اۋرۋ سەبەبىنەن كەدەيلەسۋدى، اۋرۋ سەبەبىنەن كەدەيلىك قامىتىن قايتا كيۋدى قايتكەندە رايونىمىزداعى ءار ۇلت بۇقاراسىنىڭ جاپپاي دوڭگەلەك داۋلەتتى قوعام ورناتۋ جورىعىنداعى كەدەرگىگە اينالدىرماۋعا بولادى؟ جۋىردان بەرى، رايونىمىزداعى ءار ۇلت پارتيا مۇشەلەرى، كادرلار باس شۋجي شي جينپيڭنىڭ ماڭىزدى سوزدەرىنىڭ رۋحىن ىشكەرىلەي ۇيرەندى، دايەكتىلەندىردى، كوپشىلىك مىنالاردى ءبىلدىردى: كەدەيلەردى سالاماتتىق ارقىلى سۇيەمەلدەۋدى تىڭعىلىقتى ىلگەرىلەتىپ، ەمدەۋ قامتاماسىزدىق دەڭگەيىن جوعارىلاتىپ، سالماقتى اۋرۋلاردى تومەنگى شەكتە قامتاماسىزداندىرۋ ءتۇزىمىن كەمەلدەندىرىپ، كەدەي بۇقارانىڭ دەنساۋلىعىنا كوڭىل بولەتىن ادام بولۋعا، ناۋقاستى ەمدەيتىن ادام بولۋعا، اۋرۋدى ەمدەتكەندە ەسەپتەن كوتەرتە الاتىن بولۋعا، سالماقتى اۋرۋعا كومەك الا الاتىن بولۋعا كەپىلدىك ەتىپ، اۋرۋدىڭ كەدەيلىك تامىرىنا اينالۋىنان كۇش سالا ساقتانۋ كەرەك.
كەدەيلەردى سالاماتتىق ارقىلى سۇيەمەلدەۋ سىندى قيىن ماسەلەنى شەشتى
اۋرۋ سەبەبىنەن كەدەيلەسۋ، اۋرۋ سەبەبىنەن كەدەيلىك قامىتىن قايتا كيۋ باسا ءمان بەرۋدى، جۇيەلى شەشۋدى كۇتىپ تۇرعان ماسەلە. باس شۋجي شي جينپيڭ «كەدەيلەردى سالاماتتىق ارقىلى سۇيەمەلدەۋ كەدەيلەردى دالمە - ءدال سۇيەمەلدەۋدىڭ ءبىر جاعى، اۋرۋ سەبەبىنەن كەدەيلەسۋ، اۋرۋ سەبەبىنەن كەدەيلىك قامىتىن قايتا كيۋ قازىرگى كەزدەگى كەدەيلەردى سۇيەمەلدەۋدە قيىن ماسەلەلەردى شەشۋدەگى نەگىزگى شايقاس بەتالىسى» دەپ باسا دارىپتەگەن بولاتىن.
رايونىمىز باس شۋجيدىڭ تالاپتارىن مۇقيات دايەكتىلەندىردى، اۆتونوميالى رايوندىق دەنساۋلىق ساقتاۋ جانە جوسپارلى تۋىت كوميتەتى قاتارلى 7 تاراۋ بىلتىر بىرلەسىپ «اۆتونوميالى رايوندىق كەدەيلەردى سالاماتتىق ارقىلى سۇيەمەلدەۋ ينجەنەرياسىنىڭ <3 ءبىر توپ> ارەكەت جوسپارىن اتقارۋ جوباسىن» شىعارىپ، رايونىمىزداعى سالماقتى اۋرۋعا، سوزىلمالى اۋرۋعا، اۋىر ناۋقاسقا شالدىققان كەدەيلەردى توپقا ءبولىپ كومەكتەسۋدى، تومەنگى شەكتە قامتاماسىزداندىرۋدى ايقىندادى.
