ءتاڭىرتاۋ تورابى   ›   جاڭالىقتار   ›   ماڭىزدى حابارلار

ورتالىق اسكەري ىستەر كوميتەتىنىڭ ءتوراعاسى شي جينپيڭ بۇيرىققا قول قويدى

  جاڭادان وزگەرىس ەنگىزىلگەن «جۇڭگو حالىق ازاتتىق ارمياسىنىڭ ىشكى جۇمىستار ەرەجەسى (سىناق رەتىندە اتقارىلادى)»، «جۇڭگو حالىق ازاتتىق ارمياسىنىڭ ءتارتىپ ەرەجەسى (سىناق رەتىندە اتقارىلادى)»، «جۇڭگو حالىق ازاتتىق ارمياسىنىڭ ساپقا تۇرۋ ەرەجەسى (سىناق رەتىندە اتقارىلادى)» جاريالاندى

  شينحۋا اگەنتتىگىنىڭ 4 - ايدىڭ 15 - كۇنى بەيجيڭنەن بەرگەن حابارى (تىلشىلەر لي يۇن، ليۋ جيمەي). ورتالىق اسكەري ىستەر كوميتەتىنىڭ ءتوراعاسى شي جينپيڭ تاياۋدا بۇيرىققا قول قويىپ جاڭادان وزگەرىس ەنگىزىلگەن «جۇڭگو حالىق ازاتتىق ارمياسىنىڭ ىشكى جۇمىستار ەرەجەسىن (سىناق رەتىندە اتقارىلادى)»، «جۇڭگو حالىق ازاتتىق ارمياسىنىڭ ءتارتىپ ەرەجەسىن(سىناق رەتىندە اتقارىلادى)»، «جۇڭگو حالىق ازاتتىق ارمياسىنىڭ ساپقا تۇرۋ ەرەجەسىن (سىناق رەتىندە اتقارىلادى)» (ءبىر تۇتاس ورتاق ەرەجە دەلىنەدى) جاريالادى، بۇل ورتاق ەرەجە 2018 - جىلى 5 - ايدىڭ 1 - كۇنىنەن باستاپ اتقارىلادى.

  جاڭادان وزگەرىس ەنگىزىلگەن ورتاق ەرەجە شي جينپيڭنىڭ ارميانى قۇدىرەتتەندىرۋ يدەياسىن جاپپاي دايەكتىلەندىرىپ، پارتيانىڭ حالىق ارمياسىنا ابسوليۋتتى باسشىلىعىنا تاباندى بولىپ، اسكەري ىستەر كوميتەتىنىڭ ءتوراعاسى جاۋاپتى بولۋ ءتۇزىمىن جاپپاي ىشكەرىلەي دايەكتىلەندىرىپ، جاڭا جاعدايداعى اسكەري ىستەر ستراتەگيالىق باعىتىن دايەكتىلەندىرىپ، «بەسكە اناعۇرلىم ءمان بەرۋ» ستراتەگيالىق جەتەكشىلىگىنە تاباندى بولىپ، اسكەري ىستەر كوميتەتى جالپى باسقارۋ، سوعىستىق رايون نەگىزگى سوعىس جۇرگىزۋ، ارميا تۇرلەرى نەگىزگى قۇرىلىس جۇرگىزۋ جاڭا جاعدايىنا ۇيلەسىپ، ارميانى جاپپاي قاتاڭ جونگە سالۋدىڭ تالابىن ەرەجەنىڭ بۋىن - بۋىندارىندا ايگىلەپ، داۋىرلىك سيپاتتى، عىلميلىق سيپاتتى، دالمە - دالدىك سيپاتتى جانە مەڭگەرىمدىلىك سيپاتتى كۇشەيتتى، ول جاڭا داۋىردەگى ارميانى مونتيزمدەندىرۋ قۇرىلىسىنىڭ نەگىزگى زاڭ - ەرەجەسى جانە جالپى اسكەرلەردىڭ ورتاق بويسۇناتىن ارەكەت ولشەمى. جاڭادان وزگەرىس ەنگىزىلگەن ورتاق ەرەجەنىڭ جاريالانىپ، اتقارىلۋى جاڭا تاريحي باستامادا جۇڭگوشا ارميانى قۇدىرەتتەندىرۋ جولىمەن بۇلجىماي ءجۇرىپ، مەملەكەت قورعانىسى مەن ارميانىڭ وسىزاماندانۋىن جاپپاي ىلگەرىلەتىپ، پارتيانىڭ جاڭا داۋىردەگى ارميانى قۇدىرەتتەندىرۋ نىساناسىن جۇزەگە اسىرۋ، حالىق ارمياسىن دۇنيە جۇزىندەگى بىرەگەي ارميا ەتىپ جاپپاي قۇرىپ شىعۋ جونىنەن ماڭىزدى ءمان الادى.

  جاڭادان وزگەرىس ەنگىزىلگەن «ىشكى جۇمىستار ەرەجەسى (سىناق رەتىندە اتقارىلادى)» بۇرىنعى 21 تاراۋ 420 تارماقتان 15 تاراۋ 325 تارماققا ىقشامدالىپ، ىشكى جۇمىستار قۇرىلىسىنىڭ جەتەكشى يدەياسى مەن پرينسيبىن ايقىنداپ، ارميانى ساياسي جولمەن قۇرۋعا، ارميانى رەفورما ارقىلى قۇدىرەتتەندىرۋگە، ارميانى عىلىم - تەحنيكا ارقىلى گۇلدەندىرۋگە، ارميانى زاڭمەن جونگە سالۋعا تاباندى بولىپ، نازاردى سوعىسقا دايىندالىپ، سوعىس جۇرگىزۋگە شوعىرلاندىرىپ، جاڭا تۇزىلىستەردى، جاڭا تالاپتاردى نازارعا الىپ، ارميا ورنىنىڭ اتاۋىن جانە اسكەرلەردىڭ مىندەت جاۋاپكەرلىگىن رەتتەپ، ارناعا ءتۇسىرىپ، كۇندەلىكتى سوعىس دايىندىعىن، ناقتى سوعىستىق اسكەري جاتتىعۋىن باسقارۋ مازمۇنىنىڭ تالاپتارىن تولىقتادى؛ قاتاڭ باسقارۋدى، عىلمي باسقارۋدى نازارعا الىپ، جىلجىمالى تەلەفوننىڭ جانە ينتەرنەتتىڭ قولدانىلۋىن باسقارۋ، ۇكىمەت كولىگىن پايدالانۋ، ارميا كەلبەتى، ستيلى، ءتارتىبى، ارميا تۋىن پايدالانۋدى باسقارۋ، قىزمەتكەرلەردى باسقارۋ سياقتى جاقتارداعى بەلگىلەمەلەرگە وزگەرىس ەنگىزىپ، اسكەريلەردىڭ توراپتان زات ساتىپ الۋى، جاڭا مەديالاردان پايدالانۋى سياقتى ارەكەت ولشەمدەرىن تىڭنان قوستى؛ كوماندير - جاۋىنگەرلەردىڭ ۇقىق - مۇددەسىن قامتاماسىزداندىرۋدى نازارعا الىپ، دەمالىس ورنالاستىرۋىن رەتتەۋ، قىزمەتكەرلەردىڭ سىرتقا شىعۋ سالىستىرماسى جانە كازارمادا قالۋ، جاتاقتا قونۋ سياقتى بەلگىلەمەلەردى رەتتەپ، جاتتىعۋدا جارالانۋدان ساقتانۋ، اسكەريلەردىڭ كۇتىمدەلۋى، پسيحيكالىق كەڭەس سياقتى جاقتارداعى تالاپتاردى تىڭنان كوبەيتتى.

  جاڭادان وزگەرىس ەنگىزىلگەن «ءتارتىپ ەرەجەسى (سىناق رەتىندە اتقارىلادى)» بۇرىنعى 7 تاراۋ 179 تارماقتان 10 تاراۋ 262 تارماققا رەتتەلىپ، پارتيانىڭ قولباسشىلىعىنا قۇلاق اسۋدى، دايىندىق سوعىستى، سوعىس جۇرگىزۋدى جانە ارميانى جاپپاي قاتاڭ جونگە سالۋدى ارقاۋ ەتىپ، ساياسي ءتارتىپ، ۇيىمدىق ءتارتىپ، سوعىس جۇرگىزۋ ءتارتىبى، جاتتىعۋ ءتارتىبى، قىزمەت ءتارتىبى، قۇپيالىقتى ساقتاۋ ءتارتىبى، پاكتىك ءتارتىبى، قازىنا - ەكونوميكا ءتارتىبى، بۇقارالىق ءتارتىپ، تۇرمىس ءتارتىبى سياقتى 10 جاقتاعى ءتارتىپ مازمۇنى تالابىن ورتاعا قويدى؛ يدەيالىق ساياسي قۇرىلىس، ناقتى سوعىس جۇرگىزۋ جاتتىعۋى، كەلەلى مىندەتتەردى اتقارۋ، عىلىم - تەحنيكادا جاڭالىق اشۋ سياقتىلاردى سيلاۋ شارتىن كەمەلدەندىردى؛ سيلاۋ - ماداقتاۋدى باسقارۋ ولشەمىن تىڭنان قوسىپ، سيلاۋ - ماداقتاۋ نىسانى، تەكسەرىپ بەكىتۋ ۇقىق شەگى، وراي سياقتىلار جونىندە جاڭا ولشەم شىعاردى. سونىمەن بىرگە سيلاۋ - ماداقتاۋدى جانە شابىتتاندىرۋدى بايلانىستىرعان سايكەستى تارماقتاردى كۇشىنەن قالدىردى؛ ساياسي تارتىپكە قايشى كەلۋ، ەرەجەگە قايشى ادام تاڭداۋ، ادام ىستەتۋ، سوعىس دايىندىعىنىڭ ساپا ولشەمىن تومەندەتۋ، جاتتىعۋ ستيلى، مانەۆر ستيلى، تەكسەرۋ ستيلى دۇرىس بولماۋ، كەلەلى شەشىمدەردەن اعاتتىق جىبەرۋ، باقىلاۋ، ءتارتىپ اتقارۋ جەتكىلىكتى بولماۋ سياقتىلاردى جازالاۋ شارتىن كەمەلدەندىردى؛ سيلاۋ - جازالاۋ نىساناسىن ورنالاستىرۋ، سيلاۋ - جازالاۋ ۇقىق شەگى جانە ۇستىنە الۋشى تاراۋ رەتتەلىپ، سيلاۋ - جازالاۋدىڭ ەرەكشە جاعدايداعى ءبىر جاقتى ەتۋ پرينسيبى مەن بەلگىلەمەسىن قوستى.

  جاڭادان وزگەرىس ەنگىزىلگەن «ساپقا تۇرۋ ەرەجەسى (سىناق رەتىندە اتقارىلادى)» بۇرىنعى 11 تاراۋ 71 تارماقتان 10 تاراۋ 89 تارماققا رەتتەلىپ، كوماندير - جاۋىنگەرلەردىڭ جىگەرىن اناعۇرلىم ۇشتاۋدى، ارميامىزدىڭ تاماشا وبرازىن ايگىلەۋدى، وتاندى ءسۇيۋ، ارميانى ءسۇيۋ ىنتاسىن تاسقىنداتۋدى نازارعا الىپ، سەرت بەرۋ، ۇيىمداسۋ، جەڭىسپەن ورالۋ، قۇربانداردى قارسى الۋ سياقتى 14 سالتتى تىڭنان قوسىپ، ءتۇرلى سالتتىڭ ورايىن، ورنىن، ءتارتىبىن جانە تالابىن ارناعا ءتۇسىردى، كەمەلدەندىردى؛ اسكەري پارات قيمىلىنىڭ ۇيىمداسۋ ءتارتىبىن، شارشى توپ تۇلعاسىن، ارەكەت ءتۇيىنىن رەتتەدى، اشالادى؛ ساپقا تۇرۋ تۇرمىسىنىڭ نەگىزدىك ولشەم ورنىن جانە قارۋ - جاراقپەن جابدىقتالۋدى باسقارۋ ولشەمىن رەتتەپ، كازارما قاقپاسىن كۇزەتۋشىلەردىڭ ارەكەتى سياقتى مازمۇنداردى بىرلىككە كەلتىردى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى