ءتاڭىرتاۋ تورابى   ›   جاڭالىقتار   ›   شينجياڭ حابارلارى

وسى زامانعى ەنەرگيا ەكونوميكاسىن ويداعىداي دامىتايىق

تىلشىلەرىمىز شى شين، چىن چياڭحۇي، ەرىكتى ءتىلشى ساي شۋ

  باس شۋجي شي جينپيڭ مەملەكەتتىك 13 - كەزەكتى حالىق قۇرىلتايىنىڭ 1 - ماجىلىسىندە ىشكى موڭعۇل ۋاكىلدەر ۇيىرمەسىنىڭ تالقىسىنا قاتىناسقاندا ماڭىزدى ءسوز سويلەپ مىنانى اتاپ كورسەتتى: وسى زامانعى ەنەرگيا ەكونوميكاسىن ويداعىداي دامىتىپ، الەمنىڭ ەنەرگيا تەحنيكالىق توڭكەرىسىنىڭ جاڭا بەتالىسىنا ءجىتى ىلەسىپ، شارۋاشىلىق تىزبەگىن ۇزارتىپ، ەنەرگيا بايلىقتارىن كەشەندى پايدالانۋدىڭ تيىمدىلىگىن جوعارىلاتۋ كەرەك.

  پارتيا 19 - قۇرىلتايىنىڭ بايانداماسىندا ەنەرگيانى دامىتۋ جونىندە ايقىن تالاپتار ورتاعا قويىلدى، تازا، تومەن كومىرتەكتى، حاۋىپسىز، جوعارى ءونىمدى ەنەرگيا جۇيەسىن ورناتۋىمىز كەرەك.

  جاڭا داۋىرگە قادام تاستاعان شينجياڭ ءىس جۇزىندىك جاعدايدى تياناق ەتىپ، وسى زامانعى ەنەرگيا ەكونوميكاسىن قايتكەندە ويداعىداي دامىتادى؟ بايلىق تيپىندەگى وڭىرلەر تيپىن وزگەرتىپ، دارەجەسىن جوعارىلاتۋدى قالاي جۇزەگە اسىرادى؟ شينجياڭداعى ەنەرگيا كاسىپورىندارى جوعارى ساپالى دامۋدى ىلگەرىلەتۋگە قالاي كۇش شىعارادى؟ تاياۋدان بەرى، تۇتاس رايونىمىزداعى ءار ۇلت پارتيا مۇشەلەرى مەن كادرلار باس شۋجيدىڭ ماڭىزدى سوزدەرىنىڭ رۋحى مەن ۇكىمەت قىزمەتىنەن باياندامانى ىشكەرىلەي ۇيرەنىپ، دايەكتىلەندىرىپ، جاڭا دامۋ ۇستانىمىن امالياتتا ايگىلەپ، ماڭىزدى ءتۇيىندى كورنەكتىلەندىرىپ، قىزمەتتى ويداعىداي مىقتى يگەرۋگە قۇلشىندى.

  كومىر كاسىبىنىڭ جوعارى ساپالى دامۋىن ىلگەرىلەتەيىك

  شينجياڭ كومىر كەن حاۋىپسىزدىگىن باقىلاۋ - تەكسەرۋ مەكەمەسى، اۆتونوميالى رايوندىق كومىر ونەركاسىبىن باسقارۋ مەكەمەسى پارتيا باسشىلىق گرۋپپاسىنىڭ ورىنباسار شۋجيى، مەكەمە باستىعى ۋ جياچۇن بىلاي دەدى: ءبىز باس شۋجي شي جينپيڭنىڭ وسى زامانعى ەنەرگيا ەكونوميكاسى جونىندەگى تالابى بويىنشا، كەن قۇدىقتارىنىڭ حاۋىپسىزدىگىنە كەپىلدىك ەتۋ قابىلەتىن، جاسىل كەن قۇرىلىسىن جوعارىلاتۋ، كومىر كاسىبىنىڭ قامداۋ جاعىنداعى قۇرىلىمدىق رەفورماسىن تەرەڭدەتۋ، ەنەرگيا بايلىعىنان كەشەندى پايدالانۋ ونىمدىلىگىن جوعارىلاتۋ جاعىنا دەن قويىپ، كومىر كاسىبىنىڭ جوعارى ساپالى دامۋىن ىشكەرىلەي ىلگەرىلەتىپ، قوعام ورنىقتىلىعى مەن باياندى تىنىشتىققا تىڭ ۇلەس قوسۋىمىز كەرەك.

