4-ايدىڭ 30-كۇنى، قارامايلى باتىس جولى الەۋمەتتىك اۋماعىنىڭ قاقتاعان ەت دۇكەن قوجايىنى (سولدان ءبىرىنشى) ابدىرەيىم يمىن 300 پار اياق كيىم ساتىپ الىپ، قاراستى ورتا تازالىعى جۇمىسكەرلەرىنە تاراتۋ ەتتى
«حالىقارالىق ەڭبەكشىلەر مەرەكەسى» كەلۋ بايلانىسىمەن، ءۇرىمجى قالاسى قارامايلى باتىس جولى الەۋمەتتىك اۋماعىنىڭ قاقتاعان ەت دۇكەنىنىڭ قوجايىنى ابدىرەيىم يمىن 300 پار اياق كيىم ساتىپ الىپ، قاراستى رايونداعى ورتا تازالىعى جۇمىسكەرلەرىنە تاراتىپ، ولاردىڭ قالا كوركى ءۇشىن قوسقان ۇلەستەرىنە العىس ايتتى.
4-ايدىڭ 30-كۇنى تاڭەرتەڭ، پيڭديڭشان اۋماعى باسقارۋ كوميتەتى قارامايلى باتىس جولى الەۋمەتتىك اۋماعى جانە باسقا الەۋمەتتىك اۋماقتارداعى 150 ورتانى قورعاۋ جۇمىسكەرى ابدىرەيىم يمىننىڭ ساۋعاسىن تاپسىرىپ الدى.
300 پار اياق كيىم ساتىپ الۋعا ابدىرەيىم 3 مىڭ يۋانعا جۋىق قارجى جۇمساعان، بۇل ونىڭ ءبىر ايلىق كىرىسى ەدى، ءبىراق ول وتە قۋانىشتى.
ابدىرەيىم يمىن قاقتاعان ەت دۇكەنىن اشقانىنا جەتى جىل بولعان، ۇنەمى «ۇعىسۋ، تيىمدىلىك جاساۋ، توعىستىرۋ» قىزمەت وتەۋ اترەتى مەن الەۋمەتتىك اۋماق كادرلارىنىڭ، ماڭايىنداعى كورشىلەردىڭ، كونە قاريدارلاردىڭ كومەگىنە يە بولاتىن ول كوپشىلىككە بىرەر ءىس ىستەپ بەرۋدى ويلاپ جۇرگەن ەدى. قازىر تۇرمىسى بارعان سايىن جاقساردى، ول وسى كۇندى ادەيى تاڭداپ، ەڭبەكشىلەر مەرەكەسى قارساڭىندا ورتانى قورعاۋ قىزمەتكەرلەرىنە العىسىن ءبىلدىردى.