ءتاڭىرتاۋ تورابى   ›   جاڭالىقتار   ›   شۋجي ەستەلىگى

بەيجيڭ قالالىق پارتيا، ۇكىمەت ۋاكىلدەر ۇيىرمەسى شينجياڭعا كەلىپ، باعىتتامالى كومەكتەسۋ، كەدەيلەردى سۇيەمەلدەۋ قىزمەتىن تەكسەردى، ءتۇيىستىردى

  چىن چۋانگو، ساي چي، سۇن جينلۇڭ، لي پىڭشين قيمىلعا قاتىناستى

  4 - ايدىڭ 26 - كۇنى اۆتونوميالى رايوندىق پارتكومنىڭ شۋجيى، شينجياڭ ءوندىرىس - قۇرىلىس بيڭتۋانى پارتكومىنىڭ ءبىرىنشى شۋجيى، بيڭتۋاننىڭ ءبىرىنشى ساياسي كوميسسارى چىن چۋانگو بەيجيڭ قالالىق پارتكومنىڭ شۋجيى ساي چيگە سەرىك بولىپ، قاراقاش اۋدانى جاڭاجەر اۋىلى قۇمجايلاۋ قىستاعىنداعى كەدەي وتباسى مامەت ابدوللا قۇرباننىڭ ۇيىنە امانداسا بارىپ، حال سۇرادى. سۋرەتتى ءتىلشىمىز سۇي جىجيان تۇسىرگەن  

  ءتىلشىمىز ياۋ تۇڭ 4 - ايدىڭ 27 - كۇنى حوتاننان حابارلايدى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭعا باعىتتامالى كومەكتەسۋ جانە كەدەيلىكتەن قۇتىلدىرۋدان قامال الۋ شايقاسىن ويداعىداي جۇرگىزۋ سىندى كەلەلى شەشىم - ورنالاستىرۋلارىن ىشكەرىلەي دايەكتىلەندىرۋ ءۇشىن، 4 - ايدىڭ 25 -، 26 - كۇندەرى بەيجيڭ قالالىق پارتكومنىڭ شۋجيى ساي چي بەيجيڭ قالالىق پارتيا، ۇكىمەت ۋاكىلدەر ۇيىرمەسىن باستاپ شينجياڭعا كەلىپ، شينجياڭعا باعىتتامالى كومەكتەسۋ جانە كەدەيلەردى سۇيەمەلدەۋ قىزمەتىن تەكسەردى جانە ءتۇيىستىردى. اۆتونوميالى رايوندىق پارتكومنىڭ شۋجيى، شينجياڭ ءوندىرىس - قۇرىلىس بيڭتۋانى پارتكومىنىڭ ءبىرىنشى شۋجيى، بيڭتۋاننىڭ ءبىرىنشى ساياسي كوميسسارى چىن چۋانگو، اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ ساياسي كوميسسارى سۇن جينلۇڭ، اۆتونوميالى رايوندىق پارتكومنىڭ ورىنباسار شۋجيى لي پىڭشين قيمىلعا قاتىناستى.

  شينجياڭداعى كەزىندە، بەيجيڭ قالالىق پارتكوم، ۇكىمەت ۋاكىلدەر ۇيىرمەسى حوتان ايماعى لوپ اۋدانى قىرقاش قىستاعىنداعى جوعارى ونىمدىلىكپەن سيىر، قوي ءوسىرۋ تەحنيكالىق كۋرسى بازاسى، باۋيۋان ەلەكترون كەدەيلەردى سۇيەمەلدەۋ سەرىك زاۆودى، حوتان قالاسى جيڭحى توقىما عىلىم - تەحنيكالىق شەكتى سەرىكتەستىگى، بەيجيڭ ونەركاسىپ باقشا رايونى، قاراقاش اۋدانى جاڭاجەر اۋىلى قۇمجايلاۋ قىستاعى، بەيجيڭ ورتا مەكتەبى، حوتان اۋدانى جاراسىمدىلىق جاڭا قىستاعى، بيڭتۋان 14 - شىسى 47 - تۋانى سياقتى جەرلەرگە بارىپ، شينجياڭعا كومەكتەسۋ جانە كەدەيلەردى سۇيەمەلدەۋ قىزمەتىنىڭ جۇرگىزىلۋ جاعدايىمەن تانىسىپ، كەدەي وتباسىلارىن ارالاپ حال سۇرادى، سونداي - اق بەيجيڭنەن شينجياڭعا كومەككە كەلگەن كادرلارعا امانداستى.

