقىنىڭ ارالاسۋى، ىشتەسۋى، توعىسۋى كۇشەيە ءتۇستى. بيڭتۋان رەفورمانى تەرەڭدەتۋدى پارمەندى، ءتارتىپتى، ءونىمدى ىلگەرىلەتىپ، باياندى تىنىشتىققا نۇقسان جەتكىزەتىن تەرەڭ قاتپارداعى ماسەلەلەردى تۇبىرىنەن شەشۋگە تاماشا نەگىز قالادى. وسى ناتيجەلەر وڭاي - وسپاق قولعا كەلگەن جوق، بارىنشا قادىرلەۋگە تاتيدى.
ۋاڭ ياڭ مىنانى باسا دارىپتەدى: شينجياڭ قىزمەتىن جاقسى ىستەۋدە، كوز الداعى جاعدايدى تياناق ەتىپ، «ءۇش ءتۇرلى كۇشكە» قارسى تەگەۋىرىندى كۇيدى ساقتاپ، قوعام ورنىقتىلىعى تاماشا جاعدايىن بەكەمدەپ ءارى بولاشاققا كوز جىبەرىپ، نەگىز قالايتىن، تۇبىرىنەن باسقاراتىن قىزمەتتەردى كوبىرەك ىستەپ، باياندى تىنىشتىق نەگىزىن بەرىك قالاۋ كەرەك. قاتىستى ساياساتتار جونىندە ۇزدىكسىز ىزدەنىپ جانە ونى كەمەلدەندىرىپ، اماليات بارىسىندا ىسپاتتالعان ءونىمدى شارالاردى قايتكەندە ۇدايىلاندىرۋعا بولادى دەگەندى اقىلداسىپ، قول جەتكىزگەن تابىستاردى اناعۇرلىم بەكەمدەۋ كەرەك. دۇرىس يدەيالىق پىكىرلەردى ايقىن تۋ ۇستاي وتىرىپ قولداپ، «ءپانىسلاميزم مەن پانتۇركيزم» سياقتى قاتە يدەيالارعا ايقىن تۋ ۇستاي وتىرىپ تويتارىس بەرىپ، جاقسىنى جاقتاپ، جاماندى تيىپ، دۇرىس سالتتى دارىپتەپ، بۇرىس سالتتى الاستاپ، قوعامدا وڭ ەنەرگيانى بارىنشا ساۋلەلەندىرىپ، يدەيا، قوعامدىق پىكىر جانە مادەنيەت بازاسىن مىقتاپ يەمدەنۋ كەرەك. وڭتۇستىك شينجياڭداعى 3 ايماق، ءبىر وبلىستى ءتۇيىن ەتىپ، كەدەيلىكتەن قۇتىلدىرۋدان قامال الۋ شايقاسىن باتىل ويداعىداي جۇرگىزىپ، ءار ۇلت بۇقاراسىنىڭ تۇرمىس دەڭگەيىن شىن مانىندە جوعارىلاتىپ، ۇشقارىلىقتى ءتۇپ - تۇقيانىمەن الاستاۋ كەرەك. پارتيانىڭ باسشىلىعى مەن يدەيالىق، ساياسي قۇرىلىستى كۇشەيتىپ، وتاندى ءسۇيۋ، شينجياڭدى ءسۇيۋ، قاجىرلىلىقپەن شارۋاشىلىق قۇرۋ، ءورىس اشا ىلگەرىلەۋ، قالتقىسىز ۇلەس قوسۋ رۋحىن ساۋلەلەندىرىپ، ساياسيدا بەرىك، ستيلدە تاباندى، تارتىپتە قاتاڭ كادرلار قوسىنىن جەتىلدىرۋ كەرەك.
ۋاڭ ياڭ مىنانى باسا دارىپتەدى: بيڭتۋاننىڭ رەفورمانى تەرەڭدەتۋى − شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ كەلەلى ورنالاستىرۋى. بيڭتۋان رەفورماسىنىڭ دۇرىس بەتالىسىن مىقتاپ يگەرىپ، رەفورماعا قاتىستى كەلەلى ماسەلەلەر مەن شەشۋشى بۋىنداردى يگەرىپ، بيڭتۋاننىڭ وڭتۇستىككە قاراي دامۋىن جەدەل ىلگەرىلەتىپ، بيڭتۋان مەن جەرگىلىكتى ورىنداردىڭ توعىسىپ دامۋىن بارىنشا جەبەپ، بيڭتۋان رۋحىنا مۇراگەرلىك ەتىپ جانە ونى ساۋلەلەندىرىپ، جاڭا ءداۋىر تالابىنا ۇيلەسەتىن، شينجياڭ قىزمەتى باس نىساناسىن جۇزەگە اسىرۋعا پايدالى، بيڭتۋاننىڭ فۋنكتسيالىق ورنىن تۇراقتاندىراتىن ءتۇزىلىس مەحانيزمىن قۇلشىنا قالىپتاستىرىپ، جاڭا داۋىردەگى بيڭتۋاننىڭ ەرەكشە رولىن اناعۇرلىم ويداعىداي ساۋلەلەندىرۋ كەرەك.
قىزمەت تەكسەرگەن كەزدە ۋاڭ ياڭ مەملەكەتتىك ساياسي كەڭەستىڭ شينجياڭداعى ءبىر ءبولىم مۇشەلەرىمەن اڭگىمە ءماجىلىسىن وتكىزىپ، اۆتونوميالى رايوندىق ساياسي كەڭەس ورگانىنداعى قىزمەتكەرلەرگە امانداسا باردى.
ورتالىق شينجياڭ قىزمەتىن سايكەستىرۋ گرۋپپاسى كەڭسەسىنىڭ مەڭگەرۋشىسى شى داگاڭ، مەملەكەتتىك دامۋ جانە رەفورما كوميتەتىنىڭ ورىنباسار مەڭگەرۋشىسى ليڭ نيانشيۋ، قازىنا مينيسترلىگىنىڭ ورىنباسار مينيسترى حۋ جيڭليڭ، مەملەكەتتىك كەڭەس كەدەيلەردى سۇيەمەلدەۋ كەڭسەسىنىڭ مەڭگەرۋشىسى ليۋ يۇڭفۋ قىزمەت تەكسەرۋدە بىرگە بولدى. اۆتونوميالى رايوننىڭ باسشىلارىنان شوكىرات زاكىر، نۇرلان ءابىلماجىن ۇلى، سۇن جينلۇڭ، جۋ حايلۇن، لي پىڭشين قاتىستى قىزمەت تەكسەرۋ قيمىلدارىنا نەمەسە اڭگىمە ماجىلىسكە قاتىناستى.
