− ءتوراعا شي جينپيڭنىڭ بو - اۋ ازيا تالقى مىنبەرىندە سويلەگەن ارقاۋ ءسوزى جونىندە (4)
جۇڭگونىڭ دامۋى دۇنيە جۇزىنەن ايرىلا المايدى، دۇنيە ءجۇزىنىڭ گۇلدەنۋى مەن ورنىقتىلىعى دا جۇڭگودان ايرىلا المايدى.
«جۇڭگوشا سوتسياليزم جاڭا داۋىرگە ءوتىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ جاڭا پاراعىن، جۇڭگونىڭ دۇنيە جۇزىمەن توعىسا داميتىن جاڭا كارتيناسىن سالدى»، ءتوراعا شي جينپيڭ بو - اۋ ازيا تالقى مىنبەرىندە سويلەگەن ارقاۋ سوزىندە، ازيا مەن دۇنيە ءجۇزىنىڭ كوركەم بولاشاعىن كوزدەي وتىرىپ، رەفورما جاساپ، ەسىك اشقان 40 جىلدان بەرى جۇڭگو مەن دۇنيە ءجۇزىنىڭ بىرگە دامۋىنىڭ، العا باسۋىنىڭ ۇلى بارىسىن تەرەڭ سۇيىسپەنشىلىكپەن ەسكە الدى، جاڭا داۋىردە جۇڭگونىڭ دۇنيە جۇزىمەن توعىسا دامۋىنىڭ جاڭا كارتيناسىن سالۋداعى بەرىك سەنىمىن سالماقتىلىقپەن جاريالاپ، دۇنيە ءجۇزىنىڭ بەيبىتشىلىگى مەن دامۋىنا جۇڭگو سەنىمىن سيلادى.
رەفورما جاساپ، ەسىك اشقان 40 جىلدان بەرى، جۇڭگو مەن دۇنيە ءجۇزى بىرگە دامىپ، ىلگەرىلەپ، تالاي تار جول، تايعاق كەشۋدى باستان وتكىزدى، وسى بارىستا تالاي اشتى مەن ءتاتتىنىڭ ءدامىن بىرگە تاتتى. 40 جىل قايراتتانا العا ۇمتىلىپ، جۇڭگو حالقى جۇڭگو جولىن اشىپ، جۇڭگو كۇشىن ۇيىستىرىپ، رەفورما جاساپ، ەسىك اشۋ مەن سوتسياليستىك وسىزامانداندىرۋ قۇرىلىسىنىڭ حيكىمەتتى تابىستارىنا قول جەتكىزىپ، مەملەكەت پەن ۇلتتى دامىتۋدىڭ ايبىندى داستانىن جازدى؛ 40 جىلدان بەرى ىزگى ۇلگى ارقىلى، جۇڭگو حالقى قۇشاعىن ايقارا اشىپ، دۇنيە ءجۇزىن قۇشاعىنا الىپ، تۇيىقتالۋدان، جارتىلاي تۇيىقتالۋدان جان - جاقتى ەسىك اشۋعا دەيىنگى ۇلى بۇرىلىستى ءساتتى جۇزەگە اسىرىپ، ادامزاتتىڭ بەيبىتشىلىگى مەن دامۋى ءۇشىن جۇڭگو ۇلەسىن قوستى. بۇگىنگى جۇڭگو دۇنيە ءجۇزى ەكونوميكاسىنىڭ ارتۋىنداعى نەگىزگى ورنىقتىرعىش جانە قوزعاۋشى كۇش قاينارى، الەمدىك بەيبىتشلىكتىڭ قۇرۋشىسى، جاھاندىق دامۋعا ۇلەس قوسۋشى، حالىقارالىق ءتارتىپتى قورعاۋشى، «دۇنيە ءجۇزى جاقسى بولعاندا عانا، جۇڭگو جاقسى بولادى؛ جۇڭگو جاقسى بولعاندا عانا، دۇنيە ءجۇزى ءتىپتى جاقسى بولادى» دەگەن قاراپايىم پىكىردى تەرەڭىنەن ايعاقتاپ، ءتوراعا شي جينپيڭنىڭ «ءبىر مەملەكەت، ءبىر ۇلت گۇلدەنەمىن دەيدى ەكەن، ءسوزسىز، تاريحتىڭ ىلگەرىلەۋ لوگيكاسىندا ىلگەرىلەۋى، ءداۋىردىڭ دامۋ اعىمىندا دامۋى كەرەك» دەگەن تۇجىرىمىنىڭ تەرەڭ فيلوسوفيالىق قاعيداسىن تولىق دالەلدەدى.
ءبىز سان وتكەلدەن، سانسىز اسۋدان وتتىك، ءبىراق ءالى دە تاۋ اسىپ، سۋ كەشۋىمىزگە تۋرا كەلەدى. جاڭا داۋىردە جۇڭگونىڭ دۇنيە جۇزىمەن توعىسا دامۋىنىڭ جاڭا كارتيناسىن سالۋدا، ءبىز بەيبىتشىلىك، دامۋ، ىنتىماقتاستىق، تەڭ يگىلىككە كەنەلۋ اۋقىمى جوڭكىلە العا ىلگەرىلەگەن دۇنيە ءجۇزى جالپى جاعدايىنا، سونداي - اق سايىستار تولاستاماعان، حاۋىپ - قاتەر كۇن سايىن كوبەيگەن ءتيىمسىز شارت - جاعدايعا دا ءدوپ كەلىپ وتىرمىز. وسى ساتتە، ءتوراعا شي جينپيڭ بو - اۋ ازيا تالقى مىنبەرىندە دۇنيە جۇزىنە: جاڭا داۋىردە، جۇڭگو حالقى ءوزىن ۇزدىكسىز الۋەتتەندىرىپ، ءوزىن - ءوزى جاڭالايدى؛ جۇڭگو حالقى باتىلدىقپەن جاڭالىق اشۋدى جالعاستىرىپ، دامۋدى جەبەيدى؛ جۇڭگو حالقى ەسىكتى ونان ارى ايقارا اشىپ، ىنتىماقتاستىقتى ونان ارى كۇشەيتەدى؛ جۇڭگو حالقى دۇنيە جۇزىمەن ۇزدىكسىز قاتار ءجۇرىپ، ادامزات ءۇشىن اناعۇرلىم كەسەك ۇلەس قوسادى، - دەپ اشىق جاريالادى.
