ءتاڭىرتاۋ تورابى   ›   جاڭالىقتار   ›   ماڭىزدى حابارلار

«شي جينپيڭنىڭ جالپىلىق مەملەكەت حاۋىپسىزدىگى كوزقاراسى جونىندەگى بايىمداۋلارىنان ۇزىندىلەر» اتتى كىتاپ باسپادان شىعىپ تاراتىلدى

  شينحۋا اگەنتتىگىنىڭ 4 - ايدىڭ 15 - كۇنى بەيجيڭنەن بەرگەن حابارى. ج ك پ ورتالىق كوميتەتىنىڭ پارتيا تاريحىن جانە حۇجات زەرتتەۋ ينستيتۋتى رەداكسيالاعان «شي جينپيڭنىڭ جالپىلىق مەملەكەت حاۋىپسىزدىگى كوزقاراسى جونىندەگى بايىمداۋلارىنان ۇزىندىلەر» اتتى كىتاپ جاقىندا ورتالىق حۇجاتتار باسپاسىنان باسىلىپ شىعىپ، مەملەكەت كولەمىندە تاراتىلدى.

  جالپىلىق مەملەكەت حاۋىپسىزدىگى كوزقاراسىنا تاباندى بولۋ − شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ ماڭىزدى مازمۇنى. پارتيا 19 - قۇرىلتايىنىڭ بايانداماسىندا: «دامۋ مەن حاۋىپسىزدىكتى ءبىر تۇتاس جوسپارلاپ، تاۋقىمەت تانىمىن كۇشەيتىپ، زەينەتتى كۇندە بەينەتتى كۇننىڭ بولارىن ويلاۋ − پارتيامىزدىڭ ەل باسقارۋداعى نەگىزگى پرينسيبى» دەپ باسا دارىپتەلگەن. شي جينپيڭ جولداستىڭ جالپىلىق مەملەكەت حاۋىپسىزدىگى كوزقاراسى توڭىرەگىندە جاساعان ءبىر قىدىرۋ ماڭىزدى بايىمداۋلارى ۇزاق بولاشاقتى كوزدەي وتىرىپ العا قويىلعان، مازمۇنى باي، ويى تەرەڭ بولىپ، پارتيامىزدىڭ مەملەكەت حاۋىپسىزدىگى جونىندەگى تانىمىن تىڭ بەلەسكە جانە جاڭا دەڭگەيگە كوتەردى، ول جاڭا داۋىردەگى مەملەكەت حاۋىپسىزدىگى قىزمەتىنە جەتەكشىلىك ەتەتىن قۇدىرەتتى يدەيالىق قارۋ. شي جينپيڭ جولداستىڭ جالپىلىق مەملەكەت حاۋىپسىزدىگى كوزقاراسى جونىندەگى ماڭىزدى بايىمداۋلارىن مۇقيات ۇيرەنۋ بۇكىل پارتيانىڭ شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە تىعىز توپتاسىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ رۋحىن دايەكتىلەندىرۋى، تياناقتاندىرۋى، جالپىلىق مەملەكەت حاۋىپسىزدىگى كوزقاراسىنا تاباندى بولىپ، جۇڭگوشا مەملەكەت حاۋىپسىزدىگى جولىمەن بۇلجىماي ءجۇرىپ، مەملەكەت حاۋىپسىزدىگىنىڭ ءتۇزىلىس مەحانيزمىن كەمەلدەندىرىپ، مەملەكەت حاۋىپسىزدىگى يقۋات قۇرىلىسىن كۇشەيتىپ، مەملەكەتتىڭ حاۋىپسىزدىگىن ءونىمدى قورعاپ، «قوس 100 جىلدىق» كۇرەس نىساناسىن ىسكە اسىرۋى، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن ىسكە اسىرۋى جونىنەن اسا ماڭىزدى مانگە يە.

  «بايىمداۋلارىنان ۇزىندىلەر» جالپىلىق مەملەكەت حاۋىپسىزدىگى كوزقاراسىنا تاباندى بولۋ؛ ءتۇيىندى سالالارداعى مەملەكەت حاۋىپسىزدىگىن قورعاۋ؛ ورتاق، كەشەندى، ىنتىماقتى، باياندى حاۋىپسىزدىكتى ىسكە اسىرۋ؛ بەيبىت دامۋ جولىمەن ءجۇرۋ سىندى 4 ارناۋلى تاقىرىپتان قۇرالعان. كىتاپقا 450 بايىمداۋ ەنگىزىلگەن، ولار شي جينپيڭ جولداستىڭ 2012 - جىلى 11 - ايدىڭ 15 - كۇنىنەن 2018 - جىلى 3 - ايدىڭ 20 - كۇنىنە دەيىن اشىق جاريالاعان ءسوز، بايانداما، اڭگىمە، نۇسقاۋ، بەكىتۋ، قۇتتىقتاۋ حات سياقتى 180نەن استام ماڭىزدى حۇجاتتاردان الىنعان.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى