شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، ينتەرنەتتە قۇدىرەتتى ەل بولۋ ستراتەگيالىق يدەياسىن دايەكتىلەندىرىپ، بۇكىل رايونىمىزداعى ينتەرنەت حاۋىپسىزدىگى جانە ينفورماتسيالاندىرۋ قىزمەتىنىڭ جاڭا جاعدايىن اشايىق
ءماجىلىستى چىن چۋانگو باسقاردى
ءتىلشىمىز ياۋ تۇڭ 4 - ايدىڭ 24 - كۇنى ۇرىمجىدەن حابارلايدى. اۆتونوميالى رايوندىق پارتكوم 4 - ايدىڭ 24 - كۇنى تۇستەن بۇرىن تۇراقتى كوميتەتتىڭ (كەڭەيتىلگەن) ءماجىلىسىن اشىپ، باس شۋجي شي جينپيڭنىڭ ينتەرنەت حاۋىپسىزدىگى جانە ينفورماتسيالاندىرۋ قىزمەتى جونىندەگى مەملەكەتتىك ماجىلىستە سويلەگەن ماڭىزدى ءسوزىنىڭ رۋحىن جەتكىزدى، ۇيرەندى، رايونىمىزدىڭ دايەكتىلەندىرۋ، تياناقتاندىرۋ پىكىرىن اقىلداستى. ءماجىلىستى اۆتونوميالى رايوندىق پارتكومنىڭ شۋجيى چىن چۋانگو باسقاردى.
ءماجىلىس مىنانى اتاپ كورسەتتى: باس شۋجي شي جينپيڭنىڭ ينتەرنەت حاۋىپسىزدىگى جانە ينفورماتسيالاندىرۋ قىزمەتى جونىندەگى مەملەكەتتىك ماجىلىستە سويلەگەن ماڭىزدى ءسوزى پارتيا مەن مەملەكەت ىستەرىنىڭ جالپى جاعدايى تۇرعىسىنان، پارتيا 18 - قۇرىلتايىنان بەرى ەلىمىزدىڭ ينتەرنەت حاۋىپسىزدىگى جانە ينفورماتسيالاندىرۋ قىزمەتى قول جەتكىزگەن تاريحي جەتىستىكتەردى جان - جاقتى قورىتىندىلادى، ينتەرنەت حاۋىپسىزدىگى جانە ينفورماتسيالاندىرۋ ءىسى ءدوپ كەلگەن جاعدايعا جانە ءبىز ارقالاپ وتىرعان تاريحي بورىشقا عىلمي تالداۋ جاسادى، ينتەرنەتتە قۇدىرەتتى ەل بولۋ ستراتەگيالىق يدەياسىنىڭ باي مازمۇنىن جۇيەلى بايىمدادى، ينتەرنەت حاۋىپسىزدىگى جانە ينفورماتسيالاندىرۋ ءىسىنىڭ ۇزاق بولاشاقتىق دامۋىنا قاتىستى ءبىر قىدىرۋ كەلەلى نازاريالىق جانە امالياتتىق ماسەلەلەرگە ىشكەرىلەي جاۋاپ بەردى، ينتەرنەتتە قۇدىرەتتى ەل بولۋ قۇرىلىسىن جەدەل ىلگەرىلەتۋ ءۇشىن العا ىلگەرىلەۋ بەتالىسىن كورسەتتى، ءتۇبىرلى ولشەم ازىرلەدى، بۇل جاڭا داۋىردەگى ينتەرنەت حاۋىپسىزدىگى مەن ينفورماتسيالاندىرۋدى دامىتۋعا جەتەكشىلىك ەتەتىن باعدارنامالىق حۇجات. بۇكىل رايونىمىزداعى ءار دارەجەلى تاراۋلار باس شۋجي شي جينپيڭنىڭ ماڭىزدى ءسوزىنىڭ رۋحىن مۇقيات ۇيرەنىپ، دايەكتىلەندىرىپ، لي كىچياڭ زۇڭليدىڭ، تۇراقتى مۇشە ۋاڭ حۋنيڭنىڭ تالابى بويىنشا، يدەيا مەن ارەكەتتى باس شۋجي شي جينپيڭنىڭ ماڭىزدى ءسوزىنىڭ رۋحىمەن شىنايى بىرلىككە كەلتىرىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ينتەرنەت حاۋىپسىزدىگى جانە ينفورماتسيالاندىرۋ قىزمەتى جونىندەگى ستراتەگيالىق ورنالاستىرۋىمەن بىرلىككە كەلتىرىپ، قاز - قالپىندا ويداعىداي تياناقتاندىرۋ كەرەك.