  4 - ايدىڭ 26 - كۇنى تۇستەن كەيىن بەيجيڭ قالاسىنىڭ شينجياڭ ۇيعۇر اۆتونوميالى رايونىنداعى جانە شينجياڭ ءوندىرىس - قۇرىلىس بيڭتۋانىنداعى باعىتتامالى كومەكتەسۋ، كەدەيلەردى سۇيەمەلدەۋ قىزمەتى جونىندەگى اڭگىمە ءماجىلىسى حوتان قالاسىندا وتكىزىلدى. چىن چۋانگو اۆتونوميالى رايوندىق پارتكوم، ۇكىمەت جانە بۇكىل شينجياڭداعى ءار ۇلت حالقى اتىنان بەيجيڭ قالالىق پارتكوم، ۇكىمەت ۋاكىلدەر ۇيىرمەسىنىڭ شينجياڭعا قىزمەت تەكسەرە كەلگەنىن قىزۋ قارسى الاتىنىن ءبىلدىرىپ، ۇزاقتان بەرى شينجياڭعا زور قولداۋ جانە قالتقىسىز كومەك كورسەتىپ كەلە جاتقانى ءۇشىن بەيجيڭ قالاسىنا شىن جۇرەكتەن العىس ايتتى. چىن چۋانگو بىلاي دەدى: جۋىق جىلداردان بەرى بەيجيڭ قالاسى باس شۋجي شي جينپيڭنىڭ بەيجيڭ جونىندەگى ماڭىزدى سوزدەرىنىڭ رۋحىنا تاباندى بولۋدى ءتۇبىرلى نەگىز ەتە وتىرىپ استانانىڭ دامۋىن ىلگەرىلەتىپ، ءتۇرلى ىستەردە جۇرت نازارىن اۋدارعان جاڭا جەتىستىكتەرگە قول جەتكىزدى. ءبىز بەيجيڭ قالاسى ۋاكىلدەر ۇيىرمەسىنىڭ وسى رەت شينجياڭعا كەلىپ قىزمەت تەكسەرۋىن وراي ەتىپ، بەيجيڭ قالاسىنىڭ جاقسى تاجىريبەلەرىنەن، جاقسى ادىستەرىنەن مۇقيات ۇيرەنىپ، ۇلگى الىپ، جۇڭگوشا سوتسياليستىك شينجياڭ قۇرىلىسىن جەدەل ىلگەرىلەتۋىمىز كەرەك.

  چىن چۋانگو بىلاي دەدى: بەيجيڭ قالالىق پارتكوم، قالالىق ۇكىمەت شينجياڭعا باعىتتامالى كومەكتەسۋ قىزمەتىنە ايرىقشا ءمان بەرىپ، «شينجياڭعا عىلمي كومەكتەسۋ، شينجياڭعا جاپپاي كومەكتەسۋ، شينجياڭعا شىنايى سۇيىسپەنشىلىكپەن كومەكتەسۋ» ۇستانىمىنا تاباندى بولىپ، جوعارى ولشەممەن، جوعارى ساپامەن، جوعارى ونىمدىلىكپەن شينجياڭعا كومەكتەسۋ قىزمەتىن ىلگەرىلەتىپ، حوتان ايماعى مەن بيڭتۋان 14 - شىسىنىڭ ورنىقتىلىعىنا، دامۋىنا قاتىستى ءتۇرلى قىزمەتتەرگە قۋاتتى قوزعاۋشى كۇش ۇستەپ، شينجياڭنىڭ قوعام ورنىقتىلىعى مەن باياندى تىنىشتىعىن ىلگەرىلەتۋ ءۇشىن ماڭىزدى ۇلەس قوستى، ءبىز مۇنى ماڭگى جادىمىزدا ساقتايمىز. بۇكىل رايونداعىلار شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ جانە پارتيا 19 - كەزەكتى ورتالىق كوميتەتىنىڭ ەكىنشى، ءۇشىنشى جالپى ماجىلىستەرىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى سوزدەرىنىڭ جانە ماڭىزدى نۇسقاۋلارىنىڭ رۋحىن جاپپاي دايەكتىلەندىرىپ، تياناقتاندىرىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن باتىل دايەكتىلەندىرىپ، تياناقتاندىرىپ، نازاردى باس نىساناعا شوعىرلاندىرىپ، كەشەندى شارالاردى ويداعىداي اتقارىپ، قوعام ورنىقتىلىعىن بار كۇشپەن قورعاپ، جاڭا دامۋ ۇستانىمىن بۇلجىتپاي دايەكتىلەندىرىپ، 3 ۇلكەن قامال الۋ شايقاسىن باتىل، ويداعىداي جۇرگىزىپ، حالىق تۇرمىسىن كۇش سالا قامتاماسىز ەتىپ جانە جاقسارتىپ، ۇلتتار ىنتىماعىن بەكەمدەپ، ءدىننىڭ تاتۋلىعى مەن جاراسىمدىلىعىن جەبەپ، يدەولوگيا سالانىڭ حاۋىپسىزدىگىن قورعاپ، بيڭتۋاننىڭ رەفورما، دامۋ، ورنىقتىلىق ىستەرىنە قولداۋ كورسەتىپ، پارتيانى جاپپاي قاتاڭ جونگە سالىپ، كەدەيلىكتەن قۇتىلدىرۋدان قامال الۋ نىساناسىنىڭ ۋاعىندا ورىندالۋعا كەپىلدىك ەتىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ تاراۋىن جاقسى جازۋعا قۇلشىنىپ، ناقتى ارەكەتىمەن شي جينپيڭ جولداستى ۇيتقى ەتكەن پارتيا ورتالىق كوميتەتىن الاڭسىز ەتىپ، بۇكىل رايونداعى ءار ۇلت حالقىن باقىتقا كەنەلتىپ، بەيجيڭ حالقىنىڭ قالتقىسىز كومەگىنىڭ جاقسىلىعىن وتەيدى.