  2017 - جىلى اۆتونوميالى رايونىمىز كومىر ءوندىرىسى مولشەرىن 178 ميلليون تونناعا جەتكىزىپ، بىلتىرعى سول تۇستاعىدان %10.6ارتتىردى، سونداي - اق بەلسەندى شارا قولدانىپ، وڭتۇستىك شينجياڭنىڭ كومىر بازارىنىڭ قامداۋىن ورنىقتىرىپ، اۆتونوميالى رايوننىڭ ەكونوميكالىق، قوعامدىق دامۋىن نەگىزگى ەنەرگيا كەپىلدىگىمەن قامدادى.

  سونىمەن قاتار، تۇتاس رايونىمىز ءوندىرىس قۋاتى مەشەۋ 114 كومىر كەندى جاۋىپ، جىلدىق ءوندىرىس قۋاتى 11 ميلليون 630 مىڭ تونناعا جەتەتىن كومىر كاسىبى قۇرىلىمىن ساپالىلاندىرۋدا كورنەكتى ناتيجەگە قول جەتكىزدى. وتكەن جىلى رايونىمىز كومىر كاسىبىن عىلمي زەرتتەۋدەن قامال الۋ سەرپىنىن كۇشەيتتى جانە جەتىستىكتەرىن كادەگە جاراتتى، شىنحۋا شينجياڭ سەرىكتەستىگى رايونىمىزدا تۇڭعىش رەتكى سوقپا جەر قىسىمىنان ساقتانۋ جانە جونگە سالۋ ورتالىعىن قۇردى، تۇتاس رايونىمىزدا كومىردى عىلمي زەرتتەيتىن 5 نىسان اۆتونوميالى رايوندىق عىلىم - تەحنيكا مەڭگەرمەسىنىڭ ساراپتاۋىنان ءوتتى.

  ۋ جياچۇن بىلاي دەدى: بيىل رايونىمىز كومىر كاسىبى قۇرىلىمىن ىشكەرىلەي ساپالىلاندىرىپ، كومىر كەندەردى كولەمدەندىرۋ، شوعىرلاندىرۋ، وسىزامانداندىرۋ دەڭگەيىن بارىنشا جوعارىلاتىپ، كومىر كاسىبىنىڭ تيپىن وزگەرتىپ، دارەجەسىن جوعارىلاتۋدى جۇزەگە اسىرىپ، جاسىل كەن قۇرىلىسىن ىلگەرىلەتەدى.

  بايلىق تيپىندەگى وڭىرلەردىڭ تيپىن وزگەرتىپ، دارەجەسىن جوعارىلاتۋدى جەدەلدەتەيىك

  كۇشار اۋداندىق پارتكومنىڭ ورىنباسار شۋجيى، ۇنەمىلىك ىستەرگە جاۋاپتى ورىنباسار اكىم، مەملەكەت دارەجەلى كۇشار ەكونوميكالىق - تەحنيكالىق اشۋ رايونى پارتيا ىستەرى قىزمەتى كوميتەتىنىڭ شۋجيى باي حىبين بىلاي دەدى: بيىل ءبىز باس شۋجي شي جينپيڭنىڭ «وسى زامانعى ەنەرگيا ەكونوميكاسىن ويداعىداي دامىتۋ» تالابى بويىنشا، ەنەرگيا حيميا ونەركاسىپ كاسىبىن «جىنتىكتەۋ، ناقتىلاندىرۋ، كۇشەيتۋ» نىساناسىنا قاراي قادام تاستاۋعا جەبەۋگە كۇش شىعارامىز.