ءبىرىنشى، مۇقيات ۇيرەنۋ، ءتۇسىنۋ كەرەك. ينتەرنەتتە قۇدىرەتتى ەل بولۋ ستراتەگيالىق يدەياسى شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ ماڭىزدى قۇرامداس ءبولىمى، پارتيامىزدىڭ نازاريادا جاڭالىق اشۋدى جانە امالياتتا جاڭالىق اشۋدى ۇزدىكسىز ىلگەرىلەتۋىنىڭ عىلمي جەتىستىگى، ينتەرنەت حاۋىپسىزدىگى جانە ينفورماتسيالاندىرۋ قىزمەتىن ويداعىداي ىستەۋدىڭ ءتۇبىرلى ولشەمى، سوندىقتان، ءسوزسىز، ۇزاق ۋاقىت تاباندىلىقپەن دايەكتىلەندىرۋ، ۇزدىكسىز بايىتىپ، دامىتۋ كەرەك. ينتەرنەتتە قۇدىرەتتى ەل بولۋ ستراتەگيالىق يدەياسىن ۇيرەنۋدى، دايەكتىلەندىرۋدى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جانە پارتيا 19 - قۇرىلتايىنىڭ رۋحىن ۇيرەنۋمەن، دايەكتىلەندىرۋمەن ۇشتاستىرىپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن جاپپاي دايەكتىلەندىرۋمەن ۇشتاستىرىپ، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى ءسوزىنىڭ جانە ماڭىزدى نۇسقاۋىنىڭ رۋحىن دايەكتىلەندىرۋمەن، تياناقتاندىرۋمەن ۇشتاستىرىپ، مۇقيات ۇيرەنۋ، قايتا - قايتا ۇيرەنۋ، ىشكەرىلەي ۇيرەنۋ، وي - سانانى قارۋلاندىرىپ، امالياتقا جەتەكشىلىك ەتىپ، قىزمەتتى ىلگەرىلەتۋ كەرەك.
ەكىنشى، دۇرىس بەتالىستان جازباۋ كەرەك. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ينتەرنەت حاۋىپسىزدىگى جانە ينفورماتسيالاندىرۋ قىزمەتىنە ورتالىقتانعان ءبىر تۇتاس باسشىلىعىن تاباندىلىقپەن قورعاپ، ينتەرنەتتە قۇدىرەتتى ەل بولۋ ستراتەگيالىق يدەياسىنان جازباي، ينتەرنەت حاۋىپسىزدىگى جانە ينفورماتسيالاندىرۋ قىزمەتىنىڭ پارتيا مەن مەملەكەت ىستەرىنىڭ جالپى جاعدايىنداعى ماڭىزدى ورنىن، ينتەرنەتتە قۇدىرەتتى ەل بولۋ قۇرىلىسىنىڭ ستراتەگيالىق نىساناسىن جانە پرينسيپتىك تالاپتارىن، ينتەرنەتتىڭ دامۋىن جونگە سالۋداعى حالىقارالىق دارىپتەمەنى، ينتەرنەت حاۋىپسىزدىگى جانە ينفورماتسيالاندىرۋ قىزمەتىن ويداعىداي ىستەۋدىڭ نەگىزگى ءادىسىن دۇرىس يگەرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ ارقاۋ ەتىپ، ينتەرنەت حاۋىپسىزدىگى جانە ينفورماتسيالاندىرۋ ءىسىنىڭ قاشاندا دۇرىس بەتالىسقا قاراي ىلگەرىلەۋىنە كەپىلدىك ەتىپ، شينجياڭنىڭ ينتەرنەت حاۋىپسىزدىگى جانە ينفورماتسيالاندىرۋ قىزمەتىنىڭ تىڭ ساتىعا كوتەرىلۋىن ىلگەرىلەتۋ كەرەك.
ءۇشىنشى، سەنترلەس شەڭبەردى ويداعىداي قۇرۋ كەرەك. دۇرىس ساياسي بەتالىسقا، قوعامدىق پىكىر بەتالىسىنا، قۇن بەتالىسىنا تۋ ايقىن تۇردە تاباندى بولىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسى مەن پارتيا 19 - قۇرىلتايىنىڭ رۋحىن زور كۇشپەن ۇگىتتەپ، جاڭا داۋىردەگى جۇڭگوشا سوتسياليزم جانە جۇڭگو ارمانى جونىندەگى ۇگىت - تاربيەنى ىشكەرىلەي ورىستەتىپ، سوتسياليستىك وزەكتى قۇن كوزقاراسىن بەلسەنە جەتىلدىرىپ جانە امالياتتا ايگىلەپ، ينتەرنەتتەگى ۇگىتتىڭ ۇستانىمىنا، مازمۇنىنا، فورماسىنا، ادىسىنە، تاسىلىنە جاڭالىق ەنگىزىپ، مىعىم وڭ ەنەرگيا ارقىلى ينتەرنەت قولدانۋشىلاردى پارتيانىڭ توڭىرەگىنە ۇيىستىرىپ، ءار ۇلت حالقىنىڭ ىنتىماقتاسا كۇرەس جۇرگىزۋىنىڭ ورتاق يدەيالىق نەگىزىن بەكەمدەۋ كەرەك.