  ساي چي شينجياڭ ۇيعۇر اۆتونوميالى رايونىنىڭ، شينجياڭ ءوندىرىس - قۇرىلىس بيڭتۋانىنىڭ ۇزاق ۋاقىتتان بەرى ەنەرگيا جانە بايلىق، اۋىل شارۋاشىلىق قوسىمشا ونىمدەرى، حاۋىپسىزدىكتى قامتاماسىز ەتۋ سياقتى جاقتاردان بەيجيڭ قالاسىنا زور قولداۋ جانە قالتقىسىز كومەك كورسەتكەنىنە العىس ايتتى. ساي چي مىنالاردى اتاپ كورسەتتى: شينجياڭ ەلىمىزدىڭ باتىس سولتۇستىگىندەگى ماڭىزدى حاۋىپسىزدىك قورعانى، شينجياڭ قىزمەتى پارتيا مەن مەملەكەت قىزمەتىنىڭ جالپى جاعدايىندا ايرىقشا ماڭىزدى ستراتەگيالىق ورىنعا يە. ءبىز شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، باس شۋجي شي جينپيڭنىڭ شينجياڭ قىزمەتى جانە كەدەيلىكتەن قۇتىلدىرۋدان قامال الۋ جونىندەگى جەلىلەس ماڭىزدى نۇسقاۋلارىنىڭ رۋحىن ىشكەرىلەي دايەكتىلەندىرىپ، 3 ۇلكەن قامال الۋ شايقاسىن ويداعىداي جۇرگىزۋ، جاپپاي دوڭگەلەك داۋلەتتى قوعام ورناتۋ بيىگىندە، شەكارا ءوڭىردى جاقسى كوركەيتۋ، مەملەكەتتىڭ باياندى تىنىشتىعىن جۇزەگە اسىرۋ بيىگىندە، «قوس 100 جىلدىق» كۇرەس نىساناسى مەن جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ بيىگىندە تۇرىپ، يدەيا جانە ارەكەت سانالىلىعىن كۇشەيتىپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن باتىل دايەكتىلەندىرىپ، شينجياڭعا كومەكتەسۋ، كەدەيلەردى سۇيەمەلدەۋ قىزمەتىن ەڭ جاقسى ولشەممەن ويداعىداي ىستەۋىمىز كەرەك.