بۇل ادىلەت جولىندا ەشتەڭەدەن تايىنبايتىن جۇڭگو تالعامى، ءداۋىردىڭ جالپى اۋقىمىنا ۇيلەسەتىن جۇڭگو ارەكەتى، ول جۇڭگونىڭ ادامزاتتىڭ بەيبىتشىلىگى مەن دامۋ ىستەرىن كوزدەيتىن ءىرى ەل جاۋاپكەرلىگىن تولىق ايگىلەدى، جۇڭگو حالقىنىڭ دۇنيە جۇزىندەگى ءار ەل حالقىمەن قول ۇستاسا العا باساتىن ىزگى نيەتتى ارمانىن تولىق بەينەلەدى.
جۇمىستى ىستەگەندە عانا، باسىنا الىپ شىعۋعا، جولدى باسقاندا عانا، سارا جول اشۋعا بولادى. بولاشاق قاشاندا ۇمىتكە، سايىسقا تولى، ايتسەدە رەال جاعدايدىڭ كۇردەلىلىگى سەبەپتى ارماننان بەزسەك بولمايدى، مۇراتتىڭ ورىندالۋىنىڭ قيىندىعى سەبەپتى تالپىنباۋىمىزعا بولمايدى. جاڭا داۋىردە، ءتوراعا شي جينپيڭ تالاپ ەتكەندەي، رەفورمانى تاباندىلىقپەن جاپپاي تەرەڭدەتىپ، رەفورمانى سوڭىنا دەيىن جۇرگىزسەك؛ حالىقتى وزەك ەتكەن دامۋ يدەياسىن تاباندىلىقپەن دايەكتىلەندىرىپ، حالىقتىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتسەك؛ ءوزارا پايدالى، تەڭ ۇتاتىن ەسىك اشۋ ستراتەگياسىن بۇلجىتپاي جۇرگىزىپ، قۇرلىق پەن تەڭىز، ءىش پەن سىرت بىرلەسىپ قيمىلدايتىن، شىعىس - باتىس 2 باعىتتا ءبىرىن - ءبىرى جەبەيتىن ەسىك اشۋ اشىقتىق جاعدايىن قالىپتاستىرۋدى ىلگەرىلەتسەك؛ بەيبىت دامۋ جولىمەن جۇرۋدەن جازباي، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتسەك بولعانى، جۇڭگونىڭ ەرتەڭى، ءسوزسىز، ءتىپتى دە تاماشا بولاتىنىنا، دۇنيە ءجۇزىنىڭ بولاشاعى دا، ءسوزسىز، ءتىپتى دە تاماشا بولاتىنىنا كامىل سەنەمىز. «بەيبىتشىلىكتىڭ ۇشقىنىن ۇرپاقتان - ۇرپاققا جالعاستىرىپ، دامۋدىڭ قوزعاۋشى كۇشىن تاسقىنداتىپ، وركەنيەتتى نۇر - شۇعىلا شاشتىرۋ» سىندى ءار ەل حالقىنىڭ ورتاق ارمانى الدىندا، دۇنيە جۇزىندەگى ءارقايسى ەل ءوز ەلىن جانە دۇنيە ءجۇزىن نازارعا الىپ، جالپى جاعداي مەن ۇزاق بولاشاقتى كوزدەپ، ءبىر نيەتپەن كۇش قوسىپ، قول ۇستاسا العا باسسا بولعانى، دۇنيە جۇزىندەگى ءار ەل حالقىنىڭ تاماشا تۇرمىسقا دەگەن تالپىنىسىن، ءسوزسىز، رەالدىققا اينالدىرۋعا بولادى.
ءار ءداۋىردىڭ ءوز تاقىرىبى، ءار بۋىننىڭ ءوز بورىشى بولادى. تەك ءداۋىردىڭ دامۋ اۋقىمىنا ىلەسىپ، ادامزاتتىڭ العا باسۋىنىڭ جالپى جاعدايىن يگەرىپ، حالىقتىڭ ورتاق ارمانىنا ۇيلەسىپ، داۋىرلىك بورىشتى سانالى تۇردە ارقالاساق بولعانى، جۇڭگونىڭ دۇنيە جۇزىمەن توعىسا دامۋىنىڭ جاڭا كارتيناسى، ءسوزسىز، ءتىپتى دە ايبىندى دا ساۋلەتتى بولادى، ءوزىمىز تۋىپ - وسكەن وسى پلانەتادان، ءسوزسىز، بەرەكەلى ۇلى شاڭىراق قۇرۋعا بولادى.
(شينحۋا اگەنتتىگىنىڭ 4 - ايدىڭ 13 - كۇنى بەيجيڭنەن بەرگەن حابارى)