  كۇشار اۋدانى تارىم مۇنايىن بارلاۋ - اشۋداعى نەگىزگى شايقاس مايدانى، باتىستىڭ گازىن شىعىسقا جەتكىزۋدەگى نەگىزگى گاز الابىنىڭ ءبىرى، اۆتونوميالى رايون تۇراقتاندىرعان نەگىزگى ەنەرگيا حيميا ونەركاسىپ بازاسى. بەرتىنگى جىلدارى، «ونەركاسىپتەگى قۇدىرەتتى اۋداندى» دامىتۋ ستراتەگياسىن اتقارۋعا كۇش شىعارۋ ارقىلى، ەنەرگيا، حيميا ونەركاسىپ كاسىبىن نەگىز ەتىپ، باسقا كاسىپتى سايكەستى دامىتۋ جاعدايىن بىرتىندەپ قالىپتاستىرىپ، 2017 - جىلى ەنەرگيا حيميا ونەركاسىپ كاسىبىنىڭ ءونىم قۇنىن 22 ميلليارد 43 ميلليون يۋانعا جەتكىزدى.

  باي حىبين بىلاي دەدى: 5 جىلدا ەنەرگيا حيميا ونەركاسىپ كاسىبىنىڭ ءونىم قۇنىن 50 ميلليارد يۋاننان اسىرۋعا كۇش شىعارامىز. وسى نىساناعا جەتۋ ءۇشىن، ەڭ اۋەلى، ميلليون توننا مۇناي ايىرۋدى دامىتۋدى نەگىز ەتىپ، كەن بايلىعىنان كەشەندى پايدالانۋ دەڭگەيىن ۇزدىكسىز جوعارىلاتىپ، ابزال بايلىقتى سول جەردىڭ وزىندە مانەرلەپ، كادەگە جاراتىپ، كاسىپتىڭ دامۋ دەڭگەيى مەن ونىمدىلىگىن جوعارىلاتىپ، ءتۇيىندى نىسانداردى تياناقتاندىرۋدى مىقتى يگەرۋ كەرەك.

  سونىمەن قاتار، وڭتۇستىك - سولتۇستىك شينجياڭنىڭ 750 كيلوۆولتتىق نەگىزگى توراپتى جالعاستىرۋ تۇيىندەرىنە، وڭتۇستىك شينجياڭداعى 750 كيلوۆولتتىق اينالمالى توراپ تىرەگى تۇيىندەرىنە جانە مول بايلىق باسىمدىعىنا سۇيەنىپ، قازىرگى گەنەراتور اگراگاتتارىنىڭ ونىمدىلىگىن جوعارىلاتۋدى تەزدەتىپ، گەنەراتور اگراگاتتارىنىڭ جالپى سانىن جاپپاي جوعارىلاتىپ، وڭتۇستىك شينجياڭداعى نەگىزگى ەلەكتر كۇشى بازاسىن قالىپتاستىرامىز.

  ەنەرگيا ونىمدىلىگىن جاپپاي جوعارىلاتايىق

  گۋاڭحۇي ەنەرگيا شەكتى جارنا سەرىكتەستىگى قازىر ەلىمىزدەگى تۇڭعىش «كومىر، مۇناي، تابيعي گاز» سىندى 3 ءتۇرلى بايلىققا بىردەي يە بولىپ وتىرعان حالىق باسقارۋىنداعى ەنەرگيا كاسىپورنى. باس شۋجي شي جينپيڭنىڭ وسى زامانعى ەنەرگيا ەكونوميكاسى جونىندەگى ماڭىزدى ءسوزى گۋاڭحۇي ەنەرگيا شەكتى جارنا سەرىكتەستىگىندە كۇشتى اڭىس قوزعادى.

  گۋاڭحۇي ەنەرگيا شەكتى جارنا سەرىكتەستىگى پارتكومىنىڭ شۋجيى، باقىلاۋ ىستەرى القاسىنىڭ ءتوراعاسى لياڭ شياۋ بىلاي دەپ تانىستىردى: وسى زامانعى ەنەرگيا ەكونوميكاسىن ويداعىداي دامىتۋدى ارقاۋ ەتىپ، سەرىكتەستىگىمىز شينجياڭدى جانە ورتا ازيانى تياناق ەتىپ، تۇتاس جەر شارىنا بەت الىپ، مول تابيعي گاز، كومىر جانە مۇناي بايلىعىنا قول جەتكىزىپ، ەنەرگيا كاسىبىن تيجارات ءتۇيىنى ەتىپ، بايلىققا قول جەتكىزۋ مەن بۇرىلىس جاساۋدى بەتالىس ەتكەن كاسىپ سالاسىن دامىتۋ جۇلگەسىن ايقىندادىق. سوڭعى مەرزىمدە سەرىكتەستىگىمىز ەنەرگيانى اشۋ ستراتەگياسىنا تاباندى بولۋدان اۋىتقىماي، ەنەرگيادان تازا پايدالانۋدى نەگىزگى جەلى ەتىپ، وسى زامانعى كاسىپ سالاسى جۇلگەسى مەن كاسىپ سالاسى تىزبەگىن ساپالىلاندىرىپ، كومىر جاسىل وندىرىسىنە تاباندى بولىپ، كومىر حيميا ونەركاسىبىن ورنىقتى دامىتىپ، تابيعي گاز كاسىپ سالاسىن كورنەكتى دامىتىپ، اۋقىمعا ساي، جاڭا ەنەرگيا سالاسىنا قادام تاستاپ، تىڭ ارتۋ تۇيىندەرىن ۇزدىكسىز اشۋ كەرەك.

  شينجياڭ گۋاڭحۇي سۇيىتىلعان تابيعي گاز دامۋ شەكتى سەرىكتەستىگىنىڭ باس مەڭگەرۋشىسى جاۋ چياڭ بىلاي دەدى: ەنەرگيا قاجەتىن قاناعاتتاندىرۋعا كەپىلدىك ەتۋ العى شارتىندا ەلىمىزدىڭ بولاشاقتاعى ەنەرگيانى دامىتۋ ستراتەگياسى ەنەرگيا ونىمدىلىگىن جوعارىلاتۋدى، ەنەرگيانى جاسىل، باياندى دامىتۋدى جۇزەگە اسىرۋدى تالاپ ەتۋدە. سوندىقتان تازا دا جەتكىلىكتى ەنەرگيانى اشۋ جانە پايدالانۋ، تەحنيكا ورەسىن جوعارىلاتۋ، بۇرىلىس جاساۋ ونىمدىلىگىن جوعارىلاتۋ − تازا ەنەرگيا كاسىبىن دامىتۋداعى ماڭىزدى بەتالىس بولۋدا.

  قازىر گۋاڭحۇي ەنەرگيا شەكتى جارنا سەرىكتەستىگى ءىرى تيپتى، جارناسى بازارعا سالىنعان ەنەرگيا سەرىكتەستىگىنە اينالدى، سەرىكتەستىكتىڭ 1 - توقسانداعى تازا كىرىسىنىڭ بىلتىرعى سايكەستى مەزگىلدەگىدەن %1618−%1552 ارتاتىندىعى مەجەلەنۋدە.

  ەنەرگيانى جاسىل دامىتۋدىڭ جاڭا جاعدايىن اشايىق

  − «بيىل ءبىز جاسىل دامۋدى جەبەۋدى، ەنەرگيا ءوندىرىسى مەن تۇتىنۋ توڭكەرىسىن ورگە باستىرۋدى بەتالىس ەتىپ، تازا، تومەن كومىرتەكتى، حاۋىپسىز، جوعارى ءونىمدى ەنەرگيا جۇيەسىن ورناتۋعا قۇلشىنامىز»، - دەدى اۆتونوميالى رايوندىق ەنەرگيا مەكەمەسىنىڭ ورىنباسار باستىعى ۋ گاڭ.

  2017 - جىلى اۆتونوميالى رايون تازا، تومەن كومىرتەكتى، حاۋىپسىز، جوعارى ءونىمدى ەنەرگيا جۇيەسىن قۇرۋ اياق الىسىن جەدەلدەتتى، شينجياڭنىڭ ەنەرگيامەن قامداۋدى قامتاماسىز ەتۋ قابىلەتى كورنەكتى جوعارىلادى، ەنەرگيا تۇتىنۋ قۇرىلىمى اناعۇرلىم ساپالىلاندى، ەنەرگيا توڭكەرىسى ۇزدىكسىز تەرەڭدەدى، ەنەرگيا ارقىلى حالىققا تيىمدىلىك جاساۋ ينجەنەرياسى ۇزدىكسىز كۇشتى تەبىن بايقاتتى، مەملەكەتتىك «3 بازا، ءبىر وتكەلدىڭ» باستاپقى سۇلباسى سالىنىپ، ەنەرگيا كاسىبى شينجياڭداعى ماڭىزدى تىرەكتى كاسىپ سالاسىنا اينالدى.