  ساي چي مىنالاردى باسا دارىپتەدى: شينجياڭعا باعىتتامالى كومەكتەسۋدىڭ ءتۇرلى شارالارىن جاپپاي كۇشەيتىپ، كەدەيلەردى دالمە - ءدال سۇيەمەلدەۋدىڭ ءتۇرلى مىندەتتەرىن باستاماشىلىقپەن تياناقتاندىرىپ، كومەك قابىلداۋشى جەردەگى بۇقارانىڭ كەدەيلىكتەن ۋاعىندا قۇتىلۋىنا دەم بەرۋ كەرەك. ءبىرىنشى، كۇشتەردى ءبىر تۇتاس ورنالاستىرۋدى كۇشەيتىپ، «ەكىدەن تارىقپاۋ، ۇشتە قامتاماسىز ەتىلۋ، بىرگە جاقىنداۋ» كەدەيلەردى سۇيەمەلدەۋ نىساناسىن تىعىز ارقاۋ ەتىپ، قارجى - نىسان، كادر - دارىندى، ساياسات - شارا سياقتىلاردىڭ كەدەي قىستاقتارعا، كەدەي حالىققا قاراي بەيىمدەلۋىن ىلگەرىلەتۋ كەرەك. ەكىنشى، كاسىپ سالالارىندا جۇمىسقا ورنالاستىرۋدى جەبەۋ سەرپىنىن كۇشەيتىپ، جەرگىلىكتى بۇقارانىڭ كوپ ارنامەن، كوپ فورمامەن تۇراقتى جۇمىسقا ورنالاسۋىن جەبەپ، كومەك قابىلداۋشى جەرلەردىڭ قان جاساۋ فۋنكتسياسىن كۇشەيتۋ كەرەك. ءۇشىنشى، اقىل - پاراسات ارقىلى شينجياڭعا كومەكتەسۋدى تەرەڭدەتىپ، تۇراقتاپ تۇرا الاتىن، كەتپەيتىن دارىندىلار قوسىنىن قالىپتاستىرۋعا قۇلشىنۋ كەرەك. ءتورتىنشى، سالاماتتىلىقتى قامتاماسىز ەتۋ تورىن ءجيى توقىپ، «اۋرۋ تامىردىڭ» «كەدەيلىك تامىرىنا» اينالۋىنان باتىل ساقتانۋ كەرەك. بەسىنشى، بۇقارانىڭ ءوندىرىس، تۇرمىس شارت - جاعدايىن شىنايى جاقسارتۋ كەرەك. التىنشى، قوعامدىق كۇشتەردى ات سالىسۋعا جان - جاقتى جۇمىلدىرىپ، كاسىپورىنداردىڭ قارجى سالىپ، كاسىپ وركەندەتۋىنە قولداۋ كورسەتىپ، جەرگىلىكتى ەرەكشە اۋىل شارۋاشىلىعى قوسىمشا ونىمدەرىنىڭ ساۋدا جولىن اشۋعا كومەكتەسۋ كەرەك. جەتىنشى، ۇلتتاردىڭ ارالاسۋىن، توعىسۋىن، ىشتەسۋىن جەبەپ، ءار ۇلتتىڭ اناردىڭ دانىندەي تىعىز ۇيىسۋىن جەبەپ، ەكى جەردىڭ مادەنيەت اۋىس - كۇيىسىن ىشكەرىلەي ىلگەرىلەتۋ كەرەك. سەگىزىنشى، كومەك قابىلداۋشى جەردەگى نەگىزگى ساتى ۇيىمدارى جانە ورنىقتىلىقتى قورعاۋ قابىلەتى قۇرىلىسىنا بەلسەنە قولداۋ كورسەتۋ كەرەك. ساي چي مىنالاردى تالاپ ەتتى: ۇيىمدىق باسشىلىقتى شىنايى كۇشەيتىپ، ستيل قۇرىلىسىن نىعايتىپ، شينجياڭعا باعىتتامالى كومەكتەسۋ قىزمەتىن ەڭ جاقسى ولشەممەن ويداعىداي ىستەپ، كومەك قابىلداۋشى جەردىڭ كەدەيلىكتەن قۇتىلدىرۋدان قامال الۋىنا سەرپىن بەرۋ كەرەك.

  سۇن جينلۇڭ بەيجيڭ قالاسىنىڭ بيڭتۋاننىڭ دامۋىنا زور قولداۋ، قالتقىسىز كومەك كورسەتكەنىنە شىن جۇرەكتەن العىس ايتتى. سۇن جينلۇڭ بىلاي دەدى: ءبىز شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 19 - قۇرىلتايىنىڭ جانە پارتيا 19 - كەزەكتى ورتالىق كوميتەتى ەكىنشى، ءۇشىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، تياناقتاندىرىپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسى مەن بيڭتۋاننىڭ ورنى تۋرالى تالابىن دايەكتىلەندىرىپ، تياناقتاندىرىپ، قوعام ورنىقتىلىعى مەن باياندى تىنىشتىق باس نىساناسىن ارقاۋ ەتىپ، شينجياڭعا باعىتتامالى كومەكتەسۋ باسىمدىعىنان ونان ارى ۇتىمدى پايدالانىپ، بيڭتۋاننىڭ رەفورما، دامۋ، ورنىقتىلىق قىزمەتتەرىن ءبىر تۇتاس جوسپارلاپ، «3 ۇلكەن فۋنكتسيانى» ويداعىداي اتقارىپ، «4 ۇلكەن رولدى» ويداعىداي ىسكە قوسىپ، شينجياڭنىڭ قوعام ورنىقتىلىعى مەن باياندى تىنىشتىعىن جۇزەگە اسىرۋ ءۇشىن جاڭا، اناعۇرلىم كەسەك ۇلەس قوسۋىمىز كەرەك.

  بەيجيڭ قالاسىنىڭ، اۆتونوميالى رايوننىڭ جانە بيڭتۋاننىڭ باسشىلارىنان جاڭ گۇڭ، جاڭ يانكۇن، ۋي شياۋدۇڭ، ەركىن تۇنياز، ليۋ جيانشين، لي شينميڭ اتالعان قيمىلعا قاتىناستى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى