تيانشان تورى
تيانشان تورى   ›   جاڭالىقتار   ›   سۋرەتتى حابار

اۆتونوميالى رايوندىق پارتكومنىڭ تۇراقتى كوميتەت ءماجىلىسى باس شۋجي شي جينپيڭنىڭ بو - اۋ ازيا تالقى مىنبەرىندە سويلەگەن ارقاۋ ءسوزىنىڭ جانە حايناننىڭ ولكە، ەكونوميكالىق ەرەكشە رايون بولىپ قۇرىلعانىنىڭ 30 جىلدىعىن قۇتتىقتاۋ جينالىسىندا سويلەگەن ماڭىزدى ءسوزىنىڭ رۋحىن جەتكىزدى، ۇيرەندى

باس شۋجي شي جينپيڭنىڭ ماڭىزدى سوزدەرىنىڭ رۋحىن مۇقيات ۇيرەنىپ، دايەكتىلەندىرىپ، نازاردى باس نىساناعا بۇلجىتپاي شوعىرلاندىرىپ، جاڭا داۋىردە رەفورما جاساپ، ەسىك اشۋدى ىلگەرىلەتەيىك

چىن چۋانگو ءماجىلىستى باسقاردى

  ءتىلشىمىز ياۋ تۇڭ 4 - ايدىڭ 16 - كۇنى ۇرىمجىدەن حابارلايدى. 4 - ايدىڭ 16 - كۇنى تۇستەن بۇرىن اۆتونوميالى رايوندىق پارتكوم تۇراقتى كوميتەت ءماجىلىسىن اشىپ، باس شۋجي شي جينپيڭنىڭ بو - اۋ ازيا تالقى مىنبەرىندە سويلەگەن ارقاۋ ءسوزىنىڭ جانە حايناننىڭ ولكە، ەكونوميكالىق ەرەكشە رايون بولىپ قۇرىلعانىنىڭ 30 جىلدىعىن قۇتتىقتاۋ جينالىسىندا سويلەگەن ماڭىزدى ءسوزىنىڭ رۋحىن جەتكىزىپ، ۇيرەنىپ، اۆتونوميالى رايونىمىزدىڭ دايەكتىلەندىرۋ، تياناقتاندىرۋ پىكىرىن اقىلداستى. اۆتونوميالى رايوندىق پارتكومنىڭ شۋجيى چىن چۋانگو ءماجىلىستى باسقاردى جانە ءسوز سويلەدى.

  ماجىلىستە مىنالار اتاپ كورسەتىلدى: باس شۋجي شي جينپيڭنىڭ بو - اۋ ازيا تالقى مىنبەرىندە سويلەگەن ارقاۋ ءسوزى جانە حايناننىڭ ولكە، ەكونوميكالىق ەرەكشە رايون بولىپ قۇرىلعانىنىڭ 30 جىلدىعىن قۇتتىقتاۋ جينالىسىندا سويلەگەن ماڭىزدى ءسوزى جاعدايدى جان - جاقتى، جەتە يگەرىپ، بيىكتەن الىسقا كوز سالىپ، جۇڭگونىڭ رەفورما جاساپ، ەسىك اشۋداعى 40 جىلدىق تاريحي ساپارىنا تەرەڭ ىقىلاسپەن قايتا ءۇڭىلىپ، 40 جىلدان بەرگى رەفورما جاساپ، ەسىك اشۋدا قولعا كەلگەن وراسان زور تابىستار مەن جينالعان قۇندى تاجىريبەلەردى تەرەڭدەي قورىتىندىلاپ، جاڭا داۋىردە جۇڭگونىڭ رەفورمانى تەرەڭدەتۋ، ەسىكتى ونان ارى ايقارا اشۋ سىندى بەرىك بەكىمى مەن ماڭىزدى شارالارىن سالتاناتپەن جاريالاپ، جاڭا داۋىردەگى رەفورما جاساپ، ەسىك اشۋدا قايتا اتتانىسقا كەلۋ ءۇشىن ايقىن العا باسۋ باعىتىن كورسەتتى.

  ماجىلىستە مىنالار باسا دارىپتەلدى: يدەيا مەن ارەكەتتى باس شۋجي شي جينپيڭنىڭ ماڭىزدى ءسوزىنىڭ رۋحىمەن شىنايى بىرلىككە كەلتىرىپ، ستراتەگيالىق تۇراقتىلىقتى ساقتاپ، ءسوزسىز، جەڭەتىن سەنىمدى كۇشەيتىپ، تاۋ كەزدەسسە جول اشىپ، سۋ جولىقسا كوپىر سالىپ، رەفورمانى تاباندىلىقپەن جاپپاي تەرەڭدەتىپ، رەفورما جاساپ، ەسىك اشۋدىڭ اناعۇرلىم جوعارى دەڭگەيدەگى جاڭا جاعدايىن قالىپتاستىرۋعا قۇلشىنىپ، جاڭا داۋىردەگى تىڭ باستامادا رەفورما جاساپ، ەسىك اشۋدىڭ جاڭا جاعدايىن ۇزدىكسىز اشۋ كەرەك.

  ءبىرىنشى، نازاردى باس نىساناعا ۇزدىكسىز شوعىرلاندىرىپ، رەفورما جاساۋ، ەسىك اشۋ ءۇشىن تاماشا ورتا قالىپتاستىرۋ كەرەك. قوعام ورنىقتىلىعى مەن باياندى تىنىشتىق باس نىساناسىن شينجياڭ قىزمەتىنىڭ جالپى باعدارلاماسى ەتۋگە تاباندى بولىپ، ورنىقتىلىقتى قورعاۋدى ءبارىن باسىپ تۇسەتىن ساياسي مىندەت ەتىپ، نازاردى باس نىساناعا شوعىرلاندىرىپ، كەشەندى شارالاردى ويداعىداي اتقارىپ، لاڭكەستىككە قارسى تۇرىپ، ورنىقتىلىقتى قورعاۋدىڭ ۇدايىلانۋىن، ناتيجە جاراتۋىن ىلگەرىلەتىپ، قوعامدىق جالپى جاعدايدىڭ ۇزدىكسىز جاراسىمدى، ورنىقتى بولۋىنا كەپىلدىك ەتىپ، رەفورما جاساپ، ەسىك اشۋدى ىلگەرىلەتۋ ءۇشىن تاماشا قوعامدىق ورتا قالىپتاستىرۋ كەرەك.

  ەكىنشى، جاڭا دامۋ ۇستانىمىن دايەكتىلەندىرىپ، رەفورما جاساپ، ەسىك اشۋ بارىسىندا ساپالى دامۋدى جۇزەگە اسىرۋ كەرەك. جاڭالىق اشا دامۋ، جاسىل دامۋ، سايكەستى دامۋ، اشىق دامۋ، بىرگە يگىلىككە كەنەلەتىن دامۋ ۇستانىمىن بەرىك ورناتىپ، قامداۋ جاعىنداعى قۇرىلىمدىق رەفورمانى تەرەڭدەتىپ، بازاردىڭ رولى تولىق ساۋلەلەنەتىن، ۇكىمەتتىڭ رولى اناعۇرلىم ويداعىداي ساۋلەلەنەتىن ەكونوميكالىق ءتۇزىلىس ورناتىپ، ەكونوميكالىق دامۋدىڭ ساپا وزگەرىسىن، ونىمدىلىك وزگەرىسىن، قوزعاۋشى كۇش وزگەرىسىن جۇزەگە اسىرىپ، ەكونوميكانىڭ جاڭالىق اشۋ قۋاتى مەن باسەكەلىك قۋاتىن ۇزدىكسىز كۇشەيتىپ، 1 - كاسىپتىڭ دەڭگەيىن جوعارىلاتۋعا، 2 - كاسىپتە ماڭىزدى ءتۇيىندى يگەرۋگە، 3 - كاسىپتى جاپپاي دامىتۋعا تاباندى بولىپ، ساپالى دامۋدى جۇزەگە اسىرۋعا قۇلشىنۋ كەرەك.

  ءۇشىنشى، «ءبىر بەلدەۋ، ءبىر جول» ورايىنان ۇتىمدى پايدالانىپ، باتىسقا ەسىك اشۋدىڭ جاڭا باسىمدىعىن قالىپتاستىرۋ كەرەك. مەملەكەتتىڭ «ءبىر بەلدەۋ، ءبىر جول» قۇرىلىسىنا بەلسەنە ارالاسىپ، بەيبىتشىلىك جولىن، گۇلدەنۋ جولىن، ەسىك اشۋ جولىن، جاڭالىق اشۋ جولىن، وركەنيەت جولىن تۇلعالاۋ تالابى بويىنشا، «ساياساتتاردى بايلانىستىرۋدى، قۇرىلعىلاردى ۇلاستىرۋدى، ساۋدانى ىركىلىسسىزدەندىرۋدى، قارجىنى اينالىمعا سالۋدى، حالىق تىلەگىن توعىستىرۋدى» تۇتقا ەتىپ، قۇرىلىس جوسپارلارىن ونان ارى كەمەلدەندىرىپ، ءتۇزىلىس - مەحانيزمدە جاڭالىق اشىپ، ەسىك اشۋ دەڭگەيىن جاپپاي جوعارىلاتىپ، جاڭالىق اشۋ، شارۋاشىلىق قۇرۋ ورتاسىن قالىپتاستىرىپ، جىبەك جولى ەكونوميكالىق بەلدەۋىندەگى وزەكتى رايون قۇرىلىسىن جەدەل ىلگەرىلەتۋ كەرەك.