ءتورتىنشى، ينتەرنەت حاۋىپسىزدىگىنە كەپىلدىك ەتۋ كەرەك. جالپىلىق مەملەكەت حاۋىپسىزدىگى كوزقاراسىن جاپپاي دايەكتىلەندىرىپ، تياناقتاندىرىپ، ينتەرنەت حاۋىپسىزدىگى جونىندە دۇرىس كوزقاراس ورناتىپ، ينتەرنەت حاۋىپسىزدىگى تانىمىن نىعايتىپ، ينتەرنەت حاۋىپسىزدىگىن قورعاۋدى كۇشەيتىپ، مەحانيزم، ءادىس - امال تۇعىرى قۇرىلىسىن جەدەلدەتىپ، شۇعىل جاعدايعا توتەپ بەرۋگە قولباسشىلىق ەتۋ قابىلەتىن جوعارىلاتىپ، ينتەرنەت حاۋىپسىزدىگى كاسىبىن بەلسەندى دامىتىپ، شەشۋشى ينفورماتسيا نەگىزدىك قۇرىلعىلارىن جۇرگىزۋشىلەردىڭ سۋبيەكتتىك قورعاۋ جاۋاپكەرلىك ءتۇزىمىن جانە باسقارۋ تاراۋلارىنىڭ باقىلاۋ - باسقارۋ جاۋاپكەرلىك ءتۇزىمىن تياناقتاندىرىپ، ينتەرنەت قىلمىسىنا زاڭ بويىنشا قاتاڭ سوققى بەرىپ، حالىق بۇقاراسىنىڭ زاڭدى ۇقىق - مۇددەسىن قورعاپ، مەملەكەتتىڭ ينتەرنەت حاۋىپسىزدىگى قالتقىسىن بەرىك سوعۋ كەرەك.
بەسىنشى، جاڭا دامۋ ۇستانىمىن امالياتتا ايگىلەۋ كەرەك. ينفورماتسيالاندىرىپ دامىتۋ ورايىن مىقتى يگەرىپ، جاڭا دامۋ ۇستانىمىن ىشكەرىلەي دايەكتىلەندىرىپ، ينفورماتسيالاندىرۋ مەن تۇلعالىق ەكونوميكانىڭ تەزىرەك توعىسۋىن ىلگەرىلەتىپ، ينتەرنەت حاۋىپسىزدىگى جانە ينفورماتسيالاندىرۋ كاسىپورىندارىنىڭ زورايۋىن، كۇشەيۋىن قولداپ، وزەكتى، شەشۋشى سيپات الاتىن تەحنيكالاردا جاڭالىق اشۋعا قولداۋ كورسەتىپ، ينفورماتسيالاندىرۋ ارقىلى جاڭاشا ونەركاسىپتەندىرۋدىڭ، قالا - قالاشىقتاندىرۋدىڭ، اۋىل شارۋاشىلىعىن وسىزامانداندىرۋدىڭ دەڭگەيىن جوعارىلاتىپ، وسىزاماندانعان ەكونوميكالىق جۇيە ورناتۋعا، جوعارى ساپالى دامۋدى ىسكە اسىرۋعا پارمەندى تىرەك ازىرلەۋ كەرەك. ينتەرنەت حاۋىپسىزدىگى جانە ينفورماتسيالاندىرۋداعى ارميا مەن حالىقتىڭ توعىسا دامۋىن بەلسەنە ىلگەرىلەتىپ، جالپى فاكتورلى، كوپ سالالى، جوعارى ءونىمدى، ارميا مەن حالىق توعىسا داميتىن جاعدايدىڭ قالىپتاسۋىن جەدەلدەتۋ كەرەك.
التىنشى، قۇدىرەتتى بىرىككەن كۇش ۇيىستىرۋ كەرەك. ءار دارەجەلى پارتكومدار ينتەرنەت حاۋىپسىزدىگى جانە ينفورماتسيالاندىرۋ قىزمەتىنە ايرىقشا ءمان بەرىپ، ينتەرنەت حاۋىپسىزدىگى جانە ينفورماتسيالاندىرۋ قىزمەتىن ماڭىزدى كەڭەستىك كۇن تارتىپكە شىنايى ەنگىزىپ، ينتەرنەتتى جان - جاقتىلى جونگە سالۋ قابىلەتىن جوعارىلاتۋى، ءار دارەجەلى ءارقايسى تاراۋلار باسىمدىقتارىن ساۋلەلەندىرىپ، ينتەرنەت حاۋىپسىزدىگى جانە ينفورماتسيالاندىرۋ قىزمەتىن جۇمىلا ويداعىداي ىستەپ، پارتكوم باسشىلىق ەتۋ، ۇكىمەت باسقارۋ، كاسىپورىن جاۋاپكەرلىگىن وتەۋ، قوعام باقىلاۋ، ينتەرنەت قولدانۋشىلار تەجەمدى بولۋ سياقتى كوپ سۋبيەكت ات سالىساتىن، ەكونوميكا، زاڭ، تەحنيكا سياقتى كوپ ءتۇرلى ءتاسىل ءوزارا ۇشتاسقان ينتەرنەتتى جان - جاقتى جونگە سالۋ جاعدايىن قالىپتاستىرۋ كەرەك.
جەتىنشى، قىزمەت قابىلەتىن جوعارىلاتۋ كەرەك. ءار دارەجەلى باسشى كادرلار جاڭا جاعدايداعى جاڭا تالاپقا ۇيلەسىپ، ۇيرەنۋدى كۇشەيتىپ، ۇزدىكسىز ءبىلىم تولىقتاۋى، ينتەرنەت زاڭدىلىعىن يگەرۋ قابىلەتىن، ينتەرنەت قوعامدىق پىكىرىنە جەتەكشىلىك ەتۋ قابىلەتىن، ينفورماتسيالاندىرىپ دامىتۋدى مەڭگەرۋ قابىلەتىن، ينتەرنەت حاۋىپسىزدىگىن قامتاماسىز ەتۋ قابىلەتىن جوعارىلاتىپ، ينتەرنەت ارقىلى بۇقارانى ۇيىمداستىرۋ، بۇقاراعا ۇگىتتەۋ، بۇقاراعا جەتەكشىلىك ەتۋ، بۇقاراعا قىزمەت كورسەتۋ ونەرىن جوعارىلاتىپ، ينتەرنەتتى ۇيرەنۋدەگى، ينتەرنەتتى تۇسىنۋدەگى، ينتەرنەتتى قولدانۋداعى، ينتەرنەتتى باسقارۋداعى، ينتەرنەتتى كۇشەيتۋدەگى شەبەرلەردەن بولۋعا قۇلشىنۋ كەرەك.
سەگىزىنشى، قوسىن قۇرىلىسىن كۇشەيتۋ كەرەك. «4 تانىمدى» كۇشەيتىپ، پارتيانىڭ قۇرىلىسىن ماڭداي الدى ورىنعا قويىپ، پارتيانىڭ ساياسي ءتارتىبى مەن ساياسي قاعيداسىنا قاتاڭ بويسۇنىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىمەن وي - سانانى قارۋلاندىرۋعا تاباندى بولىپ، مۇرات - سەنىمدى بەكەمدەپ، ساياسي مايداننان اۋىتقىماي، باس شۋجي شي جينپيڭنىڭ پارتيا ورتالىق كوميتەتىنىڭ ۇيتقىسى، بۇكىل پارتيانىڭ ۇيتقىسى ورنىن باتىل قورعاۋ؛ ينتەرنەت حاۋىپسىزدىگى جانە ينفورماتسيالاندىرۋ سالاسىنداعى دارىندىلاردى جەتىلدىرۋ قىزمەتىن كۇشەيتىپ، دارىندىلاردى جەتىلدىرۋ ءتۇزىلىس - مەحانيزم رەفورماسىن ىلگەرىلەتىپ، ينتەرنەت حاۋىپسىزدىگى جانە ينفورماتسيالاندىرۋعا جاۋاپتى ءار دارەجەلى باسشى كادرلاردى ويداعىداي سارالاپ، ويداعىداي سەپتەپ، ينتەرنەت حاۋىپسىزدىگى جانە ينفورماتسيالاندىرۋ ىستەرىنىڭ اقاۋسىز دامۋىنا پارمەندى كەپىل ازىرلەۋ كەرەك.
اۆتونوميالى رايون باسشىلارىنان شوكىرات زاكىر، شاۋكەت يمىن، نۇرلان ءابىلماجىن ۇلى، سۇن جينلۇڭ، لي پىڭشين، ەركىن تۇنياز، ما شۋەجۇن، تيان ۋىن، لو دۇڭچۋان، سارقىت اقان ۇلى ماجىلىسكە قاتىناستى.