  بيىل باس شۋجي شي جينپيڭنىڭ «وسى زامانعى ەنەرگيا ەكونوميكاسىن ويداعىداي دامىتۋ» تالابى بويىنشا، اۆتونوميالى رايوندىق دامۋ جانە رەفورما كوميتەتى، اۆتونوميالى رايوندىق ەنەرگيا مەكەمەسى ەنەرگيانى جاسىل دامىتۋ اياق الىسىن جەبەپ، تازا ەنەرگيا كاسىپ سالاسىن تىنباي الۋەتتەندىرەدى. ەنەرگيانى اشۋ مەن ەكولوگيالىق ورتانى قورعاۋدى سايكەستى دامىتىپ، كورىكتى شينجياڭ قۇرۋدى قۇدىرەتتى ەنەرگيا تىرەگىمەن قامدادى.

  قامداۋ جاعىنداعى قۇرىلىمدىق رەفورمانى ۇزدىكسىز تەرەڭدەتىپ، ەنەرگيا كاسىپ سالاسى تىزبەگىنىڭ ءورىسىن اناعۇرلىم كەڭەيتەدى. مايتاۋ، ءۇرىمجى، قارامايلى، وڭتۇستىك شينجياڭ تارىم وزەنى مۇناي حيمياسى قاتارلى 10 ميلليون توننالىق مۇناي ايىرۋ ءبىر تۇلعالانعان ءىرى تيپتى بازا قۇرىلىپ، كومىر، كومىر ەلەكتر، كومىر حيميا ونەركاسىبىنىڭ جوعارى، تومەنگى اعار كاسىىبىنىڭ توعىسۋىن جەبەپ، ەنەرگيا بايلىعىن اشۋ ارقىلى جەرگىلىكتى ورىندى ءتىپتى دە كوپ يگىلىكتەرگە كەنەلدىردىك.

  ەنەرگيا رەفورماسىنداعى ءتۇيىندى سالالارعا زەر سالعانىمىزدا، رايونىمىز بيىل ەلەكتر ءتۇزىلىسى مەن مۇناي، تابيعي گاز ءتۇزىلىسى رەفورماسىن ىشكەرىلەتىپ، بازاردىڭ بايلىقتى جايعاستىرۋداي شەشۋشى رولىن تولىق ساۋلەلەندىرىپ، قارامايلى شينجياڭ مۇناي، تابيعي گاز ساۋدا ورتالىعىن قۇرۋدى، مولشەردى ارتتىرۋ ارقىلى ەلەكترلەستىرۋ تورابى كاسىبى جونىندە سىناق ەتۋ تۇيىندەرىن ءتارتىپتى جۇرگىزىپ، وسى زامانعى ەنەرگيا بازارى جۇيەسىن اناعۇرلىم كەمەلدەندىردى. اۋىل شارۋاشىلىق توراپ دەڭگەيىن جوعارىلاتۋ ينجەنەرياسىن تىڭعىلىقتى ۇيىمداستىرىپ، وڭتۇستىك شينجياڭداعى كومىردى توككە وزگەرتۋ ينجەنەرياسىنىڭ اتقارىلۋىن تارتىپپەن جەبەپ، فوتوۆولتتىق جاقتان كەدەيلەردى سۇيەمەلدەۋ ينجەنەرياسىن تىڭعىلىقتى جەبەپ، ءار ۇلت بۇقاراسىنىڭ تابىس سەزىمى مەن باقىت سەزىمىن اناعۇرلىم جوعارىلاتۋ كەرەك.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ادام مەن تابيعاتتىڭ جاراسىمدى داستانىن جازدى
  • قالاسى كوركەم، حالقى باي جاڭا كارتينانى كەستەلەدى
  • ءشول دالادان «جاسىل قورعان» تۇرعىزدى
  • ءشول دالا جاسىل جەلەك جامىلدى
بىزبەن بايلانىس جارناما قىزمەتى لەبىز قالدىرۋ ءبىز تۋرالى