  ءتورتىنشى، ەكولوگيالىق وركەنيەت ءتۇزىلىسى رەفورماسىن تەرەڭدەتىپ، كورىكتى شينجياڭ قۇرۋ كەرەك. ەكولوگيالىق ورتانى قورعاۋ −− وندىرگىش كۇشتى قورعاۋ، جاسىل تاۋ، تۇنىق سۋدىڭ ءوزى قىمباتتى بايلىق دەيتىن ۇستانىمدى بەرىك ورناتىپ، ءتۇزىلىس - مەحانيزم رەفورماسىن تەرەڭدەتىپ، جاسىل دامۋدى جەتەكشى ەتكەن باعالاۋ جۇيەسىن كەمەلدەندىرىپ، «3 جوعارى» نىسانداردىڭ شينجياڭعا كىرۋىن قاتاڭ شەكتەپ، ەنەرگيا، كەن بايلىعىن اشۋدى اۆتونوميالى رايوندىق ۇكىمەت «ءبىر قالاممەن» تەكسەرىپ - بەكىتۋ ءتۇزىمىن جۇرگىزىپ، قورشاعان ورتانى قورعاۋدا «ءبىر داۋىسپەن تەرىستەۋ» ءتۇزىمىن قولدانىپ، تاۋ - سۋى كوركەم بولۋ باسىمدىعىنىڭ ونان ارى كورنەكتىلەنۋىنە، كوركەم شينجياڭ ماركاسىنىڭ اناعۇرلىم تانىمال بولۋىنا مۇمكىندىك جاساۋ كەرەك.

  بەسىنشى، حالىقتى وزەك ەتكەن دامۋ يدەياسىندا تاباندى بولىپ، رەفورما، دامۋ تابىستارىنان اناعۇرلىم كوپ ءار ۇلت حالقىن يگىلىكتەندىرۋ كەرەك. قاشاندا حالىق بۇقاراسىنا كوڭىل تورىنەن ورىن بەرىپ، حالىق تۇرمىسى سالاسىنداعى ءتۇزىلىس - مەحانيزم رەفورماسىن جەدەل ىلگەرىلەتىپ، حالىقتىڭ نەگىزگى تۇلعالىق ورنىنا تاباندى بولىپ، حالىققا ارقا سۇيەي وتىرىپ، رەفورمانى، ەسىك اشۋدى ىلگەرىلەتىپ، حالىق تۇرمىسىن قامتاماسىز ەتۋ جانە جاقسارتۋ دەڭگەيىن ۇزدىكسىز جوعارىلاتىپ، ءار ۇلت بۇقاراسىنىڭ تابىس سەزىمىنىڭ، باقىت سەزىمىنىڭ، حاۋىپسىزدىك سەزىمىنىڭ اناعۇرلىم كۇشتى بولۋىنا، ونان ارى قامتاماسىز ەتىلۋىنە، اناعۇرلىم باياندى بولۋىنا مۇمكىندىك جاساۋ كەرەك.

  التىنشى، پارتيانىڭ جاپپاي باسشىلىعىن كۇشەيتىپ، رەفورما جاساپ، ەسىك اشۋدىڭ دۇرىس بەتالىستا ىلگەرىلەۋىنە كەپىلدىك ەتۋ كەرەك. «4 تانىمدى» كۇشەيتىپ، «4 سەنىمدى» بەكەمدەپ، باس شۋجي شي جينپيڭنىڭ پارتيا ورتالىق كوميتەتىنىڭ ۇيتقىسى، بۇكىل پارتيانىڭ ۇيتقىسى ورنىن باتىل قورعاپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىمەن وي - سانانى قارۋلاندىرىپ، پارتيانىڭ بەتالىستى يگەرۋىنە، جالپى جاعدايدى جوسپارلاۋىنا، ساياسات بەلگىلەۋىنە كەپىلدىك ەتىپ، پارتيانىڭ قاشاندا جالپى جاعدايدى مەڭگەرۋىنە، ءار جاقتى سايكەستىرۋىنە كەپىلدىك ەتىپ، پارتيانىڭ باسشىلىعىندا رەفورما جاساپ، ەسىك اشۋ سىندى دۇرىس جولدا، مەملەكەتتى قۇدىرەتتەندىرۋ جولىندا، حالىقتى بايىتۋ جولىندا مىزعىماستان ءجۇرۋ كەرەك.

    اۆتونوميالى رايوننىڭ باسشىلارىنان شاۋكەت يمىن، نۇرلان ءابىلماجىن ۇلى، سۇن جينلۇڭ، لي پىڭشين، شۇي حايرۇڭ، ەركىن تۇنياز، ما شۋەجۇن، تيان ۋىن، لو دۇڭچۋان، سارقىت اقان ۇلى، جاڭ چۇنلين، پىڭ جيارۇي ماجىلىسكە قاتىناستى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.