اۆتونوميالى رايوندىق جوسپارلى تۋىت كوميتەتى پارتيا باسشىلىق گرۋپپاسىنىڭ ورىنباسار شۋجيى، ورىنباسار مەڭگەرۋشى پىڭ يۇڭ بىلاي دەدى: قازىر رايونىمىز سالماقتى اۋرۋى بارلارعا شوعىرلى كومەكتەسۋ - قۇتقارۋ ءتۇيىندى شيپاحانالارىن تۇراقتاندىرىپ، كۇردەلى اۋرۋلارعا دياگنوز قويۋ، اۋىستىرىپ ەمدەۋ مەحانيزمىن ورناتىپ، شينجياڭعا باعىتتامالى كومەكتەسۋ، ارالاپ ەمدەۋ، الىس ارالىقتى دياگنوز قويۋ سياقتى فورمالاردان ۇتىمدى پايدالانىپ قۇتقارۋ - ەمدەۋ قىزمەتىن جاقسى ىستەدى. سونىمەن بىرگە، رايونىمىز جەرگىلىكتى ورىننىڭ ەمدەۋدەن قىزمەت كورسەتۋ قابىلەتىنە ۇيلەسەتىن، ناقتى دا اشالانعان دياگنوز قويۋ، ەمدەۋ جوباسى مەن كلينيكالىق ەمدەۋ جولىن جاساۋدى جەدەلدەتتى. نەگىزگى ەمدەۋ قامسىزداندىرۋ تىزىمدىگىندەگى حاۋىپسىز دە ءونىمدى، ۇنەمدى دە قولايلى ەمدەۋ تەحنيكالارىن، ءدارى - دارمەكتەردى جانە جۇمسالما بۇيىمداردى الدىمەن تاڭداپ، قاراجاتتى قاتاڭ باسقاردى. ءتۇيىندى شيپاحانالار دياگنوز قويۋ، ەمدەۋ بارىسىن ىشكەرىلەي كەمەلدەندىرىپ، كۇتۋ ۋاقىتىن قىسقارتىپ، اۋىل - قىستاقتارداعى كەدەي وتباسىلارىنداعى سالماقتى اۋرۋى بارلارعا جاسىل وتكەل اشتى.
باي اۋدانى قىزىل وڭەش راگى، اسقازان راگى سياقتى 7 تۇردەگى 9 سالماقتى اۋرۋدى شوعىرلى ەمدەۋمەن جاپپاي قامتىپ، سالماقتى اۋرۋعا، سوزىلمالى اۋرۋعا شالدىققان كەدەيلەردى تۇرگە ءبولىپ ەمدەپ، «سالماقتى اۋرۋلاردىڭ ءبىر توبىن شوعىرلى ەمدەۋ، سوزىلمالى اۋرۋلاردىڭ ءبىر توبىمەن كەلىسىم جاساپ قىزمەت كورسەتۋ، باسقارۋ، اۋىر ناۋقاستاردىڭ ءبىر توبىن تومەنگى شەكتە قامتاماسىزداندىرۋ» قىزمەتىن جان - جاقتى تياناقتاندىردى، تۇتاس اۋدانداعى ارحيۆ تۇرعىزىلىپ، كارتچكا بەرىلگەن كەدەيلەردەن 449 ادام - رەت ەمدەۋ كومەگىنە يە بولىپ، 870 مىڭ يۋاننان استام ەمدەۋ قاراجاتى ەسەپتەن كوتەرىلدى. باي اۋداندىق ادام كۇشى بايلىعى جانە قوعامدىق قامتاماسىزداندىرۋ مەكەمەسىنىڭ ورىنباسار باستىعى شۇي ۋي بىلاي دەپ تانىستىردى: كەلەسى قادامدا، اۋدان كولەمىندەگى شيپاحانالاردىڭ ءبىر ورىننان دەر كەزىندە ەسەپ جابۋىن ءۇرتىس جولعا قويىپ، قاتىستى كومەكتەسۋ، ەسەپتەن كوتەرۋ سالىستىرماسىن ايقىنداپ، كەدەي وتباسىلارىن ساياساتتىڭ تيىمدىلىگىنەن يگىلىكتەندىرىپ، كەدەي وتباسىلارىنىڭ كەدەيلىكتەن ۋاعىندا قۇتىلۋىنا، كەدەيلىكتەن ورنىقتى قۇتىلۋىنا كومەكتەسەمىز.
«بيىل رايونىمىز كەدەيلەردى دالمە - ءدال سۇيەمەلدەۋ مەحانيزمىن كەمەلدەندىرىپ، باعىتتامالى ەمدەۋدى جولعا قويىپ، نەگىزگى ەمدەۋ قامتاماسىزدىعى بولۋ ماسەلەسىن ءتۇيىندى شەشىپ، كەدەيلەردى ۇنەمى كەزدەسەتىن اۋرۋلاردى، كوپ تۋىلاتىن اۋرۋلاردى ەمدەتۋ مۇمكىندىگىنە يە ەتىپ، سالماقتى اۋرۋى بارلاردى قامتاماسىزدىقتان يگىلىكتەندىرەدى. «3 ءبىر توپ» ارەكەتى شاراسىن ىشكەرىلەي تياناقتاندىرۋ، شوعىرلى ەمدەلەتىن اۋرۋ تۇرلەرىنىڭ كولەمىن كەڭەيتۋ، اۋىل - قىستاقتارداعى كەدەيلەردى قامتاماسىزداندىرۋ مەحانيزمىن كەمەلدەندىرۋ، الىس ارالىقتى ەمدەۋ تورىنىڭ قامتۋ رولىن ساۋلەلەندىرۋ، نەگىزگى ساتىداعى ەمدەۋدەن، دەنساۋلىق ساقتاۋدان قىزمەت كورسەتۋ ورەسىن جوعارىلاتۋ سياقتى شارالار ارقىلى اۋرۋ سەبەبىنەن كەدەيلەسۋدەن، اۋرۋ سەبەبىنەن كەدەيلىك قامىتىن قايتا كيۋدەن باتىل ساقتانىپ، كەدەيلەردى سالاماتتىق ارقىلى سۇيەمەلدەۋدەن قامال الۋ شايقاسىنىڭ جەڭىسىنە باتىل جەتەدى»، - دەدى پىڭ يۇڭ.
قوعامدىق كومەك جانە قوعامدىق قامسىزداندىرۋ ءتۇزىمىنىڭ بىرىككەن كۇشىن ساۋلەلەندىردى
اۋات اۋدانى عورۇچەل قالاشىعى كەلپىن قىستاعىنىڭ تۇرعىنى مايەسقان ناسىر تالايدان بەرى جوعارى قان قىسىم، جۇرەك جانە كەۋدە قۋىسىنا سۋ جينالۋ اۋرۋلارىنىڭ ازابىن تارتسا دا، ەكونوميكالىق سەبەپتەن اۋرۋىن ەمدەتە الماي كەلگەن بولاتىن. بيىل 3 - ايدا اۆتونوميالى رايوندىق حالىق ىستەرى مەڭگەرمەسىنىڭ «ۇعىسۋ، تيىمدىلىك جاساۋ، توعىستىرۋ» قيمىلى بويىنشا وسى قىستاقتا تۇراتىن قىزمەت اترەتى بۇل جاعدايدان حابار تاپقاننان كەيىن دەر كەزىندە حال سۇراۋ قاراجاتىن جەتكىزەدى ءارى جەرگىلىكتى شيپاحانانىڭ ماماندارىمەن ەمدەۋ جوباسى جونىندە اقىلداسۋمەن بىرگە حالىق ىستەرى ەمدەۋ - كومەكتەسۋ ساياساتى بويىنشا مايەسقاننىڭ اۋرۋىن ەمدەتۋىنە كومەكتەسۋگە ءوتىنىش ەتەدى. «ساۋىعىپ كەتتىم، پارتيانىڭ جاقسى ساياساتىنا، ماعان قول ۇشىن سوزعان ادامدارعا العىس ايتامىن»، - دەدى شيپاحانادان شىققاندا مايەسقان اسەرلەنە.
قوعامدىق كومەكتەسۋ بويىنشا تومەنگى شەكتە قامتاماسىزداندىرۋ قىزمەتىن تىڭعىلىقتى ىستەپ، قالا، اۋىلداردا ەمدەۋدەن كومەك بەرۋدى كۇشەيتىپ، ءار ۇلت بۇقاراسىنىڭ تابىس سەزىمىن، باقىت سەزىمىن نىعايتا ءتۇسۋ ءۇشىن، اۆتونوميالى رايوندىق حالىق ىستەرى مەڭگەرمەسى بيىلدان باستاپ ەمدەۋ - كومەكتەسۋ وبيەكتىسىن تۇراقتاندىرۋدى ىشكەرىلەي ارناعا ءتۇسىرىپ، شيپاحانالاردىڭ كومەكتەسۋىن ولشەمدەندىرىپ، شيپاحانالاردىڭ كومەكتەسۋ قارجىسىن جوعارىلاتىپ، بۇقارانىڭ ەمدەلۋىنە، ءدارى - دارمەك ساتىپ الۋىنا قولايلىلىق تۋدىردى. سونىمەن بىرگە، سالماقتى اۋرۋلاردى قامتاماسىزداندىرۋ ءتۇزىمى جۇيەسىن كەمەلدەندىرۋدى كوزدە ۇستاپ، اۋىر، ەرەكشە اۋرۋلاردى ەمدەۋ ءتۇزىمىن تياناقتاندىرۋدى ىلگەرىلەتىپ، نەگىزگى ەمدەۋ قامسىزداندىرۋىن، قالا، اۋىل تۇرعىندارىنىڭ سالماقتى اۋرۋىن ەمدەتۋ قامسىزداندىرۋىن، قايىرىمدىلىق كومەكتى ۇشتاستىرۋدى جاقسى ىستەپ، قوعامدىق كومەك جانە قوعامدىق قامسىزداندىرۋ ءتۇزىمىنىڭ بىرىككەن كۇشىن ساۋلەلەندىردى.
«تەك 2017 - جىلدىڭ وزىندە، اۆتونوميالى رايون 743 ميلليون يۋان ەمدەۋدەن كومەكتەسۋ جاردەماقىسىن توپتاپ، ءبىر ميلليون 498 مىڭ ادام - رەت كومەك جاسادى. مۇنىڭ ىشىندە 230 مىڭ ادامنىڭ (رەت) بالنيتساعا جاتىپ ەمدەلۋىنە كومەكتەسىپ، ورتاشا جاردەماقى ورەسى ءار ادامعا 2390 يۋاننان اينالدى. تۇتاس رايونىمىزدىڭ قالا، اۋىلدارىنداعى ءبىر ميلليون 223 مىڭ كەدەي بۇقارانىڭ قالا، اۋىل تۇرعىندارىنىڭ نەگىزگى ەمدەۋ قامسىزداندىرۋىنا قاتىناسۋىنا كومەكتەسىپ، ورتا ەسەپپەن ءار ادامعا جىلىنا 125 يۋان جاردەماقى بەردى»، - دەدى اۆتونوميالى رايوندىق حالىق ىستەرى مەڭگەرمەسىنىڭ باستىعى توحتى ياقۇپ.
كەدەيلەردى تۇگەلدەي قامسىزداندىرۋ كولەمىنە كىرگىزدى
اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىنىڭ ساناعىنا قاراعاندا، 3 - ايدىڭ سوڭىنا دەيىن تۇتاس رايونىمىزدان 5 ءتۇرلى قوعامدىق قامسىزداندىرۋعا 37 ميلليون 605 مىڭ 800 ادام - رەت قاتىناسىپ، وتكەن جىلداعى ۇقساس مەزگىلدەگىدەن 551 مىڭ 200 ادام - رەت ارتقان. بيىل 3 - ايدا اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى جالپى حالىقتى قامسىزداندىرۋعا قاتىناستىرۋ مەن كەدەيلىكتەن قۇتىلدىرۋدان قامال الۋدى سايكەستى ىلگەرىلەتۋگە قولداۋ كورسەتىپ، رايون كولەمىندە اۋىل - قىستاق تۇرعىندارىن قامسىزداندىرۋعا قاتىناستىرۋدىڭ كوكتەمگى ارەكەتىن ورنالاستىردى. نازاردى وڭتۇستىك شينجياڭنىڭ 3 ايماق، ءبىر وبلىسىنداعى 22 اۋىر كەدەي اۋدانداعى كەدەيلەر جانە تۇتاس رايونىمىزداعى ارحيۆ تۇرعىزىلىپ، كارتچكا بەرىلگەن كەدەيلەر، تومەنگى تۇرمىسىن قامتاماسىز ەتۋ وبيەكتىلەرى، ەرەكشە قيىنشىلىعى بارلار سياقتى كەدەيلەرگە شوعىرلاندىرىپ، كەدەيلەردىڭ قامسىزداندىرۋعا قاتىناسۋ ەسەبىن تۇرعىزىپ، كەدەيلەردى تۇگەلدەي قامسىزداندىرۋ كولەمىنە كىرگىزىپ، كەدەيلەردى قوعامدىق قامسىزداندىرۋ ارقىلى سۇيەمەلدەۋ ساياساتىن جان - جاقتى تياناقتاندىردى. قوعامدىق قامتاماسىزداندىرۋدىڭ حاۋىپسىزدىك تورى بارعان سايىن جيىلەپ، بارعان سايىن بەكەمدەلدى.
بيىل 1 - ايدىڭ 1 - كۇنى ىلە قازاق اۆتونوميالى وبلىسىنا توتە قاراستى ورىندار قالا، اۋىل تۇرعىندارىنىڭ نەگىزگى ەمدەۋ قامسىزداندىرۋ ءتۇزىمىن رەسمي باستادى. «كەدەيلىكتەن قۇتىلدىرۋدان قامال الۋدا، ءبىز ىرىقتىلىقپەن ىسكە كىرىسىپ، كەدەيلەردى قامسىزداندىرۋعا قاتىناستىرۋ، كەدەيلەردىڭ ەمدەۋ قامسىزداندىرۋى مامىلەسىن جوعارىلاتۋ، نەگىزگى ەمدەۋ قامسىزداندىرۋى مەن سالماقتى اۋرۋلار قامسىزداندىرۋىن ءبىر تۇلعالاندىرۋ، ءبىر حۇجاتپەن ءىس ءبىتىرۋ، پاراساتتى باقىلاپ - باسقارۋ سياقتى جاقتاردا ەمدەۋ قامسىزداندىرۋى ساياساتىن ىشكەرىلەي كەمەلدەندىرىپ، كەدەيلەردى دالمە - ءدال سۇيەمەلدەۋدىڭ، كەدەيلىكتەن دالمە - ءدال قۇتىلدىرۋدىڭ ناقتى ونىمدىلىگىن جاراتۋدى ىلگەرىلەتتىك»، - دەدى ىلە وبلىستىق ادام كۇشى بايلىعى جانە قوعامدىق قامتاماسىزداندىرۋ مەكەمەسى ەمدەۋ، تۋىت قامسىزداندىرۋى باسقارماسىنىڭ باستىعى جاۋ شىڭميڭ.
اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى پارتيا باسشىلىق گرۋپپاسىنىڭ ورىنباسار شۋجيى، مەڭگەرمە باستىعى راحىمجان داۋىت بىلاي دەپ تانىستىردى: بيىل رايونىمىز قالا، اۋىل تۇرعىندارىنىڭ نەگىزگى ەمدەۋ قامسىزداندىرۋىنا قاتىناسقان كەدەيلەردىڭ جەكە قامسىزداندىرۋ اقىسىنا قازىنالىق جاردەماقى بەرۋ ساياساتىن تياناقتاندىرىپ، 2018 - جىلى 22 اۋىر كەدەي اۋدانداعى (قالا) ارحيۆ تۇرعىزىلىپ، كارتچكا بەرىلگەن كەدەيلەردى قالا، اۋىل تۇرعىندارىنىڭ نەگىزگى ەمدەۋ قامسىزداندىرۋىنا تۇگەل قاتىناستىرۋعا، بارلىعىنا قوعامدىق قامتاماسىزداندىرۋ كارتچكاسىن تاراتۋعا كەپىلدىك ەتەدى. سونىمەن بىرگە، رايونىمىز كەدەيلەردى سالاماتتىق ارقىلى سۇيەمەلدەۋدىڭ ءتۇيىندى مىندەتتەرىن ىشكەرىلەي تياناقتاندىرىپ، نەگىزگى ەمدەۋ قامسىزداندىرۋى، سالماقتى اۋرۋلار قامسىزداندىرۋدى سياقتى جالپىلىق قامتاماسىزداندىرۋدىڭ رولىن ساۋلەلەندىرىپ، اۋىر كەدەي وڭىرلەردەگى كەدەيلەردىڭ اۋرۋ سەبەبىنەن كەدەيلەسپەۋىنە، اۋرۋ سەبەبىنەن كەدەيلىك قامىتىن قايتا كيمەۋىنە كەپىلدىك ەتەدى.
(تىلشىلەرىمىز ياۋ جين، لي چۇنشيا، ليۋ جيڭ، ۋاڭ دۇڭ، اقسۋ تىلشىلەر پۋنكتىنەن رىن حۇڭفاڭ، ىلە تىلشىلەر پۋنكتىنەن شى شۋەحۇڭ، ەرىكتى ءتىلشى ۋاڭ ۋي)
